اسود ....

انا واحد ماشبعش هموم 
انا واحد بيموت ف اليوم 
اكتر من مليون مره 

انا صون مكتوم م الاحزان 
انا تايه مش لاقى مكان 
طردتنى الدنيا وعلى بره

انا حب ماحبش ولا عاش 
انا واحد غايب ومجاش
والحزن ف قلبه مايخلاش 

انا واحد عايش ف الماضى 
ومسطر دفتر احلامى 
والدفتر مقفول ع الفاضى 
انا نفسى اسافر مش هرجع 
بس انا جوايا ماهوش راضى 

انا دايما عايش ف الضلمه 
انا عمر الشمس ماتعرفنى 
انا دنيا بحالها بتخدعنى 
انا واخد على ضى الليل 
وبسيبه ويرجع يندهلى 

انا مره حلمت انى اطير 
انا عشت الحلم وصدقته 
فكرت ف وهمى حققته 
وصحيت ف الاخر على كدبه 
انا دايما حاسس بالغربه 
انا وحدى وبرغم الصحبه

انا كل الشعر اللى كتبته 
ولا يقدر يوصف ولا نقطه 
م البحر اللى انا عايش فيه 
انا عايش بحر الاحزان 
انا جاهل لون الالوان 
انا قلبى ع الحزن اتعود 
مابيعرف غير لون الاسود 
........................................
by me 
1/8/2013
8:30am


Ahmed Ebrahem Abdallah

Popular tracks