محمدصبحى

محمد طه - ياللى رماك الهوى


...... من التراكات اللي لما لقيتها عندي ادركت ان عندي حاجات غريبه فعلا ! ..... "محمد طه" الفنان الشعبي المصري ، صاحب المووايل ، اكيد شفته قبل كده لابس جلابيه و طربوش في احد الافلام المصريه القديمه ..... ممكن تكون سمعتله قصة "حسن و نعيمه" الرائعه ، موجوده على اليوتيوب على ما اعتقد ..... التراك اللي جي ، موال من محمد طه للمعلم عباس احد تجار حي الحسين ، بمناسبة خروجه من السجن ! 

موال يا حلوة يا أم التوب . محمد طه ، إهداء للمعلم عباس بمناسبة خروجه من السجن !

حلوه صلاه النبى , عاشق جمال النبى , بنادى الزمالك , بنادى الزمالك ,
نادى الزمالك , نادى الزمالك جمع ابطال ورجاله والكوره لها
ناس اهل حماس ورجاله , وألدو يقول يا رجال قدامى رجاله

من الاول عشان الحبايب , ياليل يالييييل ياليل ,
نادى الزمالك جمع ابطال ورجاله , وفرحنا بالكاس , وفاز بالنصر رجاله ,
وألدو يقول يا رجال قدامى رجاله , يكن ورفعت و رأفت عم رجاله ,
وعبده نصحى ونبيل وسمير ولا تنسوا ابو رجيله ,

وعبده نصحى ونبيل وسمير وابو رجاله,

بردوا من الاول عشان الحبايب
عبده نصحى, وعبده نصحى وسمير , وسمير وابو رجاله على الحلو اهو,

ولا تنسوا خضر وعلى محسن يا رجاله , اسمع كلام على خضر ونور و وبدر وعلى محسن يا رجاله
واحمد وحسنين واحمد وحسنين وحمااااااده امام رجاله ,

أسمع كلامى كلام الكل واياهم , علشان رفعوا الكره فى العلا قدام جميع الناس , رفعوا الكره فى العلا قدام جميع الناس ,
وخرجوا مشجعنهم مرفوعين الراس ,
الشعبى هنا الزمالك الشعب هنا الزمالك لما فاز بالكاس وجمال يقول حاسب لأ دول زمالك رجاله.

من الاول عشان الحبايب , وكل رجال , ياااا ابو الغلابه يا ليل ,
يا حلو شايفك يا حلو شايفك بشفايك تكلمنى ارحم بحالى اتنيت والعزم كللنى
قدام قرايبك مش عايزك تكلمنى, ام قلى حبيت بس من الهوى خايف
قلت اذا كنت خايف برمش العين تكلمنى.


الفنان الشعبى محمد طه - موال نادى الزمالك

انتى الاصيله يا مصر محمد طه - enty al asila ya msr

راح اتوب ياعين
أنا راح اتوب ياعين
هاتوب ياعين وخايف من حنين ئـلبي
يرجع يلين ف الهوى ، يـبـئـة السبب ئـلبي
العين بـتـعـشـئ كتير واللي شَـبَـك ئـلبي
الصبر ياعين وحمَّـال الأسى ئـلبي
إسمع كلام له معاني مش وَرَئ مكتوب
ولومك لاما زاد مَـزَّجت الجميص والتوب
ويش يعمل العبد ف اللي عالجبين مكتوب
واللي بحبه هجرني غصب عني يادوب
وكل ما اجي اتوب يرميني عالهوان ئـلبي

موال راح اتوب ياعين / محمد طه

أنا يا ابني عملت صياد سمك
عملت صياد سمك ، وصيد السمك غيــَّـة
وأحــِّـب سود العيون ، واحــِّـب الملاغية
والبمبوطية لهم ف البحر ملاغية
وطرحت شبكي ف بحر الغرام غيــَّـة
طلعتلي واحدة بياض ، والتانية بلطية
والتالتة مياس والرابعة بالنية
دة الرزئ بالله والأعمال بالنية

موال صيد السمك غية / محمد طه

 موال الحب بالدم - محمد طه

الكلمات  :-
الحب بالدم مش لازم بياض وجمال 
ولاهو باللبس ولاعندك خيول وجمال 
مادام الفؤاد انشغل قلب الحبيب له مال
.
ياللي غويت النسب ناسب رجال امرا
وساعة الأنس فيها يحضرو الأمرا
امير وناسب امير يبقا الجميع امرا

ياللي غويت النسب سيبك من الفدادين 
اوعي تقول علي الغنيه هتورثك فدادين
ياتري مين يورثك يا ياوارث الفدادين
فقيره واصيله ولا وحشه ولها فدادين
Mina Adel Gayed

موال الحب بالدم - محمد طه

مش ممكن أجيلك واصفى معاك  الريس حفنى أحمد حسن

[اسأل عن اللي يقضي الليل
بين الأمل وبين الذكرى
يصبرّ القلب المشغول ويقوله نتقابل بكرا]


سيد مكاوي | يا مسهرني ( عود )  كاملة

أبويا نصحني وقالي امشي علي قدك
وفصل التوب يكون مسبوك علي قدك
وأن شايلوك حمل شيل الحمل علي قدك
أوصيك يا ولدي وصية والوصية حساب
أمشي كمشي التجارة وللتجاره حساب
واللي ما يعمل حسابة ما يتعملو حساب
كنت في قلب الميدان .... تحت السماء الزرقا
جابت عنيا الغيطان ...... والترعة والزرعه
أنتي الأصيلة يا مصر .... وكلنا عارفين
أنتي الأصيلة يا مصر .... وكلنا شاهدين
بحق محمد نبينا وعيسي نبي اللة
النور ويانا والعمال العاملين المخلصين والأحباب ويانا
دي مصر أم العَلم
مصر جميلة وأصيلة فيها ولدي وفيها بلدي
انا أبن المنوفية وصعيدي يا سيدي
وسيدي كان فلاح وأصلي فلاح وحى على الفلاح
وأبو زرع طيب يقول حى لي الأصلاح
وعمال عاملين عملو الخزف والصيني
مواصيني أبويا بكل فَـلاح
وقالي : 
مصر جميلة , مصر جميلة , خليك فاكر , مصر جميلة
لما تكلم ولاغاني من بحر المواويل والأغاني
محدش من فكرة لغاني , مصر جميله

موال مصر جميله لمحمد طه


من صغر سني كفاني الدهر مادلني

ولايوم نصفني زماني على الايام وعدلني

من غلب الايام ساعه ابكي ساعه اغني

وده اقرب ماليا بيكلمني كلام المر

وادي اندل الناس بيقولي لاترحل من عندنا لا تمر

كلام العاذول مر كفاني عالضهر ما عدلني 


انا بوحد الي خلق الناس..خلق مسلمين ونصارى

وناس نايمه على فرش ونعاس..وناس على المعايش حيارى

لو شوفت الي جرى في زمننا عملوها ولد الفواتك

كلام العوازل زاملنا سبع الرجال انجر واقف

سكت الهوا والناموس طار شوف السبع طأطأ بعينه

خليها ده النوم استار لما الهلف ياخد يومينه

خشب المراكب يابني من الصنت..في البحر ياخد مهادر

واجب عالحر يتبع الصمت لما الندل ياخد مهاجه



خشب المراكب من الصنت..في البحر ياخد مهادر

واجب عالحر يتبع الصمت لما الندل ياخد مهاجه

يالي بتنادي عايز مين خولي الجنينه عالبتاني

معاي جرح له مده وسنين من لؤم العزول عبى تاني


سكت الهوا والناموس طار والسبع طأطأ بعينه

خليها ده النوم استار لما الندل ياخد يومينه


 زمانك زمان الكلوبات لمض الصفيح بطلوها

شوف الفُرخ الي بلا ابات اليوم بتحلف بابوها

زمانك زمان الكلوبات شوف القطر عالسكه ماشي

اليوم شوفت ولاد العزابات في الضله فارده الشماشي

طبيبي تعالي الحق من البعد عينك نظيره

مفيش حد رزقه على حد لكن المصايخ كتيره

تاريها الدراهم بتنفع تجيب بل ويا غنيمه

الصاحب الي ماينفع تيجي البعد عنه غنيمه 

تاريها الغروره تربت انظر بعينك راعيها

شوف العنزه كبرت تربت اليوم تطحت راعيها


(جزء من السيره الهلاليه - تغريبة تونس )


سعيده جامت من النوم تبكي واتخبلت في العكيفه

على ولاد مهران تشكي ..صباح الخير يابا خليفه

يابا حلمت حلمي حلم الليل قلق منامي

حلمت القمر ماخالط الليل وده ست مداين وقعوا 

وبحر الهميره اتانا في الصيف

روى بلدنا في بعونه

ويابت كفياكي شهاويل يا بت متقليش مقامي

حلم الليل كله شياطين يابت سمي ونامي

يابا قولتلك القول ياماشي على عرض سيفك

وتاني ماقولك قول تشرق تغرب بكيفك

ياليل يا ليل 

فات العويل يوم على ولاد الكرام ماشي

ومركباه الغروره من فوق جواد ماشي

بقى اكله لحم طان ونسي العيش والمشِ

انا قولت يادنيا انت لا عندك حياء ولا خشا ولا خيش

ملتي على ابن الاصول لبستيه خلق دايب من اردل خيش

وابن الرديه يا دنيا عمل بيت وعمل دوار قدامه

والحر منك طفش عمل لسكنه خيش

انا قولت يا دنيا لازم اوضع بيني وبينك حد

قالت انا الغروره الي مادمتش في يوم لحد

وكل واحد ليه حق ياخدله يومين ويقوم ماشي


وجاني طبيبي بيعالجناه والي معاه عله بيعالجها

لكن المره الي ماتردش الجناح (الباب) خاف وحرص قوي من ولدها

غزال الجبل منزله منين عاجبني محني كفوفه

بينزل في الليل وشمس الضحى لم تشوفه

وجاني طبيبي بيعالجناه والي معاه عله بيعالجها

لكن المره الي ماتردش الجناح خاف وحرص قوي من ولدها

يابت حوشي جملك هبشني وجت هبشته في العبايه

رمان صدرك دهشني خلى فطوري غدايا

جيناكي يا بيضه جيناكي عشانك تعبنا الهجينه

وعاوزين منك غدا بلانار ولا تتعبيش في عجينه

قالت اجيبلك عيش مطبق فوق منه السمن سايح

والغدا الي بلا نار يجيب لآهله الفضايح

بابو ركاب تلمع كما البرق من فوق ضهر الحباش

لها ريح اقوى من الشرق غلت عرشها مرماشي

انا اصلي عالنبي الزين خلقني وفصل لساني

انا بمدح النبي الزين محمد حبيب الحبايب

وفوق قبته رفرف الطير نفسه يزيح مغايب

لولا النبي مكانش القمر بان ولا شمس من الشرق بانت

ولا كانش ليل ولا نهار ولا ازلام صلت وصامت

محمد طه - ياللى رماك الهوى

Muraki

Recent comments

محمد حسن

hema

عمرو صفوت

ابو علي

Related tracks