الخال

عبدالرحمن الأبنودي ويا قلب يا أبن الكلب

عبد الرحمن الابنودي واحداً من أشهر شعراء الشعر العامية في مصر و العالم العربي شهدت معه وعلى يديه القصيدة العامية مرحلة انتقالية مهمة في تاريخها كتب لكبار المطربين وتنوعت اعماله مابين العاطفي والوطني والشعبي ولد عام 1938م في قرية أبنود بمحافظة قنا في صعيد مصر، لأب كان يعمل مأذوناً شرعياً، وانتقل إلى مدينه قنا حيث استمع إلى اغاني السيرة الهلالية التي تأثر بها.
من أشهر أعماله السيرة الهلالية التي جمعها من شعراء الصعيد ولم يؤلفها. ومن أشهر كتبه كتاب (أيامي الحلوة) والذي نشره في حلقات منفصلة في ملحق أيامنا الحلوة بجريدة الأهرام تم جمعها في هذا الكتاب بأجزائه الثلاثة، وفيه يحكي الأبنودي قصصاً وأحداثاً مختلفة من حياته في صعيد مصر

حصل الأبنودي على جائزة الدولة التقديرية عام 2001، ليكون بذلك أول شاعر عامية مصري يفوز بجائزة الدولة التقديرية

عبدالرحمن الابنودي - الموت علي الاسفلت - جزء ثاني

المشي كان صاحبي الوفي
بتعب ولايسيبنيش
كان مستعد يقضي باقي العمر ويايا 
ونزور شوارع وناس
مابتزورناش
ونغني روحنا 
ف عز الدنيا مابتشتي لمض حمرا 
وتملى الأرض بكلاكسات
ولأني فاقد شيء
ماقدرتش ادي لاي كائن اي حاجة
م الصبح كل الحواري تبصلي 
بيشبهوا عليا 
وانا مش أنا 
بيدققوا وكأنهم عارفينني 
وكأنهم
وانا بتجاهلهم 
وكأني حر
بخطي ع الرصفان كأني بحجل
وبهلفط بكلام كأني بغني
وبفتكرك
كأني بنساكي
وكأني لوحدي 
وكأني بهرب
وكأني
..
بلم باقي الأكل ف الشنطة
واشيل بواقي الوقت ف جيوبي
واخاف من ان الفلوس الباقية ماتكفيش
بحاول اعيش وابان للناس كأني بعيش
..
القطة اللي حنت عليا وحنت لي
من كام دقيقة اتمطعت على كرسي تاني 
لنفس ريحة الجبنة 
والشفقة 
والقهوجي اللي عاملني أحسن من صحاب البيت 
طلع لسوء حظي ونباهته 
معاه مفاتيح الزباين
والشاحن اللي ربطني جنبه ف حتة ماعرفهاش
كفاني بس لحد ما اوصل قهوة تانية
والليل معاه تصريح وباقي لفيلم سيما
وانا
 مش باقي مني الا فورة خوف
حر لكن مت وحدي انا والظروف
ومش معروف
لحد من اللي ف الشارع
ضلي اكتر ألفة مني على الحيطان
وبردان
لابس ف جلدي كوم هدوم حران
وعيان
 ماحنش عليه الميكروباص غير  بالمكان والباقى 
..
بيني وبين ضحكك زمن
وكأني بقدر حتى على نفسي 
..
اتنين بس 
بعرف ارمي نفسي ف حضنهم
لكن انتي مش منهم 
وانا برضو مش منهم 
وعشان كده خايف
الوحدة زي ما هي حرية وخيال
وحكاوي مش مع حد
سجن
بتمشى واشحت حد يعرفني 
    يسألني مالك
- حبة مشاكل
شغل
وسنين بتتسرسب
ورصيد ف بنك كأنه كيس مخروم
بهدى وبزوم
بهدى وبزوم
وارجع كأني مفيش
قفل البيبان مش حل غير ع الخل
كسر الكلام مش حل غير ع الخل
قطع الطريق مش حل غير ع الخل
اسف يا خل
اسف يا خل
والله اسف كنت فاكره الحل 
وان الحلول مواعيد
وفيه باقي
..
" الاجرة كام "
" الرمل ياسطى "
" شكرا "
" فيه فيلم (اسم لفيلم مش مشهور)"؟
" واحد "
كان نص فاشل وسط كون جاحد
وكأني بشلب دم ع المسرح
وكأني بضحك زي لمعة كاس
او زي ليل ف الزحمة وسط الناس
اعرفها تعرفني
تسألني مالك
اكمل الديالوج 
" مافيش "
يديني باقي فلوس ومابعدوش
ايه اللي عندي هيبقى له باقي ؟!
 ..
هسكت هنا 
مش راحة مني وحابب القفلة
لكن عشان خايف يفوتني الفيلم !

حفلة اتناشر-شعر أحمد السعيد-القاء صفاء أبوصبيحة

أن الأوان يا مصر - (الخال) عبدالرحمن الأبنودي

عبد الرحمن الأبنودي بصوته من ديوان  بعد التحية و السلام

أهلاً رسول اللهِ
يا خير الهداةِ الصادقين
أنا يا محمدُ قد أتيتكَ
من دروب الحائرين
فلقد رأيتُ الأرضَ
تسكرُ من دماء الجائعين
والناسُ تحرقُ في رفاتِ العدلِ
ماتَ العدل فينا من سنين
أنا يا رسولَ الله طفلٌ حائرٌ
من يرحم الآباءَ؟ من يحمي البنين ؟

ماذا تقولُ إذا سرقتُ الناس خبّرني
وطيفُ الجوع يقتل طفلتي؟
وأنا أموتُ على الطريقِ وحوله
يسري اللصوصُ وهم سكارى
من بقايا مهجتي ؟
بالله خبرني رسول اللهِ
أين بدايتي .. أين نهايتي ؟

***
أنا يا رسول اللهِ
لم أعرف مع الدجل الرخيص
..حكايتي
من أكونُ؟ وماذا أكونُ؟
أمام قبر مدينتي
وأموتُ في نفسي .. أموت
وأموتُ في خوفي .. أموت
وأموت في صمتي .. أموت
أنا يا رسول الله أحيا كي أموت
قالوا بأن الموت موتٌ واحدٌ
وأمام كل دقيقة قلبي يموت

خالد صالح - جزء من قصيدة عودة الأنبياء لفاروق جويدة

يارفقتى مادام اتت الاحداث تقطع الانفاس وتلون الكلام
ومادام بقينا اتنين ومادام ماعدش لاحكم ولا احتكام
فلنختلف علنا امام الناس
لان فية غلطة مبوظة الخارطة ولابد مانخرج انا وانت م الورطة
لية انتو حاسين وانا مش حاسس او انتوا مش حاسين وانا حاسس
لية انتوا بايتين تشربوا نخب انتصارتكم ولية انا مهزوم كدة وبنعى
يااخوتى انا فى عشق الظلم اخيب مايكون والغدر مش طبعى
لية انتوا فرحانين وانا بنعى لية هربوا زى الموت فى وش الريح
ليييية حسوا بالقسوة اسمع انين الطفل والنسوة
هل التعاطف مع الاوطان بالرشوة القلب بيتاءجر مفروش بالساعة
والعين تطنش فى نظير ساعة عربية وووولاعة
هاتدفعوا هاتشفعوا فى الزنقة تنفعوا
تسرق اقول قديس تقتل اقول عادل
الون التدليس واحلل الباطل
اما الشعار ف اهوة نحقق الثورة ونوزع الثروة
ماهو فى سباق المصالح يبقى الا فاسد صالح
انت اداة اسرائيل وانا الكلب العميل
الامة تبقى لونين+عربيين غريميين +والاسلام+ اسلاميين
المية عذبة فى شفك وفى شفتى مالح
الحظ جاى فى سكتك من سكتى رايح
يا ابو الحذاء الميرى متبعد الجزمة دايسة على ضميرى
يامرمل الولية ياقاتل الولد
يامطربق السما على راس البلد قائد جيوش السلب ياناشر الغمة
وياقلب يابن الكلب صدقت فية امة وصدقت كلمة شعب
وادى الجميع خاسر السالب للامة مع المسلوب
وادى فجر امتناالجميل مغلوب وادى انتحار الامةبالمقلوب
وانا غريب الدارلابسنى توب العار ساكن فى وطنى بالايجار
عايش فى امة ماتحترمش الحزن جندى تعيس و بينتشىبالدم
يقتل شباب الامة لا يندم قوم يابنى من نومك
اسرق حلق امك وارض واد عمك وقفل الشارع وانقل السكان
وانهب الواجهةوبدل الالوان واعمل ولا سامع
خلى جميع المعقولات تتلخبط وان يساءلوك ساعة الجواب استعبط
يستعبطوا انت اعمل الاعبط ماتخافش عندك جيش من الا بياكلو العيش
وان عزت اللقمة جدعان ياكلو الخيييش
بيخافوا من ضللك ويقبلوا الاقدام ويهتفوابفضللك من الرعب فى الاحلام
ما اخيبك امة ما اتعسك امة لا عدل ولا همة
لا مصدقة فعللك ولا تحفظى كلمة امة تدور وتلف
تقيلة مش حاتخف بليدة مش بتشف
حماسية وحماسها بكتيروا سسسساعة ويجف
امة بتتخابط امة بتتعابط امة مالهاش لا ظابط ولا رابط
ولا كبير عيلةو لاقرابة دم وفكرة وهمية ماتورث الا الدم
ماتحل عنى ياعم احنا ورثنا كلام دة انا بقيت عربى م قبل مالقى الا يمصرنى
انا انتمائى لامتى ممسخرنى محسوبة على فى الاحزان
وفى الفرح تنكرنى ياللى انتى لا امة ولا انت ام
فى ام ماتعرفش ساعة الالم تضممممممممم
واعذرونى اذا شفتم لسانى طوووووويل
الحزن اتقل من حجارة الصبر والهم اوسع من فراغ القبر
وانا الحزين الحزين واغبى الخالدين
لكن يااخواتى انا اول المؤمنين بعودة الصغار يبوسوا باب الدارويحضنوا النهار
ومؤمن بان المعادن تنجلى بالنار وان الجديد اجمل من القديم
وان الالم يخلق انسان جميل عظيم


(قصيده للخال الأبنودي (ياقلب يابن الكلب

قصيدة البدل
أبادْلكُم حرّية .. بسجن.
أبادلكم سِلْم .. بحرب.
أبادلكم صوتى .. بصمت.
أبادلكم اسمى .. بصوت مجهول.
أبادلكم فدادين الطين
بالعتمة فى رطوبة الزنازين.
أبادلكم حاكم عادل بالفرعون الجبار.
الجنّة .. بالنار.
الراحة .. بتعب القلب.
أبادلكم أمن .. بخوف.
زُهرّية ورْد .. بكباية دم.
وحياة مرتاحة أبادلها بموت.
أبادلكم ضِحكاتى .. بغمّ
ورفيقى أبادله بمخبر كلب.
أبادلكم لو كنتوا تبادلونى
تاخدوا سنواتكم وتردُّولى السنوات.
صعب تردُّولى السنوات .
صعب تبادلونى برجوع العزة
ومعنى الوطنية والأوطان ..
للشعب.
ورجوع دمّ الشهداء.
والوجه الأصلى لكلمة أعداء.
ونضارة وجْه الفقراء.
وكرامة تساوى كرامة كلّ اللى اتسلبوا.
والنصر .. لكل اللى من غير حرب
اتغلبوا
بادْلونى .. وجوه بوجوه
ولغات بلغات.
خدوا كل اللى حيلتنا من ألوفات:
اللى اتنهبوا .. واللى لسه حيتنهبوا
وردوا للأمة رجولتها ونخوتها وقُدرتها.
ردُّوها من تابع مذلول
لزعيمة لاستقلال.
من قُطعان سايحة .. لرجال.
ردولها كل اللى سرقتوه من مال.
ادفعوا عنْها ديون الأطفال.
ردوا لها شمس المستقبل
واكنسوا أطنان العتمة من درب الأجيال.
أخلاق الشعب اللى انداس ..
واللى أصبح ناس مش ناس
ردوا للشعب رغيفُه المخطوف.
صوته الأصلى وعرقه المسفُوف.
وبالمجّانى .. رجعوا للطفل الكراس.
ابنوا على شط النيل المصنع جنب المصنع.
رُدوا للجندى المصرى وظيفة المدفع.
ردُّوا الإنسان العادى ياخُدْ قيمةْ ما يدفع.
والفلاح ردوه من ذُل الغربة
وردوله حُبه للفاس.
رُدوا الوطن المسروق
اللى اتمرغ فى مخالب السوق.
فكوا عنه الطوق.
شِلُّوا القدم الصهيونية الساكنة فى الدقى
وماشية فى باب اللوق.
ردُّوا الجمعية للفلاحين
والمصنع للعمال.
لو تقدروا تخرجوا مِ الأغلال
اللى كتفكم بيها اللى علمكم لعبة رأس المال ..
لو غيرتوا الحال ..
أُقسم قدام شعبى أغنى لكم من قلبى
وعمرى ما غنى تانى
لـ .. (جمال)


عبدالرحمن الابنودي - البدل

عبدالرحمن الابنودي - لسه النظام ما سقطش

 وجّي يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زتون
معمولة لاجل الضحايا يصدقوا الجلاد

يا ايد يا متكتفه
يا ظهر يا منجلد
يا طفل مين  ورثك الاحتمال و الجلد؟


ملعون ابوها الحمامة ام غصن زتون - عبدالرحمن الابنودي

عبدالرحمن الابنودى رساله الى الأخوان المسلمين

ملعون جنابك - أحمد فؤاد نجم

يمنى - عبدالرحمن الأبنودي

عبدالرحمن الأبنودي-إكتم أنينك

أحمد فؤاد نجم _ بيانات على تذكرة مسجون

عبدالرحمن الأبنودي إكتم أنينك وغطي الأمة بتيابها

عبدالرحمن الأبنودي إكتم أنينك وغطي الأمة بتيا بها

كن مختلفا...ولو صرت وحيدا


عبدالرحمن الأبنودي ويا قلب يا أبن الكلب

ahmed

Recent comments

Shoruk Salama

Related tracks