محمد عمران - الزمر

نشيد الغراب ١

نشيد الغراب ٢

نشيد الغراب ٢٦

نشيد الغراب ٢٧

نشيد الغراب ٢٨

نشيد الغراب ٢٩

نشيد الغراب ٣٠

نشيد الغراب ٣١

نشيد الغراب ٣٢

نشيد الغراب ٣٣

نشيد الغراب ٣٤

نشيد الغراب ٣٥

El Rahil


هل تسمعي عن هذي شاعر؟

أو شاعر إذا هذى؟

شايفك في غنوة حرقتها..

وانا جندي في وسط الحرب..

في صورة لبنت حبيتها..

وانا قلبي بشاير قلب..

شايفك مابين المغفرة والذنب..

وبين الصاحب الميت..

وبين الحي..

شايفك كـ مي..

صورة بتفرد نفسها مَية..

شايفك عليا..

ساحت عنيكي على القميص..

وساحت شفّتك ع الكُم..

ماشي وبين السرد والتلخيص..

بايع حكايتك للخلايق شعر..

"
مي الوتر..

عازف سلالم شوق..

مي الشجر..

رش المطر على فوق..

مي اللي كانت وردها يلمع..

ولو تأذن للنهار يطلع..

لو مي كانت هنا دلوقت..

كانت تغني بصمتها ع التل..

ماكنش قول الشعر خانه الوقت..

وماكتش أسراب الحمام هتضل..

قولوا لمي ان النهار ولع..

طال الجدار والتل والمصنع..

قولو لمي ان الرصاص أبله..

ماشي يرش الدم ع الأزمة..

قولوا لمي إن الطريق سكران..

"

سرعان ما كان الوقت خاين..

واتفكّت القضبان عن القُطُرات..

سرعان ما كان اللي رايح جاي..

والجاي مش رايح..

سرعان ما مل القمر م الضي..

والهوا سرق الروايح..

سرعان ما سال الدمع في لمح البصر..

أو تقدري تقولي..

في ملح السؤال

لمين هغني الجرح والفكرة؟

ولمين هبيع الكدب عن بكره؟

واللي اتولد ذكرى..

منين يجيب الأصل؟

وكون الضرب في الميت..

تملي بينتهي بالنصر..

تملي بيشعل المستاء حنين..

نازل أكسر في عضام المقبورين..

وادفن بقايا الصمت في صورتك..

ودوري في الهوا دورتك..

لن ينفعك أثر الفراشة..

إذا زار الحنين الفرش..

لن تجبرك روح البشاشة..

إذا أصبح صمودك هش..

حتما هتسقط وحدتك..

وتحاصرك الصحرا..

حتما هتتأكد نبوءتي..

وأشوفك..

ذكرى..

منتحرة
.


البيدج:
https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339

متلازمة مي - أحمد عبد الحي

” ألا من يقتل الشمس فلا ضلا سيتبعه “

بتعرف تترسم ع النيل
مراكب شايلة سكانها
وقاصدة عيون بتجلي الامس؟
بتعرف تنطلق كلمة
تشيلها الريح من الصحرا
تلف الكعبة وتصلي
وترجع تتصلب ع القدس؟
بتعرف تتولد الحان
وبترتل غنا ما خلصش؟
بتعرف تختلي بنفسك
وتبكي لهَم..مايخُصكش؟
انا ماعرفش..
ومعرفتوش..
لكني ف جزء من روحه
بقيت اقدر اشوف الصدق
بيكسر كل تجميلهم..ويطلع سهل
كأني في الزمان الصعب
كأنه في الزمان الصلب
بلا فتنة..بلا أشباه
ووحده.. يوحّد القمرين
ويزْعق ف السكات البخث
وف العجز اللي مالينا:
أنا مينا..
ولسه على الرصيف الدم
ومين اهتم
دموعي اللي ما تنزل خوف
تلاقي ف ليلها مجراها
وتروي العازمين ع الضي
وضحكي اللي اعتلى ع الضرب
وخارج غُلب
يكون حسرات على القاتل؟
مفيش فاضل تساوموا عليه
مفيش غير انفجارك فيه
تكون النهر لما انشق
وتتأكد بأنك حق
وان قصادك الباطل

"الا من يحمل الشمسَ..فلا ضلا سيهزمه"

البيدج:

https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339

مينا دانيال - أحمد عبد الحي

كلمني طمني - محمد فوزي - بدون موسيقى


يا شيخ عماد عفت..
ياللي صلاتك جهر..
هبّت رياح بعدك..
وقع الهتاف ف البحر..
يا مينا يا دنيال..
يا ملح هذي الأرض..
يا صاحب الموال..
صوت الميدان انفض..
يا شهدا يا خالدين..
بالسيرة والسمعة..
يا مسك ف الميادين..
زار السما السابعة..
خجلان أبلغكم..
إن الجسد مكشوف..
وان اللي باع حقكم..
متقدمين ف صفوف..
والمشي فوق دمكم..
بقى أمر المعروف 
يا شيخنا في بعدكم..
واقف ف حلقي الريق..
طبع النخاسة ف دمهم..
ريحة النجاسة ف كل شيء..
واحنا يا شيخنا عيال..
ماسكين ف توبك ضي..
مايهدناش الغاز..
ولا الرصاص الحي..
مايهدناش السير..
مهما يضيق الطريق 

بس القضية مش كده..
طلع القضية مش نثور..
طلع القضية مش غضب..
ماحنا ظل هتافنا حاضر..
في كل وقت وسبب..
القضية يا شيخنا هي..
لسه ف الخط اللي فاصل..
مابين الحق من الناحية..
وبين الزحمة ف الباطل..
مابين خضوعهم..والسخط..
القضية انه..سقط
يمكن أكون مش وسطكوا..
يمكن تكونوا بتضحكوا..
لازم تكونوا بتضحكوا..
مفيش جنة تبكّي شهيد على حاله..
علشان جماعة بينكروه ف الأرض
الأرض هي اللي تبكّي على الشهيد..
الارض فيها الدم ف الشارع..
وفيها الدم سايل ع الحيطان..
الارض فيها الدون بيتحالف..
مع الخايف..
مع السجان
ويتاجروا علناً بالشرف والدم..
ويتاجروا باللي أهم.. بالاوطان

مين اللي قال إن التاريخ سالف؟
مين اللي قال إن الزمن بيمر؟
لسه النبي راجع من الطايف
دمه الزكي..
من كعب رجله يشر
لسه الشرف في غربته طايف
لسه البشر متونسين بالكفر.

البيدج:
https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339

يا شيخ عماد - أحمد عبدالحي


هغني لك..
كأني موسى ف الرحلة ..
ومستني ظهور الخضر..
كأني كاره الزحمة ..
وراجع للأراضي الخضر..

""تشيب الأرض يا حلوة
تشيب الأرض
ويفضل ف الحنين غنوة
ويفضل ف الأغاني الورد"

هغني لك..
وانزعي الصبر اللي نافض ف العروق
امنحى للشعر فرصة وجرديني م الهدوء
اسرحي بصوتك ف جسمي..ضمي اسمي
واشعلي القتنة اللي ساكنة ف الشقوق
هغني لك..
كأن الشعر مش راضي يبات مخنوق

"هي اللي ممكن ينفرد صوتي سلالم..
علشان تطول النجمة في سكتي..
هي اللي في حضنها ممكن أسالم..
جميع شعوب الأرض وأقلع وحدتي
هي.."

هغنيلك..
وكأني لحن ف عود..
بيهز اوتاره القديمة..
او راية بيضة..
في زمن ابيض..
وخارجة تتلقى الهزيمة

"يا هل ترى طالقة الخصل للريح..
ولا خانقاهم ضفاير؟
فستانك ابيض..مستكين وجريح..
ولا النسيم غرّه..وطاير؟
يا هل ترى جسمك يدوب تصريح..
ولا الخجل لمّ الزراير؟"

هغني لك لابويا الهاد..
أبويا أصله غنوته بمعاد..
وتنفع تبقى كل معاد..
ف وقت الفرح تبقى عياد..
ووقت الحرب تبقى زناد..
ووقت الحزن تبقى حداد..
هغني لك فؤاد حداد:
"أنا صاحي الفجر وخايف..
لا النسمة تكون قلقتها..
أنا بسأل عنها لقيتها..
الحلوة بتسأل عني..
أنا زي الحنة ف ايدها..
هات كل الدنيا تغني..
هات كل الدنيا تنور" *
هغني لك..
والحلم فيكي الآية والتفسير..
هغني لك..
وعنيكي أوسع م الوطن بكتير..
هغني لك..
وتكوني وعد حقيقي بالتغيير..

"عاجباكي الوقفة على الشباك..
أم عاجبك إنك تتعالي..
أنا واقف كده ع البحر هناك..
وهقولك شعر ابقي تعالي"

البيدج:
https://www.facebook.com/pages/%D8%A3%D8%AD%D9%85%D8%AF-%D9%85%D8%B5%D8%B7%D9%81%D9%89-%D8%B9%D8%A8%D8%AF-%D8%A7%D9%84%D8%AD%D9%8A/229573007119339


هغني لك - أحمد عبد الحي

الحمد لله خبطنا
تحت بطاطنا
يا محلا رجعه ظباطنا
من خط النار
يا اهل مصر المحميه
بالحراميه
الفول كتير والطعميه
والبر عمار
والعيشه معدن واهي ماشيه
اخر اشيا
مادام جنابه والحاشيه
بكروش وكتار
ح تقول لى سينا وما سينا شي
ما تدوشناشي
ما ستميت اوتوبيس ماشى
شاحنين انفار
ايه يعني لما يموت مليون
او كل الكون
العمر اصلا مش مضمون
والناس اعمار
الحمدلله وأهي
ظاطت
والبيه حاطط
في كل حته
مدير ظابط
وإن شالله
حمار
ايه يعني فى العقبه جرينا
ولا ف سينا
هى الهزيمه تنسينا
اننا احرار
ايه يعني شعب ف ليل ذلة
ضايع كله
دا كفاية بس اما تقول له
احنا الثوار
الحمد الله ولا حولا
مصر الدوله
غرقانة فى الكدب علاوله
والشعب احتار
وكفايه اسيادنا البعدا
عايشين سعدا
بفضل ناس تملا المعده
وتقول اشعار
اشعار تمجد وتماين
حتى الخاين
وان شا الله يخربها مداين
عبد الجبار 

خبطنا تحت باطتنا - الشيخ امام

Ahmed Abdelhai

Popular tracks