احمد البرجيسي

شيء من الحزن الذي يكمن داخلي .

الــــكــــلــــمــــات

سيداتى
فلتكن أشجار أقلعها
لأصنع من سيقانها سفينة
تنقلنى فى بحر الأحبار
إلى كعبة قريش
لأضيف معلقتى الوحيدة

فاكرينها جملة ينطقوها يقوموا يخشوا الجنة
على كده بقالى بتقييمهم سبع سنين بتسلى
مقولتش مش موجود ، قلت إنهم كذبوا لما
من غير ما يشوفوه فى حاجة شهدوا على وجوده للعامة

علشان تعتنق دين زى الإسلام ، معجزته كتاب
محتاج تدقق فيه ، تتأكد إنه مليئ بمعجزات
بعد كده إنت قادر ، تشهد للعامة إن الخالق
أوحى بالكتاب ده للرسول كمرجع دين كامل

قلتلك تبدأ التفكير من أقوى عرض عرضه
مش تطلع أرنب أبيض من بورنيطة سوده برضه
فى عصايا ، فى موناليزا ، فى طوفان ، وفى سفينة
مش كل الجمل اللى إنت مش فاهمها نفس القيمة

الطريق اللى بيكوا بجريه ، لازم بعدى تكملوه
كونكوا مغيرتوش إيقاعى مينفيش إنكوا بطئتوه
متقلقوش هسيب كفاية ، محتاج عقول ضدى ومعايا
لولا إن التفسير إتطور كان زمانها خلاص مش آيه

رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فـ معندوش من الدجال مناعة
هتلاقى فى سورة الكهف بس فصول من علم الساعة

الكل لازم يغرق الطوفان أنا اللى شربته
أنا آسف أنا أقل واحد فيهم إنت ساعدته
ده وحى شيطان الجحود ، أنا أساعد أبرهة على إنه يتوب
آسف كنت ناسى إنه لو عجل فـ هما مش يهود

مؤمن بفكرة واحدة ، الحساب ، ودى حاجة بتسمحلك تنام
فى أمان مدى ثقتك فى كمال -أو رحمة- اللى أعتبرته إله
ده الكافر لقى نفسه فى نقد كل كلمة إتقالت
إنت فى عالم وأنا فى عالم وبيجمعنا عالم تالت

مجاش أمر شفوى ، شعورى أبوى ، إخترت اليدوي
أول مشبة به بييجى فى بالى عادة بدوى
الفكرة تبان لوهلة ، صعبة رغم كونها سهلة
فكر ، دول أغبياء وجهلة ، دايما السما بتندهلك

إختيارات بمدى سوء ، طلب وعرض السوق
قادرة تغرق كوكب واللى زيى ينجى فى بطن حوت
يمكن ملحقش أقتلها دى تكهناتك إنت
شخص زيى عـ الأقل أكيد عارف هيموت إمتى

رغم كونهم وصلوا مجمع البحرين مشيوا أبعد
إرتدادهم من بعد المائدة كان إحتمال مُستبعد
أعمى البصيرة فـ معندوش من الدجال مناعة
هتلاقى فى سورة الكهف بس فصول من علم الساعة
________________________________________­_

3alam talet

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker - 3alam Talet L الجوكر - عالم تالت

Written By : Dr. Jupa 
vocal by : Rana Yasser 
Master& Mix By : Alfi / editing by : Raystone
Lyrics ; 
بعدت ليه عنها من يومها 
مكنت واقف مستنى ف خيالها

صوتها من جديد رجع ورن ف ودنى تانى
يوم فرحها انا كنت بعيد ليه بنادى ومش سمعانى
انا سامع جوا قلبك حزن على اللى كان ماضى وراح 
وسامع نابضه تانيه لفستانك اللى كله افراح
عروسه جميله انتى زى ما اتخيلتك جمبى
عريسها راجل ملو هدومه زى ما اتخيلت نفسى
على وشك سعاده جميله بابتسامه اكيد وحشانى
شفتها انا اخر مره قبل ما تبقى لحد تانى
الناس بتهنى وانا لسه بعيد واقف لوحدى 
وقلبى يغنى ابقى افتكرينى لو سمحتى
مش طالب منك ابنك اسمه يبقى اسمى 
انا طالب تفتكرى لحظه لو ف يوم جبتى سيرتى
عرفتى ؟ اد ايه انا كنت بحبك 
قدرتى تبعدى وانا مقدرتش اسيبك لوحدك

بعدت ليه عنها من يومها 
مكنت واقف مستنى ف خيالها

كبرتى حبيبتى ملامحك كبرت عجزتى ؟
انتى ورده ف قلبى عمرك ما ف عينى دبلتى
فرحانه بالولاد خلاص قالو على وش جواز !
كبرنا انا وانتى بحبك وانتى حتى على العكاز
جميله سعيده يا بخت جوزها بيها 
معاه احلى ورده ف الدنيا ممكن يسند عليها
غريبه انا لسه كل ده بحبك 
شالو العقل من القلب لاقو الاجابه اسمك
افتكرتى ليه مبحبش اشوفك كده
يا حلمى ليه حزينه شايله الذنب كل ده
فاكرك نستينى او نسيتى الالم 
صدقينى مش ذنبك انتى ارجوكى تنسى الندم
يا غاليه امسحى دموعك انتى منها اغلى
من دمعه تنزل واحده لو حتى كانت عليا 
انا هفضل احبك حب جنون لو بينا فرقنا كان الحكم
اتبسطى انا لما تكونى سعيده مبحسش غير الامل

بعدت ليه عنها من يومها 
مكنت واقف مستنى ف خيالها

طولت عليكى معلش بقى من حبى فيكى
ارجعى لولادك لسه الموت مش طمعان فيكى
انا اسف من كتر منا بموت ف حبك
عرفتى مكانى لما لاقيتى على قبرى اسمك 

بعدت ليه عنها من يومها 
مكنت واقف مستنى ف خيالها

Dr. Jupa - مستنى فى خيالها

Facebook Profile :-
https://www.facebook.com/Ahmedelbargisy

رسائل مجهولة | Ahmed Elbargisy

ياعيون كفاية دموع أنا قلبي ليه مش عايز ينسي 
كتاب حياة وصفحات الجرح فيه مش عايزة تخلص
اختفت كل الالوان وسواد الايام بيبان
 .....ويزيد الهم وليه الدموع في عينيي مش بتنقص

أحمد موشا _ سطور الماضى  (K.S)

الليركس :

شباك قديم مكسور مفتوح على شمس صفرة 
الاحلام بتنادينى ف النهاية بروح للعتمة 
صوت انين و همهمة دموع جوا الاوضة 
يطلع ف البلكونة لوحده باصص للسما السودة
يا ترى فكرانى ولا الايام نسيتها 
جوايا حنين و اشتياق للمسة ايدها 
جوايا خوف م الى جاى و هى مش معايا 
جوايا كلام مكتوم و اخر مشهد ف الروايا
محدش حس بيكى زى ما حست بيكى ورقتى 
مشوفتش بنت غيرك كنت بشوف فيهم انتى
هحكى  عن حكاية معظمها مش مفهومة 
واحد حب واحدة م الحياة كانت معدومة 
كانت بتفكر دايما ف ازاى تأذى نفسها 
بتفكر ف الانتحار بسبب ديب حبها 
شافها هو انقذها م الى كانت فيه
بس الظروف جات عليها و جات عليه
ملعون الحب يا صاحبى ازاى وصلت لكدا 
اخر كاس هشربه يمكن مكونش هنا 
السكر عمره ما كان حل ولا عمره هيبقى 
و ليه كل ما نعافر الحياة تكتف ايدينا 
حاولت مرة انسى حاولت مرة ابعد 
ف كل مرة انسى كنت برجع تانى واعند
مش قادر استوعب فكرة اننا مش لبعض 
بعد لما كنت فسابع سما نزلت سابع ارض
بكسر تماثيل الماضى بس برجع و انحت غيرها 
بعيد بداية القصة مش عايز اوصل اخرها 
غرقان ف ضلمة بحر مش لاقى طوق نجاة 
اخر قشة مسكت فيها بعدتنى عن الحياة
واقف مكانى مش عارف اوصلك منين 
ف كل حتة لينا ذكرى و اشتياق و حنين 
 بيكلم قمره كل يوم و بيشكيله همومه 
يبعت رسايل ليها معاه يمكن يعدى يومه 
يستنى رد منها  مفيش حاجة بتحصل 
عايش على اخر امل بس مفيش رد بيوصل 
بيكلمها ف تركاته ممكن تكون سمعاه 
اخر صورة رسمها بدمه مكنتش هى معاه .. :')


Artist : Ahmed Elbargisy 
Rec & Mix & Master : Mada ® 
Beat : Free Beat ® 
All Copyrights@ahmedelbargisy ®

وقت انتهي - wa2t entha

الليركس :

لسا برضه بتكتب بعد كل حاجة حصلت 
لساك بتحلم و احلامك عمرها ما وصلت
احلامى و انا صغير فضلت دايما بتكبر معايا 
كنت طفل صغير مش شايف صورتى ف المرايا 
كنت حاسس نفسى عادى واحد مصاب الفشل 
 عمرى ما كنت قادر اضحك مكنش عندى امل
انى اكون ف يوم انسان عايش يحقق حلمه 
و انى اتغيرت من واحد عادى لبطل جوا فيلمه
كنت فاكر نفسى فاشل و انى  مجرد واحد 
اتنازل عن احلامه و سابها بسهولة راحت
الحياة هتاخد منك  بصعوبة هتديلك
حلمك هيروح لو متبتش بايدك 
من تحت الارض طالع بنحت لاجل ما اثبت نفسى 
ف كل تراك ليا بكسر الى راهن على فشلى 
من البداية للنهاردة مش قادرين يفهموا حلمى
انى عشان افضل مكمل يبقى اكيد لازم اغنى
لساك بتحلم .. و شمس حلمك لسا بعيدة
لساك بترسم ..  من تشويهك رسمة جديدة 
لساك بتعافر مع ان بكرا مش ملك ليك
لساك متفائل طول ما حلمك لسا ف ايديك
قبل الراب مكنتش عايش ولا ليا هدف 
بس الراب حرك فيا كل نقطة شغف 
كنت عايش طول عمرى استنى حاجة و متجيش 
بس الراب خلانى اتنفس خلانى اعيش
كل تراك بقصة حصلت فعلا بحكيهالكوا 
اى فكرة من خلال الراب اوصلهالكوا
كنت فاكر نفسى زى الحجر مش بتهز بكلمة 
انا كل شخص منكوا كان بيهد فيا حتة 
كام واحد فيكوا كان ف ضهرى و كام واحد عليا 
انا عمرى ما هنسى نظراتكوا ف اول حفلة ليا
3 سنين عدوا عليا و لسا برضه مكمل 
3 سنين ساكت و جه الوقت اتكلم 
من حقك تعرف قصة واحد عاش كتير يعافر 
وسط ناس بتهد فيه و مش عايزينه يوصل 
و هو ساكت من زمان كاره اللالام 
قال يغير اي حاجة مش يعيشها والسلام

Fb : https://www.facebook.com/Ahmedelbargisy

Artist : Ahmed Elbargisy 
Rec & Mix & Master : Sha3lan ® 
Beat : Free Beat ® 
All Copyrights@ahmedelbargisy ®

بواقى أمل _ bwa2y aml

#مش_مكتوبالك 
التراك ده كتبته لما شوفت إن احلام ناس مبتتحققش علشان اسباب باردة !! 
التراك ده ميمسش واقع حياتي بصلة بس مقتبس من مليون قصة واقعية 👌 
شير لو عيشت زيها او شوفت حد قريب منك عاشها 💔👌
يارب التراك يعجبكوا .. 
#Abdelazeez_Ahmed 
#RighT_click_Almany 
#msh_maktobalak 
مش_مكتوبالك 😔  تراك الوجع اللي ربنا ميكتبهوش على حد (: !

Abdelazeez_Ahmed/Mesh Mktobalk/مش مكتوبالك

و كأن قلبى رافض البعاد او حتى ينسى 
ف كل مرة فيها اتساب كان بيرجع يقسى
محدش استحمله فضل يكون وحيد
كان عندى حماس اكمل مع ان الوصول بعيد
لاخر نقطة دم حارب النهاية خسر معركته
كان بيسأل عنها عاملة ازاى من بعده 
مع ان الضرب ف الميت حرام كان يتوجع 
ف طريق ملهوش نهاية ناديت بس محدش سمع
فا ترجع لاخر نقطة منها انت بدأت 
فا تحاول تنقذ الى باقى بس فات الوقت
بيحاول كتير و عارف ان مفيش فايدة 
من يوم ما بعدتى عنى مش لاقى لحياتى ملجأ
شمسك لما غابت لسا حياتى رافضة تشرق
وعدتنى الف مرة و لا مرة كانت بتصدق
برغم كل حاجة حاولت اكرهك بس فشلت 
وصلت لنهاية القصة و يارتنى ما بدأت 

لسانى بحبك و عاشق كل حاجة فيكى 
لسانى فاكر اول مرة قابلت فيها عنيكى 
لسانى فاكر كام مرة كنتى فيها بتحنيلى 
كام غنوة حلوة كنتى فيها بتغنيلى 

و انتى ازيك اكيد حالك منى احسن 
انا فاهم كل حاجة بس كنت عامل اهبل
كنت بخاف عليكى منهم مش هتسمى جبان 
مش زعلان .. الدنيا مش بتيجى الا ع الجدعان
بشوف صورتك ف كل واحدة اقابلها بعدك 
قلبى كل ما بينساكى ليه بيحن و بيرجعلك
اسئلة كتير ملهاش جواب غير عندك انتى 
فهمت لما سالتك بتحبينى قومتى سكتى 
الاحداث مبهمة ازاى البطل حب البطلة 
 و ف وقت الاحتياج كسرته و هى مش حاسة
و لما قرب حد منه كان فقد الاحساس 
بس البطل فضل اسمه مولانا وسط الناس
مولانا بقا مولانا عشان ف العشق كان رسول 
بس المعشوقة هاجرت و سابته لوحده يطوف 
و اما عرفت قيمته رجعت لقلبه هى كمان 
بس ساعتها قلبه هجرها زى الغية و الحمام 

Fb : https://www.facebook.com/Ahmedelbargisy

Artist : Ahmed Elbargisy 
Rec & Mix & Master : sh3lan ® 
Beat : Islam shetoz ® 
All Copyrights@ahmedelbargisy ®

مش آخر مشهد - Ahmed Elbargisy

لساك يا ليل بتواعد و مبتوفيش زيهم 
بتشيل ف الاسرار و مبتحكيش عنهم 
سايب قلبك مداس للى رايح و الى جى 
و لسا القلب كتير بيعافر لسا برضه حى 
و انا حكيت لليل عنك و اتفقنا ع النسيان 
بس ليلى طلع شبهى ف نهاية قصتنا اتخان
قلبى معادش زى الاول يمكن يكون اتكسر 
بعد ما صحى من حلمه معاكى سأل نفسه ايه الى حصل
بعد اخر مشهد الصورة وضحت اكتر 
البطلة ملك للى يدفع فيها و الى يقدر 
كتت بقول انك مش ليا و كنت رافض المواجهة 
بمنتهى السطحية كنت فاكر ان الحب ابقى
عيشت ادور ف متاهة كنت عارف انى هخسر 
الكل نصحنى ابعد كنت بمسك فيكى اكتر
مكنتش اعرف ان البعد ده هيكون جزاتى 
يمين بالله يا بنت الناس اكبر احلامى انى انساكى
كنت بهرب منهم ليكى دلوقتى بهرب منك 
كنت بخاف م البعد جدا و دلوقتى فارقتك
فا معادش باقى الى ابقى عليه معادش باقى حبك
و دلوقتى فهمت معنى جملة انى انضف حد عندك

في اللي غاب و اللي سافر و اللي الغربة جت عليه 
و انتي ف وسط الحرب سبتي من غير م تقولي ليه
مش محتاج جواب منك اتخيلت خلاص اجابة
مبروك عليكي الدبلة شكرا لكل حاجة
اوقات بحس ان الفراق  ده مجرد كابوس
و انى حاولت اصحى منه و ف النهاية فشلت 
و انك كنتى مجرد حلم  عشان اوصله محتاج فلوس
فضلت اقرب منه و ف اخر لحظة بعدت
الكلام مش من فراغ و البارات دي اكبر دليل
ف النهاية بيستغربوا ازاى صاحبت الليل
مش مستغرب ان نهايتى بالتدريج بدأت تقرب
م توصفليش الوجع ف كلام اوصفلي لو مجرب
القدر و الفراق اتفقوا يكونوا سبب لانهيارى
و انتى و افقتى .. كملتى حياتك بعد غيابى
من برا أبان انى اقوى من اى حد شوفته 
بس البعد خلانى ضعيف ف كل مرة بروحله

Fb : https://www.facebook.com/Ahmedelbargisy

Artist : Ahmed Elbargisy 
Track : لو كانت 
 Mix & Master : bakr fayz ® 
Rec : gahbaz 
Copyrights@ahmedelbargisy ®

لو كانت - lw kanet

AhmEdd X Ssilva ـ انتي ملاكي (لمسة ايديكي بتحسسني الدنيا جنة).

Artists: Lil JoOo rec&mix&mater By:Lil JoOo beat By:Mnado 
 الكلمـــــات 
 بنبيع كلام متقال كيف الاحوال ديما بتبكي سجارتك ويا القهوة ضلمه اوضه وورقه بتشكي حبها كان كفر فـ انت ازي مرحب بيها ما ربك خدها لاجلك وانت مصمم تبكي عليها وف اخر اليل ياليل بتبوح ومحدش سامع وجعك ويا اصحابك بتهزر ولاجلهم بتحبس دمعك محدش جمبك مين سندك متكسر اسند نفسك ضهر ومتقطم قلب اتحطم علي الي باعت قلبك ..... يا هموم مهموم دمع العيون كسا الجفون واديني لحالي استنا الفرح لكن الحزن طلع ديني حولت امنع كتابات تتقال حزينه ومش بتسر لكني ف كل مرة اندم والواحدة علئم مر نشكلكو بمشاكلكو ومش شايفنها لكن حسنها لو غاوي تكون مكاني خد دموع الشهرة بحلها الحوجه لـ المخلوق بعيد عن الخالق مزله وافتكرو فـ كل مرة ديما اقول العزله احلا 

(كورس 1)

بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي 

اكتفيت مـ الاجواع جفيت صاحب اصيل ما لقيت بقيت علي الي باعو من كترالجروح
 قسيت زود الجرعه ديا بسرعه جوة ابرتك .. اكيد المهدء مش بيتعب بس هيقتلك بنطيب الجروح بصوت منبوح ومحدش سامع لملمو كلمات تتقال ف تراك الحزن منو نابع دخان سجارة عايم دمع دايم عمرو ما يخلص كدبت لما قولت قل دمعك زاد ما بينقص .... كفنو قلوب متكفنه بداء حب البايعين معيرفوش ازي يبعو ويتئصلو بئصول خاينين مدوبنا ياما اتبعنا اتسبنا والي سابنا منا حتي حياتنا بقينا ندرمها ما احنا مش رايدنها غاوين للمغني لاجل كئابه بتتلخص ف غنوه يابايا مش بـ اديا بس هي ديه الدنيا بتمنا اعيش بوش بشوش مشوفش شقيق يبعني بس المكتوب جوة القلوب يعلم عنو الي خلقني 

(كورس3) 

 بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي بسيب عيون الخلق تدمع لما بتسمع وجعي وانا مين كان جمبي كله بعني لوحدي بسند نفسي بكفايه مر وقسا انا يوسف كفا يا جفون دموع عيون علي ناس باعت حبت الاذي

 شكيت والحزن اتقسم علي الحان كئيبه الدمعه لما تبقا عايمه فوق خدودك عيبه يبن الناس كفا التماس اعذار للي يبيعو كل الي بيسمع يدمع لاجلك ويقولك دا نصيبو من امتي بتضحك انت ما انت قولت دنيا وسخه حتي الي فارقت حياتك لما اتوفت قولت ارحه دا كله يبان علي اصلو بمجرد ما ياخد مصلحتو وانت ترجع واحدك تاني وتسئل نفسك ليه طب بعدو لاء ما كل الي فاتنا كل الي باعنا سابلنا ذكرة جويا حياتنا وقت المحنه نفهم احنا محدش فيهم سندنا غيرنا فـ نقسا ننسا نقول مسيرها تحلي بس بتبقا دابت ملمحنا حتي اشكلنا بقيت تنكرنا المعني الدنيا حلوة بس احنا الي بنكئبها لو كان ف خير ف قلبك كان ربك لاجلك غيرها هقولك من امتي البكي بيرجع الي راحو بكفايه اوجاع اقفل تراكك سيب الناس يرتاحو

مهدئ الحياة ليل جو mohd2 el hyah Lil JoOo

Tarek - 7kawena I طارق - حكاوينا

بهتان وعيني مش بتنام وجوه مني  كلام  
حتي روحي اغمقت وقلبي زي متقول وحدان
انا مش مبسوط وكل يوم بموت بسببيك 
قولتي ماليش غيرك فـ ليه سبتيني اتصاب بهجرك
........
مابقاش مابنا خلاف لما البعد عاد وزاد 
ضروري لازم انساكي ولو مابناا حتا بلاد
 غريبه ايامنا الحلوه دلوقت بتبكينا 
كنا ديما سوا فازاي نتمنا مالدنيا تنسينا
..........
مش صدفه الايام تبين مين الي حب اكتر 
بدليل نسيانك , حبك نهش  فيا زي الكانسر 
انسان مكركب مبقيتش بخرج برا  اوضتي
لما بتوحشيني بكلم صورك لأجل يقل حزني
........
يقل او يزيد كل واحد فينا كانلو عيب 
حبيت كل اللي فيكي واختارتي لقلبي التعذيب
عارفه بفتكرك  اضحك واقول يمكن نصيب
وتبدأ المشاكل  لما سهم الحب يصيب
........
........
كان غلط قلبي يروحلك وإنتي مايله لقلب كارهك
انا كسرت كتير لمجرد بس انهم كانو شبهك 
كان قلبي بين أيديكي وانتي اخترتي تضيعيني 
مستني عوضي , ونسيت اللي بيني وبينك
.........
اتضحك عليك لما مشيت حسيت انك قليل 
مش دول مسكت فيهم وفضلت متبت زي العيل 
واجب عليك تستحمل الغلط غلطك مالأول 
محدش قال حبها وتشوفها مابين الناس الأجمل
........
.........
بس تمام محدش فينا مات زعلان 
انا كنت في ضهريك ديما لما ضهري اتملا اوهام
مكنتش عارف بفرح ليه لما تقولي بتحبيني 
نسياني صعب .. مش هرجع مهما هتحنيلي 
..........
بينك وبيني انا عارف الي فيها بس بخبي 
كل الي مني أذوني فعادي يعني اعيش لوحدي 
وانتي كنتي جنبي لأجل حبي ليكي مش اكتر 
حالتي كل يوم بتسوء وتحت عيني سواد متكسر
........
يا خبتك حظك مال واتهان من شيلتك 
دول كان اصحاب وحبايب بس غابو وقت الشده 
حبيت وماتحبتش وانتي مشيتي وسبتي زكره 
وانا عقلي حاضن صورتيك لسا مش عاوز يسبها 
........
ماتسبنيش وتمشي وتجيبي العيب عليا 
مستغرب ليه مشيتي انا كنت شايليك جوا عنيا 
تقريبا كل حاجه باهته والزعل هدني 
حبيت كل الخلق ليه محدش يوم حبني 
........
كان غلط قلبي يروحلك وإنتي مايله لقلب كارهك
انا كسرت كتير لمجرد بس انهم كانو شبهك 
كان قلبي بين أيديكي وانتي اخترتي تضيعيني 
مستني عوضي , ونسيت اللي بيني وبينك
.........
اتضحك عليك لما مشيت حسيت انك قليل 
مش دول مسكت فيهم وفضلت متبت زي العيل 
واجب عليك تستحمل الغلط غلطك مالأول 
محدش قال حبها وتشوفها مابين الناس الأجمل
........

TAREQ NOUR | BAHTAN | طارق نور | بهتان

Ahmed Kamel - أحمد كامل

Ahmed Kamel - 2ooly -  أحمد كامل - قولى

رابر جامد من 2014

https://www.facebook.com/Ahmedelbargisy

مش آخر مشهد - Ahmed Elbargisy

Ahmed Elbargisy (bergo)

Recent comments

ANDEL

Dody Dodo

احمد ابو ممدح

Shä Bänä

Related tracks