مديح محمد الحسن

النهاية - مكارم بشير

اولاد الشيخ البكري -  مديح سوداني

طلع البدر علينا - اولاد الشيخ البكري

محمد جلال - احرموني ولا تحرموني

نادر وطه - احرموني ولا تحرموني - اغاني واغاني2011

احمد الصادق ليك اعتزارى

صلاة الحي عليك يا نبي .. مديح سوداني

طواقى الخوف 
كلمات:محمدطه القدال
الحان:شمت محمدنور
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
……
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.

وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب

الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.

والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..

***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن

لي بصاص حِداهِن
إو قصاص بِراهِن

هن مارقات تراهِن
تريانات تراهِن

الخوف ما حَماهِن
من شوفة حِماهِن

طمانات جناهِن
بي لبنا معاهِن

يوم الشينة جَاهِن..
مرقن ليهو جَاهِن

بالعز المبطَّر
والزوق الشَفاهِن

لا حايدات مداهِن
لا قايدات عماهِن

وما كشحن بلاهِن
فوق زولاً أباهِن

لو الضيم رماهِن
هِنْ ياهِنْ
وما هِنْ.
***

وانا لا بجيب سيرة الجنوب
لاني زول بالمرة خايف
إلا شايف
إلا شايف
إلا شايف
***

أنا شايف المطر
يتحاشى الضهاري الراجية قولة خيرا
وانا شايف المطر
يمشي على الصحاري تلمو في بشكيرا
وانا شايف العشم
يتناسى العشامى ونيما ياكل نيرا
وانا شايف النفس
تتذكر نفسها وتنسى يوم حديرا
وانا شايف البلد
الطيب جناها وقمنا في شدِّيرا
…
…
شاحدك يا كريم
لا تحصل خراب لا أرجى يوم وديرا.


عقد الجلاد وخرافة القدال -طواقي الخوف

احمد يا حبيبي سلام عليك

على الفاضل دفع الله 0909098981

صلاة الله على من واجبالو

أولاد حاج الماحي أسد الله البضرع

محمد النصري★ عابرة 30

أولاد الشيخ الجعلي - الساري فرش

كان الفنان محمد الامين ينتظر وصول خطيبته سعاد زوجته الحالية من مدني وهو يقيم بأم درمان وتاخر وصولهم ..

وفي الاثناء جاءه صديقه الشاعر المرهف اسحق الحلنقي ورأى توتره لعدم وصول سعاد ..
فقال له :
( بيقولو الغائب عذره معاهو )

هنا صرخ ود الامين وبي احساسو الفني قال له ; دا مطلع اغنية
فكانت وعد النوار ...

(النسخه دي اضفت  فيها بعض اللمسات في الصوت عشان الجوده تطلع بشكل اكتر متعه)

وعد النوار (شال النوار) ✘ محمد الامين (نسخة خاصه) 🎧

شعر : سيدي فخر الدين الشيخ / محمد عثمان عبده البرهاني


* مقتطفات من القصيدة الخامسة و العشرون من ديوان شراب الوصل : 
( اللهُ أكبرُ ما تزينتِ السَما )


ــــــــــــــــــــــــــــ


( الحبُ كنزٌ  .. و الصَفا مفتاحُ ) ..

فالنورُ خصّةُ جده و هو الذي ... زيتٌ لمشكاةٍ بها مصباحُ
سَكنت لياليهِ هُويّـةُ من به ... فُلق النوىَ و الحَبُّ و الإصباحُ
في حضرةِ المحبوبِ تحلو جَلوةٌ ... لمّا طربنا دارت الأقداحُ
فلتنهلوا من صِرفِ رائقِ خمرها ... علَّ العَنا من سرها ينزاحُ
و تعجب الكون الذي هو شاهدٌ ... لمّا بدا فوق اللثامِ وشاحُ
و المجتبىَ يحبو العُبيدَ من الذي ... يُسقى به في حانة و يُراحُ

*******

كنزيةٌ أسرارهُ بقلوبنا ... فالحبُ كنزٌ و الصفا مفتاحُ

الله أكبرُ ما تزينتِ السما ... و الأرضُ فوق جبينها الأفراحُ

أنعِم سويعات الوصال ِ و يا لها ... أيامُ سَعدٍ ليلهنَّ صباحُ

ما الغارُ ما الأغوارُ ما الروحُ التي ... نحيا بها ما السرُ ما الإفصاحُ

الغارُ قلبُ العبدِ في أغوارهِ ... قدْرُ الإمامِ وقدْرهُ نضَّاحُ

إن الغرامَ إذا ألمَّ بعاشقٍ ... أحمىَ حمِيثاً للحشا يجتاحُ

قُمنا علىَ أبوابهِ خَدماً لهُ ... بهُدىً و نور حُمّلتْ ألواحُ

في حضرةِ المحبوبِ تحلو جَلوةٌ ... لمّا طربنا دارتِ الأقداحُ

من معدني هذا شَهدتُ جمالهُ ... و رَويتُ ما تُروىَ بهِ الأرواحُ

مِن مَشربي هذا سَقيتُ أحبتي ... خمرَ المعاني حُسنها فضّاحُ

صَبراً فما هوَ غيرُ ما كتبتْ يدي ... و لَبعدَ حينٍ يفتحُ الفَتّاحُ

رِيحُ الصَبا نَفثتْ برَوعِ مُتيمٍ ... عجباً لراحٍ رِيحها لَفّاحُ

الحبُ كنزٌ و الصَفا مفتاحُ - الطريقة البُرهانية

حمد الريح - شال هم فرقتك قلبي

فإنى فى هواكم بعت نفسى ولا ألقى على الأشواق عزما
فهلا تتركونى فى هواكم لأمسك تربكم ضماً وشما
وأقطع أرضكم فى الحب حبوا وأمطر ساحكم والله لثما
فإنى الذائب الصب المُعنّى بحب جمالكم صلى وسمى ..

صلاة الحي عليك يا نبي .. مديح سوداني

Ahmed Babiker Sfoory

Recent comments

فاروق عبدالمنعم كاسر

فاروق عبدالمنعم كاسر

Hjora Osman

Fattah Kamal

Related tracks