‎⁨عفاريت السيالة موسيقى داخلية ⁩

موسيقي مقدمة فيلم صراع في الميناء " فؤاد الظاهري "

موسيقي داخلية ٫ فيلم صراع في الميناء " فؤاد الظاهري "

هواكي يحلالي وحلالي ما يحلي لوش 
غيرشي نصيبي وأقداري 
سامحيني يا فؤادي
 القدر خلاني حوش مهجور
 ومصفرة أزهاري
اغفريلي يا هيامي مكتوب علي السهاد
 وان نامت جفوني 
متنامشي أفكاري وانشبكت بالخيال
 ويا سواد رمشيكي 
خلوني سهران البال حسان بابن شداد
 لما سهر والصحراء ما تساعشي سؤاله 
سكران
 والسكران في عرف العشق من العباد 
عباد الهوي ينتكسوا لو صبحوا في يوم زهاد
زهاد يا عبل القوم
 ما مكتوب عليهم سوي اللوم 
واللوم محرم 
علي العاشق المفتري طمعان 
يا بني عبس قولوا لعبل
 العاشجان فيكي مكلوم 
جوي الفؤاد جمرته في الحشي
 قايدة منها الروح
يا بني عبس قولوا لعبل تحن عليا 
وتنصف المظلوم 
لو داريت الشعر من لساني
 فالعشق في عيوني يا ابنة مالِك مفضوح

٢٩ مارس ٢٠٢٤

عشقت الروح يا عبد الوهاب

نحن في عصر يُحرق فيه الفؤاد ولم يُرى له رماد ، الروح في توق لأغاني الماضي لإستعارة هويتها ولو لثوانٍ ، الأن قلمي يكتب حديثي هذا والآن أذني تسمع حليم يُشاطرني نفس الشعور وهو يُغني " شوف بقينا فين شوف .. شوف بقينا فين يا قلبي .. وهي راحت فين .. " الصداع يعصف برأسي ، الغضب يحوم في صدري ، الحلق مُلتهب والصوت مُنتحب ، والعين في شرود وحيرة لا تقوي علي البُكاء ولا تقوي علي الإبتسام أيضاً ، ثمة تساؤلات لا أجوبة لها .. كيف مرت الأيام ولم تعُد ، كيف تلاشت أحلامنا التي كانت كالجبال في علوها وأصبحت كالركام المبثوث ، كيف لم نعد سوياً .. كيف .. كيف .. كيف ؟ " في سكة زمان راجعين .. في نفس المكان ضايعين .. في نفس المكان " كيف ننجو من تساؤلات الناس المصحوبة بفضول يُقاسمه خبث وشماتة ، ملعونة هي المقارنات ، صدمات يجهلها الدمع ويُدركها الصمت والوجوم والامبالاة والعجز والتواضع ومن ثم مُناجاة مع الإله بالشكوي عن النجوي  ! " لو أني أعرف خاتمتي ما كُنت بدأت " 

الجمعة ، ١٧ مايو ٢٠٢٤

أنا وحليم والأيام

كتبتها بتاريخ ٨ ديسمبر ٢٠٢٠ : 

الليل الأسمراني غازلني و توهني

في ضلامه وصحبني في مداره

والليل له قمر ساطع بيضوي

سايره في فلكه وملكوته أسراره

والشجر ساكن والريح مجاشي

والنيل بطوله تملي نجاشي

ومن بر تاني لبر تاني

صورة منارات المداين

عايمة في ضي عنيا

ولا تطيبش الجروح اللي فيا

من غير مشم روايح وياسمين الجناين

ومهما اشكي لليل

القاه لشكوتي صاين

ومهما كان حكيي طويل

الليل ما في عرفه

مديون ولا داين

الليل ندهني وقالي كمل

قلتله صبرك عالمهل طول

قالي احكي

قولتله ودنك

قالي احكييي

قولتله

طب وحد ربك

الأول

أصل الحكاية ياليل

بدها بال طويل

وارجوك بلاش نواح

الحكاية توهه

ما بين التاء المفتوحة

والتاء المربوطة

واسمع باقي الجراح

الحكاية توهة

ما بين

اصطدام القطرين

وثقب في قعر الفلوكة

ايه تاني منا راح

ياعرب بعد مقتل

علي والحسين

وايه يا سنة وشيعه

اللي خلاكم ملتين

الحكايه ورد قليل

في طريق

فه الف شوكة

والبعد وهجر الخلان

قطعوا الخير من الوديان

والبعد قهرته في شوقة

وسينا راحت والجولان

والقدس منهوب

تحت رايات

الكلاب المسعورة

والظلم غلاب

والصورة

فوقيها التراب

والدم مش دم الذئاب

يا يعقوب

و يا أرض الجليل

فيكي الأن كام مسيح مصلوب

ويا مستعمر بعت كام مرسال

في جواب حامله مندوب

ويا إبراهيم الخليل

النار انطفت بمعجزة

سمعت ولا لسه يا ليل

وياريت لو عندك أجوبة

قولها قبل ما يجي الفيضان

والسيل يغرقنا كمان وكمان

قالي الليل وهو بكيان

للظلم حق طول مالعدل عريان

ميقولش للظلم لأ ليه

وهو الظلم بسم تعبان

قالي الليل وهو جريح

ضربوا في الحديد

لحد ما بدا يسيح

والباقي  أكله الصدي

والمتبقي من الباقي

خطفته الريح

الليل نهي كلامه

وورد الجناين

بان من الخفا دبلانه

والنيل شح

جفاف وأنين

و منين يشرب

فوم الجنين

وفي شقشقة الصباح

الليل وهو ماشي

ودع النيل اللي كان نجاشي

وقاللي بصوت مكلوم

حان ميعاد النوم

انا كمان هنام

وما يجراشي

صبحت لوحدك

والنيل هجرك

يا كليم الليل

والوقت خطفك

وسيفه طعنك

وصبحت من تاني عليل

لا بيسمعك بني أدم

ولا حتي طير ولا حيوان

ولا لك غير الليل خليل

فين ليالي الحماس والثورة والعنفوان

قوم بقي واتحرر يا بني الإنسان

ايه باقي من العمر غير قليل

الخوف غريزة من الولدان

والجبن طغي في نفوس الشجعان

ما يرضاش المشتاق لوفا وعدك

متسقهوش من عهدك ويبات عطشان

مين بيقول حكم مين بيتكلم

أنا الليل بقول حكم في وداعي

ويموت المعلم ولا يزال يتعلم

قبل ما اختفي

بدي ابوح لك بكلمتين

اسمع وانتبهلي

ده يمكن فيهم موعظتين

الحر الطليق في الطريق

متهزموش كام شعلة حريق

والمدد جاي بقشايه

يتشعلق بيها الغريق

لا تيأس طول ما في الغابة

أيه بتقول :

شعلة نور في إيد البرئ

توحد بدفاها ألف فريق وفريق

والحرية فداها

يقاطع الشقيق لشقيق

لو شعر واحد منهم

بان التاني منهم

مش حقيقي

بحق وحقيق

وباقي الخلايق

تفرش السكة بورود الجناين

لبني الإنسان ويصبح بالنعيم رايق

وباقي الشقايق

يحفظوا في وفاه ابوهم النجف والعمدان

وييهنوا أمهم بريحه أبوهم

عليه الرحمة والغفران

طول مالجفن سهران وفايق

ميقومش في الخفا أبدا طوفان وحرايق

الليل نصفني ومشي

ووفا بوعده

لما قالي الحكم

في الأجوبة

علي سؤالي

والليل إن كنت جرحته

يغفرلي مهو عالم بحالي

وبكا معايا

كده وداع بقي ياليل ؟

كده وداع يا ابو بال طويل

لكن قبل الوداع

بقول هيجي الهدي

واسمعي يا بطون الجياع

يوسف لما اغتني

كان من صبره علي البلي

ويعقوب لما اتعمي

كان من فقده للضنا

وفرعون لما فني

كان فناه في رمية عصا

وابرهه لما طغي

اتحدف بالحجاره من الفضا

ويوم ما بان في مكة العلا

كان مولد نور المصطفي الهدي

ورغم إراده شر البشر

يجوب أمر الله والقضا

والنيل يبقي نجاشي

والزهور ترتوي من خيره

وتبتسم الورود للي ماشي

وتحميه بعطرها وهو في سيره

وألف مين معدي

ينقذ يوسف مين بيره

الأمل احتمي في ابن يعقوب

ويا بني الإنسان

اصبر صبر أيوب

واسمع في كل عصر أذان

يجي فيه نبي

ويعدل بحكمه الميزان

سلام بقي يا ليل؟!

سلام يا أبو بال طويل

الليل الأسمراني فجره في فلسطين 🇵🇸

فضفض احكي لنفسك لربك لضميرك لذاتك .. ومتنولش كارهينك سماع أحزانك

فضفضة من الشمخ الجواني

سهرات فجرية مع برشلونة

دردشة عن فلسفة بيب جوارديولا مع برشلونة

من كتاب  "من هو اليهودي " ، عبد الوهاب المسيري

في حب ملامح عايدة الكاشف

مصر كده شاعرها

آااه يا ليل

قصيدة لجدتي " تيتة عزيزة " ❤️

هلاك وقت الفجرية

شعر مين يا بني أدمين 
ما اللي انت قابضهم بالشمال 
بتسلمهم باليمين

شعر في ليل الشجن

الحب القاتل وعجب الدنيا وأم كلثوم بالقوي الشديد

شعر ليل ويا المهمشين

شعر ويا السفارة في العمارة

موسيقي فيلم باب الحديد - الموسيقار فؤاد الظاهري

نسمع ونطير في الهوا نتكلم مزيكا 
♥️

Ahmed mohsen

Popular tracks