هنا، في أول ثانيتين ضربة سريعة على العود تليهما أربع ثوانٍ صمت، وكأن هناك من ينقر بإصبعه على كتفك لتلتفت إليه وتسمع ما لديه، يتكرر التنبيه والنقر على الكتف ثلاث مرات إضافية، لن تصبح لديك أي حجة في عدم ترك ما تفعل أو ما تفكر به والإنصات جيدًا،  في الثانية الثامنة والأربعين تحديدًا ستبدأ الحكاية مباشرة، صوت ظافر يوسف سيغطي على كل شيء.. صرخة أو ابتهال أو صلاة سَمِّها ما شئت فكلها صحيح.. عندئذ فقط تأخذ نفسًا عميقًا وترجع برأسك للخلف وتغمض عينيك وتتخلى عن آخر فكرة طافت بذهنك لتندمج كليًا في الصلاة.. تتوالى الدقائق التالية في مزيج راقٍ بين موسيقى الثلاثي جبران وصوت ظافر يوسف،  صلاة صامتة، بل لو شئنا الدقة صلاة صاخبة، بلا كلمات، وبها ما هو أكثر من الكلام، حتى تقترب النهاية فيخفت كل شيء تدريجيًا حتى يذوب ويتلاشى كَمُصَلٍّ انتهى لتوه من دعائه/دموعه ولم يتبقَ له إلا الإجابة..

https://www.facebook.com/notes/%D8%A3%D8%AD%D9%85%D8%AF-%D9%81%D8%AA%D8%AD-%D8%A7%D9%84%D8%A8%D8%A7%D8%A8/%D8%B5%D9%84%D8%A7%D8%A9-%D8%A7%D9%84%D8%AA%D8%A7%D8%A6%D9%87%D9%8A%D9%86/10152733178157080

Zawaj El Yamam - Le trio Joubran & Dhafer Youssef

وَرَد في بعض معاجم اللغة العربية في معنى "تَضَرَّعَ" أي تَقَرَّب في لَفٍ ودوران

كانت البداية في وكالة الغوري، وسط الإنشاد والموسيقى بدأ راقص التنورة في اللف حول نفسه في تجربة شديدة الخصوصية، وكأنه مركز الكون وكل ما سوا ذلك يدور في فلكه، أو يدور هو في فلكه، في كل لفة جديدة كان كمن ينفض عن نفسه ذنوب أعوام وأفكار وتجارب وقفت حاجزًا بينه وبين ربه، بينه وبين نفسه، فاستحالت شفافية روحه لظلمات بحر لجي يغشاه موج من فوقه موج من فوقه سحاب ظلمات بعضها فوق بعض إذا أخرج يده لم يكد يراها، في دورانه يتطهر ويسمو وتخف روحه، يتعالى الطرق على الطبول، يزداد صوت المزمار حدة، يزداد الرقص خفة وقدسية ونشوة، يصل لقمة النشوة فيخلع تنورته ويلقي بها في مزيد من الترقي والتطهر،  ويحلق بروحه في السماوات قاصدًا خالقه، يُقبِل عليه وقد خَلَّفَ وراءِه كل شيء ملبيًا أمرَ مَولاه "فاخلع نعليك."

https://www.facebook.com/notes/%D8%A3%D8%AD%D9%85%D8%AF-%D9%81%D8%AA%D8%AD-%D8%A7%D9%84%D8%A8%D8%A7%D8%A8/%D8%B5%D9%84%D8%A7%D8%A9-%D8%A7%D9%84%D8%AA%D8%A7%D8%A6%D9%87%D9%8A%D9%86/10152733178157080

مزاج - أميمة الخليل

أوضة 315 - ممدوح زيكا - ديوان صف واحد موازي للوجع

أداء صوتي: أحمد فتح الباب

ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
 
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
 
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
 
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
 
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
 
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
 
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
 
خلاص .. هاتموت
مافيش داعي لدمعاتك
وموت مبسوط
 
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
 
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
 
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده

قراءة في ديوان "صف واحد موازي للوجع" - أوضة 315

فكم لله من لطف خفي!

هل أتاكِ نبأ الفراق؟
قالوا فراق الأحبة غربة، لكنني قلت فراق الأحبة موت، موتٌ قَلِق يُنتهَك فيه الحصنُ الذي بنيناه بقلوب الأهل والأصدقاء لنحمي أنفسنا من توغل هجمات الحياة، قلنا لن نهلك ما دمنا محاطين بكل هذا الحب، يحمينا ويمدنا بالدفء متى اشتدت ليالي الوحدة وكبلتنا الهزائم، الحنو والمودة والرحمة والأحضان التي تمتص من داخلنا
كل الحزن فيغدو كأن لم يكن، هذا الحصن ككل بناءٍ يعتمد في تشييده على نقاطِ ارتكازٍ رئيسة إذا ما انهارت انهار كل شيء ولا يعود كما كان أبدًا ووجدنا أنفسنا معرضين لخوض كل تلك الحروب عُزَّلاً، وحيدين، نتعكز على الهواء، في محاولة فاشلة لأن نكمل المسير في مياه البحر الذي لم يعد ينشق لنا بعد الآن.
http://bit.ly/1IxSaCw

هل أتاكِ نبأ الفراق؟

هنالك دائمًا نور .. لنجم يرفع الظلمات عنا هو مستور , 
هنالك دائمًا قوة ترافقنا وتدركنا ونحن على فم الهوة , 
هنالك دائمًا حب يفاجئنا بدفء غير منتظر .. إذا ما أقفر القلب , 
هنالك دائمًا نسمة تهب على جروح﻿ الروح حتى تنجلي الغمة , 
ونحن نعيش ما ينفك يحرسنا و يلمسنا بلطف غامض ما ليس مرئيا , 
و إلا .. ما الذي يُبقِي الفتى حيا ..؟!!


طارق الناصر - فرقة رم - نور

تركت أهل المدارك يختموا السهره 

و مشيت بطول الخليج للسيدة الطاهرة

أما المقام سندسى * أما المدد نظرة

و خد ف حضنك جناين قد ما تقدر

اخضر ف اخضر و من كم الهلال ,,, زهرة

فى المغربية الشعاع و الضل لما يطول

أرفع إيديا و اقول ,, ياااااااااااااااااا رب

يارب خلى المراكب تهتدى للبر

خلى النايات اللى تمدح فى النبى تخضر

فى الفجر و النور ,,, و الضلام بيزول 

أأرفع إيديا و اقول ,,,,

يارب خلى المراكب كلها تبحر

خلى النبات اللى بيحب النبى يزهر

كلامى فى كل مرة بالأمل موصول

هدانى فى الدعوتين أكرم نبى و رسول

*********************

يا هل الأمانة و الندى و الشوق

يا مجمعين الشمل ف الحضرة الذكية

أول مانبدى القول نصلى عالنبى

سيد ولد عدنان ,,,, رسول الله

المصطفى المختار يقوم الليل

و يقوم معاه المؤمنون الصحابه

و أنا معاهم فى أنين الربابه

أنا عينى دارت ياما دارت عينى

على جموع الذكر و الحلقات

و لقيت ف قلبى رسم كل الأيات

الله بذكره تطمئن القلوب

إلهى قادر يمحى كل الذنوب

أنا كنت يوم بحلم بكل الزمان

و ماشى أستغفر فى ألف أدان

و دخلت بيت رحب الفناء و الباحه

ياهل المرؤة و الكرم و السماحه

يا هل الأمانة و الندى و الشوق ,,, الله

الدنيا غرقت كلها ف الضوء ,,, الله

و العنبر الطيب و ريح الجاوى ,,, الله

و الليل سحاب اخضر لطيف الخطاوى ,,, الله

نهر العسل إستعطف البساتين ,,, الله

و النخل غنى و العنب و التين,,, الله

يا عينى راحت فين ,,, و يا عينى صاحيه

يا جنة الله هلي ف كل ناحية

*********************

يافطره سمحه و اخوات شقايق

قال يا مريدى إن كنت صادق

ف بحر عشقك ماتلاقى شاطئ

لا بالقصايد و لا الاغانى

بأى معنى من المعانى

غير الشهيد لا يسمى عاشق

أحـــــلـــــــفــــــــ بـــــنـــــونـــــــــ ,,,, و الــــــــــمـــــؤمـــــنـــــونـــــــــ 

قـــــــــلـــــــبـــى الــــــلــــيــــــــلــــه دى أخــــــضــــر حـــــنــــــونـــــــ

يافطرة سمحه و نفوس رقيقه

أنا لما جيت أخدم الطريقة

شيخنا اللى عارف سر الحقيقة

بسط يمينه و قال يا مريدى 

عينك ف عينى و إيدك ف إيدى

كل الخلايق اخوات شقيقه

أحـــــلـــــــفــــــــ بـــــنـــــونـــــــــ ,,,, و الــــــــــمـــــؤمـــــنـــــونـــــــــ 

قـــــــــلـــــــبـــى الــــــلــــيــــــــلــــه دى أخــــــضــــر حـــــنــــــونـــــــ

خدنى و عادنى و جاب و وده 

قال يا مريدى شوف أى ورده

لا هى أكتر و لا هى واحدة

مافيش حياة إلا عند غيرك

تعيش ف خيره و يعيش ف خيرك

مش باقى منا غير الموده

أحـــــلـــــــفــــــــ بـــــنـــــونـــــــــ ,,,, و الــــــــــمـــــؤمـــــنـــــونــــــــــ 

قـــــــــلـــــــبـــى الــــــلــــيــــــــلــــه دى أخــــــضــــر حـــــنــــــونــــــــ

عـــــــيـــــنــــــى رأت فــــــجـــــــر طــــول الـــــلـــيـــل يـــنـــاديـــنـــى 

يــــفـــتـــح مــيادينى ,يـاخـدنــى مــنــى, لــكــل النــاس يــودينــى

و يـــردنــــــى ف الـــــــــنــــــــدى و يــــــــــقـــــولــــــى إســـعــــالــى

أقــــــوم مــــن الـــــــســــــجـــــدة مـــاشــــى ف طــريـــق عـــالـــى

وأقـــــــرا الـــــــضــــــحـــــى ف الــــــطــــــريــــق الــــعـــالــى تهدينى

أحـــــلـــــــفــــــــ بـــــنـــــونـــــــــ ,,,, و الــــــــــمـــــؤمـــــنـــــونـــــــــــ 

قـــــــــلـــــــبـــى الــــــلــــيــــــــلــــه دى أخــــــضــــر حـــــنــــــونـــــــــ


Ahmed FathElbab

Popular tracks