انا ذاهبا نحو الربيع

الليل ملاح
تايه سواح
لا يبوصل شط
ولا بيرتاح

الليل مشحون أسرار وشجون
وألم ونغم
وكاسات ونايات ودموع وآهات
وعبر وحكم
***
ومشيت في الليل
خجلان مكسوف
إكمن الليل عريان مكشوف
أفراح الناس
وجراح الناس
على صدر الليل عناقيد وصفوف
وعيون الليل والظلمة جبال
فاردين على وش السما غربال
ألماظ مبدور
في كاسات بنور
يفرش للنور ع الأرض خيال
***
ويشق سكون الكون
أرغول
ونغم فنان ثاير مخبول
وعليل على فرشه بيتقلب
ويحايل جرحه المداري
ويقول
يا طبيب قلبك طيب
إسمعني
ح أقولك أسراري
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
أنا دقت الجرح وخدت عليه
يسقيني المر
وبرضه اسقيه
من بحر الصبر اللي ف قلبي
ح تقوللي بتشكي امال من إيه؟
ولا من أوجاع
ولا شوق لمتاع
ده انا عمري إن ضاع
مش ابكي عليه
أبدا يا طبيب
يا طبيب ده انا جرحي ملوعني
وساقيني الحنضل من كاسي
والنار في ضلوعي بتلسعني
وأنا لسه صغار
والعيا قاسي
ولا عمر الليل مرة سمعني
عليت الآه على أنفاسي
أبدا يا طبيب

لكن يا طبيب أنا بابكي صحيح
وباقول الآه
زي المجاريح
ودموعي في عيني بتتألم
وبتتكلم
على قلب جريح
مسكين
كان أمله يحب سنين
ويلم الحب ف عشه اتنين
واتهنى معاه
وإن قال الآه
أنا اقول له يا روح القلب
آهين
بس أنا لا بيدي
ولا بودي
دا قدر مقسوم
قدر لحبيبي يعيش بعدي
في الهوى محروم
أهودا اللي وجعني
وخلاني
حطيت الشكوى على لساني
إنما وحياة اللي قاسيته
وحياة الأمل اللي بنيته
وحياة القلب اللي جرحته
ولا فرحت معاه
ولا هنيته
لوشلت الشكوى على لساني
ورميتها قريب
ما تكونش جراحي مألماني
أبدا يا طبيب
***
وينام الصوت
والكون حواليه
ساكن نعسان
وكأنه مات
رمي تقله عليه
سكت العيان
***
الكاس له ناس
والليل مجالات
والحان مليان والناس مزاجات
ومجال الكاس
أشكال أجناس
مليان حواديت
مليان روايات
***
ونزور في الليل دنيا الخمار
ونلاقي الكاس
ع الناس دوّار
ويموت الليل على باب الحال
حيخش ازاي والدنيا نهار
ونفوس وقلوب كده ع المكشوف
عريانه تمام
وتعالي نشوف
***
شوف دا اللي هناك
قدامه كاسين
مع إنه لوحده
ما هوش اتنين
والناس بيبصوا
ومش فاهمين الكاس دا لمين
والكاس دا لمين
أهودا اللي بنظرة عين
شبكوه
وفاتوله الكاس مليان
وفاتوه
وحكايته طويلة
وهمه تقيل
وح اقول لك إيه وأعيد لك إيه
رايح يملا عيونه بحلم جميل
بياع السهد ملا له عينه
***
وترن ف جوالحان
ألحان
نشوانه تخلي المولد هس
وغزاله بتتغزل ف حصان
بتقول له
احبك أنت وبس
ويفز هنا سيدنا المنظور
ويطب الكاس ف إديه
مكسور
ويقول غشاشه
حتلعب بيك
ويرد التاني عليه بفتور:
طب وانت مزعل نفسك ليه
حشري وسخيف
وح قولك إيه
ومانولي يقول
” موش أندك خق”
والسامر يضحك لما يطق
ويحط الحشري عنيه
في الأرض
وكأنه لحن في الدين
والفرض
ويقوم
يطوح مرة يمين
ويميل زي البخت شمال
وف جوف الليل
يغرق مسكين
لا يغير حال
ولا يشغل بال
***
الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند  وسيكا  ورست وصبا
وحجاز وبيات
يا  خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

قصيدة الليل - أحمد فؤاد نجم

كلمات : حمدي زيدان
الحان : هاني الدقاق
توزيع : مسار اجباري


مسار إجباري | الليل

والله تستاهل يا قلبي

ناس وناس | Nas w Nas

انت شيوعي؟! - الشيخ امام و احمد فؤاد نجم

هو التراك ده طويل ؟ ولا التراك طوّل!

احمد الطحان لـ زينب + موسيقي

https://www.facebook.com/HawasBand

** Scroll down for English

زَيِّ الشِتَا
الميني ألبوم الثاني لهوس بمشاركة شيرين عبده.

"عيناكِ"
كلمات : نزار قباني (من قصيدة : آخر عصفور يخرج من غرناطه) 
موسيقى : مروان فوزي، ومحمود خطيب @mahmoud_khateeb 
أداء صوتي : محمود خطيب، وشيرين عبده 
بيانو: مروان فوزي
ميلوديكا : أحمد قمر

"زي الشتا"
كلمات: نور الدين جمال 
موسيقى: هشام أنس 
أداء صوتي : محمود ماهر الخطيب
بيانو: مروان فوزي 
سوبرانو ريكورد: هشام أنس  

"أيام العمر" 
ترنيمة ويكسفورد تراث موسيقي و شعري أيرلندي.
الكلمات العربية : مروان فوزي 
أداء صوتي : محمود خطيب، وشيرين عبده @mahmoud_khateeb
بيانو، فيولينة ، أكورديون دياتوني: مروان فوزي
ميلوديكا: أحمد قمر 

"نصوص موسيقية"
يوهان سباستيان باخ : الكونشيرتو الإيطالي ، الحركة الثانية  
هاربسيكورد : مروان فوزي  

نص المحادثة التليفونية : نور الدين جمال
تصميم صوتي : أحمد قمر ، مروان فوزي
هندسة صوتية : أحمد قمر

هوية بصرية: فادي جلال 

هَوَسْ ©  \ ديسمبر 2015

----------------------------------------------------

Just Like Winter / zaï-yesheta
Hawas second Mini-Album Ft. Shereen Abdo 

"Aïnaky, your eyes"
Lyrics : Nezar Quappany - excerpted from: last bird flies out of Granada
Music : Marwan Fawzi , @mahmoud_khateeb
@mahmoud_khateeb, Shereen Abdo: vocals
Marwan Fawzi: piano \ Ahmad Kamar: melodica   

" zaï-yesheta, Just Like Winter"
Lyrics: Noore-deen Gamaal 
Music: Hisham Anas 
@mahmoud_khateeb : vocals 
Marwan Fawzi: piano \ Hisham Anas: discantus record   

"Ayaamel-omr, Days of  Life"
Wexford Carol : Irish traditional music
Arabic Lyrics: Marwan Fawzi
@mahmoud_khateeb , Shereen Abdo: vocals
Marwan Fawzi: piano, violin, button accordion
 Ahmad Kamar: melodica   

"Additional Music "
J. S. Bach: Italian Concerto, mvt. II -andante
Harpsichord: Marwan Fawzi

Phone-call conversation written by: Noore-deen Gamal 
Sound design: Ahmad Kamar, Marwan Fawzi
Sound engineering: Ahmad Kamar

Visual Identity: Fady Galal 

HAWAS© \ December 2015

zaï-yesheta | Full mini-Album | زي الشتا

مشروع توازن | مانيكان
كلمات: محمد مغاورى
تلحين: مصطفى صلاح
جيتار-كاخون-باص جيتار :زيزو
عود: مصطفى صلاح
Mixing and mastering: zizo
(home studio production)

Tawazon Project( Manican     |مشروع توازن(مانـيكان

كلما أحاول أن أكون سعيدا يأتى صوت ولا اعلم من أين .. صوت يقول "لن ينتهى البؤس أبدا" ...

twitter.com/vodkkaa

لن ينتهى البؤس أبدا

والله وشبت يا عبد الرُّحمان ..

عجّزت يا واد ؟

مُسْرَعْ؟

ميتى وكيف؟

عاد اللي يعجّز في بلاده

غير اللي يعجز ضيف !!

هلكوك النسوان؟

شفتك مرة في التلفزيون

ومرة .. وروني صورتك في الجورنان

قلت : كبر عبد الرحمان!!

أمال انا على كده مت بقى لي ميت حول!!

والله خايفة يا وليدي القعدة لتطول

مات الشيخ محمود

وماتت فاطنة ابْ قنديل

واتباع كرم ابْ غبّان

وانا لسة حية..

وباين حاحيا كمان وكمان

عشت كتير

عشت لحد ماشفتك عجّزت يا عبد الرحمان

وقالولي قال خَلَّفت

وانت عجوز خلَّفت يا اخوي؟

وبنات..!!؟

أمال كنت بتعمل إيه

طيلة العمر اللي فات؟

دلوقت مافقت؟

وجايبهم دِلْوكْ تعمل بيهم إيه؟

على كلٍّ..

أهي ريحة من ريحتك ع الأرض

يونسُّوا بعض

ماشي يا عبد الرحمان

أهو عشنا وطلنا منك بصة وشمة

دلوك بس ما فكرت ف يامنة وقلت: يا عمة؟

حبيبي انت يا عبد الرحمان

والله حبيبي .. وتتحب

على قد ماسارقاك الغربة

لكن ليك قلب

مش زي ولاد الكلب

اللي نسيونا زمان

حلوة مرتك وعويْلاتك

والاّ شبهنا..؟

سميتهم إيه؟

قالولي : آية ونور

ماعارفشي تجيب لك حتة واد؟

والاّ أقولك :

يعني اللي جبناهم..

نفعونا في الدنيا بإيه؟

غيرشي الانسان مغرور !!

ولسه يامنة حاتعيش وحاتلبس

لمّا جايب لي قطيفة وكستور؟

كنت اديتهمني فلوس

اشتري للركبه دهان

آ..با..ي ما مجلّع قوي يا عبد الرحمان..

طب ده انا ليّا ستّ سنين

مزروعة في ظهر الباب

لم طلّوا علينا أحبة ولا أغراب..

خليهم..

ينفعوا

أعملهم أكفان..!!

كرمش وشي

فاكر يامنة وفاكر الوش؟

إوعى تصدقها الدنيا..

غش ف غش..!!

إذا جاك الموت يا وليدي

موت على طول..

اللي اتخطفوا فضلوا أحباب

صاحيين في القلب

كإن ماحدش غاب..

واللي ماتوا حتة حتة

ونشفوا وهم حيين..

حتى سلامو عليكم مش بتعدي

من بره الأعتاب

أول مايجيك الموت .. افتح..

أو ماينادي عليك .. إجلح..

إنت الكسبان..

إوعى تحسبها حساب..!!

بلا واد .. بلا بت..

ده زمن يوم مايصدق .. كداب..!!

سيبها لهم بالحال والمال وانفد

إوعى تبص وراك..

الورث تراب

وحيطان الأيام طين

وعيالك بيك مش بيك عايشين..!!

يو.....ه يا رمان..

مشوار طولان

واللي يطوِّله يوم عن يومه يا حبيبي .. حمار

الدوا عاوزاه لوجيعة الركبة

مش لطوالة العمر.

إوعى تصدق ألوانها صفر وحمر.

مش كنت جميلة يا واد؟

مش كنت وكنت

وجَدَعَة تخاف مني الرجال ..؟

لكن فين شفتوني ..؟

كنتوا عيال.!!

بناتي رضية ونجية ماتوا وراحوا

وأنا اللي قعدت..

طيِّب يا زمان..!!

إ

إوعى تعيش يوم واحد بعد عيالك

إوعى يا عبد الرحمان..

في الدنيا أوجاع وهموم أشكال والوان..

الناس مابتعرفهاش..

أوعرهم لو حتعيش

بعد عيالك ماتموت..

ساعتها بس ..

حاتعرف إيه هوّه الموت..!!

أول مايجي لك .. نط

لسه بتحكي لهم بحرى حكاية

فاطنة وحراجي القط..؟

آ.. باي ماكنت شقي وعفريت

من دون كل الولدات..

كنت مخالف..

برّاوي..

وكنت مخبي في عينيك السحراوي

تمللي حاجات..

زي الحداية ..

تخوي ع الحاجة .. وتطير ..

من صغرك بضوافر واعرة .. ومناقير..

بس ماكنتش كداب..

وآديني استنيت في الدنيا

لما شعرك شاب..!!

قِدِم البيت..

اتهدت قبله بيوت وبيوت..

وأصيل هوه..

مستنيني لما أموت..!!

حاتيجي العيد الجاي؟

واذا جيت

حاتجيني لجاي؟

وحتشرب مع يامنة الشاي ..؟

حاجي ياعمة وجيت..

لالقيت يامنة ولا البيت

"يامنه - عبدالرحمن الأبنودي "موسيقي راجح داود

صفحتنا على فايسبوك
https://www.facebook.com/do3souqa/


من حفلتنا على مسرح الجيزويت في الاسكندرية 

https://www.youtube.com/watch?v=Vd_U7T2d7Lg

الكلام واللحن : حسين الإمام 
التوزيع: دعسوقة


غنا: لوكا
اليكتريك جيتار: مايكل يحيى
درامز: خالد الدمرداش
باص جيتار: عزالدين أحمد
بزق: عمرو إسماعيل



Vocals : Luka 
Amr Ismael: Buzuq
Khaled Al-Demerdash: Drums & Percussion
Michael Yehia: Electric Guitar

---------------
Thanks to
Ezzeddine Ahmed: Electric Bass


Songwriter: Hussein El-Emam
Arranged By: Do'souqa

Law Kol El Nas - لو كل الناس قالت الحقيقة

عبدو سـلام _  بعد ظلام الليل  | راب بالفصحى 
rap dz
video official : sur youtube

عبدو سـلام _  بعد ظلام الليل  | راب بالفصحى

اللي زيّك
اللي زيّك مالوش لا يحب ولا يتحب
تشوف الميّة تروِي الناس وشغلانتك يا دوبك صَب
تتفرّج على الفاتارين ما تلمسهاش
وتوزّع شقاك على ناس ماتعرفهاش
ومتخيّل بإن حبيبك الغالي خلاص حَبَّك
وتقضِي ليالي مستنّي تَمَن تَعَبَك
وكل اللي اشترى منك أخد ببلاش
فتتفرج على الفاتارين ما تلمسهاش
....
تفهم ايه انت ف أصول العشق والعشاق؟
العشق حافر فرس طالق جناح في سباق
مشوار خشن ما يعديهوش غير فحل
والحلوة باصة لك بس المراد مش سهل
يا تشمّر الدراعات وتجيب حبيبتك غصب
يا تطاطي راسك وتسيبها للخلّاق
....
اللي زيك مالوش لا يحب ولا يتحب
يعيش الدنيا عدل وكب .. رزع ودب .. رفع وقلب
حتخلص مهما راح تخلص في الآخر حتطلع كلب
كل الناس حتبقى ملايكة وتشيل انت بس الذنب
اللي زيك خلصوا قبل النور ما يطلع ماتشافوش
ماتلونوش ماتجملوش
وقفوا ع السلم لا طالوا الصفحة بيضة
ولا طالوا يختاروا اللي يرسمهم وشوش
اللي زيك عاشوا ع الهامش رتوش
....
يا سمرا فستانك عبّا الهوا وكيّل
ناصب طواحيني خانّي الهوا وميّل
طب قولي ناقصك إيه وجرّبي عزمي
والله ان دراعي فلت تتبرّا مني امي
فاكرة زمان قلت لك
الصبح حابقى ملك
ومنا ما وصلت لك 
كان النهار ليّل
....
اللي زيك
 هم الكتير اللي بيشيلوا الملك في المهرجان
ما بيبانوش من كترهم وسط الزحام والهيلمان
وانت ماشي وفاكر الناس بتشاور لك 
والناس عنيها ع الملك والصولجان
اللي زيك يترمي في الملاحات
ينفجر تحت المحاجر
يتجلد ويموت ويحفر في الرمال
والخديوي ييجي ع الجاهز ويفتتح القنال
اللي زيك غششوا الناس الإجابة وهم سقطوا في الامتحان
اللي زيك هو أراجوز الموالد 
وهو أضحوكة الزمان

Hisham algakh هشام الجخ - اللي زيك

هِشام عَباس - زمان وأنا صُغير

على سلامة حالة كده

‫قصيدة احزانى العادية عبد الرحمن الابنودى كاملة‬

يبكي و يضحك لا حزنا و لا فرحا كعاشق خط سطرا في الهوى و محا


يبكى ويضحك -  زين محمود

الشاعر على سلامه 
براحة على مهلك من الاول من غير تاءتائة قول انطق اتكلم زعق قول بقى
ايه؟؟؟؟
انت عاوز تفهمنى ان فى عصفور من غير نور وغنى وزقزقة وانك اول مرة تاخد بالك ان الدنيا بقيت ضيقة دا انت بتستهبل بقى
على مهلك براحة اتكلم قول ومن غير تاءتائة اتكلم يا حبيبى قول دى اول مرة تاخد بالك ان الدنيا بقيت ضيقة انت عاوز تفهمنى انك خلاص سايق الهبل على الشيطانة توقع الحاجات وتعاكس البنات وتقولى مش انا دا انت بتسطعبط بقى
انت عاوز تفهمنى انك مش عارف الغلط من الصح يعنى انت خلاص ما فيش فيك فايدة بالسلامة بقى
يعنى انت عاوز تقولى لو جــــيــــت علبة صفيح فيها شوية كولا وشربت وقولت اح مشاكلنا هتتحل دانت بتدلع بقى

على سلامه  إنت بتستهبل بقا

اسمع عليَ هذا الولد
علاجه عند شيخ البلد
شيخ حكيم و متقي بيقرأ عليه سورة الفلق
قول له يا شيخ سيد الشباب
بيقول آمان آمان آمان
اتداويلنا ها الولد
من الجن و من كل الحسد

آمان.. آمان
آمان.. آمان.. آمان.. آمان

يا شيخ ادعي بجاه الإله و كل ما في العلالي
آمان.. آمان.. آمان.. آمان

عن السرير جسمه ارتفع و أمه عم بنادي
يا شيخ شو صار بها الولد ما عم يتذكر سو عبد
عاد لوعيه فتح عيونه و صاح
يماه.. يماه
آمان

عزيز مرقه - شيخ البلد


    النهارده لامبو مات..
    قتله ليل اسبانيا في الليل ع الرصيف
    قلبه كان لابس خفيف
    قتلته الآه..
    قتلته في الحانة شنبات الشاويش..
    قتلته الناس اللي غرقانة بهمومها في النبيت..
    قتلته الدوسيهات في دواليب الحكومة..
    قتله الطفل اللي مش لاقي الفطار
    طلعت الناس النهارده للكنيسة
    لقوه جنب الجدار..
    قطته جنب الجيتار..
    قاعدة مش شايفة النهار..
    في انتظار الليل.. واسبانيا.. وشنابات الشاويش
    لامبو مات.
    لامبو؟؟ يا عيني.. وتبكي الطفلتين
    يمسحوا دموعهم في ايد الامهات
    في المناديل الجديدة
    آخر الرحلة تموت يا لامبو على طرف الرصيف
    وانت لو جالك فقير..
    كنت تشوي قلبك الطيب تحطوله في رغيف؟!
    قطته توطي
    عشان دمعتها ما تعملش ع الاسفلت صوت..
    لامبو مات

    #الخال

انا ذاهبا نحو الربيع

Ahmed Essam 103