بساطة

كلمة حق - بساطة باند

Basata Band - Hella | بساطة باند - هيلّا

Agda3 nas feky ya masr - أجدع ناس فيكي يا مصر

Basata Band - Bahes | بساطة باند - بحس

مهما تكون قلقان بساطه باند و  اصاله

كلب الست - بساطة باند

مالي حيلة & بساطة باند 💜

بساطة باند | يحكى أن

مهما حاولوا يرسموكى مهما حاولوا يفهموكى
أنت أروع من خيالهم أنت قصر عتيق ملوكى 
من جمالك لسه بحلم الملايكة يقلدوكى
..........
النهار كان له عنين بس مفهمتش ضياه 
قلبى كان ميت بيحلم تملا أفكاره الحياة
أنتى أحلى يقين بشوفه مهما تملانى شكوكى 
...........
كنت عايش على الحقيقة  انى هفضل كون حزين
 مهما اضحك ولا افرح كنت برجع للأنين
.....
 انتى اصدق بسمة مسحت الوجع من قلب شوكى
كنت وحدانى فى رحلة شوفت فيها الناس تماثيل 
.............
من برودة المشاعر كنت فاكر انى يتيم
 الدفا عشش فى صدرى
 لما قلتى انى ابوكى
...............
 مهما حالوا يرسموكى مهما حاولو يفهموكى
 أنت أروع من خيالهم أنت قصر عتيق ملوكى  
 

Basata Band_ Mahma Hawllo - بساطة باند _مهما حاولو

الشاعر:إسلام حامد
ألحان:إيهاب عبد الواحد

على طراطيف صوابع الفقر
وقف ياخد نفس مهدود
عجوزة عنها بِعِد الشر
سنين والليلة بقى موجود
كانت نايمة فى آمان الله 
دخل بهمومه م المنور
فى رقبتها ماشاءالله 
وفى رقبته ولد أصفر
نهش صدره المرض
خلاه ولا بيلعب ولا بيطير

وصل لسريرها والرعشة ما بينهم خيط
فتح دواليبها ما لقاش إلا بكرة خيط
وشال صوف إتنحل وبره فى قطع كبير

فى دُرج حياتها لقى دبلة وكبسولتين
وصورة قديمة لجوازها سنة عشرين
وعشرة جنيه فطار بكره وأنسولين

صابتها النوبة وإتكرش النفس وإنحاش
وصابه الرعب من تهمة ما نفذهاش
وقال يهرب لكن غلبه ملاك الخير

مسك محموله يطلب واحد إتنينتين
وكان فى رصيده فاضل قد خمسة جنيه
ولسه النمرة مشغولة ليوم الدين

malak el 5eer - ملاك الخير

الشاعر: إسلام حامد
ألحان: إيهاب عبد الواحد

من كام شتا
بعشق عيونك والمطر
ورعشة الليل والطريق
من كام شتا بتدفي بيكي م الخطر 
واتخيلك عصفور برئ
وانت يادمعة م القدر كارهة الشتا رافضة المطر
كارهة مشاعري في الشتا ياام المشاعر ميتة

من كام شتا...من كام شتا

الاسئلة والذكريات والاغنية متلهفين
متشوقين تشتي السما على حلم اصبح مستكين
جبتي القساوة دي منين والخطوة ليه متاخرة
وعنيكي ليه متحيرة لساكي بنت صغيرة
شايفة الهوي مانيكان حزين

من كام شتا بعشق عيونك والمطر
ورعشة الليل والطريق
من كام شتا بتدفي بيكي م الخطر 
واتخيلك عصفور برئ وانت يادمعة م القدر
كارهة الشتا رافضة المطر
كارهة مشاعري في الشتا ياام المشاعر ميتة
من كام شتا من كام شتا

men kam shata - من كام شتا

Ma Tlomoneesh - Basata Band | ما تلومونيش - بساطة باند

حالنا حال - بساطه باند

بساطة باند- مهما حاولوا


ارفضي ولا تقبليش
تبقي شمس ماتشرقيش
تبقي قصة ماتتحكيش
وارفضيني لو في يوم قلبي من غيرك يعيش

ارفضي حلمي في هواكي لو في احلامي اساكي
وان سكن ليلي عيونك وان عصف ريحي بغصونك
ارفضيه ولا تنحنيش
وارفضيني لو في يوم قلبي من غيرك يعيش

ارفضى دمعي في حنانك لو في دمعاتي هوانك
وان مسح قلمي سطورك وان نعس جسري في عبورك
اهدميه ولاترجعيش
وارفضيني لو في يوم قلبي من غيرك يعيش

ارفضي دربي في هروبك لو في طرقاتي غروبك
وان نسي هتافي حروفك وان لمح قمري خسوفك
اشعليه ولا تنطفيش
وارفضيني لو في يوم قلبي من غيرك يعيش
ارفضي سيرتي في روايتك لو في حواديتي نهايتك
وان هجر نيلي واديكي وان عطش زهري في ايديكي
اقطفيه ولا تدبليش
وارفضيني لو في يوم قلبي من غيرك يعيش

Basata Band - orfody أرفضى - بساطه باند


الحق واجرى وعبى وشيل
بس الشيلة تهد الحيل
بكره العود ينتنى ويميل
على عكازك تبقى تقيل
إجرى إجرى إجرى ... وعبى

جرى يوماتى وصرف ليلاتى
بكره تميل بكره تطاطى
بكره جبينك ينزل واطى
تحت الطل وتحت السيل
إجرى إجرى إجرى ... وعبى

دنيا وجاتلك بالإحضان
وانت طمعت وقلت كمان
وانت بتظلم فى الأبدان
مل الصبر وفاض الكيل
إجرى إجرى إجرى ... وعبى
يللى نكرت جميل الناس
يللى بتسمع للوسواس
راح تنزل وراح تنداس
تحت الرجل وويلك ويل
إجرى إجرى إجرى ... وعبى

Basata Band - al7a2 wagry الحق واجرى - بساطه باند

ا أيها الشعب الأنتوخ
يابو النفوخ الدربندوخ
مش آن بقي تفوق سنة
لا في الأثر ولا في السنة
تعيش حزين وتموت ممسوخ
يابو النفوخ الدربندوخ
يا ايها الشعب الأنتوخ

علي بطني رابط حزاماتي
مدايني حتي الجزاماتي
بعت الكنب الاسنطمبولي
وعايشها فوللي حلمبولي
انا وعيالي ومراتي
بيعني أرضي ومفهومي
قلعني فكري وهدومي
مخي اتقفل فيلم علي كليب
ولما يفتح يشرب كدب
مانا أصلي أهبل من يومي
مش آن بقي تفوق سنة
لا في الاثر ولا في السنة
تعيش حزين وتموت ممسوخ
يابو النفوخ الدربندوخ
يا ايها الشعب الأنتوخ

مسحولي من بقي ال لأ
ظبطوني بين شخطة وزقة
والوحش زقلط بقي باشا
يفطر بدمي علي بغاشة
و أدعيله يعلي ويترقي
أرجوك بقي تسيبوا عيالي
مش لازم الجيل التالي
يمكن يحبوا النيل والارض
وفوق ترابها يصلوا الفرض
إفهم بقي ياللي في بالي

Basata Band - el anto5 الأنتوخ - بساطه باند

مش كفاية

طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة
وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

Basata Band - mush kefaya مش كفايه - بساطه باند

شباب كتير فاض بيها خلاص
من قلة الجواز والله ياناس
والشاب فينا ايه غير حبة احساس
يفضلوا مكتومين لحد الجواز
واحنا سايبينهم من غير حلول
ده الجزار بيجيب جاموس للعجول
يجيب منين شبكة وشقة
وهو عايش ع السميط والدقة
ويوم ما بتفتح وياه
بيجيب قميص تاني عللي معاه
ياريت نلحقه قبل ما نلقاه
ماشي في الشوارع لابس خيش وبيقول
عروسة يا ناس لله
مين قدم شيء بيداه
ياخوانه الشباب تاه
راح مننا يا ولداه

من غير فلسفة من غير تنطيط
ولاحد يقول عليا عبيط
من بعد دراسة ورسم وتخطيط
لقيط حل جواز الشاب البسيط
الحل هو قرض البنوك
من غير ضمانات هيسلفوك
بالبطاقة ووصل النور
من ماتقف ولا في زحمة وطابور
ده يادوب كام شيك علي بياض
وهتمضي معاهم حبة حاجات
منغير ماتدعك الفانوس
يالا خد الفلوس واتجوز عيش يومين
قبل ما يحبسوك
والله هايحبسوك
صدقني هايحبسوك
طب والنعمة ليحبسوك

جهزت الشقة كده ع المفتاح
وخلاص هاتجوز وهاتيجي الافراح
انا جبت البدلة وعروستي الفستان
وهنضي شهر العسل في الصين كمان
والفندق غالي 5 نجوم
عملنا فرحنا والكل معزوم
وفي اجمل لحظة في كل الكون
لاقينا الناس بتقول اهو جه المأدون
انا خدت عروستي وجري عليه
لاقيتة ماسك منديل في ايديه
خد البطاقة وقال ياعرسان
هو انتوا دلوقتي سنكوا بقي كام
قلتله انا سبعين
وعروستي بقت ستين
قاللي اكتب كتاب مين؟
دانتوا خلاص ميتين 

Basata Band - hatgwz هتجوز - بساطه باند

إلحقينى .. أم تانيه بتنادينى 
و ف عنيها سيل حنان
غطى أشواقى وحنينى
بتشاورلى من بعيد .. أم راضيانى وليد
يا عنيدة
نفسى اونسنى بعنيكى ... أيوه هايكفم أكيد
لو تهامسينى بخيالك ... يا جمالك لو تجينى
أو توافقى يا حبيبتى
ترسمى حلمك فى عينى.. إلحقينى

من سنين تلاتين يزيدوا .. بينادونى أمهات
بس رافض أتركك .. وانت رفضانى أبات
جوه فكرة تقربك .. م الهوى والأغنيات
يم قلب حزين ها يبكى .. من فراقى ومن أنينى
إمتى ها تحطى إيديكى .. فوق إديا وتحضنينى
إلحقينى
خايف أندم إنى أفوتك ... بين ضيوفك الكتار
هجرتى مش قد صبرك .... رغم حكمك بالفرار
ليه طلقتى العقل بينا .... وانتى مشتاقة لجنونى
ليه بتتوضى بزمزم .... من صلاتك تحرمينى
وانا ركعة بالف جنة ... بس تنوى تركعينى

بساطة

Adel Ashmawy