خطبة السديس عن مصر

نفسى ف تابوت اتحط فيه واتحاسب 
تعبت من كتر الدموع على كل ذكرى ماتت
تعبت م الكلام و م السكوت 
تتعبت م الظلام و من النور
تعتبت م الكتابه ع السطور
حبى لقلمى و ورقتى اضعف من حبى لنفسى
اشكى مهما مهما اشكى وابوح بكل حاجه عندى 
تستحمل كل كلمه بتنكتب بحبرى 
عايش متكفن جوا تابوت 
ملفوف بخيط العنكبوت
لو قلمى خلص حبر اموت
قلمى بيكتب وبيطفح عند الكلمه الى بتوجع 
ورقتى مابتشكيش ومهما بكتب تفضل تسمع
عايز اخرج اشوف الناس بس خايف
خايف من نظرات الكدب والخداع شايف
شايف ان كله بياكل ف بعضه ايوا عارف
طبع البشر محفوظ صاحبى سابنى عشان فلوس
ودى سابتنى عشان حلمت مره بالكابوس 
ملك الموت انزل خدنى عشان كرهت النفوس
شايف جهنم قدامى ولسه عايش ملموس
عايش متكفن جوا تابوت 
ملفوف بخيوط العنكبوت
لو قلمى خلص حبر اموت
بتألم وانت بتضحك 
باشكى وانت مبسوط
لو انا حكيت لنفسك 
هتلزم السكوت
بتعذب عذاب القبر وانا لسه حى 
شايف اجساد بتسيح بتقول يارب الدور الجاى
عايش متكفن جوايا كلام يحزن 
مذلول والذل كتير جوايا اتخزن
مرض نفسى ف النور بيروح والضلمه بيرجع 
كبت الألم جوايا بيزيد مع صرخه بصوت ومين بسمع
صاحب غلط شايف صح بيقول كلام والكلمه بتوجع
اتصدمت ف ناس كتير معقول يطلع منهم اذيه
اقرب حاجه ليا راحت كنت... بعاملها بحسن نيه
حوليا ناس كتير و الوحده مالكه
بعمل ايموشن عباره عن ضحكه
روح على قبرى وارمى ورده
بميل واميل ذل مش مستحمل انى اشيل
بدعى كل يوم ياخدنى عزرائيل 
الصرخه مش مسموعه دموع كتير موجوعه
مع كل نمله بتنكسر ألم جوايا بيزيد 
مع كل ليه بيليل نار جوايا بتقيد
شايل هموم الدنيا فوق كتافى وبضحك
رافع ايدي مستنى حبل نجاه . اصل بغرق
الناس هتيجي تساعدنى وهم المشكله انى مصدق
الفرح اتحول حزن وفجأه اتحول كل حاجه 
انتا ولا انتى فاهمه كل تعابيركم كدابه 
انا الى طول حياتى بجرى جوا ف وسط غابه
انا لسه مكمل مايئستش وهضحك لو بموت
انا لسه قدامى سكك كتير بدل السكوت 
انسان زيي زيك بحس وبتألم 
متتريقش على كلامى بكره تكبر تتعلم
عايش متكفن بتمنى ملك الموت يحنن
مشكلتى للحزن والدموع بسلم 
ناس كتير كرهتنى من ورايا تفضل تتكلم
اتكلمت ف السياسه اتكلمت ف الأديان قالوا عليا اتجنن
لو الطريق مليان شوك هفضل مكمل
ببص لفوق من الشوق بلقى نجوم
كلمه ذل كلمه فرح نص حياتى هموم
مش مستنى منك كلمه تعبت من اللوم
بحر من الشوك بتعلم فيه العوم ومستحمل
شده الألم لما كانت الصخره فوق بطن سيدنا بلال
اذكر اللات والعزه والرد كان احد احد مهما اتكبل بالأغلال 
طرق التعذيب زادت ماسلمش من الأهات
ربنا وقف معاه فضل ثابت من سكات 
ابو بكر نجده منهم لولاه الكروان كان مات
الفكره ف ان المبدأ ديماً ثابت مبيتجزأش 
اكبر غلط انك تكون قادر وتقول ما اقدرش
هعيش و همحى من القاموس كلمه احباب 
هعيش وهدفن كل ذكرى فى التراب
هعيش وهحلم بالحساب
هعيش واعيش قبل ما اتسجل غياب

3aysh Metkffen !

قصة حزينة

خرج مـ الدرج دفتره
نسي ياخد معاه
الواجب اللي حضره
ساقه كالعادة هواه
انه يغير تحت المروحة
منسيش كالعادة يبص
عليها من بعيد وهي مروحة
خاف جدا يكون دكتور
عشان ميدخلش المشرحة
حب جدا مع صحابه التهيس
نام فـ يوم ع سريره بالقميص
اكمنه كان تعبان من مشواره
اكمن ليله دايما يبدا بدري عن نهاره
اكمن شمسه بتغرب من الشروق
اكمنه بيسكر لجل ما يفوق
اكمن كل حاجة ف حياته مش مفهومة
اكمن وقعته ف كل معركة لقلبه
بتكون ليها مع واحدة تانية قومة
شكرا جدا البنج اللي خدره
راح بيه للقسم يشوف محضره
لقي السجن عليه محكوم
من قبل ما يمشي ويقوم
ويشوف حتي القاضي
فتح عيونه ع الفاضي
اكمنه كان متعشم اوي
انه يشوفها بعد الدرس
اتمني جدا يكون مـ الخرس
عشان يلاقي عذر لنفسه
لانه مقلهاش ع اللي حاسه
فـ يوم من نحيتها
كان بيقرب لباب بيتها
عشان يشم مرة ريحتها
اللي كانت دايما موانساه
لو عدت ف يوم من جمبه ا
العيل كبر وكبر معاه كلامه
كان من صغره باين ف ضحكته اللامة
برغم انه شاعر
وحب جدا منير
لانه زيه طريقه واعر
 الا انه بيحب يشوف صوركتير
وميحبش يقرا شعر
برغم فخره بالعشرين مليون واحدة
اللي عرفهم ف عشرين سنة
الا انه روحه الجاحدة ..
بتضعف جدا ف لحظة اشتياقه لواحدة
الوحيدة اللي معرفش يمتلكها
كل واحدة بالنسباله سلعة يستهلكها
كل حب ف حياته
كانت بيسبب لقلبه مماته
اللي حب واحدة بس منهم
وديه كانت فعلا معجزة
واوام خلت قلبه يموت
ومجتش حتي تاخد العزا
الاسم شاب طموح
السن : قلب عجوز
المدينة:روح حزينة
يملك :من الخيال كنوز
حبيت للخوف اكسره
خوفت اني اخسره
حبيت للدمع انزله
لقتني جاي منزله
وبتحايل ع الدمعة عشان تنزل  
لقيت الجفن شايلهالي كانها جميل
حتي الدمع بخيل
مرضاش ياخدني بالحضن
طول عمري بغني للرمان
وعمره ما جيه يوم ع حجري
لما قولت اني شاعر زمان
قالو ياعم شاعر ايه ..اجري
ليه لما احب اصون
 الاقي الماذون
خابت فيه الظنون
ويجوزها غيري
ليه ف وسط الحزن
بضحك ضحك هستيري
ليه دايما خلود ف تفكيري
يمكن عشان هي لسه فاكراني
ليه روحي مش واخداني
مع واحدة اعرف احبها بجد
 ليه مش فاهم دماغي حد
نفسي لما احزن الاقيها جمبي
تديني بوسة ع الخد
نفسي لو دمعت
الاقيها تشاركني بدمع
كـ مية السد
نفسي ف حبل ماينقطعش
عشان يكون من ايديها انشد 
نفسي افهم نفسي
 و الحق نفسي
قبل ما امشي طريق
اخرتوا اكيد معروفة
حبيتها عشان
اول ما قابلتها كانت مكسوفة
حبيت الحضن
اللي مضمنيش
حبيت ست الحسن
اللي مقبلتنيش
حبيت حبيبتي ! يمكن
او مثلت ع نفسي ! يمكن
حبيت جنية جات تسكن
روحي لقيتها محجوزة
حبيت واحدة روحها عجوزة
حبيت قصيدة كلامها مش مفهموم
جيت انام لقيت نفسي بقوم
انا زعيم مزعوم من زعامة خيال
انا حبيت بنت حافظ لبسها ف الشتا و طريقة حطتها للشال
انا حبيت مطرة كرهت من مدينتي الطينة
انا حبيت واحدة وانا وهي خبينا
انا اتجوزت روحي شرعا..وف نفس الوقت زنينا
انا لقيتك ف الحلم بتبكي ..صحيت
لقيت دموعك ع خدك
انا كنت مفكر مفيش هم قد همي
طلع مفيش هم قدك
انا روحي وقلبي ليكي ..
خديهم لو بدك
انا قلبي ليكي محجوز
لو في يوم يعني رجعتي
انا بقعد بليل افتكرك مع صوت فيروز
وانتي اكيد ف بعدك سمعتي
لان كلامي كله عليكي
انتي عارفة..انا وحشتني اوي عنيكي
انتي عارفة كام قصيدة انكتب ليكي
انتي عارفة اني بسببك بقيت شاعر
 و قلبي بقي داعر .
يخاف يحب تاني
فيمشي مع مجروح زيه وخلاص
انتي عارفة اني فقدت الاحساس
نحية كل الناس ..انتي مـ الاساس
اللي علمتيني ازاي احب
ازاي اسب للزمن..
عشان اخدك مني
انتي عارفة اني بكتب حزني بالجف
انتي عارفة ان قلبي زهق لف
فكان ليكي بيرجع
اتتي عارفة صح ان بعدك بيوجع
كام مرة من نارك اتلسعت
كام مرة خبيت حزن مكبوت
كام مرة من نصيبك اتوجعت
كام مرة دمعت من غير مايطلعلي صوت
كام مرة مت فيكي ..فخلتيني اعشق الموت
#محمد_المدبولي
لينك الصفحة ع الفيس
https://www.facebook.com/ShrNylyMhmdAlmdbwly

اعشق الموت_محمد المدبولي

كلام حزين جدا و معبر

نازل وانا ماشي

فيسبوك : https://www.facebook.com/mostafa.shooa

تراك زهايمر , مصطفى ديشا

متتعشمش ..
ومتفكرش بزيادة ..
ووحياتك بلاش تعشق 
وتتمادي !!
وتتعلق بناس فالصو
فتتعب يعني كالعادة
فلو عايز في يوم تحلم
ياريت تختار في احلامك
ومتبصش ما بين رجليك
ياريتك بص قدامك
وفكر صح واحسبها
ولو كات حاجة هتسيبك 
ياريت سيبها ..
ومتضيعش عمرك خوف
وفتح .. شوف 
واضحك .. علّي اوي صوتك
مفيش داعي تعيش مكسوف
وقوم اتحدي اي ظروف
سابوك ؟ غابوا !!
وايه يعني !
ما كل الناس يا عم ضيوف 
ما تجمد بس وتكمل 
ما تتحمل 
وخدلك حضن من نفسك 
واقف جنبك .. ومتسلمش
ومتفكرش في الـ غايب
ومتعلقش اوي قلبك
بخيط دايب

عشان قلبك ميتألمش ..
متتعشمش ..
متتعشمش بـ حبايب

فريدي نبيل

https://www.facebook.com/groups/548692141813644/
لو تحب ممكن تـ فولو الاكونت
https://www.facebook.com/freddy.nabil

متتعشمش - فريدي نبيل

ahmed batshan soundtrack film (wash sogon) 3 (احمد باتشان آغاني فيلم ( وش سج

الله يسامحك

اغنيه مش باقي غير اشواقي 
لو حابين تشوفوها فيديو دة لينك الفيديو بتاعتي
ادعموني ياشباب محتاج دعم
https://youtu.be/EAF5eMAa6
اعملو لايك واعملو subscribe للفيديو 
شجعوني علشان استمر 
وشكرا

كلام حزين جدا و معبر

Ahmad Tantawy 5

Recent comments

Maryam Magde

Related tracks