تتر مسلسل ادم و جميله

كريم محسن .... ليا كلمة.mp3

يارتنا فضلنا أخوات ..♡

هذه الرسالة موجّهه " لمرضي الاكتئاب "
واجب التحذير ... 
من اللي وعدك ثم ساب
و لـ اروحنا اللي أتهلكت من كدب الغير 
كان ينبغي ..
القلب يصدق كدب ..
فتتفاجئ من المشهد الاخير 
وَجب التحذير
بـ أنك من صنع الوحده والتفكير
مجبر تتعاقب من وجع السير
العمر لساه واقف بيغني 
عشمان لو كنتي تستني 
الوقت بينزف دم ..
الكل فيك أهو ذم
ما بكفاية ياعم 
صديقي الهم 
استني الجرح يلم
حبيتها !
مش عارف
ماحبتهاش ؟
تقصد ماحبتنـيش
خايف !
عارف .. بكل هذا الوجع
انا لسه مستني ولسه هي مبتجيش
( مستني اي منها ، ده أنت عمرك ما وحشتها ، بلاش غباء و فكر تعيش لنفسك بكفياك بقي تعيشلها .)
طيف يعدي من نور 
شوفتـك بعدتي ..
فضلت لوحدي مكسور 
كأني مازلت مكان مهجور
أنا لسه في ذهنك مستني الدور
متعطل في طابور حبك 
محتاج لو مره المره اللي تجبني عـ بالك
ساعات جداً برسمني فـ خيالك
أكدب ع نفسي و افهمنى
ان انتي ليكي أسبابك 
العمر لساه واقف متعطل جداً في غيابك
( كتر الضحك ده اخره دموع ، تحت عينيك عدسات الكاميرا بتعمل زوم كان مقنع جدا ان الحب ده مش هيدوم .. )
كمان قديم .. والناي حزين .. 
بعد العين عن العين 
لسه بدعيلك ... و تدعيله 
بتمني أجيلك فـ تكونيله
أدخل سينما ..
ايدي تكون شابكه ف أيدك
كفوفي تملا كفوفك ..
أسمع صوتك فـ سكوتك
حاجز مكانين ..
فضلت طول الفيلم 
مركز بس فـ تفاصيلك
فجاءة لقتني من غيرك
أنا أسف أن انا حبيتك
أنا عندي زهايمر 
و دايما ناسي و مبفكرش
أنا والله مبهزرش ..
فاكره !
انا كنت يومها عـ هواكي
ونور القمر فـ سماكي
ولولا النصيب ولولاكي
أنا مكنتش حبيتك
فضلت واقف مستني
فضلت عكس طريق سيرك
هقولك إيه !!
وانا معرفش أنا لسه مازلت عاشقك ليه ..
ميت مره حاولت تنساها 
كذا مره جربت تموت
راجع مستني لقاها
عايش تتساب والعمر يفوت
كام مره أحسنت الظن فـ ناس خذلوك !!
كل اللى حبوا يثبتوا أنهم أحسن مـ اللي سابوا
واللي وعدوا ثم غابوا هما أول ناس كسروك
كل اللي قالك انا مش هسيب 
كان من جواه مليون كداب ..
الظن فـ ربك عمره ما خاب
كام مره تعيد المره ..
وتوهم قلبك وعينيك
تقنع نفسك أنهم يوماً ما 
هيكونوا ليك ..
عبيط ياحزين أتاريك 
حبيت تتمسك ..أيقنت الموت
تفضل تتعشم بزياده فـ يسيبوا أيديك
الوضع ثبات فـ الذات 
عمرك بيضيع فـ خوف من القرب 
الروح تتساب تدخل تدريجاً بغباء
فـ أول مراحل للـ الاكتئاب
( هو انت هتخسر إي أكتر مـ اللي خسرته !! )
أنت أزيك ؟؟
كله تمام ..
فينك يابني !!
أنا داخل أنام ..
بتحب القهوة !!
عاشق جداُ للبن وللوحدة
ولصوت فيروز و لشكل البرواز أياه
ماشي عكس الاتجاه 
بتتمسك بوجود أشخاص 
الموت في غيابهم ده نجاه
ويقيت تقنع غيرك بكلام يتمسك فيه
ولنفسك مش سهل أنك تعمل بيه
وبرغم أنك فاقد الشئ بقيت قادر تديه
انسان متعود يبص ع الحاجه من خارج الفتارين
تستحق حياة بتعشها ناس تانيين 
ايامك دي يا دوب بتعيشها من باب الروتين
فتحن لنـاس وعدوا ثم صبحوا متفارقين
قلبك مازال ناقص النيكوتين . أفهم ياحزين
العيب فـ التكوين فـ بطل تستني فـ ناس غايبين
بطل تهتم بناس مبيهتموش ... 
قلبك ده مش عارف تفرحه عـ الاقل متوجعهوش
غرفة الانعاش أسهل وسيلة تعرف بيها كام واحد معاك
بكفياك تفكير في قلوب تسهر وتنام من غير ما تفكر فيك
اكتئابك ده أهو اهون ليك .. 
الروح تستحمل كدب الكل والكل ناسيك
الروح تستحمل خطأ السير وتقول ده نصيب ..
أقولك معاليك ..
الروح لساها بتتساب من الغير من غير ما تسيب .
#السيرة_الذاتية_لمرضي_الاكتئاب
#أحمد_أشرف

انا كل مانويت انساك

Ahmed Ayman El Ashkar

Related tracks