Eitt af sæluvikulögunum 2002.
Höfundur: Ágúst Péturrson
Texti: Hörður Sigurðarson
Söngur: Ágústa Sigrún Ágústsdóttir

Man ég milda nótt
er máni skein og allt var hljótt
leit ég ástin mín
ljúfu augun þín.
Man ég mína þrá
á meðan hvíldi ég þér hjá
myrkrið var sem höfugt vín.

Nótt sem leyndi okkar stund
og nærði ástarfund
á örskotsstundu leið sitt skeið.
Nótt sem dúnn var dimma þín
óf máni silfurlín
á sinni himinleið.

Haust nú gengur hjá
er horfinn burt þú ert mér frá
mega andar tveir
unnast aldrei meir.
Kvelur spurningin
ó, hví ei framar vinur minn
ég fæ að líta svipinn þinn.

Sæluvikulög 2002

Næturvals

Lagið Elfa ástarinnar sem löngum hefur verið mikil ráðgáta. Í ljós kemur að lagið er í raun Á bernskuslóð hét Elfa ástarinnar þegar það var sent í danslagakeppni SKT 1955. Lagið var sent inn undir dulnefninu Elfar.
Textahöfundur er Loftur Jónsson.

Elfa Ástarinnar / Á bernskuslóð

Höfundur: Ágúst Pétursson - Texti: Kristján frá Djúpalæk af disknum Hittumst heil frá 2001. 
Flutningur: Ágústa Sigrún Ágústsdóttir og Út í vorið.

Ennþá man ég það frá bernsku hve þú brostir hýr til mín
milli bæja, þegar var ég einn í för.
Og mér fannst þú augað vera, sem vakti yfir mér,
eini vinurinn, sem gaf við spurning svör.
En ég hlaut að kveðja æskubyggð og heimþrá mín er sár,
og þó harðni skap í byl og frjósi tár.
Þegar myrkur byrgir landsýn er lögð á þóftu ár
og ég leita þín með bænarorð á vör.

En þú vakir allar nætur í vegalausum geim,
besti vinur þess, er gengur myrkvað land.
Og þú vísar mér til áttar um úfinn vetrarsæ,
þegar öldur litlu fleyi boða grand.
Og þó dimmi fyrir sjónum og daprist von og trú
hátt á draumahimni bláum sindrar þú.
Og þú tengir milli heimþrár og hafnar gullna brú,
meðan hafið kyssir lágan fjörusand.

Kæri vinur.  Þakka síðast og allt hið fagra forna.  Hér kemur kvæði um pólstjörnu, við þitt dásamlega lag.  Hún er hin sama og Jónas kallaði „Ástarstjörnu yfir Hraundranga”, hin sama og Örn Arnarson orkti um „Venus hátt í vestri skín” o.s.frv.  Hún skal vera tákn alls þess góða og fagra, sem vísaði okkur til vegar ungum og skín enn á himni minninganna.  Hið eina varanlega, eilífa ljós.
Allt gott héðan.  Kærar kveðjur til þín og allra þinna, frá okkur
Æfinlega þinn.
Kristján frá Djúpalæk
(ljóðið samið á Akureyri 7. nóvember 1974)

Pólstjarnan

Höfundur: Ágúst Pétursson
Útgefið á plötu FHU.  Flutt af hljómsveit félags harmonikkuunnenda.

Hittumst heil

Fram og til baka

Höfundur: Ágúst Pétursson - texti: Krisján frá Djúpalæk		
Flytjandi: Útí vorið, útsetning Bjarni Jónatansson

Ég mætti þér á mildu sumarkveldi,
ó, manstu hversu dásamlegt það var,
er særinn skein í sólarlagsins eldi
og sviflétt ský um himinhvolfið bar.

Um grænan skóg þú leiddir mig að lundi,
og ljóð mín döpur vöktu hlátur þinn.
Ég roðnaði, ég stamaði, ég stundi,
þá straukstu hvítri hönd um vanga minn.

Og ég var bara átján ára drengur,
og örlög-þræði dís í hljóði spann.
Og þá var brjóst mitt þaninn, grannur strengur,
og þú varst fiðlarinn, sem lék á hann.

Já feiminn var ég fyrst, svo hvarf mér óttinn.
Þín fegurð í mér kveikti, svo ég brann.
Þú kysstir mig, ég kyssti þig, og nóttin
í kyrrð og friði leið, uns dagur rann.

Lagið til á útgefnum nótum útsett fyrir söngrödd og píanó af Jan Morávek.  Sungið af Tígulkvartettinum.

Ég mætti þér

Höfundur: Ágúst Pétursson - texti: Jenni Jónsson		
Lagið til á útgefnum nótum fyrir píanó.  Var sungið inn á 78 snúninga plötu af Alfred Clausen í útsetningu Carl Billich.  ingibjörg Þorbergs söng yfirrödd. Til er útvarpsupptaka með laginu sungin af Sigurði Ólafssyni og Ingibjörgu Þorbergs sem söng yfirrödd.
Flytjendur: Einar Clausen og Harpa Harðardóttir

Bárust mér blíðir ómar,
bjarta sumarnótt,
stillt var á hörpustrengi
um stund og allt varð hljótt.

Hugði ég huldar dísir
hörpu væru’ að slá,
að syngja um ást og yndi,
ósk sína, von og þrá.

Þá  birtist mér bláklædd gyðja,
broshýr og undurfríð
með æskunnar blik í augum, 
svo yndislega blíð.

Og ennþá harpan ómar
eftir þennan fund,
það voru þýðir hljómar,
það var mín óskastund.
Já, það var mín óskastund.

Harpan ómar

Höfundur: Ágúst Pétursson - texti: Kristján frá Djúpalæk - vals
Flytjendur:  Ágústa Sigrún Ágústsdóttir og Harpa Harðardóttir.  Útsetning fyrir tvær raddir: Jón Sigurðsson

Mér finnst ég vera fangi oft á tíðum
og fagna yfir hverri stund, sem dvín.
og kysi helst með aftanblænum blíðum 
að berast heim í æskulöndin mín.
Ég reika í huga vítt á vetrarkvöldum
og venjulega staðar numið fæ
á lágri strönd hjá úthafsbláum öldum,
í óskadýrð við lítinn moldarbæ.

Allt, sem ég ann, við þennan bæ er bundið
og bernskusporin liggja í kringum hann.
Ég horfði þaðan seiddur út á sundin,
er sólin bak við fjallahringinn rann.
Mér fannst ég bergja af bikar gleði fullum,
í blómasæng við vorsins ástarljóð,
því æskan finnur nóg af nýjum gullum
í náttúrunnar ótæmandi sjóð.

Það væri sælast fjarri heimsins harmi
við hafsins tign og dýrð að una sér
og hallast mega að blíðrar móður barmi,
er brandur ömurleikans hjartað sker.
Ég vildi ég gæti björgum lífsins bifað
og brotist yfir örlaganna hjarn,
og síðan frjáls við litla bæinn lifað,
leikið mér og verið alltaf barn.

úr ljóðabókinni
Frá nyrztu ströndum, 1943

Bærinn minn

Höfundur: Ágúst Pétursson - texti: Krisján frá Djúpalæk - tango
Hlaut aukaverðlaun í danslagakeppni SKT í nýju dönsunum
Lagið til á útgefnum nótum fyrir píanó en var flutt af Tígulkvartettinum í útsetningu Jan Morávek. 
Flytjandi:  Ágústa Sigrún Ágústsdóttir

Er einmana geng ég á ókunnum stað
er einasta gleðin að hugsa um það,
hve þá verður sælt, er til þín liggja spor
og þar verður fagnað af tveim.
Að liðinni nótt yfir land rennur sól,
þá lifnar það allt, sem í frostinu kól.
Og ást mín og þrá eru vermandi vor
og, vinur, þær bera mig heim.

Lagið er fornt, en þekkt í flutningi the Beach Boys frá árinu 1964 undir heitinu We three kings of orient are. Rúnar Júl og félagar tóku lagið síðan upp á sína arma og fluttu það í keimlíkri útsetningu í Sjónvarpinu  undir heitinu Undrastjarna. The famous American carol We three Kings of Orient are was written in 1857 by Rev. John Henry Hopkins. The minister is reputed to have written the carol We three Kings of Orient are for the General Theological Seminary in New York City as part of their Christmas pageant. 

Ég fékk skólasystur mína Bergljótu Hreinsdóttur, snilling, til að gera nýjan texta við lagið sem heitir Vitringar þrír.

Lag og frumtexti: Jólasálmur eftir John Hopkins, jr. frá 1857
Íslenskur texti: Bergljót Hreinsdóttir

Vitringar þrír úr austrinu fjær
ferðast með gjafir, mjakast æ nær
um merkur, móa, fjöll og flóa
lýsir oss stjarnan skær.

Á Betlehemssléttum fæddur nú er
konungur vor, ég gull honum ber  
ljóssins son, mannkyns von 
í heiminn hann kærleik ber.

Stjarna undurs, nætursól 
björt og himnesk lýsir ból 
áfram vestur, heiður mestur
heilagt ljós hún björt oss fól. 

Reykelsi færa konungi vil
bljúgur og breiskur legg ég það til 
með bænum heitum, lofgjörð veitum
konung ég tilbiðja vil!
 
Stjarna undurs...

Með myrru ég ferðast langan um veg
ilmandi, bitur, hjartnæm og treg
krossmerktur blóði, dauðdaginn hljóði
innsiglar grafsteins hel.  

Stjarna undurs...

Lof og dýrð við vegsömum hann!
Guðson á jörð í líkingu manns
Al-le-lu-ia, Al-le-lu-ia,
Sameining skaparans.

Stjornubjart

Vitringar thrir

eftir Gustav Holst
Frumtexti: Christina Rossetti
Íslenskur texti: Hinrik Bjarnason
Söngur: Ágústa Sigrún Ágústsdóttir

Á þeim langa vetri 
oft var frost og hríð, 
fold í frera bundin,
fátt um veður blíð.
Ofan gaf þá snjó á snjó,
snjó ofan á snjó,
á þeim langa vetri 
í eina tíð.

Af himnum prins var sendur
með hjálpræði til manns,
en voru trúir þegnar 
í víðu ríki hans?
Á þeim langa vetri,
undir fjárhússvist,
í jötu fæddi María
Jesúm Krist.







Fráleitt má ég snauður
færa honum neitt.
Ef ég væri ríkur
allt væri það breytt,
lærður gæti látið
lærdómsvitið sitt.
En eitt get ég þó gefið:
Gefið hjarta mitt.

A theim langa vetri

Composer: Jón Ásgeirsson
Lyrics: Gunnar Dal
Singing: Ágústa Sigrún Ágústsdóttir

Hver blundar svona blítt í húmi nætur?
Ó, barnið mitt þú sefur vært og rótt,
því Drottinn sjálfur litla hvarma lætur
lokast í hljóðum draumi þessa nótt.
Og hjá þér stendur Jesúbarnið bjarta
og brosir til þín litli vinur minn,
því auðmýktin sem er í þínu hjarta
Hún opnað getur sjálfan himininn.

Þig dreymir, barn mitt, blika í norðurljósum
svo bláar stjörnur næturhimni frá.
Það fellur niður regn af hvítum rósum
Á rúðu litla stokknum þínum hjá.
Í dýrð sem aðeins draumalönd þín geyma,
þar drottning næturinnar hljóðlát fer
og opnar hulda ævintýraheima,
sem aðeins voru byggðir handa þér.

Hún kemur til þín, hvítar rósir anga
og krýpur engilbjört við stokkinn þinn.
Hún þrýstir mjúkum kossi á munn og vanga
og mildar hendur strjúka þér um kinn.
Hún hvíslar að þér: Hvíl í örmum mínum, 
að kynjaströndum nýjum þig ég ber.
Ó, barn mitt góða gleym ei draumum þínum,
Geym ævintýrið vel í hjarta þér.

A jolanott

Icelandic crossover soprano with a new CD "Stjörnubjart" (Starbright) in November 2015.
www.agustasigrun.is

Ágústa Sigrún

Popular tracks