دواير-مروان خوري

مصطفى إبراهيم ، تفرانيل 50&100 . 

تفرانيل 100

انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”

تفرانيل 50

أنا بفضل دايما للآخر
 
 
ف جيمات الكونكان والشايب
 
 
و ف كشف الحاضر والغايب
 
 
وف حجز شقق مصيف بلطيم
 
 
أنا آخر تايب في اصحابي
 
 
وآخرهم ف الصلا ف التسليم
 
 
وف دور المدرسه في التطعيم
 
 
وفي وقت السين
 
 
أنا آخر جيم
 
 
أنا جرح قديم...كان متغطي
 
 
إكمني مشتي ولابس كم
 
 
سبتني الدنيا بستين أم
 
 
وسبتلها ميت مِلّه ودين
 
 
ولحد ماتميت ست سنين
 
 
أنا كنت بحب البني آدمين
 
 
وكرهت الناس من بعديها
 
 
علشان نسّوني أنا أصلاً مين
 
 
مش فاكر إمتى حقيقي بدأت
 
 
إنما فيه فتره فاكرها طشاش
 
 
كان فنجان قهوتي مابيفضاش
 
 
وبكلم ربنا طول الوقت
 
 
عمري ماصدقت بنات غير ريم
 
 
ويمكن دلوقتي ما اصدقهاش
 
 
آخر مره
 
 
شفتها فيها
 
 
 
كانت تقريبا بتعزل
 
 
و كان فيه سواق تاكسي منزل
 
 
ف شنط ناس حتحل مكانها
 
 
ووشوش بني آدمين معرفهاش
 
 
أنا ريم يمكن كانت قدي
 
 
أيامها... لكن دلوقتي أصغر
 
 
عارفه إن أنا يوميا بكبر ؟
 
 
وبعجز إكمني مابنساش
 
 
أنا فاكر أيام بالميللي
 
 
أنا فاكر أيام بالتفصيل
 
 
أنا فاكر يوم دفنة أختي
 
 
حتصدقي..؟ أكتر مافاكرها
 
 
وساعات بنسي ف ليله كبيرها
 
 
أنا فاكر شقة قصرالنيل
 
 
ومش فاكر حد من السكان
 
 
من صغري وعمري مابنسي مكان
 
 
أنا أصلاً فاكر بيت شادي
 
 
مع إني مازورتوش غير مره
 
 
بأمارة فيه برواز بره
 
 
كان جواه صورته ف إعدادي
 
 
كان لسه ساعتها طالعله شنب
 
 
ونا حاسس إني طلعلي أتب
 
 
من تقل الشيله و م التفكير
 
 
معلش أنا آسف برغي كتير
 
 
وبسف ف وقتك وف وقتي
 
 
أنا حاسس بدماغي بتتقل
 
 
أنا نفسي أنام
 
 
أنا عاوز أروّح دلوقتي
 
 
متشكر جداً ع الجلسه
 
 
حنكمل إمتى علاج طيب ؟
 
 
لازم حنشوف بعض قريب
 
 
أنا ماشي...
 
 
سلام

مصطفى إبراهيم ، تفرانيل 100 ، تفرانيل 50 .

Faris A7lif Bellah .. فارس - احلف بالله

محلى جمال الليل يا عزيزة - هدي سلطان

Original Soundtrack Film '' Theeb - Wolf''
" الموسيقى التصويرية للفيلم الأردني " ذيب 

Theeb ( Original Soundtrack) - الموسيقى التصويرية لفيلم ذيب

فيروز و كارم محمود - راجعون - القاهرة 1955  Fairuz - Karem - Raje3oun

الفاجومى

كارم محمود - مشغول عليك

لطيفة - أمنلي بيت

موسيقى بسكاليا للمؤلف الموسيقي راجح داوود وهي موسيقى فيلم الكتكات
هذا التسجيل لحفل اقيم في النمسا يقوم بالعزف على العود ممدوح الجبالي و على الاورجن راجح داوود

راجح داوود
راجح سامى داوود‏‏

مؤلف موسيقى وأستاذ بالمعهد العالى للموسيقى

مواليد نوفمبر 1954 في القاهرة

حصل على بكالوريوس الكونسرفتوار في التأليف الموسيقى، عام 1977.‏

حصل على دبلوم الدراسات العليا وشهادة الفنون العليا (‏Magister Amtium‏) من أكاديمية فيينا للموسيقى، ‏وهما أعلى مؤهل تمنحه أكاديمية فيينا في مجال التأليف الموسيقي (دكتوراه).‏

واحد من أهم واضعي الموسيقى التصويرية للأفلام في السينما المصرية

تحمل موسيقاه لمحات فلسفية وصوفية وتأملية قل وجودها في موسيقي تصويرية لأفلام سينمائية ‏

 معيد بقسم التأليف بالمعهد العالى للموسيقى"الكونسرفتوار"، عام 1978.‏

‏- مدرس بقسم التأليف بالمعهد العالى للموسيقى"الكونسرفتوار"، عام 1988.‏

‏- أستاذ مساعد بقسم التأليف بالمعهد العالى للموسيقى"الكونسرفتوار"، عام 1994.‏

‏- أستاذ بقسم التأليف بالمعهد العالى للموسيقى"الكونسرفتوار"، عام 2000.‏

‏- يقوم حاليا بالتدريس في قسم التأليف والقيادة بالمعهد العالى للموسيقى "الكونسرفتوار"، وكذلك ‏بالمعهد العالى للسينما والإشراف على وحدة التأليف الموسيقى بالمبنى المركزى للوحدات التعليمية ‏بأكاديمية الفنون.‏

 عضو لجنة التحكيم في المسابقة الدولية للموسيقى المعاصرة التي تقام سنويا بمدينة روما، عام ‏‏2001.‏

‏- عضو في بعض لجان التحكيم الموسيقية الخاصة بالمجلس الأعلى للثقافة منذ عام 2001.‏

‏- مقرر لجنة الموسيقى والأوبرا والباليه بالمجلس الأعلى للثقافة حاليا.‏
أهم الأفلام التي وضع لها موسيقى تصويريه

[عدل]مع المخرج والمؤلف داوود عبد السيد
الصعاليك 1984

البحث عن سيد مرزوق 1990

الكيت كات 1990

سارق الفرح

أرض الأحلام

أرض الخوف

مواطن ومخبر وحرامي 2001

رسائل البحر ٢٠١٠

[عدل]مع المخرجه إيناس الدغيدي
مذكرات مراهقه 2001

كلام الليل

الباحثات عن الحريه

[عدل]مع المخرج محمد كامل القليوبي
البحر بيضحك ليه

خريف آدم 2002

[عدل]أفلام أخرى
‏القاتلة، عام 1991.‏

‏الراعي والنساء، عام 1991.‏

‏الصرخة، عام 1991.‏ الكلام فى الممنوع 2000 ‏حفار البحر، عام 2001.‏

‏أم الغلابة، عام 2001.‏

الريس عمر حرب

حلم العمر

غرفه 707

كيف الحال

الإنسان والفنار - فيلم تسجيلى

[عدل]‏الجوائز والأوسمة

‏- جائزة الدولة التشجيعية في الفنون من المجلس الأعلى للثقافة، عام 1996.‏

‏- جائزة في المهرجان القومى للسينما الروائية.‏

‏- جائزة في مهرجان الإسكندرية السينمائى.‏

‏- جائزة الدولة للتفوق في الفنون من المجلس الأعلى للثقافة، عام 2003.
#موسيقي_فيلم_الكيت_كات


راجح داوود - بسكاليا " موسيقي فيلم الكيت كات"

كلمات : سيد حجاب 
ألحان : إبراهيم رجب 
غناء : محمود عبدالعزيز وشريف منير 

محلى جمال الليل يا عزيزة - هدي سلطان

Ahmed Abd El-Raouf 1

Related tracks