من حفلة إتحاد طلاب كلية " زراعة " جامعة قناة السويس 2014






أسامة عطية - Vodka

من حفلة إتحاد طلاب كلية " زراعة " جامعة قناة ا لسويس 2014

عود : محمد ممدوح

مرسال لحبيبتي

حبِيبْتِي .. حبيبتي
شرطه مايله
فرااااااغ
وهكتب ليه حروف إسمك ؟
ما هو إنتي في قلبي ..
ساكنه القلب عارفه بقصتي وحالي
ومين غيرك في قلبي أكتب له مرسالي
.. أما بعد
مانيش عارف ده جوابي الكام
ماعونتش بحسب الصفحات
ماعونتيش بحسب الأقلام
ماعونتش بحسب اللي ضاع من الأوهام
كفايه إني بحبك بس
وقلبك لو بقلبي حس
أو شاف حاله في بعادك
لصلي ربه وإستغفر لذنبه وصام
وياما في نفسي 
ياما ياما ياما ياما يامـــــــا في نفسي 
تيجي لقلبي وتحنى
ولازم تعرفي .. إني لا أنا عفريت ولا جني
بحبك بس إيدي أقصر كتير مني 
فمش هقدر أجيبلك من الدهب كفه
وأجيبلك من الياقوووووووووت كفة
ومش هقدر أجيب الوالي في الزفة
ومش هقدر أجيبلك بيت يموت القطر لو لف في حماه لفه
كفايه إني بحبك مووووووت
وحب الناس ندامه وعار وحبي عكسهم عفة
و لو ترضي في عندي شروط
أنا طبعاً بحبك موت
ولكن برضه ليا شروط
أنا عايزك تكوني في الوريد دمه
وتبقي في عقلي أنا همه
و تبقي ورد جوا القلب غيري يشوفوا يتحسر ولا يشمه
وعايز رمشك الجارح .. سهراط يجرح فؤاد غيري مايرحمشي
وأنا أجيلك أعدي فوق سهراط رمشك ولا أخافشي 
وحتي لو وقعت في يوم من الخبطه
أقع في عنيكي و أتوضي .. وأصلي ركعتين لله
وأبوس نن العنين وأمشي
لأ أنا طماع ولا في طبعي الأنانية
جناين قلبي راح تفضل 
ولو طال البعاد فاتحه
بحبِـــــــــــك قولتها بالكسره 
نفسي أسمعها بقي بالفتحه

عمرو جمال - مرسال لحبيبتى

من حفلة إتحاد طلاب كلية " زراعة جامعة قناة السويس  2014 

عود : محمد ممدوح 

مولاي لي عمل 
ولكن موجبُ لــعقوبتي
فــاحـنن علي تكـرمــا
ياذا العطا  ياذا السخا
اســــق العطاش تكرما

ما كل من ذاق الصبابة مغرم 
من لم يذق طعم المحبة ما مرس
انا يا سعاد بحبل ودك واثق
لمست ذكرك في الصباح وفي الغلس
يا جنة للعاشقين تزخرفت
جودي بوصلك فالمتيم ما ائتنس

أنيت  قالت : كم تأن
أجبتها هذا أنين مفارق بالموت حس
قالت : أما يشفيك
قلت لها اللقاء
قالت : أزيدك بالوصال فقلت : بس
فتبسمت عجبا وقالت: وصلي لن ترى، فهذا أمر من أخذ النفس
تقرأ سُعاد بضد ما أقرأ أنا
أقرأ ألم نشرح فتقرأ لي عبس
 

أسامة عطية  & عمرو جمال - مولاى Duet

من حفلة إتحاد طلاب كلية " زراعة " جامعة قناة السويس 2014

عود : محمد ممدوح 

أنا مواطن وحاير أنتظر منكم جواب
منزلى فى كل شارع كل ركن وكل باب 
وأكتفى بصبرى وصمتى وثروتى حفنة تراب 
ما أخاف الفقر لكن كل خوفى من الضباب 
ومن غياب الوعى عنكم كم أخاف من الغياب 
سادتى وانتم حكمتم حكمكم حكم الصواب
وثورتى كانت غنيمه وافرة لحضرة جناب
لا يهم ولا أبالى الدنيا دايسها بمداسى 
لكن خلولى بلادى وكل ما قلتم على راسى
يا هناه من كان مثلى لا يهمه من ومن  
أنتم أصحاب الفخامة والزعامة وأدرى لن 
لن أكون فى يوم منكم يشهد  الله والزمان 
أنا حلمى بس كلمه ان يظل عندى وطن 
لا حروب ولا خراب لا مصايب لا محن 
خدوا المناصب والمكاسب لكن خلولى الوطن 
يا وطن وانت حبيبى وانت عزى وتاج راسى 
انت يا فخر المواطن والمناضل والسياسى 
انت أجمل وانت أغلى وانت اعظم من الكراسى 






أسامة عطية - أنا مواطن

كان الزمان أيامها شبورة
والدنيا كانت تشبه الغابه 
وكانوا الديابه لسه بيلبسوا كاكى 
والقاضى كان ايامها بالأجره
والكرسى كان أيامها ملاكى 
وكانوا الغلابه لسه زى الرز 
كانوا كتير إنما كان قلبهم أبيض 
لو يزعلوا يهتفوا أما الأسد بيغز 
والحق أيامها كان لسه من غير أب 
والتعالب سموا نفسم مندوبين الرب
اما الغلابه اللى بنوا الغابه
كانوا بيصحوا بعد كل مطب
يدعوا فى أدان الفجر ويقولوا يارب 
يا منان إحمينا مـ الخوان
نجينا مـ الشرير وانصرنا ع الدبابه 
 


الديابه - مصطفى إبراهيم

من حفلة إتحاد طلاب كلية زراعة " جامعة قناة السويس " 4 \ 12 \ 2014





الأوّلة : يابلد 
والتانية : ياولد
والتالتة : ياقلم
الأولة : يابلد ، خالد سعيد ماشربش 
والتانية : ياولد ، سجِّل حضور ماهربش 
والتالتة : ياقلم ، أنا اموت اذا ما اكتبش
الأولة : يابلد ، خالد سعيد ماشربش ، وربنا شاهد
والتانية : ياولد ، سجِّل حضور ماهربش ، وفي الحياه زاهد 
والتالتة : ياقلم ، أنا اموت اذا ما اكتبش ، وكلمتي تجاهد
الأولة : يابلد ، خالد سعيد ماشربش ، وربنا شاهد ع اللي حصل ويّاه
والتانية : ياولد ، سجِّل حضور ماهربش ، وفي الحياه زاهد والحياة تاعباه 
والتالتة : ياقلم ، أنا اموت اذا ما اكتبش ، وكلمتي تجاهد ياعباد الله

This track is not available anymore.

Other tracks from Ahmed Fawziii