MT3 - هى هى (Prod. A-Peace)

lyrics :

زمان بس مش زمان  ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات  
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد  
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش
 
عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل  
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات  
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال  
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
 حس بيا واللي فيا من مكالمة وفي اولها
 ونص ساعة وكان تلاتة من  صحابيقصادي جم
 زادوا اكتر بعد ساعة ايوة دول صحابي اهم
 ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
 قام ابويا بعدها كانوا سندي وقتها
والحكاية دي حقيقة والله مألفتها
 
 
صحاب اصلية فقرية دماغهم مشكلة
 رجولة ومية مية دول عشرة قديمة  مكملة
لو فين اراضينا حاسين ببعضينا
 كبرت وشوش بس القلوب جدعان متغيروش

اغنية الصحاب زاب ثروت (Zap Tharwat)

Lyrics:
صباح او مساء الخير حسب توقيت سماعك
 الأغنيه عن كل شخص قابلته فيالمدينه وباعك
او المدينه نفسها وكل ركن فيها وزاويه
 لكل محطه مترو زحمه او في أخر الخط خاويه
لكل طفل راح مدرسته اتعلم بقي شاطر
 لكل شاب في جامعه لكل محاضراته حاضر
ولأحلامهم اللي طارت رغم السهر والتعب
 لكل فرصه اتسرقت لكل حق اتنهب
لكل فرد وذكري كانوا جزء من المدينه
 اللي لسه بنحبها رغم انها ضحكت علينا 
من بعيد اكيد جمالها راح يسحر عينيك 
مش لوحدك ياما غيرك داقوا سحرها قبليك  
اللي شاف في دروبها حلم وقال في يوم يقدر يطول
 واللي عاش العمر كله في وصفها يقول
نام في أحلامه الجميله راح يفوق علي زيف وغش
 اللي ساب الريف في بلده وفي المدينه هيبني عش
المدينه بالف وش بتضحك بس في البراويز
 ياما هدت من الرجال ياما ذلت ميت عزيز
مش بعيد اكون وحيد في وصفي وكلامي عنك
 ياما غنولك اغاني وياما شهدولك لكنك
 مش جميله رغم ظنك او جمالك مش حقيقي
 مش عميقه رغم سنك لو قارنتي سني بيكي
 او يمكن انا مش لاقيكي فى وسط الزحمه والمساكن
او يمكن انا مش هاويكي مع اني فيكي ساكن  
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
مسجون في قلب أحلام الناس البسيطه الطيبين
 اللي أيامهم تعيسه الليأحزانهم سنين
والغريبه مصدقين ان بكره مسيره جاي
 ان شمسك يوم هتشرق راح تنور كل حي
بس أي حي فيهم راح تزور الشمس ارضه
 اللي فكل متر عيله ولا اللي بجنينه اللي بعده
انزل لف في الشوارع صور الحقيقه بعنيك
 بالحقيقه مش قصدي صوره لشيخ عجوز صعبان عليك
يطبعوا صورته في مجله وينسبوا الفضل ليك
 يكتبوا مقال طويل ويقولوا فيه ده قال وفضفض
والحقيقه انه ساكت بس عنيه فضلت تعيط
 قالوا دي دموع الفرح والرضا والانبساط
والحقيقه ابتسامته بتسخر منكوا وفي سكات
 مش كفايه علينا كذب كفايه تأليف قصص
زي صور العيال اللي هربت من الحصص
 مش عشان يلعب يزوغ لا هيروح الشغل بدري
اللي نجار واللي يجري يوصل للبيوت حاجات
 واللي كفران بالساعات اللي كفران بالساعات
وبيسألوا هوا ليه الطفل جوا الطفل مات
 او أمل اللي كانت بنت حلوه صغيره
نفسها تكبر تكونانسانه ومتقدره 
بس الناس شايفاها لحمه شايفه وسط وجوز عينين
 اللي سليطاللسان واللي كلامه بالايدين
 وبيسألوا مين السبب السبب في الكدابين
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
بكفياكم غش فينا اظهروا حقيقه المدينه
 اللئيمه اللي علي أحلام ولادها ما كانت امينه
قالوا من الحب اللي يقتل لما يطول قلبي وعقلي
 وانتي قتلتيني بسهوله زي ماقتلتي اللي قبلي

أغنية المدينة  Zap Tharwat   زاب ثروت

Lyrics:

محبوس في دايره من الأوهام واليأس
 بحاول اتحرر كل يوم مش عارف لا بأس
يمكن لما الناس تتعرف علي أحزاني
 تفهم تقدر تصرفاتي افعالي وجناني  
لا بقي كفايه كفايه كفايه تبرير 
كفايه كفايه محاولات بائسه للتغيير
خلاص مش هسكت هتكلم بدعوكوا 
للسماع هختم كلامي في النهايه بكلمهالوداع  
قررت أسيب حياتكم واسيبلكوا المسرحيه
 افرحوا بالاضواء والتمثيل والنجوميه
وهميه الدنيا اللي كلنا عايشين فيها
 عارفين والغريب بسنانكوا متبتين فيها
انا عارف ان أنا مش أول واحد يتعرض لضغوط
 ولا هبقي اخر واحد ياخد حياته بأيده يموت
مش كفايه طول اليوم نظراتكم ليا 
بتجوني في فكري قبل النوم وفي أحلامياليوميه
اسألتكوا بتنهش عقلي زي الضباع بتحوم
 وازاي ألوم في ضبع  كنت بأمره بالصوم
فا لو سألتوا هرد بأي كلام وأضحك عليكوا
 بزعل لما تصدقوا الكذبه وتكذبوا عينيكوا
يمكن بتصدقوني علشان  ده اسهل علي ضميركوا
 بتسألوني مالك أنتم كتير وغيركم
بس عمر ما حد فيكم اهتم يسمع الاجابه
 ولو فتحت قلبي ليكوا هتقولولي بلاش كآبه  
فسيبوني أروح لعالم تاني اجمل من عالمكوا
 أكون في وسط عالم أعلم بحالي منكوا
الوداع للقوم الكاذبين المدعين
 لا تصطنعوا اهتمامكم كلكم مكشوفين
 
2x
وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي



الوداع للقوم الكاذبين المدعين
 لا تصطنعوا اهتمامكم كلكم مكشوفين
الكلام لمين لكل المستمعين وعلي لسان مين مراهقين بكره يبقوا كبار
قلوب صغيره بتعاني سرعه الاحتضار
 ضغوط الأهل والمجتمع أثرت عليهم 
زرعت فيهم مشاكل أبدا ما كانت فيهم
 من تهميش صوتهم ودورهم فيمستقبلهم من أهلهم  
معاناتهم لو اختلفوا عن مجتمعهم في فكرهم
 ازاي بتلوم في طفل أنت السبب في تكوينه
بتستنكر وجوده بتذل فيه وتهينه 
افعالك في الاساس هيا اصلا سبب المرض  
لو مش عاجبك تربيته المفروض أنت اللي تتحرج
 هرج ومرج جوه عقل الشاب اللى اتدرج
تحت تصنيف مكتئب عايش بيحلم بالفرج
 الاكتئاب ده مرض مش حاله ولا موود 
واصل لربع شبابنا بالأرقام والشهود 
٢٥٪ من الشباب مكتئبين
بيعانوا امراض نفسيه وعن الحياه معزولين 
٦٪ منهم بيفكروا في الانتحار
 وارجع لكتاب اكتئاب المراهقين والاطفال
فمتربوش ولادكوا عالأوامر والتهزيق
 متكسروش مقاديفهم بالكبت والتضييق 
العنف مش بس عنف مد اللسان والإيد
 العنف كسر النفس وتحويلهم عبيد 
فا لو أنت نفسك مش متصالح مع نفسك
 متجبش في الدنيا طفل فيامراضك ينافسك 
 واعرف  وافهم ان البنين زينه فتنه زي المال
 فاللي معهوش فلوس بقي بيكنز في العيال 
اللي غرقوا في مشاكل منشأها البيوت
 انا مش جاحد لفضل أهلي ولا بدعوكواللعقوق  
انا بوصل حقيقه مجتمعنا
 مجتمع أملي وأملهم انه يسمعنا  

2x

مش وحيد بس وحدي
 وسط ألمي ومحنتي
 نفسي ليكوا أقول وأحكي
 تبقواسندي وقوتي

25 - أغنية خمسة وعشرين   Zap Tharwat  زاب ثروت

Lyrics:
شاب بسيط بيحلم انه يبقي حاجة
من منطقة  شعبية فيها ناس كتير محتاجه
زمان قبل ما نعرف التمييز والطبقية
زمان قبل تفريق الناس طبقات بعنصرية
مش هقارن ما بين زماننا والحال أيامه
دلوقتي قيمة الشخص بفلوسه مش باحترامه
سافر الولد برا البلد علشان يأمن مستقبله
واتقي ربنا في شغله ورزقه من اوله 
عدت سنتين واتجوز احلى بنت شافتها عنيه
من اول مرة شافها دعي ربنا تبقي  ليه
وبدأوا بيت صغير طوبة طوبة واحدة واحدة
كانت هيا سنده في برد الغربة والوحدة
وقوام ربنا رزقهم بأحلى بنت في البنات
والرزق زاد بعدها بتلات اخوات ولاد
والبيت كبر ودفي والغريب نسي غربته
بقي في وطنه حضنهم وفي لقاهم فرحته
غلطته انه نسي ان الفرحة مش بدوم
المرض عرف طريقهم بقي بيزورهم كل يوم
الموت قرر يختار اكبر ولد من ولاده
مابيتأخرش عمره بيجي في وقته وفي معاده
ويادوب قدروا يفوقوا من الصدمة اللي كانوا فيها
والموت خطف الصغير في الزيارة اللي بعديها
والحرب قامت في الخليج سنة تسعين
راجعين بكفايانا نعيش متغربين
 
الغربة حال مابينتهيش
 بنتولد و فيها نعيش
مابين غريب جوه بلادي 
وبلاد كتير ماتخصنيش  
 
 
بداية جديدة في مدينة محدش فيها ساكن
سموها نصر صحرا واسعه وشوية مساكن
حاول وعافر دور بس الفرصة مش متاحة
ماليش مكان في بلدي قالها لنفسه وبصراحة
اتغرب تاني وساب حبيبته للأولاد
في كل سبت كانت مكالمة طويلة في المعاد
يطمنهم عليه ويحكي ازاي بيوحشوه
ويرد عليه ولاده يقولوا نفسهم يشوفوه
الغربة مش اختيار لما يكون مفيش حلول
عمر الفراق ما بيقصر دايما بيزيد يطول
وبنفتكر الهدايا راح تعوض الحبايب
مين قال الهدايا تحل محل الغايب
 مرة جواب في صورة مرة شريط في قصة
كل دة مش كفاية اصلك واحشهم لسه
والعمر بيجري طاير زي جري حبيبه ابنه
ورا تاكسي رايح عالمطار زي التاكسي اللي قبله
كان كل مرة يبكي لما ابوه يروح يسافر
وينام في حضنه لما يرجع ايوه انا لسه فاكر
انا فاكر كل كلمة كل تفصيلة وثانية
اصل دي حكاية ابويا مش اي حكاية تانية
تشبه في الحكاوي ياما ناس كتير متغربين
اللي سافروا من شهور واللي هاجروا من سنين
والقصة مش بتخلص أصل الغربة في دمنا
جيل بيسلم جيل واكيد حنسلم اللي بعدنا
 
الغربة حال مابينتهيش
 بنتولد و فيها نعيش
مابين غريب جوه بلادي
 وبلاد كتير ماتخصنيش  
 
قبلنا ومننا ياما حلموا ناس كتير
 حلم بأرض خضراء واسعة وخير في الكون ملوش مثيل
ولما صحيوا من منامهم لقيوا كل الأرض بور
 فتحوا عنيهم في الضلمة ضلمة العقول
اللي في الصخور يكسر واللي منهم قال يقصر
 اللي قصر قام مسافر واللي حاول بعده حصل
 في النهاية دي رسالة كلها تقدير لوالدي
 عاش حياته بيفني عمره علشان اقول عندي وعند

أغنية الغربة  Zap Tharwat زاب ثروت

Lyrics:

كل طريق فيه حكمه فوق نفسك بلكمه 
اصحي شوف عدوك اعرف كل حركه ولزمه
الحرب خدعه مش اي حاجه تانيه
 الحرب فرصه ممكن تكسب في اي ثانيه
محسوبه كل خطوه ايوه والالم موزون
 الحرب عقل طول الوقت ومساحه للجنون

تراقب تحلل وتستوعب الخصم 
تخطط ازاي هتغلب المضمون والجسم
عدوك لو ضعيف مش هتسميه عدو
 عدوك دايما اقوي منك بس عادي ولو
 لكل حرب خطه خدعه مداخل
 لكل شخص نقطه ضعف هوا عنها غافل  
لازم تذاكر ماضيه تتوقع مستقبله
 لازم تحفظ تاريخه من بدايته ومن اوله
ولازم تديله شأنه من غير ما تهوله
 لازم يديك اجابته من غير حتي ما تسأله
 
زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك  
 
 
عرفت قانون الحرب طب عرفت مين عدوك
 عرفت مين اللي عايش طول عمره علشان يضرك
أنت عدوك أنت أنت الشيطان
 أنت أنت اللي بتهرب من مواجهه نفسك من زمان
فمتدورش بعيد أنت الحرب والمعركه
 متلومش غيرك يا ابني أنت الكذب والفبركه أنت
 كل شر شوفته وهتشوفه في الناس
 وأنا نسخه منك أنت أنا في الاساس
 انا أنت وأنت الكابوس انا 
انا اللي بايع كل حاجه بالفلوس انا
انا الانسان اللي جواك بس اتقتل
 وانا اللي فسر الصراحه بالفشل 
واختار يواجه صوت ضميره بالكسل
 عشان يبرر كل شئ منه في عمره اتعمل  
زيك زي اللي قبلك واللي بعديك
 عايز تموت شرالعالم يبني موت الشر اللي فيك 
 
زيك زي اللي قبلك واللي بعديك
 عايز تموت شرالعالم موت الشر اللي فيك  

زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك   
زيك زي اللي قبلك واللي بعديك
 عايز تموت شرالعالم موت الشر اللي فيك  
زيك زي اللي قبلك واللي بعديك
 عايز تموت شرالعالم موت الشر اللي فيك  
 
عايز تموت شرالعالم موت الشر اللي فيك  
عايز تموت شرالعالم موت الشر اللي فيك  
عايز تموت شرالعالم موت الشر اللي فيك  
عايز تموت شرالعالم موت الشر اللي فيك
-

أغنية الحرب  Zap Tharwat زاب ثروت

Lyrics:
الدنيا شلة من الصحاب  وفيها كتير اشكال
اللي ناسي دين و واجب واللي فاكر ايه يتقال
واللي خايف غدر غيره
واللي لغدر غيره صاحب
واللي بايع باع الغالي
ودايما للرخيص مصاحب
   
 
الدنيا شلة من الصحاب  وفيها كتير اشكال
اللي ناسي دين  وواجب واللي فاكر ايه يتقال
واللي خايف غدر غيره واللي لغدر غيره صاحب
واللي باع الغالي دايما  بس للرخيص مصاحب
وصاحبنا عايش وسط غابة لازم يتقلب زيهم
 لو فضل للحق  غالب للاسف حيكون ضدهم
فالتزم  بنص دوره قرر انه  يعيش وسطهم
باع للدنيا عقد روحه والتزم وبقي منهم
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
خد النصيحة وعقلك ميزانك في المحاولة
ياما شباب في سنك مال وجاه وسيط ودولة
غدرت الدنيا بيهم طفت في نور عنيهم 
علشان في يوم صدقوا وعد كان من الدنيا لهم
فاحمينا يا كريم من سوء العمر والنهاية
واحمينا من سواد عقولنا لو وسيلة لاعلي غاية
واحمينا من شر الصحاب الغدارين
ده الصاحب لو يخون في صاحبه يبقي باقي مين
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
ده الجعان بيزيد و يكوش
 وفي خلق الله بيلوش
و ينسي انه عايش عمره
 للرخيص محوش
 
فأحمينا يا كريم من سوء العمر والنهاية
واحمينا من سواد عقولنا لو وسيلة لاعلي غاية
واحمينا من شر الصحاب الغدارين
ده الصاحب لو يخون في صاحبه يبقي باقي مين
 
 
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين
ده الصاحب لو يخون في صاحبه يبقي باقي مين

أغنية الدنيا  Zap Tharwat زاب ثروت

Lyrics:
ما بين لقانا والفراق كانوا ثانيتين
 ما بين فراقنا واللقا سنيين وسنيين
كان نفسي اقولك كل حاجه في الوقت المناسب
 كان نفسي اقولك ولكلامي ماكنتش حاسب
ياه لو كنت قولت كلامي افتح قلبي وابوح
 ياه لو كنت قولت قبل ما تروح
 
من زمان وقالوا الصبر مفتاح الفرج 
صبرت جامد حتي الصبر منك اتحرج
عذاب الألم اللي اتلضم ويا خيط الزعل
 خلي شيطاني حتي ندم عاللي مني اتفعل
فأهم حاجه في التوبه النصوحه يكون الندم
 مش هوصفلك شكل الشرخ اللي فيا اترسم
شرخ كان بألم جوا قلب حلم
 اتغير وشوفت فيه انسان كان أصله صنم
يرضيكي تمشي وتفارقي وفي ماضيه تكوني
 بعد اما كنتي كل حاجه من عقلي وجنوني
لا مش اختيارك ما أنتي لازم تسمعيني
 القرار قرارك بس لازم تفهميني
ايوه مش هخبي حاولت انسي واكابر
 وفي كل مره كبري كان عليا فيها صابر
ياما حاش كلامه ياما ياما سكت
 وياما كان يلومني ان عيونها بكت
وكنت اصرخ واقوله ده أنت كبريائي
 ودايما رده واحد أصل هى دائي
كل داء وليه صنف علاج ودوا
 بس فين تلاقي دوا للهوا
أنا اللي فيا كوم وانتي كوم وكفه
 كل العالم يهون بس الدنيا تصفي
وعد من اليله دي خنجر جوا صدري
 انك لو سامحتي نهر روحي تاني يجري
ويشيل حمل المراكب علي طول الشراع
 ويغني للحبايب بكفايه العمر اللي ضاع
اصلك أنتي غيرهم أنتي كل حاجه
 وهما حاجه واحده باختصار سذاجه
عارفك مش هتمشي ولا هتودعيني
 جايلك تاني اطلب لو بس تسمعيني
لو بس تسمعيني   
 
ياه لو كنت قولت كلامي
 افتح قلبي وابوح 
ياه لو كنت قولت قبل ما تروح


ما بين لقانا والفراق كانوا ثانيتين
 ما بين فراقنا واللقي سنيين وسنيين

أغنية لو تسمعينى  Zap Tharwat  زاب ثروت

Lyrics;

نزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا  شايف نصها المليان فلا بأس
 عادي مش مهم عدت مش هتكسر
عرفت اسباب كتيرة علشانها لازم ابتسم 
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي  
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني  
اوعدكوا بابتسامة لو كملتوا تسمعوني
فاكرين اجازة اخر السنة كل سنة  
وحلاوة النجاح لما تنجح انت وانا
وحلاوة النجاح لما تنجح انت وانا
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
انا فاكر المحبة والعشرة والصحاب
 والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي  والتورتة والشموع
واللعبة دي عايزها واقعد اعيط بالدموع 
وعيد ورا عيد بيجي طب فين العدية  
يا بخت  عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
 ذكريات كتير عبيطة بس كانت ايامنا حلوة
 ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد  
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب  اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
 
ياه حلاوتنا لما نرضي بحياتنا
ياه وقلوبنا فاتحينها لخلق الله
 
ياه حلاوتنا لما نرضي بحياتنا
ياه وقلوبنا فاتحينها لخلق الله

أغنية السعادة  Zap Tharwat  زاب ثروت

MT3  أنا شاب

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش ... وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر

Ahmed ALaa

Popular tracks