Sami

7aram ya 7ob

ضاع صبري -عصام أحمد الطيب

‎⁨أحمد فتح الله احرموني ولا تحرموني ⁩.m4a

حمام الوادي - كورال كلية الموسيقى و الدراما

الـــدلال والـــــــغرام. بادي

قوم نادى عنان واتباعا : ونظمها فى زواج صديقه الأديب سليمان كشه سنة 1925 وهي من الأغنيات التي كان الفضل لظهورها الفنان بادي محمد الطيب وكان الخليل قد استقل القطار مع بعض أصدقاؤه متوجهاً إلي الحصاحيصا ومنها الي رفاعة لحضور زواج صديقه الصحفي سليمان كشه بينما كان وجهة أصدقاء خليل مدينة ود مدني وعندما مر القطار بالحصاحيصا لم يلفتوا نظر الخليل لرغبتهم بأن يذهب الخليل معهم إلي مدني فلم يجد الخليل نفسه إلا وهو في محطة مدني فبعث هذه الأبيات لصديق كشه التي تبدأ
قوم نادي عنان واتباعا وقفل حوانيت الباعة
نزلت للدنيا شفاعة سعت امدرمان لرفاعة
هنا يطلب الخليل بمناداة عنان واتباعها وعنان فتاة مغنية وقد ذكرها الخليل في قصيدته الوطنية ( ماك غلطان)
اطرى فلان وليالى عنان وين ياسلام
كنا حنان والحله جنان نوح ياحمام
ولعظم المناسبة يطالب باغلاق حوانيت الباعة ويصف سيرة العريس من امدرمان ( بيت المال) لرفاعة ابوسن والقصيدة مليئة بوصف المكارم ووصف منطقة رفاعة
هنا تلقى الخلق الاعرابي
لاخوف لاضيم لامرابي
ظل الشكرية الكابي 
والشرف الاصلو ركابي
وايضاً يصف منطقة رفاعة بوصف جميل
هي شامة في تورنا الابرق
هي جنة نيلنا الازرق
الا أن يختم القصيدة بتوضيح ملابسات عدم حضوره الزواج و باعتذار رقيق للعريس
اعذرني اخوك انغش
لا اتعد هواك لاكش
اذكرني ولو بقشة
بيت مال وعيال يا كشة
قوم نادى عنان
قوم نادى عنان واتباعه وقفل حوانيت البــاعه
نزلت للدنيا شفاعه وسعت امدرمان لرفاعه
وطن الآباء يا ام طاعه أجمة ومشهـوره سباعه 
من دون أترابا مطاعه حضريه تقول فى طباعه 
المجد الحاسده مداعى هو أساس المــا بتداعى
وسعت أسلافنا وداعه وصارت فى جيلنا بداعه
رفعت أعلاما رفاعه وشمخت بى كبارنا يفاعه 
وطن السناب يا رباعه نزل العـربان فى رباعه
هنا تلقى الخلق الأعرابى لا خوف لا ضيم لا مرابى
ظل الشكرية الكابى والشرف الأصله ركـابى
هنا روعة عصراً ولى وروايــع جيلنــا الهله
عصبيه تناطح الجله ومدينه منــافيه الــزله 
إياك يا عاشق تحرق فى بحــور أوصافك تغرق 
هى شامه فى تورنا الأبرق هى جنـــة نيلنـا الأزرق
فى ربوعا الصيد إن وقل وشــافن مجنــون يتعقل
كفروع البان تتنقل رطب القــاماتن فقـــل
الصيد الضارب الوادى اجفـــل نــافـر غادى 
شرفن لى صوت الحادى حفلــن ضمــاهن نـادى
العز من حاضر وبادى حـرسن ما جـــاهن عادى
النور فى خدودن بادى وســلامة الـذوق شى عادى
لا تنسى ليالى العشه وفى الحلــه هبــوب الرشه
إتعشى عشاك واتمشى هــوى بيت المــال ما انفش 
اعذرنى أخوك إنغش لا اتعــد هــواك لا كــش
أذكرنى ولو بى قشه بيت مــال وعيــال يا كشه

بادي محمد الطيب،قوم نادي عنان واتباعا

لــــــــو أحبك - طـه سليمان - fathe_sd@yahoo.co.uk

يا ذا القدر رفقا بمهجة محبك

يحيا الحب دام صفانا اداء هدي عربي

أحمد الصادق - العيون الشالوا قلبي

طواقى الخوف 
كلمات:محمدطه القدال
الحان:شمت محمدنور
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
……
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.

وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب

الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.

والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..

***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن

لي بصاص حِداهِن
إو قصاص بِراهِن

هن مارقات تراهِن
تريانات تراهِن

الخوف ما حَماهِن
من شوفة حِماهِن

طمانات جناهِن
بي لبنا معاهِن

يوم الشينة جَاهِن..
مرقن ليهو جَاهِن

بالعز المبطَّر
والزوق الشَفاهِن

لا حايدات مداهِن
لا قايدات عماهِن

وما كشحن بلاهِن
فوق زولاً أباهِن

لو الضيم رماهِن
هِنْ ياهِنْ
وما هِنْ.
***

وانا لا بجيب سيرة الجنوب
لاني زول بالمرة خايف
إلا شايف
إلا شايف
إلا شايف
***

أنا شايف المطر
يتحاشى الضهاري الراجية قولة خيرا
وانا شايف المطر
يمشي على الصحاري تلمو في بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حديرا
وانا شايف البلد
الطيب جناها وقمنا في شدِّيرا
…
…
شاحدك يا كريم
لا تحصل خراب لا أرجى يوم وديرا.


عقد الجلاد وخرافة القدال -طواقي الخوف

محمد النصري★ عابرة 30

الى مسافرة - Sami Elmaghrabi

طه سليمان يا ززززهيه

ﻳﺎ ﺯﺍﻫﻴﺔ ﻗﻠﺒﻲ ﺍﻟﺸﻠﺘﻲ ﺟﻴﺒﻲ
ﻳﺎ ﻻﻫﻴﺔ ﻋﺒﺜﻚ ﺑﻲ ﻟﻮ ﺳﺒﺘﻲ
ﻓﻲ ﻋﻴﻮﻧﻚ ﺍﻟﺪﻻﻝ ﺭﺍﻫﺐ ﺳﻜﺮﺍﻥ
ﺍﻣﺎ ﺛﻐﺮﻙ ﻛﺎﻥ ﻟﻲ ﻋﻴﻨﻲ ﺟﻨﺎﻥ
ﺍﻧﺎ ﻭﺍﻗﻒ ﻓﻲ ﺧﻴﺎﻝ ﻃﻴﻔﻚ ﻫﻴﻤﺎﻥ
أﺷﻜﻲ ﻭﺍﺑﻜﻲ ﻟﻠﺰﻣﺎﻥ ﻣﻨﻚ ﺣﺒﻲ
ﺧﻄﻮﺍﺗﻚ ﻭﻗﻌﺎﺕ ﺍﻟﺤﺎﻥ
ﻛﺘﺠﺎﻭﺏ ﻗﻠﺒﻲ ﺯﺍﺩ ﺧﻔﻘﺎﻥ
ﺍﻧﺎ ﺣﺎﻳﺮ ﻓﻲ ﺍﻟﺪﺟﻲ ﻭﺣﺪﻱ ﺳﻬﺮﺍﻥ
ﻓﻲ ﺗﻔﻜﺮ ﻭﺧﺸﻮﻉ ﺑﻌﺒﺪ ﺭﺑﻲ
ﻓﻲ ﺍﺑﺘﺴﺎﻣﺘﻚ ﺍلسعير ﺍﻟﻮﺍﻥ
ﻓﻮﻕ ﺧﺪﻭﺩﻙ ﺍﻟﻮﺭﻳﺪ ﻧﺪﻳﺎﻥ
ﻳﺎ ﻇﺎﻟﻤﺔ ﻓﻲ ﺧﻴﺎﻝ ﻃﻴﻔﻚ ﻫﻴﻤﺎﻥ
ﻳﺎ ﺣﺎﻟﻤﺔ ﻭﻋﺪﻙ ﻳﺮﻭﻱ ﺍﻟﻈﻤﺂﻥ
ﻳﺎ ﺯﺍﻫﻴﺔ ﻗﻠﺒﻲ ﺍﻟﺸﻠﺘﻲ ﺟﻴﺒﻲ
ﻳﺎ ﻻﻫﻴﺔ ﻋﺒﺜﻚ ﺑﻲ ﻟﻮ ﺳﺒﺘﻲ


يا زاهية - طه سليمان - صباح

جمال فرفور قطرت ليك الشوق لبن حفلة نادي الضباط

يا ذا القدر رفقا بمهجة محبك

Fadia Bruno Bortolazzo

Related tracks