على مدى مشواره اللي تجاوز 30 سنة من الغُنا، عمرو سجِّل أغاني غنَّاها مطربين تانيين أو العكس، أو حتَّى غنَّاها في حفلاته؛ منها ”حنقول إحنا لسَّه حبايب“، اللي عملها مصطفى قمر في ألبوم ”لسَّه حبايب“، و”اللي بيني وبينك“ غنِّتها جنَّات فِ ألبوم بنفس الاسم، و”حبيبي ياللي ناسيني“ لعاصي الحلاني (لحن وتوزيع مختلفين)، و”روح قلبي“ اللي غنَّاها حماقي مع بعض التغيير في الكلمات، ده غير نسخة رديئة من ”سلِّمتلك“ عملها محمد عطيَّة، وطبعا ”بتحبِّيه“ اللي نزلت في ألبوم ”قرَّبني ليك“ بتاع هاني شاكر، واللي أدَّاها عمرو بأسلوب ”فاجر“ بالنسبالي، خاصة جزء ”يعني اللي بينكم -آه- زي اللي كان بينك وبيني“، مع تفاعل عالي من جمهوره.
بعيدًا عن المشاكل اللي حصلت بين عمرو وأي مطرب تاني بسبب القصَّة دي، وبعيدًا عن المقارنة بين عمرو وأي حد غنَّى نفس الأغنية، قبله أو بعده، وبعيدًا عن اتهام أحدهما بسرقة الأغنية، اسمعوا ”بتحبِّيه“ هنا وانبسطوا.

(Unreleased Songs) Amr Diab - Bet-hebbeeh | عمرو دياب - بتحبّيه

كلمات: بهاء الدين محمد
ألحان: عمرو دياب

Lyrics: Bahaa El Deen Mohammad
Composer: Amr Diab

Ahmad Yehia