Ma Ngo Pr Nae Top ...

Mary Jane



မြေကြီး ( Free Verse )

ငါ ငယ်စဥ်ကတည်းက အတွင်းဗီဇနဲ့ပတ်သတ်လာရင် ဘယ်လိုမှဆုံးမ၍မလွယ်သဖြင့်
အချိန်တန်လာတဲ့အခါ of course ဖြစ်လာတယ် မုချ အလုပ်ကတေးဖွဲ့ခြင်း ။
" ကျုပ်ကမ္ဘာလေးရဲ့အတွင်း
အတွေးတိုင်းဟာ မထုတ်ရသေးတဲ့သီချင်း"
[ မဖြစ်ချင်ဘူး စတုတ္ထနေ့ကြယ်ပွင့်တွေထဲကတစ်ပွင့် ]
ဒါပေမယ့်  ကာရန်တွေကို  မုန်းမရမေ့မလွယ်ရင်း 
ဘဝလမ်းကိုပုစ္ဆာအပြည့်နဲ့ခင်း ။
ရုန်းထပြေးမယ်လို့ စဥ်းစားတိုင်း နှလုံးသားက 
မပေးခဲ့ဘူး လုံးဝရွေးချယ်ခွင့် ။
ရုပ်ဝတ္ထုနဲ့ ဥစ္စာသုံးစရာဖြုန်းစရာရှေ့လည်စင်းတဲ့ကမ္ဘာကြီးမှာ ငါ့ဖြစ်တည်မှုဟာ အသုံးမကျ သေးငယ်ရင်း ကိုယ့်သေတွင်းလေးကိုယ်တူးမိတာတောင် မြေကြီးကိုဒုက္ခပေးတယ်ဖြစ် ။

လွန်ခဲ့တဲ့၃နှစ်ကပြောဖူးတဲ့ 
ဘဝတူအဖော်သစ်ရွက်တွေကြား...
အခုတလှည့်ငါပြန်ရင်ဖွင့်...သူတို့နားတွေပါငြီးတဲ့အထိ ခေါ်ညှည်းပန်းနေရ ။
ငါ့မိဘတွေက မျှော်လင့်ချက်တွေထား
ဒါတွေကို ငါတကယ်လျော်ပစ်ရက်နေလား
ရင်ဖွင့်ရင်း အတော်အသင့်မျက်ရည်ကျ
လရောင်အောက် ကျွန်တော်ပင့်သက်တွေချ ။

ငါမသိခင်တည်းက rapတွေက ငါ့သွေးထဲမှာ ငုပ်ကာလျှိုး၍ လူကြီးတွေဘယ်လိုပဲပြောပါစေ စာသားတွေ တွေ့တဲ့စာအုပ်မှာခိုးရေး ။
တတ်သမျှလက်တည့်စမ်းကာရေးခဲ့သမျှ skillမဲ့စွာစုတ်ချာလို့နေ။
ငါမေ့ချင်ယောင်ဆောင် ရေခဲရိုက်ထားတဲ့ memory အေးခဲသား အပုပ်အပွအသိုးတွေ ...
စေးပိုင်တဲ့rapတွေကိုရွတ်နိုင်ဖို့ဖန်ဆင်းရှင်ပေးလှည့်ပါနှုတ်လျှာတန်ခိုးအပြည့် ။
rhymeဖွဲ့စည်းပုံတို့ဟာ အချို့သူတွေအတွက်
အသေးအဖွဲအကျဆုံးပါ သို့ပေမယ့် ငါအတွက်ကျလေ့ကျင့်ခဲ့ စတေးခဲ့သမျှ နေ့နဲ့ည မဆုံးပါ လက်ချိုးရေ ။
အပြင်မှာစကားပြောညံ့တဲ့ငါ rapထဲမှာလည်း ဖြည့်ထည့်စရာ စာလုံးရှာလို့မတွေ့ ။
 But , Failလည်းငါ့အရှုံးငါရိုးနေ ခေါင်းကိုလေးတွဲစွာ ငုံ့ကာဒိုးမနေ  အပြုံးဟာ မညိုးခွေ ။
 ဆက်လက်ပြီးရွတ်ဆိုနေဆဲ ဆေးနဲ့အနာမုချမတိုးသရွေ့တော့ မတွေခဲ့ပါ ပုစ္ဆာအချို့အဖြေ  ။
ငါ ပေါက်ကရလုပ်သမျှ နားထောင်တဲ့ အဒေါ်အပျိုကြီးတွေနဲ့ shout out to တောင်ခွေးရဲ တစ်ရွာလုံးကအမျိုးတွေ။
ငါရူးနေသမျှတွေကငါ့အဖေရဲ့ အတွေးထဲမှာ လုံးဝအပိုးမသေ
နေ့စဥ်ရက်ဆက် သူတို့ ဒီ ၄၉ဈေးထဲမှာရုန်းကာsupportနေတဲ့ ချွေးနည်းစာသုံးကာ အချိုးမပြေ။ အရေးထဲမှာ ရုပ်ကဆိုးသေး။
မွေးကတည်းကကျုပ်ကအကျိုးမပေး အမေ့ရဲ့သားဒုက္ခအိုးလေး ။
အမျိုးမျိုးညည်းပြမှလည်း  ဒီလူတွေက လက်ခုပ်တီးနေစဥ်...
ငါ မြှားအစင်းစင်းစိုက်နေတဲ့ Dart Boardကြီးတွေအသွင် နာကျင်တာကို အဆန်းလုပ်ညည်းမနေသင့်။
ကာရန်တွေကို နမ်းရှုံ့ခရီးတွေနှင်...
ကိုယ့်ကိုဘယ်သူမှမသိ ဘယ်သူ့ကိုမှ ကိုယ်မသိတဲ့နေရာမှာသာ ဇာတ်မြှုပ်ပြီးနေချင် ။
တို့ အမိမြေကြီးနဲ့ ကောင်းကြီးမင်္ဂလာတစ်လမ်းစီတွေသွား  ၊ အချို့တွေလည်း ရပ်တည်ခြေချဖို့ ခက်ပြီလေတအား ။
ဒီဇင်ဘာ ၂၀၂၃ မချမ်းမီနေ့များထဲမှာ
ဆီတန်းစီသူတွေဟာ မစီမတန်းနဲ့ တန်းစီနေကြ ။
ခရစ်စမတ်လက်ဆောင်အဖြစ် ဘဝအမောတွေကို ဖြန့်ချိဝေငှ ။
ခရစ်ယာန်မဟုတ်လည်းပဲ ခံစားကြပါစို့ christmas
ဝေလီဝေလင်းအလှဟာ Daisy အပြည့်ခင်းထားရာ လမ်းထက်က ဂျလေဘီလေညှင်းများစွာနဲ့နေခြည်တွေဝင်းပဖြာ ဗြဟ္မာကြီးတွေထပ်မြည်းစမ်းချင်လောက်တဲ့ မြေဆီမြေနှစ်အရသာ။
 ခရစ်စမတ်မှာတော့ မဟုတ်ခဲ့ဘူးပျော်ရွှင်မှုရဲ့ အ​ဖြေသည် ငွေဒင်္ဂါးများ ။
ငါတို့ဘော်ဒါတွေငယ်စဥ်က ခရစ်စမတ်အကြောင်း ကို အခြေတည်၍အငြင်းပွားကြ ။
မေရှိယမွေးဖွားလာဖို့ Gabrielဆင်းကြွကာ
Maryရှေ့သတင်းစကားပါး  ADတွေတစ်ခေတ်စလာ။ သူအောင်နိုင်လေပြီ သေခြင်းတရားအား။
 ငွေရည်ငွေနှင်းတဖွားဖွားဟာ အပြစ်တရားကို သွေဖီနေခြင်းမျှသာ  ...
သူဒီလိုလောကကို အသစ်ပြုပြင်ထားသမျှ...
ငါတို့မှာ အဖြူနဲ့အနက်နဲ့စစ်တုရင်ကစားသမားများကြောင့် မိုးပေါ်ကကျလာမယ့်အရာတွေကိုကြောက်ရွံ့တိုင်း မြေကြီးထဲသာ ကျင်းတူးဝင်ကြရ။
ခုတ်လှဲပြီး အလှဆင်မခံလိုက်ရတဲ့ထင်းရူးပင်များဘဝဟာကြာလာရင် ဝတ္ထုဖြစ်သွားမလား
ဒီလို အတွေးတွေဟာ လျောက်လေလွင့် 
ငါ ​သဲမျိုတွင်းမှာ ခြေထောက်တွေနစ်။
အဆိပ်ခတ်ထားတဲ့ငါ့ ဦးနှောက်သောက်ရေတွင်းထဲကရေကို  အားလုံးကိုခပ်တိုက်လိုက်မိတဲ့ငါဟာ ဘယ်လောက်သေသင့် ။
သေရင်လည်းငါ့ရဲ့ ခြောက်ပေကျင်း အထက်မှာ ကြဲပက်ပေးပါ ဆောင်းငွေနှင်းနဲ့ မြောက်လေညင်း ။
ငါ စွမ်းသလောက် မြေကြီးပေါ်ကအရာတွေကိုအံတုလို့ခံချခဲ့...
မြေကြီးရဲ့ကျောမှာ ငါ့ လက်သည်းရာ တတ်တူးအချို့ချန်ထားတယ် ။
အမှန်တရားနဲ့ အတ္တအနည်းငယ်လောက်ကိုသာ သံဆူးကြိုးခတ်ထားရဲ့
ပံသုကလာတဲ့ငါ ပျော်ပျော်ကြီး ပံသုသို့ပြန်သွားမယ် ။

မြေကြီး(Free Verse)

#sar_chouk_yope #scy #the_album #rap #hiphop #ဘ၀ရဲ့အလင်း #hnin

Mary Jane

Aeikoo

Recent comments

Mg Nyi Min Khaing

ZweSi Thu

Related tracks