مدام رضيت وساكت قولو يلا السلامه :|

ZAP Tharwat

الحقيقة واضحة وضوح الشمس 
لكن ممنوع الاقتراب او اللمس
كلمة الحق ف زمنا انتحار
لو قولتها تبقى ماشي عكس المسار

عندى بدل الامارة ألف امارة
مالكوم إكس وغاندى وتشي جيفارا
ماتوا بالرصاص عشان حسوا بالناس
قال ايه كانوا عايزين العدل يكون اساس

جرب تقول حرية او عداله اجتماعيه
جرب تقول مساواه او كرامه انسانية
جرب تقول حقوق انسان او تعارض النظام
اوعى تفكر , تفكيرك خط احمر
اخرك هتقدر تاخد عيش عشان يسكتوك مش عشان تعيش
ولو صممت تمشى عكس الناس
الاجابة هتكون بالرصاص

ناس بترقص وناس بتموت
و أعلى صوت ف الحفلة صوت السكوت

ناس بترقص وناس بتموت
و أعلى صوت ف الحفلة صوت السكوت

الجهل وحش صناعه الانظمة
سلاح بينفع في كل الازمنه
إدي الناس سمكة هياكلوا يوم
علم الناس الصيد هياكلوا كل يوم
العلم نور والنور علينا مش بيعدي
عايشين فـ ضلمة والضلمة ياما بتخبي
قتل ,حبس , دم , فساد و ظلم
اغتصاب لاى حلم عايشين ف سجن

ومع الوقت كل حاجة بتعدي
اكل العيش صعب بيخلى العقل يصدي
والخوف ساكن قلوب الناس
وبيقتل جواهم الاحساس

يا أهالينا المستقبلين
متبقوش انتوا والزمن علينا
جيلكم ساكت ولا عمره اتكلم
دلوقتى جاى ينظّر ويعلم
آن الآوان الراية تتسلم

ناس بترقص وناس بتموت
و أعلى صوت ف الحفلة صوت السكوت

ناس بترقص وناس بتموت
و أعلى صوت ف الحفلة صوت السكوت

كايروكي - ناس بترقص وناس بتموت

‫أغنية فيلم الفيل الازرق - أداء - Jack - تأليف - أحمد مراد‬

Ramy Essam - Foul Caviar

Beast Mode

Single

Omar Ahmed - في قلبي أنثى عبرية

صباح او مساء الخير حسب توقيت سماعك
 الأغنيه عن كل شخص قابلته في المدينه وباعك
او المدينه نفسها وكل ركن فيها وزاويه
 لكل محطه مترو زحمه او في أخر الخط خاويه
لكل طفل راح مدرسته اتعلم بقي شاطر
 لكل شاب في جامعه لكل محاضراته حاضر
ولأحلامهم اللي طارت رغم السهر والتعب
 لكل فرصه اتسرقت لكل حق اتنهب
لكل فرد وذكري كانوا جزء من المدينه
 اللي لسه بنحبها رغم انها ضحكت علينا 
من بعيد اكيد جمالها راح يسحر عينيك 
مش لوحدك ياما غيرك داقوا سحرها قبليك  
اللي شاف في دروبها حلم وقال في يوم يقدر يطول
 واللي عاش العمر كله في وصفها يقول
نام في أحلامه الجميله راح يفوق علي زيف وغش
 اللي ساب الريف في بلده وفي المدينه هيبني عش
المدينه بالف وش بتضحك بس في البراويز
 ياما هدت من الرجال ياما ذلت ميت عزيز
مش بعيد اكون وحيد في وصفي وكلامي عنك
 ياما غنولك اغاني وياما شهدولك لكنك
 مش جميله رغم ظنك او جمالك مش حقيقي
 مش عميقه رغم سنك لو قارنتي سني بيكي
 او يمكن انا مش لاقيكي فى وسط الزحمه والمساكن
او يمكن انا مش هاويكي مع اني فيكي ساكن  
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
مسجون في قلب أحلام الناس البسيطه الطيبين
 اللي أيامهم تعيسه الليأحزانهم سنين
والغريبه مصدقين ان بكره مسيره جاي
 ان شمسك يوم هتشرق راح تنور كل حي
بس أي حي فيهم راح تزور الشمس ارضه
 اللي فكل متر عيله ولا اللي بجنينه اللي بعده
انزل لف في الشوارع صور الحقيقه بعنيك
 بالحقيقه مش قصدي صوره لشيخ عجوز صعبان عليك
يطبعوا صورته في مجله وينسبوا الفضل ليك
 يكتبوا مقال طويل ويقولوا فيه ده قال وفضفض
والحقيقه انه ساكت بس عنيه فضلت تعيط
 قالوا دي دموع الفرح والرضا والانبساط
والحقيقه ابتسامته بتسخر منكوا وفي سكات
 مش كفايه علينا كذب كفايه تأليف قصص
زي صور العيال اللي هربت من الحصص
 مش عشان يلعب يزوغ لا هيروح الشغل بدري
اللي نجار واللي يجري يوصل للبيوت حاجات
 واللي كفران بالساعات اللي كفران بالساعات
وبيسألوا هوا ليه الطفل جوا الطفل مات
 او أمل اللي كانت بنت حلوه صغيره
نفسها تكبر تكونانسانه ومتقدره 
بس الناس شايفاها لحمه شايفه وسط وجوز عينين
 اللي سليطاللسان واللي كلامه بالايدين
 وبيسألوا مين السبب السبب في الكدابين
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
بكفياكم غش فينا اظهروا حقيقه المدينه
 اللئيمه اللي علي أحلام ولادها ما كانت امينه
قالوا من الحب اللي يقتل لما يطول قلبي وعقلي
 وانتي قتلتيني بسهوله زي ماقتلتي اللي قبلي

المدينة - زاب ثروت و ساري هاني و انجي نضيف | El Madina - Zap Tharwat ft. Sary Hany & Ingy Nazif 2018

UWK - Akedet Al Forsan * ألتراس وايت نايت - عقيدة الفرسان

كام واحد - Zap Tharwat ft. Mahmoud Elessliy

Zap Tharwat - قلب مات

ZAP Tharwat - حصار

مين المقصود  - Asfalt ft. Zap Tharwat

Asfalt X Zap Tharwat - Meen El-Ma'sood  | أسفلت و زاب ثروت - مين المقصود

زاب ثروت _ ياما

للمتابعه : 
يَاسِرُ سَلِيمَانِ
www.facebook.com/onlyoneyasso

Zap Tharwat | Kefaya - زاب ثروت | كفاية

Ahmed A Wahab1

Recent comments

Áĥměď Mŏĥâmèď

Ahmed Tarek Rabie

𝓔𝓛𝓣𝓨𝓐𝓡

Unsigned EDM Tunes

Related tracks