Para sa mga mahilig managinip.

2010. Lyrics by Gian Enriquez. Music by Ada Tayao

Dreamcatcher (2014)

Dahil 10 taon na ang Mga Kwento ni Lola Basyang
Dahil mahal ko ang PETA
Dahil bata man o matanda, kaya nating paglinangin ang ating haraya


O kay sarap talagang mangarap
Sa bayan kong nililiyag.

Awit ng Haraya (Mga Kwento ni Lola Basyang)

Unang Draft.

Mamang Supremo, nasaan ka na?
Nasaan ang ipinaglaban mong kamulatan?
Marami na'ng di nakakikilala sa'yong kabataan
Kalayaang iyong inasam-asam kanilang ninanamnam

Mamang Supremo, 'di ka nalalayo
Sa katulad kong pangkaraniwang Pilipino
Taga-ukit ng tungkod, taga-tupi ng pamaypay
Pamilya'y inalagaan, sa anim ika'y panganay

Mamang Supremo, maraming salamat
Pag-ibig mo sa tinubuang lupa, tunay na kamangha-mangha
Tinawag ka mang Sinukuan bayan ay 'di sinukuan
Mula sa Philippines, Pilipinas, Bansa ng Katagalugan
Salamat Supremo, salamat alamat

Mamang Supremo, parehas lang tayong
Mahilig sa kanin at nilitsong manok
Mamang Supremo, balita ko ika'y aktor
Kadalasa'y si Bernardo Carpio sa entablado

Mamang Supremo, hindi ka tumigil
Kahit ang pag-aaral sa paaralan ay napigil
Nagbasa ng mga libro, pinayabong ang sarili
Kasarinlan ng bayan ang tanging minithi

Salamat Supremo, salamat alamat
Salamat Supremo, salamat alamat
Salamat Supremo, salamat alamat

Mamang Supremo

Para sana sa Araw ng Kagitingan, ngunit dahil sa wika, ngayong oras na lang inupload.

Unang draft.
Rated PG.

Likha ni Ken Abante at Ada Tayao.

T-nginang Bayan 'To Ang Hirap Mahalin

Paano na si Lito na diyese-sais
Sinisimulan pa lang mangarap
Inulanan ng bala nang walang mintis
Lahat huminto sa isang kurap

Paano na si Rowell na tumotoma lang sa kalye
May dumaan lang na motor bigla na lang siyang nadale
Paano na si Rom, si Ton, si Mark, at si Nico

Pakisabi nga sa akin, daig pa ba sila ng aso?

Paano na si Jefferson na natutulog nang payapa
Nais maging pulis pero sa kamay nila namayapa
Paano na ang mga nanay na naiwan, mga labing walang pangalan

Pakisabi nga sa akin, daig pa ba sila ng aso?

Paano si John Ryan at ang walo niyang kapatid
Nangangarap na rin pumatay upang makapaghiganti
Paano na ang libo-libong batang nawalan na ng magulang

Pakisabi nga sa akin, daig pa ba sila ng aso?

'Di ko naman sinasabi na may mas mahalaga
Ang buhay ay buhay
Ang tao ay tao
Ang aso ay aso
Pero sa totoo lang nakapagtataka
'Pag tao walang kaso pero 'pag aso ang laking paso
'Wag niyo ring sabihing mas mabuti pang kambing na lang
Dahil may halaga ang bawat nilalang

Pakisabi nga sa akin, masisikmura mo pa ba ang 1000 buhay kada buwan?

Paano na sila?

1000

A tribute to the true heroes of our past. A reminder for the present and future.

Mahal kong Pilipinas
Pahinging paumanhin
Kasaysayan mong kupas
Tatlong dekada linihim

Iyong sugat at peklat
Ay muling binubuklat
Naghahalo sa luha
Ang pait at alat

* Bayani raw
Iba 'yan, bayan
'Di siya bayani
Iba 'yan, iba 'yan

Isusuka ng lupa
Kanyang labi ng lagim
Kailanman 'di huhupa
Bunga ng kanyang sakim

*

Iba 'yan, iba 'yan (2x)

Sinungaling na lingkod
Nagsisitaasang bakod
Pamilyang nakatungkod
Dahil piniling sumugod

*

Iba 'yan, iba 'yan...

Iba 'Yan

Paano na si Lito na diyesi-sais
Sinisimulan pa lang mangarap
Inulanan ng bala nang walang mintis
Lahat huminto sa isang kurap

Paano na si Rowell na tumotoma lang sa kalye
May dumaan lang na motor bigla na lang nadale
Paano na si Rom, si Ton, si Mark, at si Nico?

Pakisabi nga sa akin,
Nalimutan na ba sila ng tao?

Paano na si Jefferson na natutulog nang payapa
Nais maging pulis pero sa kamay nila namayapa
Paano na ang mga nanay na naiwan?
Mga labing walang pangalan

Pakisabi nga sa akin
Nalimutan na ba sila ng mga tao?

Paano si Joh Ryan at ang walo niyang kapatid
Nangangarap na ring pumatay upang makapaghiganti
Paano na ang libo-libong batang nawalan na ng magulang?

Pakisabi nga sa akin
Nalimutan na ba sila ng mga tao?

Sino ba'ng may sabi kung sino'ng mas mahalaga
May kasalanan man o kaso
Ang buhay ay buhay
Ang tao ay tao
Pero sa totoo lang nakapagtataka
Sa bawat araw na lumilipas
At binabawing buhay,
Meron bang nalutas?
'Wag niyo ring sabihing mas mabuti pang iba na lang
Dahil may halaga ang bawat nilalang

Pakisabi nga sa akin
Masisikmura mo pa ba ang
1000 buhay kada buwan?

Paano na sila?

1000 (version 2)

artist. teacher. musician. composer. guitarist. sister. daughter. lover. child of the universe.

adamarietayao

Popular tracks