قصيدة لـ إيمان الميهى 
https://www.facebook.com/eman.abdoullah

أداء : منّة كُردى وإيمان الميهى 
https://www.facebook.com/Kawkabmashy

من ديوان : فردة حلق 

معرض الكتاب 2015

قصيدة: بلوزة تريكو
النهارده ...-
 كات عيوني واسعة جداً
عايزة تلقُط نور كفاية
- دبّة النملة كمان
كات ملازماني ومعايا
-راسي -وبرغم انشغالي-
 كات حِمايا
-أمّا كل شعور فـ قلبي..
كان كفاية عشان أخاف
...
-رغم خوفي
كنت ماشية ثابتة جداً
مؤمنة ان الحق ضيّ
وان ذُلّي ماكانش وارد
طول ما عزّي فـ قلبي حيّ
-دنيا كانت ليل وضلمة
رغم برد ماكانش جامد
كنت لابسة هدوم كتير
كنت دفيانة بضمير
كنت خايفة
أي حد يشد فتلة من البلوزة
فجأة كل الخيط يكُرّ
-كات هدومي الشتوي واسعة
كنت خايفة اتعرّى فـ عيون
شايفة طعم العِزّة مُر
شايفة إن البنت "عورة"
وان جهل الأنثى "ستر"
...
-اتّاخدْتْ..  
فـ المواصلة
لما شفته حامي ضهر مراته جامد
بس لمّا بنت تركب
كان بيخبط فيها قاصد
...
-انهزَمْتْ
لما شفته بيقرا حادثة
بنت كانت راكبة تاكسي
وانتهتْ جوّاه بكارثة
طبّق الجرنال وتمتم:
تستاهلها
أصلها لو باحترامها
كان لايمكن طال ضافرها
...
-زيّ ما انت
-لسّه فارس جوّه قلبي
-لسّه دمّك حامي ضهري
-لسّه بتداري عليّا لمّا اصلّي فـِ الميدان
-آه صحيح معرفش اسمك
بس باتغطّى بعيونك
اللي كانت واسعة جداً
عايزة تلقُط نور كفاية
-لجل مبدأ
كان يوميها 
جاي معايا

ـــــــ
إيمان الميهي*
من ديوان: فردة حلق
27-12-2011
(إهداء لـ ست البنات)






بلوزة تريكو _ إيمان الميهى _ منّة كردى

محمد ابراهيم - رسايل من السما السابعة


أجزاء من العرض المسرحى ..... "1980 و انت طالع "

عمل مسرحى شبابى ..... عن جيل التمانينات و انت طالع .... أحلامهم ... آمالهم ...ضحكهم ...واقعهم ... ... عرض يمثلنى و يمثلك إذا كنت موجود الآن فى بلد عربى .... خاصة مصر 


تأليف وحوار : محمود جمال
إخراج : محمد جبر

 تابع أخبار العرض  ......

https://www.facebook.com/1980wtale3

https://www.youtube.com/channel/UC8HQjOsdv5nwxjfJmbMBppw/feed

أنا كمان حاسس إنى كبرت

كلمات : يوسف حسن 
https://www.facebook.com/Youshas.2014?ref=ts

أداء صوتى : منّة كُردى
https://www.facebook.com/Kawkabmashy

الكلمات : 
عصفور و غادر رحلة السرب الأخيره .. للسما 
حينها و بس عرِفت .. إن السما سماوات ..
كانت بترسم من دموعها .. ذكريات ..
و الدمعه كانت إبتسامه مُبهمه ..
حتي الرحيل .. 
أسبابه كانت مُبهمه .. 
إنك تغيب و تعود .. 
شئ من طبيعة البشر 
لكن تغيب متعودش .. 
كان شئ جديد و إنتشر ..
ضحكتها كانت قبلها ..
بتدفئ أكتر من شموس زارت نهار الشتا ..
و الدمعه كانت فى الكالوس .. 
بتدُل إن الدفا فى الأصل كان كدبه .. 
و إن اللى ساري فى الوريد من دَم 
مش دمها المعروف ..
الدمع غير مآلوف .. 
و الذكريات و الماضي 
سحبوا اللى باقي من خيوط النور ..
في ضحكتها ..
صوتها اللى كان بيجمِل الغنوه ..
كل الأغاني ساعتها .. نسيتها 
عشقتها وِحدتها .. و نبذها ليه الكل ؟!
كانت ساعتها وحدها بالفِعل ..
رجعت تدوق المُر من تانى هو المُر ..
و الضحكه كانت كإنقطاع الوحي 
الضِحك جوه منها تاني .. لم يمُر ..
و الدمع كان بيفيض .. فى عينيها بإنتظام 
فارقت .. و جوه عيونها باقي الدّمع
و العُمر ضحكه بتتسرق .. 
و السرقه كانت مش حرام ..
بس الحرام .. 
أو فى نظرهم 
كان حرام 
لما شدت حّبل من بين الحيطان و السقف 
و رسمت بطرفه شكل بالونه ..
كل البنات لعبتها بالونه .. 
إلا إنتى كنتي بتلعبي بالموت 
كل البيوت .. ضحكتها .. مسنونه
إلا إنتى كانت ضحكتك .. بتموت
عصفور مهاجر .. مّر وحده فوق كل البيوت .. 
ملمحش فى دنيته غير حّبل كان معقود 
و الحّبل كان عِشه اللى عاش و بناه
كان اعتقاده .. إن اللى جاي حياه ..
و مكنش يعرف إن اللى جاي مفيش 
صوت خّبط كان بشويش ..
مشهد لأوضه مـ السما السابعه 
ضِل عصفور كان بيسكُن حّبل مّرخي بفِعل سقف .. 
و إن هذا الطير أساساً فى فـ بيوتنا منه ألف ..
بس فى الأصل الحقيقه .. 
هي من موتها .. بريئه ..
و إنها مكَنتش طير .. و إنها كانت بشر .. بس روحها كات أخف !


جناحات _ منّة كُردى _ يوسف حسن

أهواك - تقي طاهر TUQA

⁦⏹️⁩ ( رَحَّال ) لـ محمد خليفه ⁦⏹️⁩

اخر نفس نيكوتين ل احمد ناجي _ اداء الفويس اوفر محمد رضا

قلبي العاشق
كلمات وألحان: هيثم محفوظ
توزيع وانتاج موسيقي:
VEGA Records/Mohamed Samy
جيتار:
TiTo

Alby 3asheq

هيثم محفوظ - قلبي العاشق / Haitham mahfouz - Alby El 3asheq

على هامش الإنسانيه

جايز يا بُكره تحِّن .. لمحمد خليفة

ما هو لو رثيتك بعد موتك
زي باقي المدعين
انا هاتخنق
وانت عارف اني مش باعطف عليك
سايب بطاقة العلاج
في التأمينات
سايب ابويا ع الرصيف
مستنيني الانسولين
زي ما بتستنى اجرة التخبيط
من دماغ الطبلة والبندير
في بطن إيديك

خايف تتوه في الناس
وماوصلكش
تشيب السنين واشوفك
ماعرفكش
تبدل القهوة بقهوة تاني اهم
الكرسي فيها هيبقى لحم ودم
هيسلت الفقرات ويسايس الغدروف
منعًا لهزاره السخيف بليل
نظرك هيضعف وتلبس نضارات
جسمك هينقص ٧ رطل، وعين
مع كل عيد ميلاد هاكبر سنة
عادي..
وانت هتكبر في السنة.. سنتين

تلبس عباية سبعيناتي
هتبطل المهنة
وهتعمل الآتي..
هتبدل الهيد فون
براديو قديم
هتنسى تقرأ شعر
او تسمع حليم
هتشوف حلمك على الفيسبوك
بيحققوه شوية شباب
والفيسبوك
هيفضل محترم
وعامل لك حساب

كان حلمك تكون النجم
بس القدر لعيِّب
فضلت تحكي سنين:
انا شوفت نجم ونجم ليا قريب
طب هات لي واحد فهم
كنت تقصد مين..

طب يعني بعد الشر.. او بلاش..
لو جالك هبوط في الصالة دلوقتي
هاعرف منين؟
لو اتكعبلت ع الأسفلت
هامسك إيديك إزاي؟
مش عيب عليك..
اشيل في قلبي كسرة البندير
من وقعتك ع الأرض!

مطرود..
من قلة المشاريب
منبوذ..
ومضطهد من هدومك
إللي انت إختارتها تكمل معاك
يا للأسف..
هدومك صحاب بنت عرص بتجرحك
اول ما بتسيبها ع الحبل بتفضحك
صوت الزعيق بيضايق القهوجي
فـ يقوم ويطردنا من صوت الخناقة عليك
وانا بادفع المشاريب
دلوقتي بس عرفت
ليه بتقعد جنبي اربع ساعات
ومابتطلبش شاي

اخر نفس نيكوتين ل احمد ناجي _ اداء الفويس اوفر محمد رضا

Ahmed ahmed Nagi

Recent comments

Sherouk Ahmed

Related tracks