اسمه شوز 😂😂😂😂😂😂😂😂😂😂😂😂😂😂😂😂💛💛💛💛💛💛💛💛💛💛

cute idea and lovely words حاسه انه شخص بيكلم ضميره

لسه شايفاها نايس كفكره و روعه كألقاء

اكيد ...... لابد لجذوة الابداع هذه ان تستمر ..... وسنظل في انتظاركم

حوار شعري بين محمد شبل وخالد سعيد.. 

- حلوة الجزمة
= اسمه شوز !
- مش مهم ...
بس عارف ؟!! ... لسه مُرهق
= ليه يا عم ؟!!
- بشوف الدنيا من شباك
كأنى بيت بدون ابواب
حياتى بتمشى بفلاش باك
وبتنفس انين و عذاب
= لأ .. دقيقة لو سمحت
دا هروب م المسؤلية
العذاب مظلوم لأنك
لسه بتتنفسها هي !!
- هو محضر ؟!!
سين و جيم ؟!!
= لأ كلامك مش سليم
- اومال ايه ؟
= قبل اى كلام هقوله .. صفّى قلبك م المشاعر
- قصدك ايه ؟
= ادي قلبك يوم اجازة .. انت ليه مصمم تعافر
- افترضنا
= افتراضك لايجوز !!
- هسكت احسن
= لأ بلاش تضربلى بوز !!
- عاوز منى ايه دلوقت
= عاوزك تتماشي مع الوقت !!
انساها صدقنى احسنلك
حُبك ليها نظام تلفيق
- طب ثانية هبحث ف المتجر
و هحاول انزل تطبيق !!
= تطبيق ايه ؟!!
- النسيان !
= بطل شغل هبل و جنان
بتخونك يا حمار يومياً
- كداب .. انا ديما بسألها !!
= لو مش بتخونك ف الواقع
بتخونك وياه ف خيالها
اسمع منى ..
الدنيا مهش واقفة عليها
- انت مش فاهم مشاعرى .. واحتياجى وشوقى ليها
لما كانت كنت عايش .. لما بعدت مُت فيها
انت اصلك مش هتعرف ..
معنى انك تلقى حلمك شخص متجسد حقيقة
شخص تانى ..
لما تعشق تعبيراته
تلميحاته
تنهيداته
كل حاجة عن حياته .. حتى ذوقه ف الاغانى
عارف انك بتحاورنى وبتجادلنى كتير عشانى
بس حالتى المزمنة ملهاش علاج
= لأ طبعا ..
انت بس مريض بفيرس الاحتياج
انت محتاج واحدة انضف
واحدة احلى ... تبقى اهل و تبقى ارض !!
واحدة تسرق نبض قلبك وضع يد !!
واحدة احلى الف مرة ليها طلّه زى عيد !!
- تفتكر فى احلى منها ؟!!
= ايوه طبعا ده الاكيد !
- مش اكيد .. قول يجوز !
= انت عاوز علقة سخنة بجزمة وسخة !!
- اسمه شوز !

================
حوار شعري بين محمد شبل وخالد سعيد
كتابة محمد شبل

Comments

جهاد صلاح

Shrouq Mohamed

Manar Rafeek

TariQu MamDouh TeaiMa

Esraa Hamed

Esraa Hamed

Esraa Hamed