Zap Tharwat - Handsa  زاب ثروت هندسه

https://www.facebook.com/RamyEssamOfficial
For my sister wedding 
Lyrics: Mohamed Ibrahim
Composer: Ramy Essam
Sax: Moataz Dawoud
Guitar: Ramy Essam
Music Production: Taher Saleh

Ramy Essam - Haidy | Ya Fatena | رامى عصام - يا فاتنة

جديد حمزة نمرة #اسمعني
من اروع ما يكون ...

يا مظلوم ارتاح

أهاجر وأسيبِك لمين ! محمد عباس

 Lyrics: Amr Hassan | كلمات : عمرو حسن
Composer: Ramy Essam | الحان: رامى عصام
Lead Guitar: Ramy Sedki | اليكتريك جيتار : رامى صدقى
Acoustic Guitar: Ramy Essam | Mixed By: Jerker Eklund

Watch on Youtube https://youtu.be/iZPmhXkTvcA

الكاميرا بتهزك ! الغنوة مش عاجباك ؟
طب ما انت مش خايف ولا الكلام نسّاك
هتجيب سجون من فين علشان تكفّينا
الاسم مصريين والتهمه أسامينا
بيغنوا لجزيرتين اتخطفوا من سينا
زيد الحرايق نار واسجن شباب وبنات
واحبس غنا الثوار ف اقسام ومعتقلات
من امتي حبس الغُنا يمنع غنانا يطير
أو امتى فيه أغبيا بيقدّروا العصافير
كمّل سجونك بُنا واقفلنا التحرير
كل اللي برا السجن هيشرفوه بالوقت
هنلاقي أب وابن ف المعتقل دلوقت
وكل يوم بيمُر يدخل سجونك حُر
يكتب لمصر كلام ويغني ليها ينام
يلعن أبو الحكام .. ويبوس ايدين الأرض
الكاميرا بتهزك ؟بالنسبة طب للعرض ؟؟

#الكاميرا_بتهزك #الحريه_للمُعتقلين #عيدهم_فى_السجن
#الحرية_لفرقة_أطفال_الشوارع #كاميرا_التليفون_بتهزك !
#الحرية_للحرية #فن_المقاومة #جمعه_الارض

Ramy Essam - El Camera Bethezzak | رامى عصام - الكاميرا بتهزك

اتفرج على الكليب من هنا 
https://www.youtube.com/watch?v=xj72L5SFLh8

الكلمات :-
كان من زمان نفسو يعيش وحدو وخوفو بيخدعو
أن الحياة والناس بطبيعته لايمكن تقبله
ولقى اخييرا شخص يخفف عنه
جسد فيه حب الناس اللي اتحرم منه.. 
....... 
قولي.. حسيت في يوم انك زيادة 
حمل زايد تخجل منه أو كمالة
محدش فاهمه والناس بتشوفه بتبعد 
حتى المخدة شربت دمعه لحد ماا تقلت 
منفى .. عايش جوه حدود مساحتو
أسعد أوقاته بيقضيها لما يكون لوحدو.. 
إنطوائي.. منعزل من الحياة.. بيخاف
في كتاب الدنيا اسمه في الهامش دايما مش متشاف 
مجتمعهم مش عايزنى.. فأنا هعمل واحد ليا 
هل اللبس قانون انتهكتو عشان تحكموا عليا
ما انا لازم اكون زيكم علشان اعيش وسطكم
قبل ما تحاكموني بتهمة كوني نفسي حاكموا نفسكوا 
مكنش فاهم ان المجتمع قطيع.. 
لو فرد واحد منه اتخلف عنه يتوه يضيع 
لقى انه لازم يلاقي حد جمبه فقام قال انا مش هكون وسطيهم مسخ الا الاستسلام 
......... 
كان من زماان نفسه يعيش وحده وخوفه بيخدعه.. 
أن الحياة والناس بطبيعته لايمكن تقبله.. 
ولقى اخييرا شخص يخفف عنه.. 
جسد فيه حب الناس اللي اتحرم منه.. 
ويشعرلك شعور كافر بكل عقيدة نسياكي 
كشبه صنم بيعبدله.. بكل الحب يهواكي.. كأن العشق كاان منك.. وان الحب كان ليكيي 
كحب المرحلة أو العمر كماسة خشب و  شاريكي 
.......... 
انا عملت بإيدي صنم وحبيته.. تعرف
لو كان بإيدي كنت حييته و صحيته 
هووو!!!  مبيتكلمش ياما بس بيسليني 
معاه كنت بتحسن قربه مني بيقويني 
بقيت مبخافش من التعامل.. بقيت بحكي بقيت بقوول 
كنا بننزل ياما مع اني مبحبش النزول 
يااه لما بكون معاها بكون بضحك على طول
بكون حد احسن.. بكون مش مفصول 
بس ليه كل ما بشوفها بلاقيها بنفس الوش
وليه لما بكلمها بتبقى ساكتة متتكلمش 
جاوبيني .. هو انتي كنتي وهم !
كنتي من نسج خيالي مش حقيقة مش شجن
انا اللي كنت بغير نفسي كل ده مش انتي 
انا اللي وصلت لكدة بدونك هة فهمتي
انا تمام صاغ سليم ومش مريض نفسي 
انا اللي كنت خايف اقوم بس قومت بنفسي

كريم رفعت وسارة حسنى - عروسة خشب

تمر الليالي السويسي 2017

انا السكران عشان عيونك دول التوبه❤

كان في طفل - احمد كامل --kan feh tfl -Ahmed kamel  - Hq version

صباح او مساء الخير حسب توقيت سماعك
 الأغنيه عن كل شخص قابلته في المدينه وباعك
او المدينه نفسها وكل ركن فيها وزاويه
 لكل محطه مترو زحمه او في أخر الخط خاويه
لكل طفل راح مدرسته اتعلم بقي شاطر
 لكل شاب في جامعه لكل محاضراته حاضر
ولأحلامهم اللي طارت رغم السهر والتعب
 لكل فرصه اتسرقت لكل حق اتنهب
لكل فرد وذكري كانوا جزء من المدينه
 اللي لسه بنحبها رغم انها ضحكت علينا 
من بعيد اكيد جمالها راح يسحر عينيك 
مش لوحدك ياما غيرك داقوا سحرها قبليك  
اللي شاف في دروبها حلم وقال في يوم يقدر يطول
 واللي عاش العمر كله في وصفها يقول
نام في أحلامه الجميله راح يفوق علي زيف وغش
 اللي ساب الريف في بلده وفي المدينه هيبني عش
المدينه بالف وش بتضحك بس في البراويز
 ياما هدت من الرجال ياما ذلت ميت عزيز
مش بعيد اكون وحيد في وصفي وكلامي عنك
 ياما غنولك اغاني وياما شهدولك لكنك
 مش جميله رغم ظنك او جمالك مش حقيقي
 مش عميقه رغم سنك لو قارنتي سني بيكي
 او يمكن انا مش لاقيكي فى وسط الزحمه والمساكن
او يمكن انا مش هاويكي مع اني فيكي ساكن  
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
مسجون في قلب أحلام الناس البسيطه الطيبين
 اللي أيامهم تعيسه الليأحزانهم سنين
والغريبه مصدقين ان بكره مسيره جاي
 ان شمسك يوم هتشرق راح تنور كل حي
بس أي حي فيهم راح تزور الشمس ارضه
 اللي فكل متر عيله ولا اللي بجنينه اللي بعده
انزل لف في الشوارع صور الحقيقه بعنيك
 بالحقيقه مش قصدي صوره لشيخ عجوز صعبان عليك
يطبعوا صورته في مجله وينسبوا الفضل ليك
 يكتبوا مقال طويل ويقولوا فيه ده قال وفضفض
والحقيقه انه ساكت بس عنيه فضلت تعيط
 قالوا دي دموع الفرح والرضا والانبساط
والحقيقه ابتسامته بتسخر منكوا وفي سكات
 مش كفايه علينا كذب كفايه تأليف قصص
زي صور العيال اللي هربت من الحصص
 مش عشان يلعب يزوغ لا هيروح الشغل بدري
اللي نجار واللي يجري يوصل للبيوت حاجات
 واللي كفران بالساعات اللي كفران بالساعات
وبيسألوا هوا ليه الطفل جوا الطفل مات
 او أمل اللي كانت بنت حلوه صغيره
نفسها تكبر تكونانسانه ومتقدره 
بس الناس شايفاها لحمه شايفه وسط وجوز عينين
 اللي سليطاللسان واللي كلامه بالايدين
 وبيسألوا مين السبب السبب في الكدابين
 
بكفياكم غش فينا
 اظهروا حقيقة المدينه
 بكفياكم غش فينا
 اظهروا حقيقة المدينه
 
بكفياكم غش فينا اظهروا حقيقه المدينه
 اللئيمه اللي علي أحلام ولادها ما كانت امينه
قالوا من الحب اللي يقتل لما يطول قلبي وعقلي
 وانتي قتلتيني بسهوله زي ماقتلتي اللي قبلي

المدينة - زاب ثروت و ساري هاني و انجي نضيف | El Madina - Zap Tharwat ft. Sary Hany & Ingy Nazif 2018

حساب انستجرام : (follow)
Instagram :
www.instagram.com/ahmedshalaby77/

كلمات الاغنيه /
زمان بس مش زمان ألف ليلة وليلة
زمان وقت الطفولة الحلوة وايامنا الجميلة
كان عمري عشرة اتناشر مش اكتر من كدة
عرفت كريم صديقي اللي من ايام الصبا
اخوات مش اصحاب يمكن تقول علينا
يفرقنا بس الشكل والاختلاف اللي في اسامينا
نفس حب الكورة فينا ولعبها اللي بالساعات 
هتلم فرقة هلم فرقة ونلعب علي التيشرتات
ياما في مدخل العمارة سهرنا علشان الوقت اتأخر
والصبح للأتاري اليوم في ثانية كان يتبخر
في الشتا كنا نتقابل بعد خروج المدرسة
تكمل العصابة بينا وننزل تاني علي العشا
في اللي منا هادي عاقل واللي صوته عالي هيصة
واللي ملهش في المشاكل واللي خناقاته عويصة
واللي من صحابنا بعدوا عشان سجارة جديدة غير
لفوا مهما لفوا تاهوا رجعوا لان ملكش غير
كشك عبده كان مجمع جمبه من الحبايب ألف
كنا كتير وما حد غايب واللي يغيب اكيد في ظرف
في الفرح دايما جماعة ومينقصش منا واحد 
في العزا تلقانا صف كتف في كتف وضهر واحد
الزعل ما بينا نادر كلمة اسف كانت تدوب
اي خصام مابينا كان وجمب اخويا اياك تهوب
ايوة عيلة بدون روابط الأسر والقرايب
اختك اختي واهلك اهلي في وجودك او كنت غايب




صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

عايز احكيلكم عالسعادة والايام الحلوة بينا
البوم عمرو في المعمورة قبل راس سدر ومارينا
العربية حمولة خمسة بس راكب فيها سبعة
بنسافر الصبح بدري وبنرجع بالعافية في تسعة
الحكاوي قبل نومنا نفضل باليومين صاحيين
الشاليه لو اوضة واحدة عادي يكفي اربعين
فرقت الجامعة بينا باختلاف مواعيدنا
واتخرجنا بسرعة منها بس كنا خلاص بعدنا
صوت الجيش عمال ينادي اللي داخل واللي أجل
واللي أخد الأعفا دغري ولمعاد الفيزا سجل 
كبرت الدنيا علينا والمكالمة بالمعاد
اصل فلان هاجر لكندا وفرق التوقيت بالساعات 
هما اتنين تلاتة بقيوا في الوصال والاتصال
ونقول الدنيا تلاهي وكل واحد حاله حال 
وفي يوم ابويا تعب كنت هموت من الخوف عليه
القدر يعمي البصر طب هتصرف اعمل ايه
فكلمت اول نمرة من صحابي كنت فاكرها
حس بيا واللي فيا من مكالمة وفي اولها
ونص ساعة وكان تلاتة من صحابيقصادي جم
زادوا اكتر بعد ساعة ايوة دول صحابي اهم
ورجعنا تاني صف واحد كتف في كتف وضهر واحد
كل اخواتي كانوا جنبي ومنقصش منا واحد
قام ابويا بعدها كانوا سندي وقتها
والحكاية دي حقيقة والله مألفتها




صحاب اصلية فقرية دماغهم مشكلة
رجولة ومية مية دول عشرة قديمة مكملة
لو فين اراضينا حاسين ببعضينا
كبرت وشوش بس القلوب جدعان متغيروش

الصحاب - زاب ثروت وحمزه نمره - Zap Tharwat Ft Hamza Namira

الــكــلــمــات
_________

زي ما تكون الحياه معانداك ، وحالفه لتوقعك 
عندك أمل تتقدم مهما كل شيء رجعك
كل ما يبقى فاضلك خطوه ..تتوجد ظروف تمنعك
إحساس إنك مش واخد حقك أكتر ما بيوجعك
وتقول لعله خير ومن تكرارها تشك في انه
لا خير ولا عمره كان .. ده شر ولنفسك زينته
انت ادعيت الزهد بركه اننا سيبنالك خيش
آخر مره السما تساعدك كانت أيام قريش

عايز تفصل بيننا وبين خالقنا عشان نعيش في غابه
عايزنا نثور على إمتحانه .. بدل ما تشوف إجابه
هتموت بتحارب الحياه ، ومدوقتش طعم صلح
كن جميل ترى الجمال .. كن قبيح فترى القبح

لم تدع هذه القرية العفة لشخص أو لجهه
ربما لا تعني هذه القرية شيئا للآلهه
كلها بتقول كلام كبير وبتعرف تلفت نظر
كلها بتقول ربنا كبير ، وتلف تاخد حذر
.
يحصلك خير تقول ثواب .. شر تقول مصاب
يحصلي خير تقول ده فضل .. شر تقول عقاب
الحياه يا أذكى أخواتك عشوائية نتيجة إن
ممكن فراشه في ليبيا تكون سبب إعصار في الهند

ومين اللي قالك إنه لو حصل فمش مكتوب ؟
ربك بيسبب الأسباب وكل شىء محسوب

اما هو عارف مين هيتوب ومين هيموت حرامي
ما نتخلق ونخش نار وجنه بدون سياق درامي

وساعتها مش هتقول أنا اتظلمت؟

مانا مظلوم
بس هو مين يوم الحساب هيكونله حق يقول؟

لأ محدش إتظلم ومكانش قدامه اختيارات
ومحدش مبياخدش الأربعه وعشرين قيراط

ده أفيون بيضربوه المتدينين فميشوفوش
إن في أشخاص معاها فلوس متملكهاش شعوب

الناس دي قيمة المال في عينها غير في عينك انت
خلفة مشتاق لخلفه غير السابعة لأب سته
.
حاسس بيك وعارف كل شىء فكرت فيه
ضاقت الحياه عليك .. ظنيت إنه السبب في الضيق
حسيته مش مهتم بيك .. أو كإنه بيعجزك
تستقيم إزاي .. والمستقيم بيتدهس بالجزم

كل الظروف كانت ضدي لكنني في المقاومه قدوة
ما لم تعطيه لي السماء .. قد اقتلعته عنوة

وياترى كام حاجه م اللي حاربت لأجل ما توصلها
ندمت اما وصلتلها عشان منابكش غير شرها

أنا عشت واتعلمت .. وانت لا عشت ولا هتعيش

لأ عشت لكن مجريتش ورا حاجات متكتبتليش

كان ممكن تاخد أكتر .. تفرح اكتر .. لولا غبائك

الدنيا اللي بتدعي إنك فاهمها هفهمهالك
أغني الناس رغم كل فلوسه .. عاشها يوم ويوم
يوم مرتاح ، يوم على أتفه حاجه مكانش يجيله نوم
أفقرهم عاشها بنفس الحسبه .. يوم ينام جعان
ويوم يرزق بعشا .. ينام الدنيا مش سيعاه
.

ربك كان قادر يصلح العالم فقط بظهوره

دي حجة أي شخص أضعف من الإيمان بوجوده

مش الصعوبة في الإيمان .. الصعوبة في الأعمال
عشان فرضها عليا إله .. وجوده مجرد إحتمال

كتر المعاصي حطك على أول طريق الكفر
شيطانك أشطر من حنين .. لن تعود بخف

انت بالنسبالك احتمال عدم وجوده مخيف
مش في صالحك تبقى غابه .. لإنك الطرف الضعيف

انت اللي فشلت تمشي صح .. فلما ذنوبك تقلت
أصبح عدم وجوده آخر أمل إن انت تفلت

انا براعي كل الاحتمالات ؛ عشان مخسرش حاجه
لو مش موجود انا عشت .. لو موجود قلت الشهادة

كان كله عمل زيك لو الجمله هي الدين

مش التوبه باب مفتوح؟ .. خلاص نتوب على الستين

طب لو مت قبل كده ؟

تبقى أكيد متكتبتليش

لأ تبقى أخترت لآخر لحظه إنك متسمعنيش
______________________________________

Enfsam 7ad part 2

Written by: El Joker
Music: Mostafa Ebrahim
Vocals: El Joker & Sam
Recorded at: Ganoub Studio
Master and mix by: Pola Maher
Video by: Mostafa Karim & Adham Karim
© 2018 El Joker

الجوكر و سام - إنفصام حاد الجزء الثاني

اعلان البنك الأهلي || ناس تدخل قلبك || نسمة محجوب || رمضان 2018

الــكــلــمــات
__________

سلامنا على نفوس في حلقة البحث عن الضوء
مذئوب في ليلة البدر مال مع الدراويش بشوق
نجمه بتوعد ، ونسمه بتطبطب في ليلة شقا
سقانا بل ريقه لما آخر شخص اتسقى

كل وعود السما مرسومة في عيون المريد
مختار حارتنا قال للظلم "لأ" بصوت عنيد
وردة خافت ع الحبيب .. شاعرنا قال الليلة عيد
حامينا بأمر من سلطاننا حشد جيش من العبيد

رجال حارتنا اجتمعوا حوالين الربابه الليلة
مختار بيتكتبله غنوة زي أبو زيد وغيره
دخل رسول حامينا برسالة .. عكر صفا ليلتنا
يا نسلم مختار ونعيش .. يا نموت وتدفن حارتنا

غضب سريع .. وقف ، وقال: هندبح المرسال
مختارنا قال قتل الرسول مش من شيم الرجال
مشي الرسول ، وسكتت الربابه ، وهتف صوت
رجال بتبايع المختار ع الحرب حتى الموت

طول الليل ذكي وجريء بيرسموا في خطتنا
وجيوش من العبيد بتزحف بإتجاه حارتنا
في الصباح كان طبل جيشهم جنب تكبيراتنا همس
والحامي الكلب لزم خيمته عشان مش حمل شمس

أما أسدنا كان على رأس جيشنا .. مخافش سهم غدر
قال هما كتره ، واحنا قله ، والنهارده بدر
من بينهم خرج فارس بيطوح عبيده بدرعه
وقال: أعتاكوا يجيلي .. وللأسف في مننا رجعوا

مختارنا قال أبارزك ، واللي يفوز يفرض شروطه
نحسمها بموت نفر ، بدل ما رجال كتير يموتوا
فارسهم ضحك زهوا ، وهجم بسرعة شديدة
مختارنا إتفادى الضربة ، وقتله بضربة سيف وحيدة

وفي عز تكبيراتنا ، وعز ما جيشهم كان مصدوم
الكلب قائدهم خان العهد ، وأمر بالهجوم
مختارنا قال هنحارب .. احنا رجال وبيننا ميثاق
والويل لجيش عبيد اتساق للحرب بالكرباج

كل شهيد من بيننا مات قصاده منهم سته
خبر صمودنا بدأ يلف كل بيوت الحته
ولقينا رجال من كل حواري الحي بينضمولنا
حسينا بكترتنا لما الأرض إتهزت تحت رجولنا

هابوا العبيد .. رموا السلاح .. وهربوا م الميدان
مختارنا قال: سيبوهم. الحياة عقاب الجبان
لفينا نعلن الإنتصار وسط إحتفال حوارينا
كل بيوت الحي حيت كل راجل فينا

وردة جت .. بخجل قالت للمختار: قلقت عليك
العيون بتقول كتير ، والبق بينطق: أنا بخير
شاعرنا قال يا فاكر إن البرق قبل الرعد
آدي اتنين بينهم مسافه ، لكن روحين في حضن بعض

قضينا الليل بنمجد كل راجل راح مننا
وبنتحاكى بإن مهدي الحي بحاله من عندنا
مختارنا قال: كفى إحتفال. اجمعوا شيوخ حارات الحي
اللي فات يادوبك خطوة ، والمشوار بحاله جاي
___________________________________________

El Mo5tar
7akawy 7aretna 1

Lyrics: El Joker
Vocals: El Joker
Music: Mostafa Ebrahim
Recorded at: Ganoub studio
Master & mix: Pola maher
Video by: Ahmed Samir
© 2018 El Joker

new

Ahmed Atef