كلمات:احمد الشاذلي
https://www.facebook.com/ahmed.elshazly.7568

غناء:حسام غريب
https://www.facebook.com/SEMSEM200915

مصر ولادة . كلمات احمد الشاذلي

كلمات وألحان وغناء 
احمد الشاذلي
https://www.facebook.com/ahmed.elshazly.7568


Ma3zoreen معذورين

كلمات:احمد محمود الشاذلي
https://www.facebook.com/ahmed.elshazly.7568


غناء حورية حسن

ألحان:عباس البليدي

حوريه حسن  أنا وحبيبي

من عنيا الشوق يدلك

كلمات :احمد محمود الشاذلي
https://www.facebook.com/ahmed.elshazly.7568

غناء:حورية حسن

من عنيه حورية حسن


كلمات احمد الشاذلي 
غناء محمد عبد المطلب


حلمك يا جميل

كل عام و انتم بخير
بمناسبة شهر رمضان الكريم
اقدم لكم 30 حلقة كل يوم حلقة
تحت عنوان
الاية الكريمة ( وقل اعملوا فسيري الله عملكم )
و الحديث الشريف (ان الله يحب اذا عمل احدكم عملا ان يتقنه )

وكل عام وانتم بخير

( الحلقة الأولى)
ــــــــــــــــــــــــــــــــــــ
قد ما نِخْلِصْ فى العَمَلْ نِرْضِى المَوْلَى عَزَّ وَجَلْ
والمَوْلَى يحب اللى أسلم ... عن عقيده وصَفْو نيَّهْ

جوْهَر الدين التَسَامُحْ ... والمعامْله الإنسانِيَّهْ

مشْ مظاهِرْ بِدْعَه خادْعَهْ ... حِقْد أسْوَد 0 طَائفيَّه
تِقْتِلْ المُسلم تِكَبَّرْ ... للِّى قاتِلْ والضَحِيَّهْ

يَسْقُط الإرهابْ وتسقُط ... الخِلافَه التكفيريَّهْ
ــــــــــــــــــــــــــــــــــــــــــــــ
احمد محمود الشاذلي
عضو جمعية المؤلفين و الملحنين
تليفون : 01129865882
تآليف و إلقآء احمد محمود الشاذلي 

(و قل اعملوا فسيري الله عملكم ).mp3

( وقل اعملوا فسيري الله عملكم ) 
ــــــــــــــــــــــــــــــــــــــــــــــــــــ
الحلقة السادسة
ـــــــــــــــــــــــــــــــــــــــــــــــــــــــ
قد ما نِخْلِصْ فى العَمَلْ ... نِرْضِى المَوْلَى عزَّ وَجَلْ
والمَوْلَى يحِــب الوزير ... اللي قــد المســئوليَّة 
واللي عنده كمان ضمير ... وبِأجِنْدَه تقدُّميَّه
خَدْ حقيبته في الوزارة ... عن كفاءة و عن جَدارة
دوغري ما يعرف مُجَاملة ... جُندي مُخلصْ لَيْسَ إلاَّ
عينه دايما ع الفقير ... هُوَّ دا بجد الوزير 
ـــــــــــــــــــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

(قل اعملوا فسيري الله عملكم ...) الحلقة السادسة

( وقل اعملوا فسيري الله عملكم )
الحلقة الثامنة 
ــــــــــــــــــــــــــــــــــــــ
قد ما نِخْلِصْ فى العَمَلْ ... نِرْضِى المَوْلَى عزَّ وَجَلْ
والمَوْلَى يحِــب المدير ... اللي ناجح في إدارتُه 
المُحَنَّكْ و القدير ... رحمته تسبقْ جسارته 
اللي عارف فين طريقه ... كيف يطبَّقْ خُطِّته 
يدِّي للعامل حقوقه ... عن سلوكه و هِمِّتُهْ
و المدير له احلى سُمْعَهْ ... لما يخلصْ في المتابعة 
ــــــــــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

( وقل اعملوا فسيري الله عملكم ) الحلقة الثامنة

( وقل اعملوا فسيري الله عملكم ) 
ــــــــــــــــــــــــــــــــــــــــــــــــــــ
الحلقة الحادية عشر 
ـــــــــــــــــــــــــــــ
قد ما نِخْلِصْ فى العَمَلْ ... نِرْضِى المَوْلَى عزَّ وَجَل
والمَوْلَى يحِــب اللي طالب ... علم يسعِدْ بيه حياتُه 
اللّي ينجح باجتهاده ... لاجل نور العلم ذاتُه
واللّي يستاهل نجاحه ... حصَّلهُ بَعَرقُه و كفاحُه
لكن الناجح بغشُّهْ ... بالموبايل أو بغيرُه 
قوللّي فين ح يودِّي وِشُّهْ ... يوم أمام ربَّه و ضميره

ـــــــــــــــــــــــــــــــــــــــــــــــــــــــــــــ
الحلقة الثانية عشر 
ـــــــــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب الفكهانى ... اللي ما يغشَّشْ زُبُونُهْ
واللى في الأسعار مهاودْ ... و الميزان وَفَّاه . يصونُه
كل صنف وسعره واضح ... جَدْ ما يعرف مساومه 
لو يزكيّ او يسامح ... الفقير يدعى له لَمّا 
يكرمه . يكفيه . سؤاله ... ربّنا يبارك في ماله 
ـــــــــــــــــــــــــــــــــــــــــــــــــــــــــــ
الحلقة الثالثة عشر 
ــــــــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب اللي يعمل ... حاجه يتقنها . يعاينْ
أوسطي لو ميكانيكى ماهر ... سمعته تجيب له الزبائنْ
أما لو طنّشْ و طَلْصَقْ ... سيارة . توكتوك . موتوسيكل 
يبقي بيطفّيشْ زُبونه ... و الورشه ح تهِّوي بشكلْ
إِدّي الصَنْعَهْ حقّها تكسبْ ... و المولي يبارك في المكسَبْ
ــــــــــــــــــــــــــــــــــــــــــــــــــــــــــــــــــــــ
الحلقة الرابعة عشر 
ـــــــــــــــــــــــــــــــــ
 قد ما نخلص في العمل ... نرضي المولى عزوجل 
و المولى يحب السوّاق ... يحمد ربّه بقرش حلالْ
دا السواقة يا ناس أخلاق ... فنْ و ذوق مع طولة بَالْ
دا أنت معاك أرواح خُدْ بالك ... و احذر من أخطاء الغير 
سوق على مهلك توصلْ بدري ... دا السُّرعه ضحاياها كتير 
ولا تطلبْشي الأجره زيادة ... راح تكسب دعوات بزيادة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
الحلقة الخامسة عشر 
ـــــــــــــــــــــــــــــــــــــــــــ
 قد ما نخلص في العمل ... نرضي المولى عزوجل 
و المولى يحب الفنان ... لمّا يكون مطرب موهوب 
مش ينْعَب زي الغربان ... شؤم و صوته نشاز و عيوب 
ليل و نهار تلويث في وْدَانَّا ... و بيفسد ذوقنا و وِجدانَّا 
في التاكسي و مينى باص يقرفنا ... و نقول والله عشنا و شوفنا 
لا كلمات . لأ . ولا ألحان ... الله يرحم فن زمان 
ـــــــــــــــــــــــــــــــــــــــــــــــــــــــــــــــــــــــــــ


ــــــــــــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

14( وقل اعملوا فسيري الله عملكم )

13( وقل اعملوا فسيري الله عملكم )

12( وقل اعملوا فسيري الله عملكم )

11( وقل اعملوا فسيري الله عملكم )

( وقل اعملوا فسيري الله عملكم ...)
ـــــــــــــــــــــــــــــــــــــــــــــــــــــــــــــ

الحلقة السادسة عشر 
ــــــــــــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب اللى عنده ... روح رياضيه و فاهم كورة 
مش مُتهور ولا مُتعصّب ... ع القهوة أو في المقصورة 
شجّع النادي اللي تحبه ... و ادّي حق النادي التانى 
أصل اللعبة الحلوه تفرّح ... ونسجل اجوال في ثوانى 
و الكورة أخلاق و مهارة ... ودروسها مكسب و خسارة 
ـــــــــــــــــــــــــــــــــــــــــــــــــــــــــــــــــــــــــــــــــــــ
الحلقة السابعة عشر 
ـــــــــــــــــــــــــــــ
قد ما نخلص في العمل ... نرضي المولى عزوجل
و المولى يحب اللى يفهم ... دينه و الدين المعاملة 
(البقال) يعدل ميزانه ... للزبون من اي مِلَّة 
لا  يخزَّن سلعة  ولا ينكر ... ولا يحلف ويساوم اكتر 
دا القرش الحلال بيعمَّر ... و المولى يبارك فيه 
والقرش الحرام بيدمَّر ... ويقُش اللي كان حواليه 
ــــــــــــــــــــــــــــــــــــــــــــــــــــــــــــــــــــــــــــ
الحلقة الثامنة عشر 
ــــــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب الإمام ... مسجده ينوّر بعلمه
قُدوة ما يخاف المَلام ... وانتصار الحق هَمُّه
حافظ القرآن و دارسُه ... استيعاب . تجويد و معنى 
أشرقت بالنور مجالسه ... نستمع له أو سامعنا 
هوّه دا بجد الإمام ... إللى لُهْ كل احترام 
ــــــــــــــــــــــــــــــــــــــــــــــــــــــــــــــــــــــــــــــ
الحلقة التاسعة عشر 
ــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب اللى يخبز ... يحترم ميزان رغيفُه
أما لو يسرق في وزنه ... والدقيق . ربك يشوفه 
واللى يخلط في دقيقه ... الحرام ح يكون طريقه 
مهما يكسب مهما يعمل ... يمهله لكن لا يُهمل 
مش عايزين رغيف مسلوق ... لا يكون نيّْ ولا محروق
ــــــــــــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882


18 . 19( وقل اعملوا فسيري الله عملكم ...)

16 . 17( وقل اعملوا فسيري الله عملكم ...)


( وقل اعملوا فسيري الله عملكم ...)
ـــــــــــــــــــــــــــــــــــــــــــــــــــــــــــــ
الحلقة العشرين 
ــــــــــــــــــــــ
قد ما نخلص في العمل ... نرضي المولى عزوجل 
و المولى يحب السمّاك ... اللي يبيع السمك الطازه
واللي يراعى المولى في سعره ... عمر ضميره ما كان في اجازه
اما اللى بيوزن قدامك ... يدّيك ضهره ويعمل حَرَكه 
لو مش شايفه . ربك شايفه ... ينزع من رسماله البركه 
صحّي ضميرك إعرق و اكسب ... تلقي المولى يزيد في المكسب 
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

20( وقل اعملوا فسيري الله عملكم ...)

( وقل اعملوا فسيري الله عملكم ...)
ـــــــــــــــــــــــــــــــــــــــــــــــــــــــــــــ
الحلقة الحادية و العشرين
ــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب اللي يحكم ... بينا يحكم حكم عدلْ
لا يٌحابي ولا حتى يجامل ... صاحبه ولاّ أعز الأهل
والطريق أشواك و أخره ... يا السلامه . يا الندامة 
و الشيطان غدّار لعوب ... و الكفن من غير جيوب
ـــــــــــــــــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

21( وقل اعملوا فسيري الله عملكم ...)

( وقل اعملوا فسيري الله عملكم ...)
ـــــــــــــــــــــــــــــــــــــــــــــــــــــــــــــ
الحلقة الثانية و العشرين
ــــــــــــــــــــــــــــــــــــ
قد ما نخلص في العمل ... نرضي المولى عزوجل 
و المولى يحب اللى يكتب ... في الصحافه يكون نزيه 
يعنى مش مأجور و قابض ... أو يكون مضحوك عليه 
يعنى يسمع صوت ضميره ... دا الكتابة مسئولية
نقد بنَّاء . مش مآرب ... أو نفاق أو عشوائية 
و اللي بيشجع تظاهُر ... يبقي إخوانجى الهويَّة 
ـــــــــــــــــــــــــــــــــــــــــــــــــــــــــــ
احمد محمود الشاذلي 
عضو جمعية المؤلفين و الملحنين 
تليفون : 01129865882

22( وقل اعملوا فسيري الله عملكم ...)

اجمل عيون
ـــــــــــــــــــــــــــــــ 
يا عيون بتصحى الاشواق ورموش بتسهّر عشاق
لو شافها القاسى يدوب او شافها العاصى يتوب 
ويقول سبحان الخلاق 
ياعيون بريئة يا بحور غريقه مالهمش آخر 
لما تلاغينى بتقيد حنينى ويارتنى شاعر 
انا كنت اقول دواوين فى عيونك الحلوين 
اسرح فى دنيتها واوصف فى جنتها
لو شافها القاسى يدوب او شافها العاصى يتوب 
ويقول سبحان الخلاق
يا غصن نادى يخطر ينادى عشاق جماله 
لفّيت جناين ومشيت مداين ما لقيت مثالك 
والفل والياسمين حيروحوا جنبك فين
ياللى جمال عودك لايق على ورودك
لو شافها القاسى يدوب او شافها العاصى يتوب 
ويقول سبحان الخلاق
الشمس ديّه المستحيّه خجلانه ليه 
والبدر لمّا شافك وسمّى كان يقصد ايه 
مين شوقه كان سهران وسط النجوم حيران 
يحكى الهوى قصّه ويقول على البصّه
لو شافها القاسى يدوب او شافها العاصى يتوب 
ويقول سبحان الخلاق  
ـــــــــــــــــــــــــــــــــــــــــ
كلمات : احمد محمود الشاذلي 
Ahmed Elshazly
غناء : محمد قنديل 
تلحين : محمد غنيم

Nghmaty.com

(محمد بيحب عيسى )
ــــــــــــــــــــــــــــــــــــــــــ
المَسجِدْ قَالْ للكِنِيسَهْ...مُحَمَّدْ بِيْحِبْ عيسَى
وِحَنِفْضَلْ كِدَا مَصْرِيِّينْ...مُسْلِمِينْ وِمَسِيحِيِّينْ
إِيدْ وَاحْدَهْ إِلَى يُومِ الدِّينْ...ضِدْ الأَجِنْدَهْ الخَبِيثَهْ
ــــــــــــــــــــــــــــ
فِيهْ مُوَاطِنَهْ وفِيهْ مُوَاطِنْ...فِيهْ وَطَنْ فِى قُلُوبْنَا سَاكِنْ
بِنْحِبِّ السَّلامْ وِلَكِنْ...خَطْوِتْنَا سَابْقَهْ وْمَدْرُوسَهْ
وِحَنِفْضَلْ كِدَا مَصْرِيِّينْ...مُسْلِمِينْ وِمَسَيحِيِّينْ
إِيدْ وَاحْدَهْ إِلَى يُومِ الدِّينْ...ضِدْ الأَجِنْدَهْ الخَبِيثَه
وِحَنِفْضَلْ كِدَا مَصْرِيِّينْ...مُسْلِمِينْ وِمِسِيحِيِّينْ
إِيدْ وَاحْدَهْ إِلَى يُومِ الدِّينْ...ضِدْ الأَجِنْدَهْ الخَبِيثَهْ
ــــــــــــــــــــــــــــــــــــــــــــــــ
فِيهْ بينَّا حُبِّ وْإِخْلاصْ...مِنْ أَيَّامْ عَمْروبْنِ العَاصْ
إِسْتَوْعِبْنَا الدَرْس خَلاصْ...جِدًّا وِالخِرْفَانْ مَفْرُوسَهْ
وِحَنِفْضَلْ كِدَا مَصْرِيِّينْ...مُسْلِمِينْ وِمِسِيحِيِّينْ
إِيدْ وَاحْدَهْ إِلَى يُومِ الدِّينْ...ضِدْ الأَجِنْدَهْ الخَبِيثَهْ
ــــــــــــــــــــــــــــــــــــــــــــــــ
وِهِلالْ وَيَّا صَلِيبْ أَبْطَالْ...وِاُسُودْ مَا بْتِعْرَفْشِ مُحَالْ
لَوْ تِسْأَلْ جَبَلَكْ يَا حَلاَلْ...حَ يْقُولْ يِسْتَاهْلُوا مِيتْ بُوسَهْ
وِحَنِفْضَلْ كِدَا مَصْرِيِّينْ...مُسْلِمِينْ وِمِسِيحِيِّينْ
إِيدْ وَاحْدَهْ إِلَى يُومِ الدِّينْ...ضِدْ الأَجِنْدَهْ الخَبِيثَهْ
ـــــــــــــــــــــــــــــــــــــــــــــــ
احمد محمود الشاذلى

محمد بيحب عيسي ١

الشيخ جمعة
خطب الجمعة
وسمعناه في الخطبة يقول
لما نصوم ونصوم جوارحنا
صومنا بإذن الله مقبول
عايزين ويا الله نتصالح
عايزين ويا الجار نتسامح
عايزين صوم وصلاة وعبادة
وزيادة في العمل الصالح
وياريت نفضل كده علي طول
صوم اليد ميئذيش بيها
إنسان أو طير أو حيوان
صوم الرجل ماتمشيش بيها
مشوار في غضب الرحمن
أما العين لو مرة يا صايم
صدفة وطلت علي الحلوين
ليك النظرة الاولي ولازم
تستغفر ربك بعدين
وياريت نفضل كده علي طول
أما لسانك هو حصانك
بده لجام وكمان خيال
أذكر بيه الله يتعطر
وأبعد بيه عن قلنا وقال
أما اللي بيصوم وبيفطر
لا مؤاخذة علي لقمة حرام
أهو ده اللي بيجوع وبيعطش
ولا يمكن ينفعله صيام
عايزين ويا الله نتصالح
عايزين ويا الجار نتسامح
عايزين صوم وصلاة وعبادة
وزيادة في في العمل الصالح
وياريت نفضل كده علي طول
__________________
كلمات : أحمد محمود الشاذلى- مدير عام سابق بالتربية والتعليم
مع تحياتى وشكرا

الصوم المقبول

(مسافة السكَّةْ)
ـــــــــــــــــــــــــــــ
أنا مش قَلْقَانْ ... على مَصر الآنْ 
والدفَّه فْ إيدْ ... أشْجَعْ رُبَّانْ
عارف مشوارنا وأهدافُهْ ... شَايل أحلامنا علي كتافه
بحار مغوار أخلاق صبَّار ... يتحدَّى الصعب بمجدافه
والمصريين ... كدا متفائلين
سجِّلْ يا تاريخ ... واشهد يازمانْ
أنا مش قلقانْ
ــــــــــــــــــــــــــــــــــــــــــــ
أيامنا الحلوه بتتمخطر ... فى الريف والمينا وفى البندر
بعرق مصانعنا ومزارعنا ... مشارعنا ح تكمل و ح تكتر
كلنا ورشة إنتاج ... ولا عاطل ولا محتاج
والخير ح يزيد ألوان ... من (ادكو) الى (أسوان)
وطُرُق وكَبَارى مَسَاكِنْ بُصْ . طَبْ بُصْ وشُوفْ . شوف مصرجديده
شوف المِليُونْ فَدَّان والنُّصْ ... على مَدَد الشوف أجمَلْ تَغْرِيدَهْ
الرمْلَهْ بَقَتْ بُسْتَانْ ... لابسَهْ أجْمَلْ فُسْتانْ
والمصريينْ ... كِدَا مُتَفَائْلِينْ
سجِّلْ يا تَارِيخْ ... واشْهَدْ يا زَمَانْ
أنا مُشْ قَلْقَان
ـــــــــــــــــــــــــــــــــ
بِنْحِبْ سَلامْ البَشَرِيَّهْ ... وشُعُوبْنَا أَبِيَّهْ وْعَرَبِيَّهْ
بِنْطَوَّرْ جِيشْنَا ونِتْطَّوَّرْ ... مَعَ كُلْ بحُوثْ تِكْنُولُوجِيَّهْ
غَوَّاصِةْ ألْمَانْيَا فْ إيدْنَا ... وِرَافَالْنَا يقَرَّبْ يُومْ عِيدْنَا
وجُنُودْنَا خَيْر جُنُودْ الأرْض ... وِنُسُورْ السَّمَا بِالطُّولْ وِالعَرْض
عُرُوبِتْهُمْ حَقْ فْ رَقَبِتْهُمْ ... (وِمَسَافِةْ السِّكَّهْ) عَلِيهُمْ فَرْض
والعِلْم سلاحْهُمْ يَابَا ... سِنْدَانْ وِقَلَمْ وِرَبَابَهْ
والمصريين ... كِدِا مُتَفَائْلِينْ
والفَجْر خَلاصْ ... على وِشْ أّدَانْ
وانا مُشْ قَلْقَانْ
ــــــــــــــــــــــــــــــــــــــــــــــــ
أحمد محمود الشاذلى

Ahmed Elshazly

Popular tracks