BARIEN

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

سافر حبيبي وجه خلي يودعني رائعة الشيخ أحمد برين

تسجيل من اروع تسجيلات احمد التونى النادره , ومن أكثرها طرباً وسلطنه .
 
فُؤادِي إلى ذاكَ الجَمَالِ يُسَارِعُ ..  وقَلْبى إلى نُورُ الحقيقةِ ضارعُ
عَهدى قَديمٌ يُسّكِِرُ الروح ذِكره .. لان حياة الروح تلك المَرابع
فإن نَظَرتْ عَينى إلى اى كائنٍ ~ تَغيبُ المَبانى والمَعانى سَواطِعُ
لان المَعانى الشمس والكلُ انْجمٌ .. إذا اشرقت فالنجم بالشمس ضائعُ
لذاك إذا صليت، صَلّيت فانياً .. عن الكَون والأكوان والنورُ ساطعُ
أُحرِّمُ فى التكبيرِ مَشْهَدُ غَيْرِه .. وأُشْهَدُ بالتنزيه إذ انا رافعُ
واسْجدُ عن نَفسى وفِعلى فانياً

احمد التونى - فُؤادِي إلى ذَاك الجَمَال يُسَارِعُ

From Amsterdam Soeterijn Theater on November 18, 1988.
The full track is here: https://app.box.com/s/ig4sg3iqpjdxh7bd5z98

أحمد برّين - ليه يا حمام بتنوح ليه؟

تخاطبنى بالليل افهم رمزها
و أدرى معانيها و لو بالاشارة

الشيخ احمد التونى --أذوب وجداً

الشيخ أحمد برين - إننى مغرم (حفلة إسنا)

الشيخ أحمد برّين - يا بساط اللوز يا وردي

و أرباب الهوى قالوا شهدنا - أحمد برين

غناء : الشيخ زين محمود وابنه ربيع


أنا ابتليت بالغراام قام الفكر تاه مني 
على طير عشقته سليت معاه أقرب الناس تاه مني
حلفت أروحله داره مادام الكل تاه مني
ياما قعدنا سوا والعزول ممنوع 
وكنا نشرب الخمر في غزير الليل وكل العالم ممنوع
مالهم علينا الخلايق كدا , الكلام ممنوع
ياخلق ليه ليه ليه ممنوع علينا الهوا
وأقرب الناس تاه مني

____________________


أنا بوحد اللي خلق الناس
خلق مسلمين ونصارى
وناس نامت على فرش وناس
ناس عالمعايش حيارى
أصلي وأسلم على النبي الزين 
مدحت النبي العضم بطل صلايه
قال النبي يا بلال يالزين
يا أبو بكر قيم الصلايا
فَرطت قِلعي ماجانيش ريح
وعاودت عالبر ناوي
وياما ناس زينا مجاريح
لكن صابرة عالبلاوي 
دنيا علينا تربت
انظر بعينك راعيها 
شوف العنز لما تربت
مانطحت الا راعيها 
عيني آه ياعيني على آه
عيني آه يا عيني على آه 
ياما آه ياعيني على آه
مانطحت الا راعيها 


ياللي بتنده عايز مين ؟
خولي الجنينة عبّى تاني
معايا جرح من مدة وسنين
من لؤم العزول عبّى تاني 

في سوء في جسمي شاغلني 
وفيه زي مانت طالب
وناس تبكي وناس تغني 
مغلوب يضحك لغالب
ما حد اتغلب كيف غلبي
وغلبك في جوفي هراني 
ما جابوا المحاوير صلبي
تقدم خصيمي وكواني
جاني طبيبي مع العصر 
وف ايده ماسك عصاية
أصل طبيبي قليل أصل
من خصمي جابلي الوصاية 
تاريها الدراهم بتنفع 
بتجيب مل ويا غنيمة
والصاحب اللي ماينفع
البعد عنه غنيمة 

سكت الهوى والناموس طار
والسبع طاطا بعينه
خليه دا النوم أستار
لما الهلف ياخد يومينه
خشب المراكب من السَنط
في البحر ياخد مهاجه
واجب ع الحر يتبع الصمت
لَمّا الندل ياخد مهاجه
زمانك زمان الكلوبات
لمض الصفيح بطلوها 
شوف الفُرّخ اللي بلا أبّات
م اليوم بتحلف بأبوها
زمانك زمان الكلوبات 
والقطر على السكة ماشي
أنا اليوم شوفت ولاد العذابات
في الضلة فاردة الشماشي
اوعى تقول للندل ياعم 
ولو كان على السرج راكب
ولاحد خالي من الهم 
حتى قلوع المراكب 
آه ياعين ياعيني ياعيني آه
حتى قلوع المراكب


_____________________


قد خاب عبد لايصلي على النبي
نبي عربي مالي شفيع سواه
نبي الهدى لولاه مانعرف الهدى
قطع العدى طه بحد قناه
يا ليل ياعين 
ياليل ياعين 
يا عين ياليل على أه
أشكو لمن رفع السماء بلا عمد
الهي تعالى مقتدر في علاه 
على ماجرالي يا ويح قلبي لما جرى
صابر على حكم الكريم مولاي
ياليل يا ليل ياليل يا عين
ياليل يا ليل ياليل عين 
ياليل ياعين على آه
أستغفر الله العظيم من الخطأ 
الهي تعالى واحد لا سواه
فلما فرغ الزناتي من الأشعار
وسمعت عموم الاكابر نظامه
قال اللي يبيع العمر مش عار
انما على شئ يحفظ مقامه
أنا الزناتي أنا جبل المحاميل
زعيم الغروب والرجال يعرفوني 
وعمري عن الحدود أنا ما هميل
وللمرجلة قدموني
ولازم انزل الحرب بكرة
طبول البلاوي حزينة
ولا أخلي ولا بنت بِكرى 
الا اما تشلي حزينة
 اه ياعين يا عين يا عين اه
اه ياعين يا عين يا عين اه 
الا اما تِشلي حزينة

أنا الزناتي أسد الغروب
هاتوا الرجال الهلايل
و حامت النسر و غَروب
وهصَّبح الحمل مايل
وبكرة لهيدور حربي
بني هلال شعطت نياهم 
يا يرحلوا من غربي
يا بالسيف أقطع رجاهم 
وضربت طبول الميدان
وركبت ولاد الأمارة
ماقال الفتى يظهر يبان
حلت شعورها العذارى 
وركبت عرايب بني حِنيَر
متقلدة بالقضايب
وطير النيا فوق حِنيَر
قادت نيران اللهايب
والولد جابته الخدادي
طلعت ولاد الامارة
خرجوا خلف الامير
فاتحين باب الخسارة
قدامهم طوح السيف
وقال البلاد دي بلادي
بقي صاحب الصبر والسيف
دموع تنزل بلادي
خليفة هز المُبتر
 اتخبَّلَت العَمايم
صرخ و قال الله اكبر
دموع تنزل علالي
دخل النجوع الامير
قال نوم الليالي معاديني
زعل الزعيم الكبير
أين المقاتل ياجيني
قال الملك أبو علي
والكل سامعين
جيوش العدى ملت الاراضي
هيا اسحبوا قرعة المقاتلين
شوف تاجي على مين ياقاضي
سحبوا القرعة والكل حاضرين 
انا بليت وجسمي دوا به
قال قرعة الحرب جت على مين
قالو جت على ابو دوابة
عامر الخفاجي بن ضرغام
راجل معلم وراسي
ما يهجم على الحرب غير
بيدرغم زعيم وادى العراك
اه ياعين يا عين يا عين اه ياعين يا عين يا عين... زعيم وادى العراك
قال البطل الأسمر اللون 
راجل ظريف المعانى 
الأسمر أبو عقل موزون
"ياقاضى عيد القرعة تانى 
القرعة ديّا مانفذاااش 
أنا سكران من غير كيفى 
يا قاضى القرعة ديّا مالازمااش 
إزاى ينزل الحرب ضيفى؟؟ 
عامر حدانا راجل ضيف 
أشيله فى ننى عيونى 
راجل و له أصل نضيف 
هيّا يا عرب اسمعونى
وقف عامر على القدادى 
و قاله يا ابن الشريفة
كلامك يابو ريّا ده زين
يابو العروق النضيفة
إن منعتنى من حروبك
كلمة يا عرب اسمعوها 
وقت ما حسبتوا الفدوّة 
قاللى القرعة ديّا اسقطوها
أنا معاكوا عالخير و الشر 
و زميل فى كل حاجة  
يا بو سمرة يا صاحب الشور 
لا نقص و لا زيادة 
إن منعتنى من حروبك 
هرجع عالعراق تانى 
آخر كلمة فين كليمك 
يا أسمر يا ظريف المعانى
قال الملك ابن سرحان 
راجل عنده من الفهم ياما 
على حسّه الكل سرحان 
قال اعطيله قرعته يا سلامة
أيدوله العرب و تمّت 
اخدها و صلى ركعتان 
و الخلق جملة اتلمّت
راجل ظريف المعانى 
صلى الفتى ركعتان 
و سرج على الركوبة 
على إيده قام هزّ سيفين 
فارس فى ننى عجوبة
 وطلع توكل على الله
و وراه ولاد الزرابي
وكل الاغراض تابعة
على الخصم قلبه 
دفع الفرس فى الميدان 
ورفعله راية كحيلة 
فجانى الفتى يظهر يبان 
راه الزناتى خليفة ..
لما نصلى على النبى








زين محمود  - مربعات ابن عروس , السيرة الهلالية - حفلة الجيزويت

الشيخ أحمد برين كما هو معروف شيخ المداحين 
يقيم بقرية الدير بمركز إسنا محافظة قنا سابقا لانه كما نعلم ان مركز اسنا انضم الى محافظة الاقصر حاليا
وهو له الكثير من المعجبين الى الان كما ان له الكثير من الاعمال الفنية وان شاء الله سوف نحاول ان نجمع لكم الكثير منها 


عصفور . احمد برين

"حبيبي لما رحل كتبت اسمه فى حجر صوان"
وداعًا شيخ المداحين أحمد برين

الشيخ أحمد برّين - موال حبيبي لما رحل

الشيخ احمد التوني - يقولون ليلى - 1999.mp3

 مابين منبره والقبر قف أدبا
وقبل الارض ان الشكر قد وجبا
وشاهد الكوكب الدرى هناك
وقل الحمد لله نال القلب ما طلبا
واسغنم الوصل فى روض الحبيب
وقل الحمد لله نور المصطفى غلبا 

مولانا احمد التوني- ما بين منبره و القبر قف أدبا

العذاب في الحب هين ... الشيخ أحمد برين

الشيخ أحمد برين

إن قل مالى فلا خل يصاحبني و إن زاد مالى فكل الناس خلا َنى
فكم عدو لأجل المال صاحبني و كم صديق لفقد المال عاداني


علبة الصبر الشيخ أحمد برين

:قصيدة للإمام أبى العزائم 
أنا لا أخــون وداد من آخانى    ولا أنقضن عهد الذى وافانى
ولا أرضى بالملك والملكوت فى    أخ فى الله بل ولا الرضـوان
المرء بالإخوان لا بجـــدوده    كثير نعـم والذل فى النقصان

"‫الشيخ أحمد التونى - أنا لا أخون - "تسجيل نادر جدا‬

من أفضل التسجيلات اللي هتحبها للشيخ التوني .

الشيخ أحمد التوني - طمن فؤادك

الشيخ احمد التونى - انا بمدح اللى يفوح المسك من قدمه

هذه الاغنية من مهرجان فاس للموسيقى الروحية عام 2001..this song was recorded in 2001 at the annual fes festival

عصر الأئمة - احمد التونى

ليه يا زمان متديش للاصيل عدله
نايم سنه حول ولا واحد أتى عدله
وابو بال فاضي بتكلم على عدله 
دنيا غرورة ما عارف صبحها من ظهر
لما أتاني الكبر وبقيت حاني الظهر 
وصبحت مثل الشجر لما يحت الزهر 
شوف ميلة الدهر جيت للدون على عدله
----------------------------------------------------
أبوي بنالي قصر حوله كَرْم مِشماشي 
أطلع من القصر.. أروح الكَرْم مِشماشي
ألقى حبيبي بياكل فيه مِشماشي 
قعدت جنبُه.. لا قال ماني ولا كاني
قاعد بَكَاني بقالي حول مش ماشي

BARIEN

Ahmed Farag