مزازيج

شعر صوفي من فيلم المصير

بعد الطوفان نلقى الصديق الزين
نتسندو على بعض بالكتفين
ونقول ده والله حرام
ما نبتديش العلام 
غير بالطوفان يعني
لازم طوفان
بعد الطوفان الجو شبورة
ننده لبعض بهمسة مذعورة
بشويش نمد الإيدين
ياللي إنت جنبي إنتَ فين
كان فيه طوفان 
خلاص مبقاش طوفان
المسني ونّسني 
أنا حيران

بعد الطوفان - محمد منير

Ali Elhaggar Official Page: www.facebook.com/AliElhaggar....
https://soundcloud.com/alielhaggar/5smtny

علي الحجار - روحي فيكي | Ali Elhaggar - Rouhy feeky

كلمات : محمد الناصر على
 ألحان : وجيه عزيز


إن مقدرتش تضحك - أحمد زكي (هيستيريا)

عن انسان - كاميليا جبران - شعر محمود درويش


ان ما قدرتش تضحك .. 
ما تدمّعش ولا تبكيش
وإن ما فضلش معاك غير قلبك
إوعى تخاف !! 
مش هاتموت .. هاتعيش
وإن سألوك الناس .. عن ضي
جوا عيونك ما بيلمعشي
ما تخبيش ..
قولهم العيب مش فيا
ده العيب م الضي !!

وأنا مش عاشق ضلمة
ولا زعّلت الضي
مسير الضي لوحده .. هايلمع
ومسير الضحك لوحده هايطلع
ما بيجرحش ولا يئذيش

إن ما قدرتش تضحك .. 
ما تدمّعش ولا تبكيش
وإن ما فضلش معاك غير قلبك
إوعى تخاف !! 
مش هاتموت .. هاتعيش
وإن سألوك الناس .. عن ضي
جوا عيونك ما بيلمعشي
ما تخبيش ..
قولهم العيب مش فيا
ده العيب م الضي

كلمات : محمد ناصر﻿ علي
الحان : وجيه عزيز

احمد زكي - العيب في الضي - فيلم هستيريا

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

صاحب السعادة 
اسماعيل يس

-----------


كلنا عايزين سعادة
بس اية هى السعادة
ولا اية معنى السعادة
قولى يا صاحب السعادة
قولى قولى
ناس قالولى ان السعادة بالفلوس
حاجة سموها الجنية
قول فضلت اجمع واحوش
فى الفلوس لحد ما حسيت انى بية
كل ما امشى فى اى حتة
ابتسامة
واللى يمسحلى الجاكتة باحترام
واللى يشتم فى فلان
واللى يعمل بهلوان
واللى يفتحلى البيبان
واللى يمسحلى المكان
كل دى ..كانت اونطة
مش باخلاص او ارادة
اى ضحكة ..ابتسامة..
عليها اجرة
تبقى فين هى السعادة ؟
قولى يا صاحب السعادة
قولى قولى
ناس قالولى ان السعادة فى الغرام
ويا احسان او نوال
نظرة ثم ابتسامة
واخوك قوام طار فى شرك الجمال
الهوا شعلل فؤادى باللهيب
وفى هدايا فضلت اهادى لاجل اطيب
وانطفت نار القليل..لما بلتلى الحديد
وحلفتنى ميت يمين انى اكون مخلص امين
بعد حلفانى بيومين شوفت الحبيبة
وياة واحد ..والاكادة
انة صاحبى ..وهى عارفة
تبقى فين هى السعادة
قولى يا صاحب السعادة
قولى قولى
قولت احسن لما اشوف بنت الحلال
دى السعادة فى الجواز
قول نهايتة رحت دافع مهر عال
للعروسة وللجهاز
يوم كتبنا ويوم دخلنا عالزفاف
بعد جمعة خاب املنا بالخلاف
اشتيكلها فى الغرام ..تشتكيلى بالقليل
خياطتها ..والهدوم طلعوا مش اخر موديل
فكرها مشغول بصيدناوى وموباكو..والمقلم واللى سادة
اما جوزها مش ضرورى ..واجباتة
تبقى فين هى السعادة ..قولى يا صاحب السعادة
قولى قولى 

إسماعيل يس - صاحب السعادة

تتر بداية فيلم إسكندرية نيويورك 

كلمات : الشاعر جميل بخيت 
الحان : الموسيقار فاروق الشرنوبي
توزيع : يحيي الموجي

علي الحجار | إزاي تكون انتَ ؟ .. من فيلم إسكندرية نيويورك ♥

صدفة يا سمسم بالنسبالي تجربة فنية و شخصية 
تسقط.. اسقط دغري معاها .. تنجح .. انجح مية لمية 
انما ستات و جواز و خلف و عيال اوهام 
دول صنف من البشرية تمام زي الالغام 
من كلمة تقيد النار في البيت و الغيط واعاديك
هتلاقي ابوها و اخوها و حماة جاية تربيك
ويطلعوا نني عينيك 
و يلموا الدنيا عليك
و اعاديك ... اعاديك يتشمتوا فيك
و صوات و صريخ و زعيق و مناهج في التشليق
و سلاح قباقيب و حلل و قلل و فريق ينحاز لفريق
و فضايح وسط الناس .. و انا ناقص قلبة مخ 
ده انا رقة اوي و حساس.. باتشنج لما ترخ
ابقي اتجوز ليه ؟...و انا مالي 
ولا اتقيد ليه ؟ .. كده مالي
ثم انا كده باعمل ما بدالي
حرو خالي و امري ف ايدي
اما ان كان على صدفة يا سيدي
صدفة يادوبك بالنسبالي تجربة فنية و شخصية
تسقط... اسقط دغري معاها.. تنجح.. انجح مية لمية
.........................
طب جرب انت في مرة و سلم نفسك وحدك ليهم
وانا اراهنك ان ما صبحت بتلعن اورمة خاش اهاليهم
دول صنف من البشرية انما معجون مية عفاريت
يملوك بنزين و سبرتو و بومب و يلعبوا بالكبريت
كيدهم ده عظيم وحياتك
حتى و لو كانوا اخواتك
ايش حال لو بقوا ستاتك؟
يخربوا بيتك ماديا 
 و هاتتعقد نفسيا
 و يضيع اسمك ادبيا
 في محاكم ثم في نفقة او في الحبس احتياطيا
....................
ابقي اتجوز ليه و انا مالي 
ولا اتقيد ليه كده مالي
ثم انا كده باعمل ما بدالي
حر و خالي و امري ف ايدي
اماان كان على صدفة يا سيدي
صدفة بقولك بالنسبالي تجربة فنية و شخصية
تسقط.. اسقط دغري معاها... تنجح .. انجح مية لمية

Fouad Elmohandess فؤاد المهندس  - Atgawezz Leih  اتجوز ليه

إن مقدرتش تضحك ... متدمعش ولا تبكيش
وان مفضلش معاك غير قلبك ... اوعى تخاف مش هتموت ... هتعيش
وان سألوك الناس عن ضي جوه عيونك مبيلمعشي ...متخبيش
قلهم العيب مش فيا ... ده العيب في الضي
وانا مش عاشق ضلمة ... ولا﻿ زعلت الضي
مسير الضي لوحده هيلمع ... ومسير الضحك لوحده ... هيطلع
مابيجرحش .. و لا يأذيش

ان مقدرتش تضحك - وجيه عزيز

منير - مين ياخد قلبى المليان

اسماعيل يس عينى علينا يا اهل الفن

أعيشك في المحلِ تيناً وزيتاً.....
وألبسُ عريكِ ثوباً مُعطر
وأبني خرائب عينيكِ بيتاً
وأهواكِ حياً، وأهواك ميتاً..........
وإنْ جعت أقتاتُ زعترْ
وأمسح وجهي بشعركِ الملتاع..
ليحمرَ وجهي المغبرْ
وأولدُ في راحتيك جنيناً..
وأنمو وأنمو وأكبر
,,,,

وحين أساقُ وحيداً لأجلدَ في الذلِ...
أضرب بالسوطِ في كلِ مخفرْ
أحسُ بأنا حبيبانِ ماتا من الوجدِ
سمراءْ وأسمرْ
تصيرينني وأصيرك ِ
تيناً شهياً
لوزاً مقشرْ
,,,,
وحين يهشمُ رأسي الجنود...
وأشربُ بردَ السجون...
لأنساك ِ..
أهواكِ أكثر
أعيشكِ في المحلِ تيناً وزيتاً.....
وألبسُ عريكِ ثوباً معطر
وأبني خرائب عينيك بيتاً
وأهواكِ حياً، وأهواك ميتا..........
وإن جعت أقتات زعتر


إن مقدرتش تضحك - أحمد زكي (هيستيريا)

Ahmad - Ali

Recent comments

Heba Esmat

ESRAA MOHAMMED

Ahmed Badr Karram

Maro Moh

Related tracks