بيني وبينك بحور الغربة يا داري

الشيخ إمام

حلّو المراكب - الشيخ إمام

كلمات: الشاعر احمد فؤاد نجم
غناء والحان: الشيخ امام عيسى

رجعوا التلامذة
يا عم حمزه
للجد تاني
يا مصر إنتي اللي باقية وانتي
قطف الأماني
لا كوره نفعت
ولا أونطه
ولا المناقشة وجدل بيزنطة
ولا الصحافة
والصحفجيه
شاغلين شبابنا
عن القضية
قيمولنا صهبه
يا صهبجية
ودوقونا طعم الأغاني
رجعوا التلامذه
للجد تاني
طلعوا التلامذه
ورد الجناين
إسمع يا ميلص
وشوف وعاين
ملعون أبوك ابن كلب خاين
يا صوت أميركا
يا أمريكاني

الشيخ إمام عيسى والشاعر أحمد فؤاد نجم - رجعوا التلامذة

يا عم ادريس
يا عم ادريس
يا بو المرجيحة و القواديس
ما جاش الدور
عشان يطلع قادوسى لفوق
وابوس النور
و اطفي للعلالي شوق
و أغني ف الهوا موال
على ورد الخدود و الخال
و أدوق الحب سحر حلال
و أشوف الدنيا و أبقى عريس
يا عم ادريس
يا عم ادريس
 
 
يا عم ادريس علي الدور
ادور و اطلع مع الطالعين
كفاية سنين يا عم ادريس
يا عم ادريس كفاية سنين
و انا و عيال كما العصافير
رفاقة كلنا و فرافير
يا دوب يعلا القادوس بينا
يعدينا الجناح و يطير
و ننزل تاني
لا فرحنا
و لا عرفنا الطريق من فين
و جينا زي ما رحنا
حيارى و محرومين لتنين
نداوي بالغنا جراحنا
ونغسلها بدمع العين
و جرح النفس له وجعين
يبكي القلب
قبل العين
و قاضي الحظ له شرعين
لأهل البخت
و المتـــاعيس
يا عم ادريس
يا عم ادريس
 
و آه لو بختنا يشوفنا
و نرمي الزهر يدينا
و قاضي الحظ ينصفنا
و يحكم بالأمل لينا
و نتمرجح على كيفنا
و ينساب القادوس بينا
ياخودنا بعيد و يحدفنا
و عند الشط يرمينا
على بحر النسيم نسبح
تلعلع فيه غناوينا
و نبدر ف الهوا حبه
تقول للهم يتجنى
وترسى هناك مراسينا
و يبقى الجو هليلة
تلعلع فيه غناوينا
و نبدر ف الهوا حبه
اغانى كلها محبة
تقول للهم يتخبى
و ترقص ف الفضا الفوانيس
يا عم ادريس
يا عم ادريس

الشيخ إمام | عم نجم - ياعم إدريس

إحنا معاك .. إحنا معاك
ريسنا يا أنور
إحنا معاك .. إحنا معاك
تخرب تعمر !

=====

إحنا معاك يا ابو لمعه يا قُمعه
ياللي خربت بلادنا ف جمعه
إحنا معاك مهما تغلبنا
نجري وراك ونبيع مبادئنا
إحنا معاك

=====

إحنا معاك يا بايع أراضينا
ياللي سايب أعدائنا ف سينا
بكره يا ريس بكره تخلي
الاستعمار يتحكم فينا
إحنا معاك

=====

إحنا معاك يا بطل مغوار
شوفنا الست ف خط النار
بكره الحلوه تقابل وزرا
وانت يا ريس تعمل زار
إحنا معاك

=====

إحنا معاك يا طبيخ ف الأنجر
رز بالكاري وسلطة بنجر
عامللي نفسك ولا بيكاديللي
وانت منفذ أمر كسينجر (*)

إحنا معاك

إحنا معاك ريسنا يا انور - الشيخ امام / نجم

مسافر - كلمات: أحمد فؤاد نجم

ابوح يا ابوح 
غناء / الشيخ امام 

الشيخ امام - أبوح يا أبوح

                              

العطش يحلى مع الميّه - بصوت فؤاد حدّاد

الشيخ امام عيسى - اقبلى يانشوة المشتاق مرة

الشيخ إمام  يا اسكندرية

اتجمعوا العشاق - الشيخ امام

الشيخ امام - هم هم هم

بوتيكات - الشيخ امام

اصحي يا مصر _الشيخ امام

كلمات : أحمد فؤاد نجم
لحن : الشيخ إمام

ع المحطه
واللى شفته ع المحطه
طلعت الخفه ام شنطه
سلم الاوتوبيس
بنطة
حته ملعب
والاكاده
فى القوام والحسن
بطه
هى خشت درجه اولي
والكراسي بقت منطه
سابوا تاتيه
وغلب تانيه
والقطيع على اولى خطي
اللى يعلا
واللى يوطي
بص واحد م اللى هما
دمهم فلفل وشطه
شاف صنايعي
فى البريمو
قال لة خش هنا يا اسطي
تانيه انسب للى زيك
دى الحقيقة بلاش مغالطه
لاسطى قال له ياعم روق
دى الحياة تحب المباسطه
وانت شايف
مش مغمض
حاجه ملبن
حاجه قشطة
ولايعنى الكون ح يخرب
لو فقير
يلهط له لهطه

ع المحطة - الشيخ إمام

بعد السلام و المرحبا
يا ولاد بلدنا يا طيبين
نفرش كلام المصطبه
واضح لكل السامعين
مصر الحبيبه الطيبه
أم البنيه والبنين
إشحالها في عز الصبا
إش حال ولادها المخلصين
وسط العواصف مركبه
بين ريح شمال
وريح يمين
***
جابوا
الطبيب ابن الحلال
كشف ما خاف
وشاف وقال
أهل البصيره في البلد
جواب كل السائلين
قالوا البلد
عايزه ولد
ياخد بتار المظلومين
ولد يعوض اللي راح
و يعلا فوق كل الجراح
و يمد إيده في الضباب
يشدّ أنوار الصباح
فيكم ولد يا سامعين؟
أجدع ولد
طب هوَّ فين؟
وهو مين
إبن البلد
يا ابن البلد يا ابن
الوقت وقتك يا ولد
يا قلب مصر ونبضها يا ابن البلد
يسري بطولها وعرضها يا ابن البلد
يا صبحها يا ابن البلد
يا ربحها يا ابن البلد
يا قمحها يا ابن البلد
يا نور سماها وأرضها
يا ابن البلد يا ابن البلد
الوقت وقتك يا ولد
آدي كلام المصطبه
يا ولاد بلدنا يا طيبين
بعد السلام والمرحبه
واضح
لكل السامعين

كلام المصطبة _ الشيخ إمام

كلمات الاغنية لـ نجيب شهاب الدين و ليس أحمد فؤاد نجم ..
لذا لزم التنويه

حلّو المراكب - الشيخ إمام

Ahmed

Recent comments

Ahmed

Related tracks