أمي ..
بتغزِل من خيوط الحب شال 
وتلِف بيه إيد الزمن وتوَصي أيامُه تحامينا 
وتنادي علي كسر  العيال  يتلم 
وتحط قَدح اللهفة في الصاج العريض 
وتحَمِّي نار الفرن وتشد الدفا 
وتحطه عـ الاكتاف ؛  لا البرد يطفينا 
أمي اللي جابت شمسها النور والنهار 
بتوزع الخدمة بحنان علي ضِلنا 
علي كل شَق يعدي من قلب الجدار 
علي عتبة الدار اللي تعبت دوس خطاوي التجعيدات 
والتنهيدات ،،
والتبديلات في الخطوة بين رايح وجاي 
أمي بيعزف حُسنها صوت الكمان 
وبينفُضَك صوت حزنها علي لحن ناي 
بتسابق الفجر الوصول للنور 
وتعِّد بالصلوات ضفاير شعرها المتحني ببياض قلبها 
وتشَغَل الصوت القديم لكلام أبويا 
زي الكاسيت شايل رسايل غربة م الأردن زمان 
زغرودة  عالية ،،
زي الجواب لاصفر من الركنة 
مكتوب عليه اسطنبةّ جمال بتقول 
" انا بخيِّر .. ولا ينقصني سوى رؤياكم الغالية " 
أمي الزمن والسفر  والأرض والأوطان 
أمي البيبان متفتحة 
الضحكة كل الطرق للأمل 
والنظرة كل الطرق للوصول للحلم 
والحضن وعد الله بجنة من الجنان 

من ست سنين يا امايا وبكذب شعر  وماعرفهوش 
ويقولوا جميل وكلام تعظيم مابصدقهوش 
لميت الدمعة علي خدودِك 
وسلام إيدك لما بيلمس قلب إيديا 
وحكاوي الغايب عن عيننا وساكن في الروح 
والشهد اللي إتحلىٰ يا أمي بسُكَر ريقك 
وخرج في كلام ..
ماعملتش شئ غير إني وصفت ازاي بتحبي وبتحني 
فعرفت إن أنا دلوقت كتبت الشِعر الخام ..

إلى أمي - محمد إسماعيل

عفاف راضي ـ لمين يا قمر (حفلة)

مال القمر ماله

(الليلة الكبيرة ( سيد مكاوي

ياساكن فى الهوا قلبى , وساكن فى الديار جارى , جمالك كل يوم جمبى أسرنى وانت مش دارى 
معاك بعنيا وكفايا , تنور ليا دنيايا , انا بشكى اليك منك ياحبيبى ♥

محمد فوزي - تملي في قلبي

التراث ♥
الالحان والكلمات والاداء ^_^

متفوتنيش أنا وحدي - سيد مكاوي

Omkalthoom_ya msahrny       ام كلثوم_يا مسهرنى

موسيقى هو صحيح الهوى غلاب     توزيع : ياسين فرج

ام كلثوم - موسيقى  : هو صحيح الهوى غلاب : ياسين فرج

عالم خارج حدود النبض 
عزف ناصر بدير

مال القمر ماله

Ahmed Abdul-Rahim Arafat

Related tracks