وان سيرتك جات بنطق بالخير 💕

وحشتنى ضحكه بين الناس 
طالعه من القلب بجد
وحشتنى دموع الناس الصادقه 
لما يكون واحشهم حد
وحشتنى لمه العيله
والجو كان مابينهم دافى
كله بقى متنيل ب 60 نيله
ومفيش حد قلبه صافى 
وحشتنى كلمه اتفضل اتغدى معانا
كانت بجد بتبقى طالعه من القلب
عشان زماااان كان فيه حب
دلوقتى بتتقال صحيح 
بس عزومه مركبيه
والدليل انها بتتقال لأى واحد او واحده معديه 
وحشتنى الناس اللى كانت بجد ناس
وحشتنى القلوب الصافيه اللى كانت مليانه اخلاص
وحشنى احترام الفقير 
اللى دلوقتى بقى بينداس 
وحشتنى حاجات كتير
من اهمها الاحساس
وحشنى الحب الحقيقى اللى من غير غش
دا لو واحده قالت لحبيبها تعالى اطلبنى من اهلى
علطول يهرب ويكش 
وحشتنى الدنيا اللى كانت زمان بخير
وحشتنى الناس اللى كان عندها ضمير
وحشتنى حاجات كنت بحبها
زى مثلا ستى اما كنت بروح عندها
وحشنى جدى اما كنت بروحله ويقعد يحكيلى حكايات
حدوته مصريه من سنه 73 
وحشنى قلب واحد فرحان
بقى دلوقتى قاعد حزين
وحشتنى دنيا مكنش فيها هموم
كانت تيجى الساعه 6 المغرب
يبقى خلاص وقت النوم
وحشتنى ناس على لقمه عيشها بتعافر
وحشتنى البلد اللى كانت زمان بخير ومكنش فيها حد بيسافر
الواد يبقى عنده 16 سنه
ويجى يقول يا معديها على خير الليلادى 
ولما اهله يسألوه مالك 
يرد يقول عايز اسافر واسيب البلد
يرد ابوه ويقول ليه يابنى مش عاجبك حالك
دا انتا لسه مبقتش راجل دا انتا يدوب ولد
ولما يسافر ويموت فى البحر ويغرق
عادى ! .. ماهو كان السبب ان الولد معجبهوش حال البلد !
وحشتنى حاجات ياما .. مش هستناها عشان مش هينفع
دا لو قامت القيامه .. عمر اللى راح ما هيرجع 

تأليف وإلقاء : دينا فياض 
الصفحه الرسميه : https://www.facebook.com/dinafayadd
الحساب الشخصى : https://www.facebook.com/dina.fayad.39 

وحشتنى الناس

إحساسى بيقولى - هدير 2014

علي حبك عندي100  اثباااااااات

من زمان أنا بحلم بيك

اول تست لبرنامج hollywood strings

توزيع ايام من حياتي

اغنية #حب_مش_عادي 
كلمات : #ياسمينا_عبدالسلام 
https://www.facebook.com/yassmeina.abdelslam
غناء : #احمد_خالد 
https://www.facebook.com/profile.php?id=100010602074152&fref=nf&pnref=story



علي حبك عندي100 اثباااااااات

AHMED FAROUK14

Recent comments

shereen

Related tracks