Ikaw ang buhay ko
Ikaw ang bawat ngiti
Ikaw ang bahaghari sa ulap matapos ang bawat ulan
Mahal kita
Hindi ko man alam kung hanggang saan o hanggang kailan kita mamahalin
Nandito ako
Maghihintay hangga’t kaya ko
Hanggang maikot ko ang buong mundo
Nandito ako
Hanggang malimutan ko na ang pangalan ko
Hanggang ‘di ko na maiapak ang aking bawat paa
Ikaw lang
Ikaw pa rin
Abutin man ako ng sandaang taon sa mundong ito
Abutin man ako ng pagkawala ng bawat bagay na nalalaman ko
Abutin man ako ng pagbalik ng Diyos sa mundo
Alam mong wala ng iba
Ikaila mo man ang ‘yong nararamdaman
Alam kong nandiyan pa rin sa puso mo
Ang bawat alaala
Ang walang tigil na tuwa sa tuwing tayo’y magkasama
Naglalakad pa tayo noon sa Moa 
At namamasyal sa Luneta
Pumupunta tayo ng mall pero wala namang binibili
Walang humpay ang yakap at panonood ng sine
Bakit ka sumuko?
Bakit tayo sumuko?
Hindi pa ba sapat ang pag-ibig?
Hindi pa ba sapat ang ikaw at ako?
Bakit tayo makikinig sa mundo?
Bakit ka nakinig sa isang gagong tulad ko?
Sana inayos natin
Sana ‘di tayo nagmadaling tapusin

Mahirap mabuhay ng wala sa piling mo.

Mahal Kita

Hindi na kita mahal
Hindi na kita mahal
Paulit-ulit kong binabanggit
Paulit-ulit kong babanggitin
Hanggang hindi na kita mahal

Hanggang hindi ko na mahalin
Ang balikat mong aking sinasandalan
Ang balikat mong tagasalo sa bawat luha

Hanggang hindi ko na mahalin
Ang kamay mong humaplos sa aking puso
Humawak sa ‘king kamay sa bawat pagsubok

Hanggang hindi ko na mahalin
Ang tenga mong walang sawang nakikinig sa mga
kadaramahan ko at mga walang kwenta kong jokes

Hanggang hindi ko na mahalin
Ang mga paang kasama ko kahit saan magtungo
Sa laot, sa palengke, sa mall, sa bundok

Hanggang hindi ko na mahalin
Ang mga matang kilala ang aking buong pagkatao
Ngunit minahal pa rin ang bawat ako

Hanggang hindi ko na mahalin
Ang labi mong dulot sa akin ay langit
Sa bawat salita, sa bawat halik

Hanggang hindi ko na mahalin
ang sarili ko 
Dahil ikaw ay ako
At ako ay ikaw
Ako’y sayo

Paulit-ulit kong babanggitin
Hanggang hindi na kita mahal
Baka sakaling maturuan ko 
Ang puso kong muling magmahal

Hindi na kita mahal

Gagawa ako ng tula
Gagawin ko ang lahat para sayo
Gagawin kong langit ang lupa
Gagawin kong gabi ang araw
Makasama ka lang
Sa bawat panaginip
Sa bawat pagpikit ng mata
At pagmulat sa umaga
Ipagluluto kita ng paborito mong tapsilog
Ihehele kita sa'yong pagtulog
Kakamutin ang likod na 'di mo maabot
Hahaplusin ang tiyan mo na parang sanggol
Hahalikan ko ang 'yong batok
Yayakapin sa bawat pagsubok
Mahal, gagawin ko ang lahat
Hanggang malimot mo na ang bawat problema
Hanggang mabingi ka na sa sasabihin nila
Di ba't mas importante na tayo'y magkasama
Sa hirap man o sa ginhawa
At kung 'di tulutin ng Diyos 
Ang ating pagsasama
Mamahalin ka pa rin
Alisin ang pangamba
'Pagkat ako at ikaw ay iisa 
Langit ma'y humarang
Ika'y 'di iiwan
Hanggang sa susunod na buhay
Ikaw lang, ikaw lang.

Gagawa ako ng tula

Minamaneho mo ‘yung kulay orange na Audi na regalo sa’yo ng tatay mo nung birthday mo
Papunta tayong Tagaytay
Pasahero mo ako

Nagsindi ako ng yosi
Winston lights
Papunta tayong Tagaytay
Banayad ang hangin
Pasahero mo ako
Pasahero mo ako

Nalilito. Nakalilito.
Hinto. Maniobra.
Unti-unti mong pinihit pakaliwa ang manibela
Sumusunod lang ako
Pasahero mo ako
Papunta tayong Tagaytay
Pasahero mo ako

Nakakaantok. Nakakabagot. Nakakasakal.
Pasahero mo ako

Nandito lang ako
Hindi kita iiwan
Walang iwanan
Di ka magsisisi
Hindi kita binobola
Sagot kita
Di ka magsisisi
Mahal kita

Pinapasakay mo lang ako.
Pasahero mo ako.

Midnight Driving to Tagaytay

Sa lilim ng hangin
Sa awit ng ulan
Sa bawat pintig ng puso
Sa lalim ng isip
Hahanapin kita

Kung ang puso’y may poot
Pipiliting tumibok
Ilalapat ang palad
Sa dibdib ng kahapon
Kakalmahin ang dagat
Batas ay ‘di dudulot
Hanggang puso mo’y sumagot
Sa aking panaghoy

Panaghoy ng ngayon
Ng walang hanggang pagsinta
Kalimutan ang tadhana
Bathala, bahala na
Hahawakan ang kamay
Sabay tayong lalaot
Sa ilog ng pangamba
At walang hanggang pagsubok

Bagyo ma’y ‘di tumila
Pangamba’y di masira
Wag limuting yakap kita
Sinasalo, sinisinta
Ang bawat mong daing
Ay aking tutugunan
Wag lamang limuting
Ako’y nariyan
Ang puso nati’y di matitinag
Ng unos o ng tao
Kahit sinumang pumigil
Itutumba ko

Mahal ko,
Ikaw ang buwan, araw at tala
Sa mundo kong karimla’y di tumitila
Sa piling mo’y langit
Ang bisig mo’y tahanan
Wag kang sumuko mahal
Mahal, ‘wag kang bumitaw

Kung ang buhay ma’y matapos
Walang hanggan ay maupos
Ako’y di tatagas 
Ako’y di susuko

Pagkapit

Words fly out like knives
Hitting hearts
How come people can’t see
How lives can change
In a single heartbeat

Porcelains crash
Ice melts
Cigarettes burn
How did things get so wrong?

The sky was clear then
Scenic
Panoramic
Sunset
Your words were profound
I love you, you said

Now wounds grew deeper as I recall
Worlds crash
Tears well up
I choke as you leave

I plead
I would’ve crossed worlds for you
I would’ve stopped the rain
I would’ve done everything you asked
I would have

Now you stand before me
Holding the transistor radio we both used to love
Returning it back like throwing garbage in the trash
Well, I guess that’s all we’ll ever be

Just broken pieces of a long lost love
Just another memory
Another wave that will eventually fade when it reaches the shore

Happiness is but a broken transistor radio

Words and a transistor radio

Ngayong nasabi ko na lahat ng dapat sabihin
Ngayong nahugot na sa dibdib ang tinik na kailanma’y 'di na mababawi
Sana ay masaya ka na
Sana ay nasagot na ang bawat mong tanong


Wag mong ikaila, wag mong sabihing hindi mo alam
Alam kong alam na alam mo ang bawat laman ng puso
Ipinagkait mo sa ‘kin ang langit
Ngayon, hindi ko na alam kung paano ko pa itutuloy o kung tutuloy pa ba ko

Tapos na ang laro
Talo na ako
Sirit na
Wala na
Tama na

Ayoko ng magpanggap na hindi na kita mahal
Tulad ng dati ako pa rin ang sumuko, ako pa rin ang mali
Ako pa rin ang talo

Pagsuko

Sa buhay kong lahat ay mali
Ikaw ang tama

Ikaw ang bawat sagot
Sa patnugot
Sa crossword puzzle
Sa exams
Sa oral recitation
Sa problem solving
Sa thesis
Sa equation

Sa tanong sa slam book na "What is love?"
Ikaw.
Ang 'yong bawat pagngiti
Ang 'yong bawat paghawak sa aking mga kamay
Ang 'yong bawat halakhak sa korni kong joke
Ikaw.

Huwag mong sabihing hindi mo nadarama 
Ang pagsinta at tuwa sa tuwing tayo'y magkasama
Ang lapit ng 'yong puso
Ang hangin ng pagsinta
Na parehas nating pinagsasaluhan, sinta

Magulo, hindi alam
Walang muwang na nahuhulog na ang puso sa'yo
Ang araw ay kulang kung walang kwentuahan
"Anong ginawa mo ngayong araw?" linyang inaabangan
Bago matulog, "Goodnight! Salamat sa kwentuhan."

Aasa pa ba? Dapat bang maniwala? Dapat bang magtiwala?
Sana'y nalaman ko ang laman ng 'yong puso at isipan
Mahirap makipagpatintero, mahirap makipaghulaan

Halo-halo

A place to share my poetry. 
Most of them are in Filipino, but I also wrote english poems.
Hope you like it!
Have a blast!

Follow me on tumblr: agostosingko.tumblr.com
Instagram: markbyahero

Agosto Singko

Popular tracks