منى

ابو زيزو _ يا حجة تعالى


بَحبّها عادى..
بحبّها مِن سَنه تانيه إعدادى..
ابوها مُعلِّم
وكان جابوهم سَكنوا قُصادنا
سَكنوا قُصادى..
كُنت مَغبّر
وشِين و مَنقّر
صارّى و جادّى..
كان الشَبط اللابساهو اخدر
والفُستان كان لُونو رَمادى..
ازعل مِنها ارجع بيتنا
وقبل احصّل اعاود صادِّى..
كُنا اتنين فى خشم الباب
اتنين فى البيت
مُرسال الزيت
وحلاوه لُبان
سِيد الدُكان
لَعبة سابعون
مَص الليمون
مشوار الروضه الفى النادى..
حُمبكة النِيم
اكل القُضِّيم
سَف السُكّر
والفُول اخدر
وعروس وعَريس
عَرديب فى كِيس
وحنين ابداً ماكان عادى....
هَسّه كِيفِك
فى ياتو بَلد؟
مِما نقلوكم ما جِيتى
بِيتكم سكنوهو ناس سُوداتِل
ركبّوا للناس التلفونات
قُبالهم سكنو قَفير مِسكين
زى فَتره ومات..
وانا كُل ما امُر بى خشم الباب
تتسابق فى عِينى الحاجات....

طبعاً هسه بِقيتى كَبيره
ومُؤكّد عَسوله وأميره
انا زاتّى بعد فُتِّى كِبرتَ
مازى ما كُنت مَنقّر وشِين...إتغيّرت
مُمكن جداً ماتعرفينى
لو شُفتينى..
كدى خلينى
ماجايه قريب!
صاحبتِك امونه أُمبارح
مُش جاها خَطيب!
حَلفت لاتشوفو ولا دايراهو
والناس مهجومه تودّى تجيب..
يا بِت مالو!
قالت بِسكر ..
والبِسكر عند امونه مَعيب....
تتذكرى حسّان المسكين!
لمن بالصُدفه يلاقينا
وتدسّى وراى..
وانا اقرّص فيك مابسألنا
بس امشى معاى..
ماتعاينى عليهو
خلّيك بى جاى..
ونعدّى ولا بعاين لينا
ماشى المسكين وبيمدح ساى..
حسّان مالقوهو!
يوم هجّا وفات..
مَرقن فى وقتها دفّارات..
الحِله تقول مافضّل زول
ورجعَن خايبات..
والله كأنو اليوم داك مات!
شِدة ما الحِلّه انشغلت بيهو
اصلاً حسّان مع مَسكنتو
كان طيّب وزين
مبروك وحَنين.
الشِده السوداء وعرّاقيهو
راديهو الواقِف ومُسواكين
حسّان للصيوان فى الأعراس
حطب الدُخان حسّان بالفاس..
حسّان الطين لى ضرب الطُوب
حسّان الساس..
يوم يبقى نفير
هو القدحو كبير
حسّان للزِير
والضيف الجاى
يتلقىَ يطير
فى الحُوليه
عصرى النوبات
حسّان درويش
روح الحاجات..
غفّلنا وفات
لا معروف حى
لامعروف مات....

ازيّك ياخ
بالله كيفِك
البِت العالقه شديد جُوّاى
البِت البُن كُباية الشاى
حاجاتِك زى ما هِن قاعدات
امرُق مِنك القاك بى جاى
شبطِك اخدر
وفستانك كان لونو رَمادى
وحِزامو على ضهرِك وَرده
وبسرّحو ليك كانوا ضفيره
كُنتى اميره..
انا بفضل غايتو اعاين ليك
إمكن الاقيك
فى اي مكان
فى اى زمان
مالقيتِك برجع خشم الباب
اغبش وسخان
وفى راسى تُراب
كاسيني حنان
صادِق وكضّاب
زى اى صُغار
حلوين شُطار
بلعبو سابعون
مصوا الليمون
قاعدين فى البيت
مُرسال الزيت
حُمبكة النيم
اكل القُضّيم
سَف السُكر
والفول اخدر
وعروس وعريس
عرديب فى كِيس
ازيّك ياخ

............
فيصل خليفه

فيصل خليفه - خشم الباب

فوزى حبيبى كان زعلان منى

جكسى 2015 محمد ابو الشيخ وهانى السودانى وزنجا

ما شلا محمد ابو الشيخ

محمد فوزي - لييك اسبوعين ما جيت

بيبو ادم     ليه كده

حفلة منيحة للاسطورة مصطفى سيتا ( فرح مجــــــــــدى )  %ورد عليكم شباب منيحـــــــــــة%

رديتى روحى باتصالك احمد حمدى .MP3

حبه حبه

مالك زى ★ حسن الصٌغير

شكرى أباظة..دنيا أشرى l محمد فوزى
ــــــــــــــــــــــــــــــــــ
www.facebook.com/ElfnanMohamedFawzy
ــــــــــــــــــــــــــــــــــ
ونـتـمـنـا لـكـم وقـت مـمـتـع فـى صـفـحـاتـنـا
ــــــــــــــــــــــــــــــــــ
♥♥♫♪♫.A7md.Fl@k$.1.♫♪♫♥♥

شكرى أباظة..دنيا أشرى l محمد فوزى

وقفة بيبو آدم

اداء العالمى /  أبوفرحة
كلمات والحان / عبده أبوعيش & أبوفرحة
توزيع وهندسة صوتية / عمر الشافعى
صولو كيبورد / على تركى
تم التسجيل ب NINE STUDIO

يالا روح

اغنية ودعتك 
اهداء الى كل اصحابنا اللى رحلو ووجعنا فراقهم
كلمات واداء / حسان ابوفرحة
الحان / فلكلور كف اسوانى
توزيع وهندسة صوتية / عمر الشافعى 
ربابة / عمرو صبحى
ناى / مؤمن مصطفى 
تم التسجيل باستديو NINE STUDIO


ودعتك.mp3

قصة ريد محمد فوزي : أبو زيزو

وقفة بيبو آدم

Ahmed Bakar 2

Recent comments

Tota Etoo

Related tracks