فين الدبابة - أيه العبارة - أيه هى الثورة - مشروع كورال

انا ليه دماغي تستفرد بيا
وتلومني وتجيب الحق عليا
وبقللب في اللي جاي واللي راح
وبعاتب روحي ليه كل شوية ….. نهدا شوية
……… 
الذكرى حلوة .. مرة .. مش فارق
ماهي ذكريات يعني الزمن فارق
والماضي لو يرجع يعاتبني
انا كنت خدته في حضني كنت احلف … ما نتفارق
……. 
يغيب الونس يفضل كده حالي
والذكريات تخطر على بالي  
امتى اللي غاب يحضر وبالي يروق
انا امتى بس دماغي ترحمني .. و تصفالي
...... 
 الحان وكلمات / وجيه عزيز

نهدا شوية - وجيه عزيز

يعيش أهل بلدي

وبينهم ما فيش

تعارف

يخلي التحالف يعيش

تعيش كل طايفه

من التانيه خايفه

وتنزل ستاير بداير وشيش

لكن فى الموالد

يا شعبي يا خالد

بنتلم صحبه

ونهتف .. يعيش

يعيش أهل بلدي

يعيش المثقف على مقهى ريش

يعيش يعيش يعيش

محفلط مزفلط كتير كلام

عديم الممارسه

عدو الزحام

بكام كلمة فاضيه

وكام اصطلاح

يفبرك حلول المشاكل قوام

يعيش المثقف

يعيش يعيش يعيش

يعيش أهل بلدي

يعيش التنابله

فى حي الزمالك

وحى الزمالك

مسالك مسالك

تحاول تفكر تهوب هنالك

تودر حياتك

بلاش المهالك

لذلك إذا عزت توصف حياتهم

تقول الحياة عندنا

مش كذلك

وممكن تشوفهم فى وسط المدينه

اذا مر جنبك

أتومبيل سفينه

قفاهم عجينه

كروشهم سمينه

جلودهم بتضوي

دماغهم تخينه

سنانهم مبادر تفوت فى الجليد

ما فيش سخن بارد

بياكلوا الحديد

ما دام نهر وارد

وجاي م الصعيد

تزيد الموارد

كروشهم تزيد

وتسمع وتسلم

بأن التنابله

أو الأكالين

حيسمح كبيرهم

ويعمل مقابله

مع الفلاحين

ويحصل تحالف

ما بين الجميع

ونملا المصارف

بدم القطيع

أطيع الخليفه

أطيع والديك

أطيع التنابله

دا مفروض عليك

وتزرع وتبعت لحي الزمالك

وحي الزمالك

مسالك مسالك

تحاول تفكر تهوب هنالك

تودر حياتك بلاش المهالك

لذلك

إذا حد جاب لك سيرتهم

تبسمل تكبر

وتهتف كذلك

يعيش التنابله

يعيش يعيش يعيش

يعيش أهل بلدي

يعيش الغلابه

فى طي النجوع

نهارهم سحابه

وليلهم دموع

سواعد هزيله

لكن فيها حيله

تبدر تخضر جفاف الربوع

مكن شغل كايرو

ما يتعبش دايره

لا ياكل

ولا حتى يقدر يجوع

يا غلبان بلدنا

يا فلاح يا صانع

يا شحم السواقي

يا فحم المصانع

يا منتج

يا مبهج

يا آخر حلاوه

يا هادي

يا راضي

يا عاقل

يا قانع

ما تتعبش عقلك

فى شغل السياسه

وشوف انت شغلك

بهمه وحماسه

وعود عيالك فضيله الرضا

لأن إحنا طبعا

عبيد القضا

ورزقك ورزقي ورزق الكلاب

دا موضوع مؤجل ليوم الحساب

كمان الصحافه

حتكتب فى حالتك

وتنشر مناظر لخالك وخالتك

وتتطلع يا مسعد عليك الغناوي

وتسمع باسمك

فى قلب القهاوي

تحبك مشيره وبنات الجزيره

وقصه غرامك

تشيع فى الرداوي

يعيش عم مسعد

يعيش يعيش يعيش

يعيش أهل بلدي


يعيش اهل بلدي - احمد فؤاد نجم - يحيي خليل

كلمات : رضا أمين
الحان وتوزيع : مودي وحسين الامام
البوم : احب اعيش 1979

جايلك عشان انهى السكوت.. لو تسمحي متقاطعينيش
كانوا زمان بيحبوا موت.. دلوقتى انا بحب أعيش.. أحب أعيش

لو كان هواكي مش حياة .. لو تسمحي متحبينيش
كانوا زمان بيحبوا موت.. دلوقتى انا بحب أعيش.. أحب أعيش

قلبي أنا مركب أمل والشوق شراع لمركبي
لو الهوا من ناحيتك كان الضياع لمركبي

أروح معاه؟ بالطبع لا .. قلبي هواه ويا الحياه
ويـــا الحياه 






احب اعيش - على الحجار و حسين الامام

قصيدة (بابا غنوج) من ديوان ريّان يا فجل

حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

بابا غنّوج_فؤاد حدَّاد

داود باشا المسافر دائمًا أبدًا | حديث الصباح والمساء

تانجو صالصا | جونى - وجيه عزيز

الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند وسيكا ورست وصبا
وحجاز وبيات
يا خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

الحظ - احمد فـؤاد نجم

نص الفرجة من ديوان العجب والموت للخالد فؤاد حداد

فاليري جيسكار ديستان
والست بتاعه كمان
حَ يجيب الديب من ديله
ويشبّع كل جعان

ياسلاملم يا جدعان
عَ الناس الجنتلمان
ده احنا حَ نتمنجه واصل
وحَ تبقى العيشة جنان

التلفزيون حَ يلوّن
والجمعيات تتكوّن
والعربيات حَ تموّن
بدل البنزين بارفان

وحَ تحصل نهضة عظيمة
وحَ يبقى علينا القيمة
في المرسح أو في السيما
أو في جنينة الحيوان

وحَ تبقى الأشيا زلابية
ولا حوجة لسوريا وليبيا
وحَ نعمل وحدة أرابيا
مع لندن والفاتيكان

والفقرا حَ ياكلوا بطاطا
وحَ يمشوا بكل ألاطة
وبدال ما يسمّوا شلاطة
حَ يسمّوا عبالهم جان

وده كله بفضل صديكي
ديستان الرومنتيكي
ولا حدّش فيكو شريكي
في المسكن والسكان

فاليري جيسكار ديستان - الشيخ امام

ذكرني بيار أبي صعب منذ أيام بهذه القصيدة التي خرجت مني عشوائياً بين شمال إنجلترا والقاهرة وعمري ٢١، قال: "أعرف أنك تجاوزت هذه المرحلة لكن كل يوسف رخا في هذا النص". الصورة من نفس الفترة تقريبا، والألم متصل.

فين الدبابة - أيه العبارة - أيه هى الثورة - مشروع كورال

Ahmed Binladin Bilo

Related tracks