 ليه يا حبيبتي ما بينا دايماً سفر ؟!
ده البعد ذنب كبير لا يغتفر  
ليه يا حبيبتي ما بينا دايما بحور ؟!
أعدي بحر ألاقي غيره اتحفر  

عجبي 

صلاح جاهين 

سيد مكاوي - ليه يا حبيبتي ؟!  - رباعيات صلاح جاهين

يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربة
م الهوى دبنا
وأنتو فى الغربة
جوه قي قلوبنا 
اوعوا تفكروا
إننا تبنا
مهما فرقونا
ولا بعدونا
يا حبايبنا

أحمد فؤاد نجم

الشيخ إمام - يا حبايبنا

كلمات: محمد حمزة 
ألحان: بليغ حمدي

سماح الإسكندرانية - مسي لي

موال شارع الحياة بصوت الملحن حمدي سكر 

كلمات: طاهر سعيد

موال شارع الحياة

شارع الحياة - حمدي سكر

كلمات : محمد حمزة 
ألحان : بليغ حمدي

وعملت ايه فينا السنين عملت ايه
فرقتنا لا غيرتنا لا ولا دوبت فينا الحنين
السنين
لا الزمان ولا المكان قدروا يخلو حبنا
ده يبقى كان يبقى كان الزمان
وبحبك والله بحبك والله والله والله بحبك
قد العيون السود احبك
وانت عارف منته عارف قد ايه كتيره وجميله
العيون السود في بلدنا يا حبيبي
احبك والله بحبك والله والله والله بحبك
قد اغاني الصبر بحبك
وانته عارف قلنا ايه فيها كل ليله
وقال معانا الناي في سهرنا يا حبيبي
احبك والله بحبك والله والله والله بحبك
قد اللي فات من عمري بحبك
قد اللي جاي من عمري بحبك
وشوف قد ايه شوف قد ايه بحبك

اللي كان هو اللي كان
قدر يغيروا في يوم الزمان
لا الزمان ولا المكان قدروا يخلوا حبنا
ده يبقى كان
كل ليله من ليالي البعد عدت عليه
وانت مش جمبي يا روحي يا نور عنيه
وحبي فيها كان بيكبر من ليله واكتر
والله من ليله واكتر
قد كل الليالي ديا واكتر شوي
بحبك
وقد عمري ونور عنيه يا نور عنيه
بحبك

كل غنوه عالفرح كانت عالجرح كانت
عالصبر كانت عالحب كانت
كتبها وقلتها كانت عشانك
كل دمعه دمعه دمعه
عالخد سالت عالرمش نامت فعيون ما نامت
من الدنيا عانت
وجرح الهوى ما لش دوى الا ف حنانك
قد كل كلام في الحب اتقال في الصبر اتقال
بحبك
ليلي وانا سهران سنين ما بنام وبقول موال
بحبك
قد اللي فات من عمري بحبك
قد اللي جاي من عمري بحبك
وشوف قد ايه بحبك

وردة - العيون السود (حفلة)

أحمد منيب - شبابيك

أنا صايع - يحيي نديم و نور ناجح

طب بس لو تتخيلي
سيدنا ابراهيم
بيآمن النار من برودها 
فتحرقة 
او موسى وف وسط المسير
البحر يرجع يلتقي ويغرقه
فلو انكتبلك
تبقي ليا المعجزة
الموت محاوط قلبي ليه 
و بيسرقه ؟!


كلمات : أحمد السعيد
https://www.facebook.com/a7med.els3id

غناء  و ألحان : مصطفى محمود
https://www.facebook.com/mustafamahmoudelbew

Malyana Alwan

لو تتخيلي - مصطفى محمود

ميادة الحناوي - فاتت سنة (عود)

كلمات : خالد عبد القادر
 لحن: يحى نديم


جيبت لي صاحب وحبيته
زقنى فى المترو زقيته 
واما مات فيا ومت انا فيه 
روحتله بيته وعزيته !!

حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز 

حبنى الشارع وحبيته 
عض قلبى الليل وعضيته 
خضنى الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدنى م اللفة لمريلتى 
خدنى م التسنين لحصالتى 
خدنى من مدرستى ع الجامعه 
خدنى م الترعة على الاسفلت

خدت م الاتوبيس مراياته 
خدت م السواق حكاياته 
خدت م الركاب تذاكر موت 



حزن يا بقال ورا الجامع
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ياللى وحشانى متوحشنيش 
ضحكك السكر محلانيش 
خوفت م المطرة قفلت الشيش 
ليه فضل اسمك على الشباك 

كنت جايب دبلة وغويشه
كنت شارب حاجه مغشوشه 
شفت شبهك قاعده فى الكوشه 

قلت هى لا مش هى 
فتشتنى الدمعه عن الميه
كنت أنشف من حطب محروق 

حزن يا محول خطوط سيرى 
حزن يا عطار فى باب اللوق 
شوفلى تحويجه لتفسيرى 
حط ريحه بُن لضميرى 
شوفلى عود أصلب من المغشوش

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر
واللى كان ضاحك بقى أراجوز


ردنى عالباب عطب روحى 
جابلى ناى وزتونه مطروحى 

جيبت لي صاحب وحبيته
زقنى فى المنرو زقيته 
واما مات فيا ومت انا فيه 
روحتله بيته وعزيته

ردنى عالباب عطب روحى 
جابلى ناى وزتون مطروحى 

مُر انا يا صاحبى لو دوقتنى 
جيت اقول الآه ما صدقتنى 
يطرح ايه الملح غير مالح 
يطلع ايه م الجرح غير مجروح 

ليه ما تصفاشى لغير صافى 
ليه فى عز الحوجه بتجافى 
شوفتنى غاطس ولا طافى 
كنت بندهلك حلاوة روح 

حزن يا بقال ورا الجامع
هات بنص ريال عسل فى الكوز 

خد سنين الجرى وسنينى 
هاتلى سن غزال دهب عينى 
قطع الاسفلت شرايينى 
هات بياض القطن شاش اللوز 

حزن يا بقال ورا الجامع 
هات بنص ريال عسل فى الكوز 
دة اللى كان عيل بقى شاعر 
واللى كان ضاحك بقى أراجوز

عمدان النور - سيرة الأراجوز

كلمات : ميدو زهير 
لحن : أمير صلاح الدين

كل مرة بدق باب
يفتحلى واحد قلبه داب 
اصعب عليه فنصير صحاب
اصعب عليه فنصير صحاب

اسأله فين طيّب نروح
يقولّى دوّر ع الطموح
طموحه يملانى بجروح
تطلعلى روح من جوّا روح

مالقيتش حد يعزّنى
و لا عمر حد حسّنى
مع إني بركان م الحنان
بيهزّهم و يهزّني

حتّى اللّي بين حب ظاهر
اقتنعت إنه طاهر
فجأة بان له الف ناب
 ما أنا كل مرة بدق باب


بلاك تيما - كل مره

كلمات : ميدو زهير  
لحن : دينا الوديدي 

تدوّر وترجع وجع واعتكاف
وتطبع عليك السنين العجاف
 وأول ما حُبك يقابلك يسيبك !
وأول ما حُبك يسيبك تخاف 

صنعت سجنك م الهوا ودخلته بإرادتك 
وإديت حبيبك نفسك، ما سألت فين حطك 
وإكمن كله أذاك قررت تعشق ملاك !
يا اللي عشقت الملاك حتى الملاك صدّك

دينا الوديدي - تدوّر و ترجع

فيه ساعات 
تبقي الحياه 
أشبه ب زار
تبقي الولي من غير مزار 
وساعات تهون نفسك عليك 
والكون عليك 
وتشوف سراب
علي طرف حافه من التراب

صوت في الزحمة - زار

في الرحلة بصادف من ألوان الناس 
ألوان زاعقه وألوان منغير عنوان  
تجرحني ولا عمريش حرمت 
وصنوف م الناس منغير إحساس  
فاضيه كيف صفحات الكراس 
لكن من وسط الناس فيه ناس 
بتعيش ف القلب وتعيش ف الراس 

في الرحلة حاجات تكبر وياك 
تفتح لعنيك مليون شباك  
وحاجات تنساك 
وحاجات تنساها
 وهيّ معاك 
وحاجات فكراك 
مهما إتغربت 
في الرحلة 


نور الدين الشريف

عشرة غربي - في الرحلة

أحمد منيب - اه واه (عود)

قصيدة "مسافر.. مسافر" للشاعر أحمد فؤاد نجم التي كتبها سنة 1979 في رثاء الشهيد زكي مراد

مسافر ... مسافر
ودايما مسافر
ومهما الطريق كان بعيد أو صعيب
مسافر بعمرك وأمرك عجيب
كأنك بطبع العناد ... سـندبـاد
وعاشق... وعشقك بعيد البلاد
مسـافر.. تودي الوداد للرفاقة
مسافر.. تجيب الحليب للولاد

يدور الزمان بالمكان والوجود
يـقابـلك مسافـر ..
وتجري الحوادث وترجع تعود
وتفضل مسـافـر ...
ويوم ما اتقـابلـنا قابلتـك مسافـر
ويوم ما افترقنا فارقتك مسافـر

مسافر ..مسافر أيا سنـدبـاد
وداير تلف الزمان والبلاد
مسافـر لأنك لقيت الحقيقـة
مسافـر لأنك عرفت المعاد

وطال السفر .. يا صديقي الحبيب
وكان الأمل في اللقاء ..عن قريب
أشوفك وأبوس ابتسامتك وأضمك
أقولك همومي.. وأدوب جوه همك
ونضحك .. ونحلم في عز النهار
وتضوي ابتسامتك.. ويحلا الهزار
وأسافر طريقي.. وأنا في انتظار
أقابلك مسافر .. في نفس المسار

وطير يا حمام بالوداد والسلام
وإرمي التحية على السندبـاد
وقوله إن صاحبك في عز انتظاره
بيكتب ويحسب ليوم الميعاد

وبات الأمل سنـدباد في الخواطر
وعاش الأمل في الجوانح مسافر
وترمح خيول الزمان بالحوافر
ويتعب طريق الصديق المسافر

مسافـر ... مسافـر
ينام ع الطريق
ونوم الرفيـق
نهاية حكاية عن السـندبـاد
بداية حكاية لناس ع الطريق

Ahmed El Said

Popular tracks