الشنب

كلمات: رووان صقر

اداء صوتي: زينة قُطري

عارف ساعات..

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

 

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

 

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

 

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

 

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

 

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

 

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

 

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

 

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

 

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

 

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش

هشام الجخ - متزعليش

كتابة :
 @A_3adl
@Rowan_Suqr
@ZeinaCoutry

 أداء صوتي : 
@ZeinaCoutry

فاكرة!

THE MEANING OF LIFE  <3

فاكره لما كنتى حلوه اوى ؟

ده حاجة تانية خالص غير اللي كنت منزلاهم..اتمنى تعجبكم :)


أداء صوتي : زينة قطري
 وده لينك التويتر https://twitter.com/ZeinaCoutry
و الفيسبوك :https://www.facebook.com/zeina.coutry

كلمات: ندى الشبراوى
تقدروا تتابعوها هنا 
فيسبوك : https://www.facebook.com/pages/Nada-El-Shabrawi-Fan-Club/202309503158042?ref=hl
وهنا :https://twitter.com/iMasrya

صوت مرعوش..

التراك ده إهداء لجدتى رحمها الله، نسألكم الدعاء.


-كلمات: أحمد زهران
و زينة قُطري

-إعداد: عبدالله نوفل

Ahmed Y. Zahran :
تقدروا تتابعول أحمد من خلال البروفايل بتاعه :https://www.facebook.com/MadoOoZahran?fref=ts
او من خلال الصفحة بتاعته : https://www.facebook.com/PoetAhmedZahran?ref=br_tf
Zeina Coutry :
وانا من خلال البروفيال بتاعي : https://www.facebook.com/zeina.coutry
او الصفحة الرسمية بتاعتي : https://www.facebook.com/Zina.Coutry
Download Link : 
https://www.dropbox.com/s/pwjfccygwq4hpjc/Gedety.mp3
اتمنى يعجبكم.

جدتي..

كلمات : @ZeinaCoutry
أداء صوتي: @ZeinaCoutry

إعداد: عبدالله نوفل

الكلمات:

علموني في ابتداءي
 يعني ايه كلمة "وطن"
 يعني حب فيه ألاقي
 يعني برضه يوم سكاتي 
اصحى الاقي حلمي عايش
 مش ورقة وحبر بايش 
وفي يوم وليلة بيتدفن 

قلت آه وآلف اه 
على حلمي اللي تاه 
ووطني اللي انكسر
 آه لو فاكرينها حياه 
ومش بندفع التمن
 آه على اللي كان 
واه على اللي خان 
آه على اللي راح
 واخص على اللي هان.. 

يا دم سايل بين ضلوع 
فين القصاص؟ 
يا طير واقف على الفروع
 اوعى الرصاص..

 يا حزن عشش في الوطن
 حالف ما يمشي!
 كل حلم فيه اتدفن 
والظالم..متحاسبشي

 يا جرح بينزف على العلم
مزادش غير الاحمر
بيدور عللي يداوي ألم
 عمال يزيد اكتر واكتر

 يا ترى فكرة انا مين؟ 
انا كلمة اتمسحت من كتبك 
علشان متعادة 
انا كنت زمان بقعد علقهوة 
واطلبها زيادة

انا كلمة اتحدفت من الجملة
علشان من الاول مش فارقة
انا عيل دايخ على لقمة
في بلد اصلاً مش فايقة

انا شباك مش طايق يفتح
في عز الشمس ماهي قايدة
انا نفس الكلمة اللي أتحدفت
علشان فعلاً ملهاش فايدة..

 ده انا اللي الرعب 
ملا ضلوع جسمي
 واتكتب بالدم!!
 على الحيطان اسمي
 
انا اللي اتقتل
 وانا اللي..اتسحل
 انا اللي نبض قلبي 
رسملكوا الأمل.
. 
انا اللي اتقال عليا شهيد 
واتحطتلي كام صورة 
مفيش يومين واتغيرت
 والذكرى بقت مهجورة.. 

بس اللي مطمني 
انك موجودة 
واللي معذبني
 انك مهدودة
 لسَاني أمل
 كلي أمل 
ترجعي من جديد
 قلبك جامد 
بس طيب
 من حديد
بس ابيض

خلي بالكوا من بلدنا 
واوعوا فيكوا حد يمشي
 خلي بالكوا من ولادنا 
ده الامل عايش مماتشي

#زينة_قطري

حبر بايش..

كلمات: @ZeinaCoutry
أداء صوتي: @ZeinaCoutry

تصميم: مجدي حُزين

الكلمات: 
رغم إني لسة فاكرة
وعدك ليا من زمان
لما قلت مش هتمشي
مهما ضاقت الأيام
كنت ساعتها لسة هابلة
مصدقة كل الوعود
رغم إني كنت شاكّة
إن راح تخلف عهود
مجاش على بالي عمري
اصحى يوم القاك بعيد
زي يومها لما عرفت
انه مش راح يبقى عيد
قلت عادي ده اختبار
مسيره يرجعلي تاني
مش معقول يعني انهار!
واظلمه واقول اناني
يومين عدوا فاتوا
والوقت بقى يجري
لا انت رجعتلي
ولا يوم هترجعلي
رغم إني لسة فاكرة
لما قلت "
وإيدك لما تلمسني
في عز الزحمة بطمّن
ولو قلبك زعل مني
ببقى ممكن اتجنّن
ومهما بعدت ومهما بغيب
برجع لجل نتلاقى
ومهما سافرتي ورحتي بعيد
مستحيل تباتي مشتاقة
هبعتلك كل ليلة جواب
وانسيكي اللي فات كله
كل ليلة سكنها عذاب
وحبيب سقاكي من مرّه
وكل ليلة هكتبلك
قصيدة شعر وازينّها
بحروف اسمك والفلفهم
واخدها في حضني وانيّما
حتى باقي الاسامي تغير
اشمعنا هي حبّتها؟
حبيبتي هي ساكنة القلب
وحاسة بيا وبحالي
حبيبتي مهما اخدت جمب
متابعة هي اخباري
حبيبتي لو لفيتها بلاد
ما هلاقي زيها حبيبة
حبيبتي مهما بعدت عني
عمرها ما تبقى "غريبة"
"
رغم إني نفسي انسى
وعودك ليا من زمان
نفسي لما احط راسي
على المخدة اوام انام
اصل كل يوم تجيلي
وتقولي "صدقيني"
وترجع ذكريات
وتوهمني بحاجات
مكانش لازم اصلا تفضل
وامحي كل اللي فات
انا بس عايزة اقولك
بالمفيد المُختصَر
جرحك ليا اكيد وجعني
ومش هنكر ساب اثر
بس لازم تبقى واعي
مستحيل إني اتكسر
رجوعك معادش داعي
قلبي مبقاش راضي
بواحد سابني في سكة سفر!!
من النهردة انا حد تاني
مش هقول بيّاع اناني
بس اكتشفت فيا عيب
مستحيل انكره تاني
كان كل ما حد يسيب
انا اللي قوام اضعف واشد
وكان لما حبيبي يتعب
فجأة في نص الطريق
كنت بجري اوام عليه
واخده من إيده نمدّ
كنت هابلة وكنت ساذجة
كنت غصب عني ساكتة
كنت طفلة عبيطة جداّ
وفي حياته انا كنت ساكنة

بالمفيد المُختصر

كلمات وإلقاء: زينة قطري

https://www.facebook.com/Zeina.Coutry.Official.Page

لينك الفيديو:
https://www.youtube.com/watch?v=7HKpl1dmK2o&feature=youtu.be

تصميم: @3bdo-tito

فى عز المظاهرة ..
 فى عز المظاهرة بعلى الهتاف
 قلبى فى ايدى
 متشال على الكتاف
 بطالب بدمي
 ما يبقاش رخيص
 و اشكيلكوا همى
 و مابقاش خسيس
 بطالب بلمه و ضحكة و عيله


 مش دمعه و قله و خيبة و ميله ..
فى عز المظاهره مقولتش أخوان .. 
فى عز المظاهره مكنتش جبان ..
 لا عسكر وسيسى
 وعايزك رئيسى
 فى عز المهانه
 انا كنت انسان !! ..
 صرخت كتير من خوفى عليكى
 لحد ما وقعت و ايديا فى ايديكى
 و الرعب ملانى و مين يسمعنى
 برصاصهم يا امى صابوا عينيكى

 غصب عنى و فجأه انا اتخضيت
 لا سامع هتاف ولا سامع صويت !! 
الصوت اختفى تدريجى
 و الصورة تملى بتبهت
 و النور بيقرب و يجيلى
 و انا جسمى مدغدغ و مكهرب

 انا فين ؟!
 انا لية بعيد ؟!
"! اطمن يابنى اقصد يا شهيد"


 بتبكى ؟!
 بتبكى لية ؟!
 دة المفروض يبقى عيد .. 
ايه ؟! انساكى ؟!!
 والله ما ناسيكى
 يا حبيبتى انا عارف مش بأيديكى
 بكرة يتولدلك بدالى من جديد
 مانتى الأم و الاهل انتى البلد
 انتى الثورة اللى ميدانها فى قلبى اتولد
 و انتى برضو المرار و العيشة و الوجع 
و انتى اللى جبتى بنوتة بميت جدع

 ما تعيطيش فى يوم
 و اوعاكى تبكى
 دانتى اللى ليا
 و اول عشقى
 وصيتكم عليها من قبل ما اموت
 خلى بالكم عليها دى كل اللى ملكى 
.. خلى بالكم عليها دى كل اللى ملكى :"(
‫#‏زينة_قطري‬ 

في عز المظاهرة

إلهي رَجعتُ ، إبرآهيم الأحمد ")

عسكرينا - عبدالله الشريف

عود ريحان 
https://www.facebook.com/pages/%D8%B9%D9%88%D8%AF-%D8%B1%D9%8A%D8%AD%D8%A7%D9%86/112656892179281

متزعليش
لو في يوم قولت ما بحبكيش 
متزعليش .... هو فيه راجل بجد يقول بحبك لست 
الُحب يا شاطرة مش كلمة تتقال في السر الحب عند الرجال فعل 
فـ متزعليش لو في يوم قولت مش عايز اشوفك 
ما هو لو أقدر المسك او حتى أبوسك كُنت شفتك من زمان 
كُنت علمتك الفرق بين الحنان والجنان 
هي نقطة ... وعمري ما نهيت كلامي بنقطة دايماً بنهيه بسلام 
متزعليش لو قولتلك أكرهيني 
طب اعمل ايه انتي مبتفهميش 
لو بتفهمي كنت فهمتي قد ايه في سكوتي بشتهيكي 
لكنك مش في عصمة يميني 
فلو تقدري من غير زعل ، لو سمحتي إكرهيني 
ومتزعليش بقفل وراكي ألف باب وألف سد 
ماهو أنا فعلاَ مش فاهم بجد 
هو ليه القلب ابن الكلب القلب بيحن ليكي وبتوحشيه 
فما تزعليش لو قولتلك ابعدي بعيد 
نفسي أخلف عيال ... حلوة العيال لو يشبهوا صبرك عليا لو حاجات كتيرة اعملها اللحظة ديه ....
متزعليش استنيتك كتير وانا راجل صبري قليل 
أنا مش زيك مستني بكرا.. بكرا دا ممكن مييجيش 
متزعليش
مقدرتش احبك زي ما انتي عايزة 
انتي بتعرفي تحبي من بعيد وانا هحاول أحب من جديد 
ما تعيطيش 
خليني أطمن عليكي واضحكي 
ضحكتك حلوة زي لبس العيد 
حتى لو قلبك حزين اضحكي 
مش انتي دايما بتسمعي كلامي 
قولي حاضر ومتزعليش .... عارف مش هتقدري 
بس من فضلك لو بُعدي قهرك ولا قتلك
متقوليش

لــــ عود ريحان

متزعليش

أنا عندي قوة في قلبي .. إهداء لمستشفى 57357 لعلاج سرطان الأطفال

صاحبي الوحيد - عبدالله الشريف

قصيدة عصفور - عبدالله الشريف

شايف ف العين . . أيام حلوة و أيام قاسيين
بتعدى سنين و سنييين ملهاش مرسى
و احزن ليه
حد يختار النار بإيديه
كان يعنى فادنى بإيه
كتر الأحزاااان

هنســى  ~ حمزة نمرة :)

هنسى أحزانى - حمزة نمرة

كلمات القصيدة مكتوبة والفيديو :
http://www.algakh.com/albums/%d8%ba%d9%81%d9%8a%d8%b1-%d8%a7%d9%84%d9%82%d8%b5%d8%b1/

الشنب

Ahmed Ali ELshanab