قصيدة تصبح على خير
كلمات و اداء : تونى خليل
هندسة صوتية م : عماد فوزى

تصبح على خير كدة انتهى يومك معاية
تصبح على خير خلاص وصلنا كدة للنهاية
تصبح على خير كدة يابن الناس
ما كفاية بقى حب و اخلاص
و كفاية الحزن اللى جواية أرجوك كفاية

جاى دلوقتى تقولى بحبك ؟
مطلوب منى أصدق قلبك ؟
لا بجد صعبت عليا
لما لاقيت بينزل دمعك

جاى بتقولى سامحنى أرجوك ؟
لا أرجوك أبعد و أنسانى
أهون عندى أعيش مجروح
ولا أنك ترجع من تانى

أبعد بقى مش عايزك جنبى
ولا عايز من تانى أشوفك
مانت جرحت و بعت و خونت
لية دلوقتى بتحكى ظروفك

جاى تتكلم لية عالماضى ؟
جاى ضعيف و بتبكى قصادى
أمسح دمعك من على عينك
أمسح و أنسى ياريت تنسانى

خلاص مش عايز أشوفك
مش عايز أحضن تانى هواك
دانا بندم على كل لحظة
عشتها من عمرى وانا وياك 

رد و قولى بتبكى لية ؟
و انا كان بأيديا اعمل اية ؟
مانت اللى جيت و قولتها
الحب خلاص راحت علية

البعاد دة كان اختيارك
و الفراق دة كان هو قرارك
جاى لية دلوقتى تبكى ؟
و عايزنى انا اللى اطفى نارك ؟

دانا لو عليا شمتان فيك
و فرحان اوى بدموع عنيك
و من زمان مستنى اللحظة
اللى بنفسى أقسى عليك

متفكرشى انى هداوى جرحك
ولا يجى اليوم و هقول مسامحك
مــــــانت لــــــو قدمت السبت
كنت لاقيت الحـــــد فى صفك

و انا دلوقتى متطر أسيبك
أصلى خلاص مبقتش نصيبك
أوعى تقول انا كنت حبيبك
و بتحس بيا
دى العيشة معاك حاجة صعبة
و حياتى فأيديك بقيت لعبة
و الحب خلاص أصبح كدبة
بتكدبها عليا
تصبح على خير أصل أنت خلاص مبقتش ليا

قصيدة تصبح على خير تونى خليل

Manuel Fernández Caballero - Balada y Alborada, from El Senor Joaquin (1898)
Lyrics by Julián Romea Parra
Luciana Simões - Mezzo-soprano
Luciana Simões - piano
Live recording - Teatro Sergio Cardoso. São Paulo, SP, Brazil - March 28, 2022
Illustration - Eduardo Rosales Gallinas - Spanish landscape

Manuel Fernández Caballero - Balada y Alborada, from El Senor Joaquin -São Paulo - 2025

اجمل اغنيه رومانسيه دويتو احمد حشاد و اماني - فرحتنا

صباح الخير على كل حاجه بتقابلك فـ وشك
من هم لـ كره لـ غيره لـ حب تايه و مين بيحسك
قايم مالنوم على آمل .. قلبك يكون بيهدا
و اللى نام بوجعه يصحى بكسره نفس فـ شكل ضحكه

تضرب الهموم فـ كتافك .. الهوا مش طايق انفاسك
كل واحد فيهم وقت الشده عمل أعمى و مـ شافك
شد حيلك لسه بدرى .. العمر لسه بيجرى
انت مشوفتش حاجه يابنى .. معقول تقع دلوقتى !

مقعش ليه !! هاتلى حد اسند عليه و يبقى
هما فين !! اللى المفروض معايا طول السكه
اشكى لمين !! دا حتى نفسى مش هتستحملنى
هه !! و ادى اللى قولت عليه فيوم انه ابنى

علمته كل حاجه عشان ميشوفش كتير و يعانى
علمته يسيب و يقسى معلمتوش يكون أنانى
بس الابن بار .. طار الورق رماد
ميشبهنيش لانه شاف نفسه فـ حوا خلاص !
"
السما بنجومها فوق دماغنا
.. حد باعنا و حد سابنا
حد كان عامل حسابنا فـ عشره و قلت بلاش انا
مـ العتمه تحضن ضوء قمر 
.. طال الغيال فـ طال السهر
طار الغراب و سط الشجر 
.. يمكن يلاقى مـ ابتغى
و البحر شايل جواه ذكرى
.. حد مستنيه لـ بكره
يجيى يقول انا لسه فاكرك
.. مش فـ البعاد انت السبب
كان سهل جداً تنتهى
.. قصتنا قبل مـ تبتدى
و الدبله اللى معاكى دى
.. مش شايله فيها غير آلم
"
جفت الدموع فـ حضنك انتى بموت مـ الجوع
قلب كان سهران الليل بيدعى ربه بأى رجوع
برغم ان أحنا بعدنا .. فاكر اللى مبينا
قلتلك انا غيرتى مرضى قلتى هنستحمل و مـ أستحملنا

و اللحن أشتكى لما القلم فـ بعدك بكى
يا ساكنه العقل فينك دلوقت اللى باقى اختفى
ضلعى مكسور لسه الحضن ماليه التراب
دورى فـ كل زمن عن يمامه حضنت غراب

مش هتلاقى
تاه الشجر وسط المساكن
البركان بيثور فـ القاع لكن عـ القمه ساكن
و تفوت ليالى و الوجع ينحت فـ قلب ضرير و شارد
اللى كان فـ يوم جدع دلوقتى اتعلقله المشانق

ذكرى كانت فـ دفتر ملحوظات عالرف بايت
كاتب فيه انا كنت انتى كاتب فيه انا غيرتى بانت
جوا كل صفحه تلقى حاجه بيها صارحت نفسى
فـ حبك انتى كنت عايش كنتى بتحنى مـ تقسى

انا لسه خايف
عيونك تحكى اللى متدارى
وسط الهموم تلقى القمر مشتاق بيقول تعالى
قد ايه البعد هين لما كنت بسمع صوتك
قد ايه وحشنى نفسك قد ايه وحشنى سكوتك

.. دموعك
.. رموشك
.. و كلامك اللى
وصلنى بعد فراقنا ان انا اللى فاضلك
اسفلك
اسف لـ نفسى و اسف للايام
بحضن صورتك كل يوم .. بفتكرك قبل مانام

عمرك مترسمتى جوا نن العين فـ يوم لغرض
انا غيرتى ليا و ليكى قاتله انا حبى ليكى مرض
يا قلم اكتبلى يا ورق اشهدلى و يا سما غنيلى
كله بيحكى عن وجعه و انا الوجع يحكيلى

الوجع يحكيلي

__
لأول مرة / أكون حاسس 
بروحي بتبتدي تشقق 
بقالها كتير بتتنشق لبوق حياه 
لأول مرة / أكون لامس 
روحي لجل ما أتحقق 
_إذا كانت_ 
بتنبض فيها لسه حياه 
ودي المعاناه ..
عشان شايف .. بعيني روحي بترفّص / وفيها الروح 
بتتخبط يمين وشمال / كما المدبوح 
وشايف نفسي في دِماها /غريق سابح 
بتطلب منّي ألحقها ! / فبتعجب !
مافيش مدبوح /بيطلب نجدة مـ الدابح
انا شخص برضاه قرر 
يدبّح روحه بالوحده 
انا الشخص الي مبيحتجش 
لحد ف ساعة الشده 
انا الوقت الي بتقضى 
بدون ولا طعم ولا معنى
ولا ألوان 
يا أهل الفرقة والاحزان 
صحيح الحب دا إدمان ؟ 
يا أهل العشق والاحساس 
سامعكوا كتير ..
بتشكوا الشُح فـ الاخلاص 
ومنكم قال ..
زمان الحب ولّى خلاص 
سمعت كتير في أحاديثكم 
وعيشت كتير/ فـ احداثكم 
ولكن من بعيد .. بـ مقاس 
وعامل نفسي قال مبسوط مع الوحدة 
وإيد الوحدة كاتمة الصوت
مع الانفاس 
يا أحسن ناس 
عرفتوا تعيشوا وتحبّوا 
آمانة عليكوا لتخبّوا 
مالوش لازمة سؤال مالكوا 
عشان ديمًا إجابته مافيش
بلاش تدعولنا "عقبالكوا" 
أكيد نقدر / بدونها نعيش
بلاش كلمة ..
"كده أحسن ".. 
و"مالك يعني من غير حب ؟ "
بلاش تفتكروا ضحكتنا .. 
منابع فرحة جوا القلب 
أيا عشاق 
بلاش يعني تدوسوا فـ حد/ محسّش عمره رعشة حب 
بذِكر محاسن الأشواق 
ونبض القرب بعد فراق 
ونبض القلب بين عشاق
عشان فعلاً / يعد غباء 
تروح لضرير وتوصفله 
جمال النظرة للأشياء 
فـ لو شوفتوا إن دا تهوين .. بلاش منه 
بلاش تهوينكوا دا لإنه 
ما بيزديشي فـ روبة طين سوى البلّة
بلاش تهوينكوا دا لإنه ... أكيد الوحدة مش علّة

#معاذباسم 
موسيقى مروان انور
اهداء لكل من اختار الوحٍدة _

ولا عارف قلبي مين حبيبه..

Ahmed Abdelhamed

Related tracks