بيحب كل الفصول .. 
صيف او شتاء ..
في المنطق المعقول .. 
ايامه متثبه ..

معزول عن العالم .. 
وعن نفسه ..
بيَنتصر لـ رمل الطريق .. 
وبينافسه ..

علي مين الدنيا هتطيره .. 
اسرع ..
علي مين الدوسه هتخليه .. 
افظع ..

علي مين مساحته اصغر .. 
ومتداري ..
علي مين بياخد كل يوم .. 
شكل انهياري ..

وبينكمش وبيحتمي ..
وبينتمي .. 
لـ رمل الطريق .. اكتر من التاني ..

رمل الطريق - احمد ضيف

لما بداء ينشغل بحجات مبتهموش .. 
ظهرت حجات اهتم بيها لكنها .. 
كانت الطرف اللي بايع في العلاقة .. 

ظهرت اجابة للسؤال .. 
اول ما خلص الامتحان .. 
ومعادش عنده اي فرصة ..
تجبرُه علي بذل طاقة ..

كان حب بنت مقالهاش ..
خوفاً عليها من كلام الناس .. 
بالوقت لما اتجوزت غيره .. 
المجتمع صدق وآمن بالصداقة .. 

علي قد زعيق ابوه والخلافات الطويلة ..
والحياة ما بينهم اللي كانت مستحيلة .. 
وتكاد تكون اشبة لحرب اتنين صنايعية .. 
علي مين يبوظ عدة التاني ويعطله .. 
اهو مات ابوه .. واتمني فجأه يحصله .. 

والناس بتتحايل عليه .. 
تسافر ليه ؟ .. ما بلدك اولي .. 
ولكنه مل من المحاولة .. والامل .. 
وكتر السؤال ايه العمل .. وما هيا الجدوي .. 
اليأس أصبح عندنا عدوي .. 
ولازم اهرب قبل بيه ما اتصاب .. 
سلم علي الاهل وعلي الاصحاب .. 
ويدوب بتبداء تطلع الطيارة .. 
توصل رسالة ، ومـ الغرابة اتخبل .. 
كانت وظيفة راحلها من سنة ..
ردو عليه وقالوله انه اتقبل .. 

دلوقتي بسأل ليه ..
وده اعتراض اكتر ما هوا سؤال ..
هيفيد بإيه في الدنيا طول البال .. 
وقولة اتقل ، تلقي خير قدام .. 
وانا كل ما اصبر بترمي علي ورا .. 
ليه كل حاجه بتيجي متأخرة .. ؟ 
طب دي مكافأة ولا إسمه عذاب .. 
ميصحش انافقك او اكون كداب .. 
انا مش راضي .. 
وبالنسبة لوثيقة الصالحين .. 
فـَ مش ماضي .. 
مش محبة في العناد .. 
قد رغبة في التراضي .. 
افهم ايه من كل ده .. !
الجري عـ الفاضي .. 
والوقفة عـ الفاضي ..
وانا كل ما بفتش قصادي .. 
بلقي حاجة مُجبر استحمل بعادها .. 
فَـ يادوب سؤال .. 
كل الحجات في الدنيا ايه ..
حكمة معادها .. ؟



يادوب سؤال - احمد ضيف

طول ما انتا متاح .. 
للناس والاهل وللجيرة .. 
ولكلاب الشارع ، 
وللأسئلة الكتيرة .. 
وللردود المُختصرة ،
 اللي دايما تجيلك .. 
وللحجات اللي تجريلها ،
وهيا بتمشيلك ..
ولـ عبثية الاقدار ،
وانتا مش عارف ..
عدوك من زميلك ..

يبقي انتا واحد مننا .. 
بتعاني عُمرك زينا .. 
واحد من ناس كتير .. 
هتطب ساكتة في الحياة .. 
لو شالو رحمة ربنا .. 

رحمة ربنا - احمد ضيف

قِسمه

Mucic : free
Facebook :https://www.facebook.com/ahmed.mahros.77770

لو كنت.."

جُندي مُجنَد.."

المجد كل المجد

غناء : ميدو الخولي 

مش مشكله ..
مش شرط كل الاسئله ..
تهدينا لـ أصح الطُرق ..
ولا شرط كل الاجوبه ..
هتريحك بالمعرفه ..
احيانا السؤال مصيري ..
والاجابه مقرفه .. 

- هنعيش ؟ ..

= وهتفرق ايه ..
ما الحياه مش منُصِفَه .. 

........

Popular tracks