Soul's Dance - Original (piano)

قصيدة الرهان الأخير للشاعر عمر هلال 

الكلمات

ماغيرنيش غير الشيء 
الظنيته ماغيرنيش
رهان وخسرته كالعادة
حياتي شربتها سادة
نصيبي في خلق طماعة
بتشربني ماتشبعنيش
واديني بقيت وحيد تاني
في وسط الناس لكني وحيد
بخاف مالخلق بالإجماع
واخاف من نفسي بالتحديد
بليد فالحب والتمثيل
ومخلص للجميع وأصيل
وشاعر حتى لو ساكت
وصايع وصف للتفاصيل
النص دا انا بشتكي
على عكس طبعي
بلعن الحزن وسنينه
والسيجارة مابين صوابعي
برتجف جوا القصيدة
بعترف بين الشطور
بحترف حزني بسرور
بنتقم من نفسي شعر
بشتكيلي وبشتكيني
مالـ مليته وماليني
من سنين قضيتها سير
كل مرة انا كنت بدلق 
فيها قهوة كنت بستنى
الجنبي يقولي دلق القهوة خير
يبتسملي ويواسيني
ويشاركني في فنجانين
يملى ودنه من كلامي 
يشرح إنه ماكانش ذنبي
بس من واقع بعيشه
كل مرة انا كنت بدلق فيها قهوة
مش بلاقي حد جنبي
القاعدة الثابتة عن الأيام
الناس بتسيب وبدون ترتيب
ومافيش غير وجه الله دايم
الوقت خلاص مابقاش مقياس
انا بحسب علاقاتي هزايم
 وإن حق القول شطبنا عتاب 
علمني الوقت ماقفش اكتر 
من نص هزيمة على الأبواب
انا خدت دروس فالناس منهم
لو يوم رجعت تاني لنقطة البدايات 
ولقيتني تاني بحب ناس سابوا
وابعد حاجات كان صح اقربها
قبل اما هكتب ايه ماغيرنيش
قبل اما يبدأ كله في التلطيش
قبل اما هدلق قهوتي بمفيش
جايز هغير رأيي واشربها

#عمريات

الرهان الأخير-عمر هلال

It's Gone

Dandasha

Fadadeen

Fadadeen - فدادين

الشعر النابع م الأشياء
غير النابع من جوايا
غير النابع من جوا عينيك
غير الموجود برا الشبابيك
غير شئ محسوس أو مش مادي
كان شعري رفيقي 
وانا لوحدي
وانا جوا الحلم
وبرا الحلم
و برا حدودي وأراضيكي
كان كل همومي اني اراضيكي
الكون بيدور جوا عينيكي
مفتون بيكي
زي المكفي
يمكن همسة صغيرة تكفي
تكسر حزني وتكسر سقفي
الشعر النابع م الأجواء
غير النابع من جوايا
كل الحكايات قلبها تفاصيل
كل التفاصيل شايلة حكاية
الشعر بيقدر يوصفنا
أشياء تسحرنا وتؤسفنا
جوا الوحدة والليل مطفي
الشعر بيقدر ينصفنا
والكون زي الإنسان 
عريان
بيغير لبسه مع الأجواء
أوقات ألوان
أوقات هذيان
الشعر النابع م الأكوان
غير النابع من جوايا
كان عندي رفيقة بتضحكلي
تحرق نجمات وتطفي شموس
كان عندي ف يوم أشياء تشبه
إحساس يشبه عالم ملموس
"مفتون بيكي
وباللي ماليكي
وبكل الأشياء حواليكي"
كان عندي رفيقة
بشرية
أو مش متأكد من كونها
كان كل جميل في الشئ كونها
كان عندي رفيقة ف أحلامي
هي قصايدي وهي كلامي
الشعر النابع م الأيام
غير النابع من أوهامي
بتمشّى على النيل في ليالي
مفيهاش أشخاص غير في خيالي
أنا وانتي وغيرتك وسؤالي
هل ممكن تندمج الأكوان
زي الألوان
أو زيينا؟
هل ممكن بعد الكون ما يموت
تتنسي حكاياتنا وأغانينا؟
كان كل رفيق محدود بطريق
بيموت بنهايته ويتحول
ذكرى طفيفة بتيجي وماتجيش
هل ممكن بعد الكون ما يموت
ترجع كل الحكايات وتعيش؟
الشعر النابع م الأساطير
غير النابع من جوايا
كل الأبطال جوا الحكايات
بيموتوا بنسيان حكاويهم
أساطير في الدنيا كتير لكن
مذكرش العالم أساميهم
أساطير
اتمسحت خطاويهم
متبقاش منهم حتى فتات
الشعر النابع م الأصوات
غير النابع من جوايا
بسمع أصوات جوا سمايا
ف ارجع أحن لأوقات فاتت
الغنوة اللي اتولدت بيننا
بسمعها برغم انها ماتت
الصوت في دماغي بيتشكل
على هيئة ناس وبيوت وحارات
العالم جوايا اختيارات
والشعر النابع م الخيارات
غير النابع من جوايا
اخترت ف مره اني اتبسّم
وف مرات تانيه اني اتقسّم
سنيت كلماتي ف وش النور
ولقاني العالم مُستسلم
أنا فين في الآخر؟
في مكاني
اشترى قلبي الحواديت لكن
بيعتها للعالم مجاني
والغنوة اللي اتولدت بيننا
ساكن دايم جوا وداني
الوزن أخدني ووداني
الشعر النابع م الأوزان
غير النابع من جوايا
كل الأشياء علشان تكمل
لابد يكون ليها نهاية
فَ الصوت آيه
والموت آيه
علشان يدي الحيوات معنى
هل ممكن بعد الكون ما يموت
نتحول أصوات تسمعنا؟
هل ممكن بعد الكون ما يموت
يتحول عالم يجمعنا؟
الشعر النابع م المعنى
غير النابع من جوايا
الوزن بيبدأ يتلاشى
والحرف بيفقد كلماته
هل ممكن بعد الكون ما يموت
حد يلاحظ حتى مماته؟
بتمشّى على النيل في ليالي
أنا مش فيها
ولا حتى انتي
الوزن اللي اتمشينا عليه
مبقاش يوصل عتبة بابنا
كسره غيابنا
مبقاش يفرق
أنا عايز اقولك في بعادنا
أنا عايش تايه بين حاجتين
مزيكا تعلم قلبي يطير
مزيكا بتحفر جوايا
والشعر النابع في غيابك
غير النابع وانتي معايا

غير النابع من جوايا

أساطير - عصام شوقي

anyone who can help transcribe this will be much appreciated.

Emotion (1966) ... DAY DAY DAY!

9 - 12 - 2020(22 - 17) - MOD 1 PlayTimeSignatures Final

Fur Elise - Piano Trial

Scarlatti: Sonata In C Minor K.11 (L 352)- Performed By Andres Segovia

Somewhere in time

Sheref Ashraf - Wish You Were Here

ْفًكُلًا مِنَّا يَقْبَعُ تَحْتَ دَوَاخِلِه ,
ْوً دَوَاخِلِى مُوسِيقَى غَجَرِيَّة ..

Somewhere in time

Ahmed Darwesh

Related tracks