تست تست شغال

ايون معايا هنا يا ابني

انا احمد حمادة الوكيل

مواليد سنة النصر 1995

لي الفخر بالانتماء للاخوان المسلمين وحزب الحرية والعدالة

بالعربي الفصيح كده اخوانجي قفل و ارهابي بلس مخطوف ذهنيا

يجوز كمان ان دي تكون الحاجة الصح الوحيدة في حياتي

ولدت لاب طبيب وام معلمة

بالمناسبة هاكون انا كمان دكتور بعد سبع سنين كده ان شاء الله

عنيد جدا ومبقتنعش علي عطول بس لو اقتنعت بحاجة

يبقى من غيرها رقبتي

مقيم بين السعودية ومصر

ده مش معناه اني عايش في البحر الاحمر

يعني في مصر شوية وهناك شوية

اكبر اخواتي و ده احد اهم المشاكل في حياتي

انت الكبير بقى وروح يا ابني وتعالى يا ابني و عليك مسؤولية يا ابني

اخدت انت بالك من كلمة اخواتي وحياتي بينهم سجع

يعني حته في النص كده ساعات بنفع شاعر

عايش في جمهورية كفر الشيخ الشعبية الاشتراكية العظمي

حد يسمع عن المحافظة دي ؟

عموما هي بتنتج تلت انتاج مصر

من السمك علشان كده السمك اكتر اكله مش بحبها

آه وعلى فكرة انا موقن ان يوم ما كفر الشيخ هاتتخلص من فلوليتها

الثورة المصرية هايتكتب ليها التمكين

مش محتاج الفت نظر لان المراد بالثورة هنا ثورة يناير

لكن 30 يونيو دي كانت حاجة كده علشان انا مؤدب مش هاقولها

بصرااحة عريس لقطة بس للاسف مرتبط

سمعك ياللي بتعيطي

متقلقيش انا مرتبط دلوقتي بدراستي بس ممكن تسيبي اسم حضرتك في الكنترول بره

اسعد يوم في حياتي يوم ان اري ديني يحكم ويسود

للشكاوي والمقترحات http://ask.fm/Alwakeal

صلي على النبي بقي ^_^