إتدلّعي واتبغدَدِي واتفاخري واتباهي

قولي لكل الناس .. ده عشقني والله

لِـمِّي العيال حواليا زِفُّـوني

ظاظوا عليّا وحَدِّفُوني طوب

ما انا اللي سِبْت عنيكي لَفُّوني

وانا اللي استاهل كل يوم مركوب

 

فاتدلعي واتبغددي واتفاخري واتباهي

آدي ضَحِيَّة كمان فِدا رِمشك الساهي

موت الضحايا جَزَايَـا ما انا اللي وَدِّيـتِـك

و لْـحَدْ حَدْ ما وَدِّتُـوش ولا حَدْ وَدِّيـتـك

و قلعت كل سنيني على خَصْرِك

ضَفَّرْت شَعْرِك عشّ جُوَّايا

بايَـعْت حُكمِك وابتديت عصرِك

ووقَفْت ورا عرشِك ومَسَكْت هـوَّاية

 

موت الضحايا جَزَايَـا وكُلَّها ضحايا

مين اللي قال الحب آخره عَمَار

الحب آخره نهاية في رحَاية

القسوة طاحنة والحجر دوَّار

 

فاتدلعي واتبغددي واتفاخري واتباهي

واستنكري من عزتي واستهتري بـجاهي

خَلِّيني مضرب مَثَل من بعد هيبة و وزن

كُبَّي المرار في العسل واملي الفرح بالحزن

 

يعني انتي أولهم ولا انتي اول همّ

ولّا انتي اول سهم إتْسَنْ لي واتسمّ

لو تكشفي ضهري تلقي السهام علامات

وانا زي زرع ف هوا وَطَّى حِيِـي وعَلا مات

 

موت العلالي شرف بس اسمها موتة

مش عدل تبقي ف ترف وانا باطفح الكوتة

ما يا إمَّا نَقْسَمْهُم وَخْزَة قصاد وخزة

يا إمَّا لا مواخذة توتة يا حدوتة

 

وابقِي اكدبي براحتِك واتدلعي براحتِك

طعم الهزيمة جِزَا للي يزور ساحتِك

وانا قلبي يا ما غلب.. مش عيب يبات مغلوب

اهو برضه فِدْتينا وكَفَّـرنا بيكي ذنوب

ولَـحَسْـنا من شَهْدِك وشرِبْـنا من رِيقِك

وسْكِرْنا من كاسِك وكَسَرْنا إبريقِك

وطْعِمْنَا من حُسْنِك وشْبِعنا بِـبَـريقِك

 

ومْشِينا في طَريقِك ورجِعْنا مَـلْـوِ اليَدّ

جَرْحِي قُصَاد جَرْحِك ولا حد ظالم حد

 

ولا انتي فاكرانا رجالة خيبانه

نبكي على النسوان ونْسِحّ في بكانا

كنتي اسألي نانا

اللي اسمها نانا

يا دوب زِعِلْنا يومين واهي دنيا لاهْيَانا

 

ما تكدبيش ع الناس.. الناس دي عارفاني

قلبي خشب لو غطس بِيْقِب من تاني

فماتحرجيش روحِك وتقولي ده عشقني

بدال ما صاحباتك يقولك آدي دقني

 

حِبِّي على قَدِّك واحكي على قدك

وان جت سيرتنا ف يوم ابقي الزَمِي حَدِّك

 

تتدلعي ماشي .. تتبغددي ماشي

وتقولي حبني موت برضه ما يـجراشي

بس انتي من جوا فاهمة ان زمنك مات

وبقيتي زي اميرة قلبها شحات

 

لِفِّي على صحابي .. سِبِّـيني في غيابي

قولي ان عمرك يوم ما وقفتي على بابي

لا كَوِيتي قمصاني و لا جِيتِي زُرتيني

و لا تعرفي مكاني و لا تعرفي تـجيني

 

واني يا دوب واحد دايب ف دباديبك

عامل كما عَيِّل شابط في جلاليبك

وانتي يا عيني أُف زهقانة مني خلاص

عملتي زار بالدُّف وسُقْتِي كل الناس

وانا برضه لازِقلك

معلش حظك كدة ربك ورازِقلِـك

 

روحي يا شاطرة هناك انضمي للالبوم

انا كل عشرتي بيكي 22 يوم

عملتي نفسك حكاية

ومحبة فيَّـاضة ومَخَدَّة بَكِّاية

وسهر وسُهْد وويل وبكا و غنا و مواويل

في 22 ليل

 

على أي حال شكرا وشكرا

ثم شكرا للقصيدة

قَلَّما تأتيني امرأةٌ بأفكارٍ جديدة

هشام الجخ - 24 شارع الحجاز

الــــكــــلــــمــــات

بصى من ورا الستارة على الناس اللى ماشية تحت
بيسجدوا لأصنام شبعوا فيها نحت
تعالى اعلمك إزاى أنا بنحت عمرى ما اركع
أى حاجة حلوة فى عينيك اكرهيها فورا

ها ، مش حاسة بتحسن عن من لحظة
على الأقل مفيش جزيرة هتعوميلها أصلا
طيب ، اثبتى على كدة ، إنتى مكانك هنا
مش هنعمل أى حاجة بلاش نعملهم على نفسنا

متطفيش النور عن مين هندارى اللى بنعمله
مش هنبقى فى المستنقع ونجيب عطر نستنشقه
بصى لمنظرنا ، هربانين من ضلمة لضلمة
إنتى وأنا عارفين كويس إن جهنم فى إنتظارنا

مبحطش أكليل ، فوق مساكن ميتين
يوم حسابنا مش هتدارى هتستخبوا يا كدابين
مريض بأحدث مرض نفسى هيكتشفوه ع الكوكب
مش هتلاقى أحسن منى ولا هتلاقى أسوأ


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بيننا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى


ابعد عنها شوية متمسكش فيها بضفرك
اللى أنت بتتنفسه دة ثانى أكسيد كربونها
بطل تتدقق فيها وأنت صاحى وقت نومها
مش هتحس إنك سهرت حارس غطاها الليلة بطولها

هى عارفة إنك مريض ، هى حابة إنك مريض
هى فاهمه معنى النظرة ، بس كارهة إنك صريح
قدف أنت وهى لحد وصولها بالسلامة
وامشى من حياتها لكن سيبلها أنقاض كلامك

تعالى اعلمك إزاى أنا بجرى عمرى ما انهج - منهج
شايفة أبعد نجمة أقرب حد منى أبعد
وبزيد البعد ، تزيد القوة ، يضيق النفس ، أحس بذعر
يطول نفسى ، ومهما جعت ، ازيح عن طرقى كل طعم

ارمى فوق العرش التاج ، غيرى برضة مش ملاك
أنا مرض بقول أنا مرض هو مرض هيقول أنا علاج
بحطم الأصنام اللى انتى عايشة بتعبديهم
عشان تتوبى مش تعمليلى واحد وتسجديله


مستنى إننا هنقرب رغم كوننا بنبعد أوى
مستنى تقاطع تانى لخط مايل مع مستوى
أقصر طريق ما بينا أقصر جزء فيه ملتوى
أقوى شيئ ربط ما بيننا كان فى حياتنا شيئ ثانوى

___________________________________________

El-7ob Fe 3onok Zogaga

Written by: El Joker
Music: Free Beat
Vocals: El Joker
Master and mix by: El Joker
© 2014 El Joker

الحب فى عنق زجاجة

ملكش دعوه بحالى

Sandy - Love \ ساندي - حب

vers1
بنسى  ومهما  بنسى مش هعرف أتوب
وقت ماتختفى الحياه وتكتر فيها الذنوب 
فاعرف-أن الدنيا حلم والاخره كابوس 
وأنا طفيت نار الحريه وبقيت محبوس 
فيزيد اسرارى-انى اتغير فا ازى اتغير
وانا بطيع شيطانى وانا مسير مش مخير 
وفى كل يوم بيزيد ايمانى بشيطانى 
ماهووو عمانى خلانى انفى الاخره من وجدانى 
وارجع من تانى اعيد اسواء مشاهد حياتى 
ما انا البطل والمخرج  فى مسرح زكرياتى 
والدنيا بتمشى –يوم حلو –..........و يوم مر
واسواء ايام حياتى مش بتمر 
فبقيت عايش فى كابوس محبوس منه ممسوس
مهوس بفكر شيطان غير مرئى ولا ملموس
فابدورحولى- لقتنى  من غير شريك 
فاغفرلى يارب اانا باتوب اليك 
_________________________________
vers 2

طريق جوه طريق ده معنى للمتاها 
فاهخرج الانسان اللى جوايا بعيد عن التفاها 
فاهكون طير حر بعيد عن قضبان السجان 
انا قلبى طير وعشتى مع البشر خلتنى انسان 
بشخصك جبان خوفك من الظلم تقول لا
ماالحياه هتبعد وانت عايش فى داء جوه داء 
كانك فى اتوبيس وكله ذاء مفيش راحه 
وانك تعيش فى جنه زاى ماهتعيش فى واحه 
ماخوفك من الضلمه عمرووو ميوديك للنور
ما اخر الضلمه نقطه بيضة لجنه واقصور
خوفك مكسور علشان قلبك عمروو مكان منصور 
اسف علشان دموع قلمى جفت بين السطور 
حقك مهضور وانت طير وسط النصور
مالو الغراب فقر غير الايه واعتبره عصفور
ما الكاتب لو مرعاش الحبكه من البداية 
عمرو ميوصل لقفلة.النهايه  

rec by /  mohamed bahaa
mix & mastering / Nour Youssef @nour_joo
https://www.facebook.com/Nour.jooo
beats @hanto_beatz
Nour Youssef Home studio 2016

ملكش دعوه بحالى

Ahmed Esko

Related tracks