شعور سخيف

إنك تحس بإن وطنك شيء ضعيف

صوتك ضعيف

رأيك ضعيف

 

إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف

 

سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف

دا شعور سخيف

 

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة

 

يا ساقية دورى عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت

 

أنا اللى صاحب البيت

عايش بدون لازمة

ولما مرة شكيت

إدونى بالجزمة

 

مش لاقى تطفح اديك

هاتولنا و جيبولنا و ادونا ودونا

هنجيب منين نديك

طافح يا بلدى غدايا و لوعتى غدايا

و آدى الأحبه التفوا و اتجمعوا عدايا

 

أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

 

لا شفت فيكى هنا

ولا شفت فيكى ترف

كل اللى فيكى قرف

 

كرامتنا متهانة

واللقمة بإهانة

بتخلفينا ليه

لما انتى كارهانا

 

يعنى ايه تبقى إنتى هبة النيل يا بوبه

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع

 

لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش

 

يعنى ايه نرفع ايدينا بالسلام لجل الغزاه

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى

حبس اعتباطى

يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته

 

أنا عمرى ما أتأمرت ولا حطيت شروطى

ومكان ما ترسى مركبك بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

 

دة انا كل شبر فى أرضك اتمرمغت فيه

وكل يوم عشتيه أنا اتغذبت بيه

 

على صوت أدانك جرس فى الشدة صاحينلك

من امتى كانوا الحرس هما اللى باقينلك

بعتينى علشانهم وعنيكى معصوبة

ياهل ترى خاينة ولا زيى مغصوبة

 

كل الكلام اتقال و الشعر بقى ماسخ

و الصبر علو جبال والظلم شئ راسخ

وطن وغرقان فى النطاعه

كل شئ ريحته نطاعه

علمونا بالعصاية

ورضعونا الخوف رضاعة

 

علمونا فى المدارس يعنى ايه كلمة قيام

علمونا نخاف من الناظر فيتمنع الكلام

علمونا ازاى نخاف وازاى نكش

بس نسيوا يعلمونا الاحترام

فماتزعلوش لما ابقى مش باسمع كلامكم

وماتزعلوش لما ابقى خارج عن النظام

 

مستنى ايه من طفل ربوه بالزعاق غير المشاكل والخناق

كل اللى بيقولك بحبك دول نفاق

أنا لما قلت لك بحبك كان نفاق

 

الحب يعنى اتين بيدّوا

مش ايد بتبنى وستميت تيت تيت يهدوا

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

 

يعنى أعيش علشان هدف علشان رسالة

يعنى احس بقيمتى فيكى إنى مش عايش عوالة

يعنى لما اعرق تكافئيى بعدالة

الحب حالة الحب

مش شعر وقوالة

الحب حاجة ما تتوجدش فى وسط ناس

بتجيب غداها من صناديق الزبالة

الحب جواكى استحاله

 

بَارَت مَرَاعِينا والبِئر قَد جَف

وَالْجُوْع يِكْوِينَا وَالْصَّبْرُ مَا كَفّى

وَالْقَلْب لَا يَهْدَا وَالْجُرْح لَا يُشْفَى

وَلِأَنَّنَا طَوْع زِنِّا لَهُم خفّا

جَاءُوَا بِمَوكَبِهم.. واشتغلت الزفة

 

الدفة مظبوطة وأصلا مافيش دفة

والكفة مش مايلة علشان مافيش كفة

و جحا اللى جاى بالليل لساه بيتخفى

 

شايف ديدان الغيط سارحة وما راحماشى

من جبنه شاف الدود سابه وراح ماشى

ولا اتكسف للناس ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى

 

الدود قاعد لك يا جحا ولابد فى طينك

بعد ما يمص فى دمانا مش هيحلاله الا طينك

احنا اهلك احنا رجالتك عمادك

إحنا وقت الشدة سندك إحنا زادك

يا جحا احمى ولادك لو كنت عايز تحمى طينك

 

سوف أرحل ربما يلقانى من ارجو لقاه

هامشى ويا الشحاتين وابكى على حلمى اللى تاه

بس مش هاشحت رغيف

هاشحت وطن لله

هشام الجخ - جحا

محمد منير .. الدنيا ريشه في هوا .. من فيلم احلى الاوقات

اهداء الى روح # احمد نجم

تراك صاحبى مامتش - كامل كريزى - راب حزين

اغنية مركب الصحاب غناء مجدى شطة تيم المرزعجية.mp3


Published on May 10, 2016الـــكـــلـــمـــات


زهقت من صحابه و من سهراته و من رجوعه 
وش الفجر كل علاقته بيها سد جوعه 
تصونه ليه و هو خاينها الف مره
بيبصلها كل فين و فين هتبص فين غير بره

لا ده كلام شيطان انا بنت ناس و متربيه
هو اختارني فمهما لف مسيره في النهايه ليا
بس لامتي هموت بالحيا عشان يعيش حياته هو
جبان ، شاري راحة البال و بايع الابوه

زهق من نكدها و من طريقة اهتمامها 
كره غيرتها لما بالغت في المبالغه
زمان كانت كل يوم بشكل و بتسريحه
دلوقتي مياه عديمة طعم و لون و ريحه

كانت كل يوم جديده ، كل بنات الدنيا فيها
دلوقتي المخبر اللي مراقبه دقيقه دقيقه
و مقدرتش كونه اصبح ثور في ساقيه
عشان يعوض جنة بابي اللي في المنيل


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين


ليه بتخون؟ ليه بهون؟ ان شاء الله ، و مش بيكون
ليه مسجونه؟ و مش مسجون؟ ليك دنيتك و انا بدون؟
دنيتي اللي هي الشغل و سجنك اللي هو بيتنا !
اقتنعت ان انتي الطرف اللي بتتعبه علاقتنا !

انت خاين ، في الواقع ده اسمه هروب
من ان كل اللي انا حبيته فيكي ملوش جواكي وجود
طب ما انت مش انت اللي انا حبيته ، يبقي اخونك عادي!
احنا في مجتمع شرقي ،انسي شعارات التساوى

انا اكتفيت ،انا لسه عايزك جنبي
انت اناني لدرجه انك عايز تبين انه ذنبي
مش ذنبي لا انا و لا انتي، الحياه اللي ضغوطها زادت 
و مخدر البدايات انتهي ،فعقولنا فاقت

مبقولش اننا وحشين ،ولا مش مناسبين
احنا يا دوب بشر زي كل البشر و البشر ناقصين
متبررش الخيانه ، انا اصلا مببررهاش 
انا بقول اننا خربنا علاقه حرام منصلحهاش 


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين
_______________________________________________

Kabel Lel Kasr

Written by: El Joker
Music: Free Beat
Vocals: El Joker & A Jokerian
Master and mix by: El Joker
© 2016 El Joker

الجوكر - قابل للكسر

مهرجان "باب السجن" غناء "مجدى شطة" توزيع "مادو الفظيع DJ_BONDOK░▓██►  2018

Najat Al Saghira (Ana B3sh2 El-Ba7r) أنا بعشق البحر نجاة الصغيرة

كلمات:Som3aa
.،،،،،،،،،،،،،،،، شمس العزّة ،،،،،،،،،،،،،،،،..............
التراك بيتكلم ان سبب اللي وصلناله للاسف من دمار و خراب و ضعف مش حكّام العرب وحدهم
........................................................................
يا شمس العزّة فينك ، وحشاني قوليلي ازيّك
جبل الخيانة بيني و ، بينك حاجب عنّي ضيِّك
نفسي أشوفك مرة تانية ، طب ده انا حتى ليلي طال
صوت الديابة في كل مكان ، شايفنّي فريسة في بعدك
كلامي بقى كنا و كان ، بقيت مهان في كل مكان
بغيّر المنكر بقلبي ، عشان ده أضعف الايمان
كل وقت و ليه آدان ، بغيّر من نفسي عشان
ميكونش الذنب ذنبي ، عشان يرجع احساسنا بالآمان
ذُلّك للغرب علّة ، مش هيرضوا عنك الا
لما تتّبع خطاهم ، لما تتبعهم في الملّة
في بُعد ربّك تلقى ذلّة ، و في رضاه بتخف العلّة
ده وعد منه من زمان ، افتح كتابه تلاقي أدلّة
كان لينا العزّة في دينّا ، بالتزامنا لشرع خالقنا
فوجود الخونة ما بينّا ، كان عقاب عشان خالفنا
شمس العزة غابت عنّا ، لما في صفوفنا اختلفنا
أراضينا اتخدت من ايدينا ، يعني بالعربي اتنهبنا
                     .................................
أسف ياوطني العربي،أنا مش راضي على اللي بيحصل
يشهد ربّي انك في قلبي، و في دعايا مش مقصّر
بس زي ما قلتلك ، بغيّر المنكر بقلبي
لأن ده اللي في ايدي ، بكرة الغيث يمطّر
                                  .....
كل شيء و ليه سبب ، فالذل علينا اتكتب
نتيجة و عدل من ربك ، خيانتهم نار و احنا الحطب
بذنوبنا بيزيد اللهب ، فينا المقتول و اللي اُغتصب
دسّوا السم في عسلنا ، فوقوا من الغفلة يا عرب
لما لكل داء دواء ، يبقى لكل باب مفتاح 
قدام عنيك طوق النجاة ، بآمارة حيّ على الفلاح
الزم صلاتك و الدعاء ، يمكن تلتئم الجراح
اطلب من ربّك السماح ، يمكن تعوّض اللي راح
فالوداع ياللي صنتوا ، العرض و لآخر نفس
و الله يجبر بخاطر ، اللي قال الحق و اتحبس
احتلّوا عقول شبابنا ، ف كتر اللهو و العبَس
كتر العهر في بلادنا ، و من أعدائنا بنقتبس
كلامي ده لشبابنا ، فوقوا شوفوا كنّا مين
شوفنا في دينّا شمس العزّة ، مش في أغاني المُغرمين
ضاع الحق في ايد حكّامنا ، احنا الشعب المظلومين
نتمنى تُشرق شمس العزة ، يا رب اسمع منّا آمين

........................................................................
أسف ياوطني العربي،أنا مش راضي على اللي بيحصل
يشهد ربّي انك في قلبي، و في دعايا مش مقصّر
بس زي ما قلتلك ، بغيّر المنكر بقلبي
لأن ده اللي في ايدي ، بكرة الغيث يمطّر
                    ....

@@@

Ahmed Dola