نودع الماضي وحلمه الكبير

قلبي مش حزين في اللحظة دي ...  مشتاقة لصوت ماجدة أوي بس

حبيبي يا سكر مر بطعم الهوى

راح اللي راح معدش فاضل كتير

ودعت الماضي لكن مودعتش حلمي الكبير. يمكن اليأس كان حل منطقي وله وجاهة في أوقات كتير، لكن أنا قررت أمشي عكس المرة دي، ومسيبش كل حاجة وأمشي، أنا عايزة أقف أواجه الحياة المذهلة القاسية اللي بتستمر حتى لو احنا مش فرحانين. يمكن مع الوقت نلاقي نفسنا ونلاقي الفرحة، مين عارف؟


ساعات أقوم الصبح قلبى حزين
أطل بره الباب ياخدنى الحنين
اللى اشتريته انباع
واللى لقيته ضاع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح 
راح اللى راح ماعدش فاضل كتير

ايه العمل فى الوقت ده يا صديق
غير اننا عند افتراق الطريق
نبص قدامنا على شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ 
مع ان مش كل البشر فرحانين

اغنية مفترق الطرق
للفنانة: ماجدة الرومى
كلمات: صلاح جاهين
ألحان: كمال الطويل

من فيلم عودة الابن الضال 1976
اخراج: يوسف شاهين


مفترق الطرق

قال الشيخ عبد ربه التائه :
أناس شغلتهم الحياة، وآخرون شغلهم الموت.
أما أنا فقد استقر موضعي في الوسط.”

Comments

ن

Inas Elatrash

Mariam 3il

Magdolean Merzek

Abdullah

آية

آية

آية

معتز

أبرار خضير