مما كتبت

"feelings of my pen"

ليه تملي زعلها خنقة
ليه يكون سبب المخانقة
ان بتغير من عيونها
ليه مصر انك تخونها
و انت لونها و ضي فيها
ليه بتتريق عليها لما بتحبك زياده
لما بتشوفك تملي حرف من كلمة سعاده
و اما بتحبك تصونها
بتقابلها بوش سادة 
ليه يا سادة في تملي نقص حاد فالشوق بيظهر
واحدة واحدة بيبقي وعدك من حقيقة لحاجة منظر
ليه قلبت الحب عادة 
و اما بتمل تقاضيها ليه في محكمة الفراق
اللي داق الفرقة مرة يدفع العمر اشتياق
و اللي ساق الهجر حبه جي من سوق النفاق
و اتفاق الحب عقد
و انعقاد العمر بينكم عمرما اتوقع بوعد
و الارادة فحب باقي مش بواقي
اتنين جمعهم صدفة شبكتهم ببعض
ليه دفعت سنين بتخدع حد بيسموه نصيبك
و انت نفسك قولت يوم هو ده هيكون حبيبك
فجأه ليه دوقته دونا عن بقيت الدنيا عيبك
ليه شعورك فجأه فاق 
حس في غلطه فوجودك ويا منها
ليه تمنها شعور فقلبك فجأه يتحول لجيبك
مش هسيبك
ليه بسهولة بتطفي نورها
كنت دارها و هي دارك
كات في ضهرك فانكسارك
و انت ليه شوفت انكسارها
بين ايديك و زعلت كونها 
مرة زعلت
ليه تملي زعلها خنقة
ليه يكون سبب المخانقة
ان بتغير من عيونها
‫#‏أحمد_السيد‬

ليه تملي زعلها خنقة !

أحمد السيد
22 mins · 
و كملت الكلام عادي
كأنه سامعني للآخر
بقوله يا عم وسعلي بقي اتاخر
و خدنك فريحك الطيب
و طيب خاطري و احضني
و سيبلي اواخر الانفاس
باي اساس .. تقولولي دا مات سابك
يكون فحسابكوا مش ممكن 
و برضوا حط في حسابك
مينفعش الفراق منك
و ليه يعني بقي اكمنك
ملكت احساسي بتسيبني
تعذبني ببعدك ليه !
يا ناس مش ممكن اتنفس خلاص بعديه
عينيا اتقفلت اما فارقني زيه تمام و زي عينيه
انا اسف
هعيش اسف و اموت اسف
و مش عارف كمان حتي هعيش ازاي و انا اسف
معادش طبيعي فالدنيا حياة موتك حزام ناسف
انا راضي بقضاء الله لكن كل اللي بيا دموع
في نبضي دموع و نفسي دموع و دمي بيجري جوايا يعود موجوع
عشان عارف مفيش المره ديا رجوع
انا بضحك و انا ببكي عشان شايفك
و متاكد هعيش شايف حاجات منك مدي عمري
انا امري بيتعلق بكوني فيوم بقيت عارفك
يا صاحبي احكي لتراب قبرك عن الحب اللي سايبه و قول 
انا سامعك برغم ان الحاجز مقفول عن الاحياء
انا الحي اللي عاش مشتاق .. يموت لاجلك
يا صاحبي نسيت بقيت عمري .. و منسيتشي في يوم شكلك ..
#أحمد_السيد

و كملت الكلام عادي


في ناس تبقي ماليها الهم .. كما الورده اللي دبلانه ..
و ناس يبقي الفرح فيهــــم .. و لاجل طمعها زعـلانه ..
و غيرها فعرض فرحه ليــوم .. و لو بسمه و بهتــــانه ..
و تلقي رضاها بالمقســوم .. يشيل مالهم 100 خانه ..

في ناس !

نسيم

عيناكِ كَظلٌ يتَلطـــــــــف
و الوردُ الاحمَر كَجُفونـــك
و القلبُ حَبيبتي يتَعفـــــف
مع اني اعيشُ كَمجنونــــك
و الناسُ تَراني كَما الخاسِـر
فاعيشُ الماضي و اُعاصِـــر
حلمٌ لَه اسمِك لهُ لونِـــــــك
اتخفي بِفكري عَن الدُنيـــا
و اُلَملِم شوقٌ يَتناثـــَـــــــــر
و اُصَمم كَي ابقي اُحبـــــك
و القَلبُ حَبيبَتي يتَعفــــــف
عيناكِ كَظلٌ يتَلطــــــــــف
و الوردُ الاحمَر كَجُفونـــــك

Ahmed El Saied

Popular tracks