طول عمري بحب النسخة دي اكتر من إللي نزلت في الالبوم 😍❤️

اذا الشمس غرقت في بحر الغمام
ومدت على الدنيا موجة ظلام
وغاب البصر في العيون والبصاير
وتاه الطريق في الخطوط والدواير
يا ثاير يا﻿ داير
يا ابو المفهومية
مافيش لك دليل
غير عيون الكلام

الشيخ إمام | إذا الشمس غرقت - مريم صالح

في العام ,1968 كتب أحمد فؤاد نجم «جيفارا مات» تحيّة للثائر الأممي وقد غنّاها الشيخ إمام . اليوم ، في ذكرى رحيل «المناضل المثال»، يعيد ملحق «شباب» نشر القصيدة تحيّة لـ«نجم» وهو يصارع الموت. وهو أيضاً ثائر ومناضل.. على طريقته


جيفارا مات.. جيفارا مات
آخر خبر في الراديوهات
وفي الكنايس والجوامع
وفي الحواري والشوارع
وع القهاوي وع البارات
جيفارا مات.. جيفارا مات
واتمدّ حبل الدردشة والتعليقات
مات المناضل المثال
يا ميت خسارة ع الرجال
مات الجدع فوق مدفعه جوّا الغابات
جسّد نضاله بمصرعه ومن سكات
لا طبالين يفرقعوا ولا إعلانات
ما رأيكم دام عزكم يا أنتيكات
يا غرقانين
في المأكولات والملبوسات
يا دفيانين ومولّعين الدفايات
يا محفلطين يا ملمعين
يا جيمسينات
يا بتوع نضال آخر زمن في العوامات
ما رأيكم دام عزكم.. جيفارا مات
لا طنطنة ولا شنشنة
وإعلانات واستعلامات
عيني عليه ساعة القضا
من غير رفاق تودعه
يطلع أنينه يزعق ولا مين يسمعه
يمكن صرخ من الألم
من لسعة النار في الحشا
يمكن ضحك أو ابتسم
أو ارتعش أو انتشى
يمكن لفظ آخر نفس
كلمة وداع لأجل الجياع
يمكن وصية للي حاضنين
القضية في الصراع
صور كثير ملّو الخيال
وألف مليون احتمال
لكن أكيد ولا جدال
جيفارا مات موتة رجال
يا شغالين ومحرومين
يا مسلسلين رجلين وراس
خلاص خلاص مالكوش خلاص
غير بالبنادق والرصاص
ده منطق العصر السعيد
عصر الزنوج والأمريكان
الكلمة للنار والحديد
والعدل أخرس أو جبان
صرخة جيفارا يا عبيد
في أي موطن أو مكان
ما فيش بديل ما فيش مناص
يا تجهزوا جيش الخلاص
يا تقولوا ع العالم خلاص.

الشيخ امام - جيفارا مات - كاملة بجودة عالية | Sheikh Emam - Guevara Matt 1968 HD

كن سعيد .. كلمات و لحن | محمد عبده ..
 موال " الله و أكبر " أ. أبو العلا السلامونى ..

من عشر سنين و أكتر .. أبني الأكبر ... شاب فارع لونه أسمر ... كان جميل الصوت ... صوت عنبر
حتى فوق مادنة بلدنا ... لما كان يطلع يكبر ... كل خلق الله ... تكبر ... كنت ألف معاه كفور مصر و نجوعها

بالربابة ... هو يغني سيرة الأبطال ... أبو زيد و الزناتي و عنتر ... حتى جه اليوم طلب الجيش ...راح يوميها ويا شبان البلد عالجهادية ..

كلهم راحوا و عبروا .. و بعدها رجعوا .. إلا هو .. راح مجاش !!

و أنتظرت كتير على شط القنال .. قلت لازم يوم هيرجع .. لحد يوم ما شفته﻿ من بعيد.. جاي مغبر .. صحت أكبر

الله أكبر

كون سعيد عيش كأنك فيها وليد
كون سعيد لسه الحياة ياما فيها كتير
لسه القمر بيرمى ضوئه ع النجوم و ينوره
لسه الولد بيجيب حمام و يطيره
لسه الربيع بيضمنا
لسه الحبايب فى الليالى بيسهروا
كون سعيد عيش كأنك فيها وليد
كون سعيد لسه الحياة ياما فيها كتير
كل البلابل لسه طايره فى السما
و الصغير فى إيدينا بكره يكون نمى
بس إنت شوف و أفهم و حس
تلقى الحياه ازهار و بس
كون سعيد عيش كأنك فيها وليد
كون سعيد لسه الحياة ياما فيها كتير
لسه الفرح جوا العيون بيبتسم
لسه الهوا فوق الشفايف يترسم
لسه البراءة فى القلوب
لسه الطيابة فى الحياه مالية الدروب

كن سعيد .. بلاك تيما  Black Theama

تسجيل نادر يذاع لاول مرة الشيخ امام عيسى -  إقرأ بسم الله الأكرم  - كلمات فؤاد السبكى
http://misrfone.org/


تسجيل نادر يذاع لاول مرة الشيخ امام عيسى -  إقرأ بسم الله الأكرم  - كلمات فؤاد السبكى

دار الفلك
في مغزلك
طول السنين ما أمهلك
يا ناسج الروح في الحياة
الحب لك
والخلد لك

انت الأزل
وانت الأبد
والهالك اللى يجهلك
يا شعب يا روح الوجود
الحكم لك
والملك

الليل حلك
والبوم سلك
والبحر عطشان منهلك
والسهم طاش اسقي العطاش
انت الكريم وبنسالك

يهوذا خان
اكم يهوذا وباع مسيح
لا يهوذا دام
ولا جرح بيلازم جريح

مليون يهوذا
خان امانك وانهلك
وانت اللي باقي
ع السواقي ومنجلك
يفرش حصير القمح
فوق دم المسيح
وانت الجريح
تيجى الاطبا وتسألك
ما اعجبك
ما انبلك
ما اجملك
يا شعب يا نبض الوجود
الحكم لك
الملك لك.. الملك لك

دار الفلك - Dar Elfalak | الشيخ إمام

من حفلة تانية صالح بمسرح الجنينة  4/9/2016 

عيني في عينك - تانيا صالح و حازم شاهين

(2 موسيقى)
صحي م النوم فرحان مبسوط .. 
فتح شبّاكه و بوزه مفرود (2)
الشمس طالعة و الهوا النضيف ملو البيوت..
ندهت عليه مدينته و الأمل مالهوش حدود (2)
--- (2)
يا صباح جميل و جماله باين على كلّ الوشوش ..
مزيّناها ضحكة حتى للّي ما نعرفوش (2)
وعيال بتبوس الجايّ و تحضن اللّي راح ..
و الناس غناها مِدّي للشارع براح (2 صولو)
(موسيقى 1)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ) -(2)
--الذوق منوّر فترينات ..و نكت بدال الإعلانات (صولو 2) 
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع عند إشارات المرور (الكلّ)
بيباننا مفتّحة  (بنات)..ولا سور و لا دستور (شباب) 
و قصب ساقع بيتوزّع (الكلّ)
عند إشارات المرور (صولو)
(م،سيقى)
الخوف مافيش  .. مافيش شاويش ..
مافيش خالص كلمة مافيش (2)
دمك نضيف مش بس خفيف (بنات)
و مافيش طابور علشان رغيف (شباب)
دمك نضيف مش بس خفيف (بنات)
و مافيش طابور علشان رغيف (شباب)
(موسيقى)
النيل فايض فراولة ومانجة و برتقان (صولو)
النيل فايض فراولة ومانجة و برتقان (الكلّ))
النيل فايض فراولة ومانجة و برتقان (صولو)
يطرح جرجير و مشمش  (3)
وكمان قمح ورمّان

Egyptian Utopia يوتوبيا مصرية

Donia Massoud - Laily Tal | ليلي طال - دنيا مسعود

Youssra El Hawary , Concert in Alginina theater Friday  November 2 

يسرا الهواري |  كانت ايام| Youssra El Hawary | Kanet Ayam

وهتحصل نهضة عظيمة وهيبقى علينا القيمة ف المسرح او ف السيما او ف جنينة الحيوان 

Valery JescarDistan الشيخ امام فاليري جيسكار ديستان

تبيع ماضيك تبيع ملامح عايشة فيك وتشتري كدب الحياه 
لكن السؤال يابن الجنوب يابن القلوب الطيبين هي المدن بالنسبة ليك تنفع وطن ؟ 

ايه الوطن ؟ 

قطر الصعيد بيرمي ناس كل يوم فوق الرصيف 
بيشدهم صوت الرغيف 
وانت واحد منهم العود نحيف 
والخطوة في زحام المدن لازم تضيع 
مكتوب عليك من قبل حتى ما تشتري لازم تبيع 

تبيع ماضيك تبيع ملامح عايشة فيك وتشتري كدب الحياه 

لكن السؤال يابن الجنوب يابن القلوب الطيبين هي المدن بالنسبة ليك تنفع وطن ؟ 

ايه الوطن ؟

كن سعيد .. بلاك تيما Black Theama

AhmedAbdo

Recent comments

Rania Saleh

Related tracks