tesla

تقابليني !!  - احمد الجيلاني ( Ahmed Elgylany)

لا تعطني شعرا .. علمني كيف احب !  - احمد الجيلاني ( Ahmed Elgylany)

انا كنت اسبونج - احمد الجيلاني (Ahmed Elgylany)

نص .. جلد الذات 
ل أحمد الجيلاني

الكلمات

مش ناوي ااذيك
مش اناوي اوضح شي اطلاقا
انا بس لقيت الوحده بتيجي بتسكن فيك
واقف و مازلت محلك سر 
لا بتعمل في حياتك اشياء
ولا عمر الحزن معاك بيقل
الطرق اللي بتدخلها كتير 
و مفيش في طريق منهم عاجبك
كل الابواب مقفوله و لو 
جيت تفتح باب تلاقيه معاندك
انت مفكك قلبك شكك من كل الناس
من غير اسباب 
تفضل جدا موجود لكن بتبان اكتر انسان كان ساب
مكتوب في العمر ان انت غياب
واخد كافايينك م الدنيا و تهرب من كل اللي يشاغلك
ساند من كان بيميل لكن ملقيتش ف يوم واحد ساندك
كل اللي بيجرح بيقابلك 
ياخدك جوله و يرميك مقتول
اخرك لو جيت الدنيا عليك تدخل اوضتك و تتطفي النور
اضعف من شبكه علي التليفون مش واصله لحد
كنت انت زمان بتهزر فجاه قلبت بجد
 من غير ما توضح حتي قرار
مبقتش بتدخل اي مسار 
بيشوفك كل يومين اشخاص و كانك حاجه في قلب بازار
بتعدي اليوم نفس الايام .. و تعيد ف الايام نفس اليوم
و كانك حاطط في الساعه نسخه بكربون
و بعيد عنك 
نفس الاوقات بتجيلي كتير 
 نفس الافعال و مع حبه روتين بيزيدوا الصبح 
و الصلح علي الدنيا اتحول شي اصبح ساذج او مبهم
انت اساسا اصبحت غريب
و بقيت فاصل و معلق من جوا و بايظ جواك فيه صاموله مهيش رابطه 
و مدخن من جوا سيجارتك حكايات وياها بقت وارطه
مش عارف تخرج براها 
ولا عارف تستقوي علي البعد
عايش و كانك جواها 
كل اما تسيبها و تاخد وعد
ترجع تلاقيك لسه معاها 
مش لاقي طريق تخرج منه
بحكي عليها للقمر 
لقاني فجاه بقول كلام عنه
و كانها شي كان مهوش مالوف 
او حاجه تشبه في الزمان معجزه
انا شخص غامض 
همي مش معروف
و كاني حاجه اتركبت بالغلط
اغنيه مش ع اللحن متالفه
قابلني واحد قالي تتبرع
للدم قولت تمام و ايه المانع .. 
بص لدراعي و قالي مش نافع
 في واحده عايشه لقيتها ف الاورده
عبيتي قلبي و اتملي بيكي
وزعتي روحك كله علي جسمي
بضحك ف صوره لقطها صاحبي ف يوم
بفتح لقاني ببص باستغراب
سالني قولت ازاي بتبتسمي
و ازاي لقيتك فيا وانا بضحك
بصيت لنفسي و قولت ايه الدنيا !
ايه حكايتك قلبك مش ساندك .. عمرك غالبك 
و كانك شجره في فصل خريف 
و كانك ضيف جه الدنيا يسلم ع الموجود
اهلا اهلا ازيك احسن وانت تمام ؟ 
لو كنت حمام .. كنت اقدر اطير لبلادك و انظر و افضل اشاور ليكي و ابص في عينك باستغراب
لكن انا عارفك هتصديني كاني غراب 
اسود اسود
اسود لكن اسود صافي
حزنك دلوقتي خلاص كافي
رتب اوضتك .. جهز صورتك ف الذكري زمان 
تقل خوفك او خف امان .. 
وانا جنبك اهو و الله هساعدك 
هفضل ارتب ليك كلماتك جوا ف عقلك و احفظهم ليك
مش ناوي ااذيك
مش حابب اوضح شي اصلاقا
انا بس لقيت الوحده بتيجي و تسكن فيك

Ahmad Elgylany

Popular tracks