المينيونز يونس :D

قصيدة تُمن ثورة

كلمات و أداء : كريم حسن "زجزاج"

كلمات القصيدة:

سألت نفسي و فكرى خاب
ملقتش مغزي او جواب
هي دي ثورة نظام
ولا دي ثورة شباب
ولا يمكن موجة تانية
لثورة كاشفة للضباب
ولا يمكن إنتفاضة
ولا حالة إكتئاب
ولا يمكن تمن ثورة
أو ربع ثورة
أو نص ثورة و نصها التاني انقلاب
مش هو ده كان الميدان .؟!
ولا مكان للإكتتاب
طب و الحشود اللي انتشوا ضد السكوت ..
قاموا لية ..؟!
والعلم اللي إعتلي كل البيوت ..
رافعوا لية ..؟!
ما تقولولي أنتم يا صحبة ..
هي لو مكنتش ثورة ..
تبقي أيــة ..؟!
تبقي وابل من السباب..؟!
تبقي ثورة بإحتساب ..؟!
وهي دي لو ثورة فعلاً
ثورة ايه اللي بدون حساب ..
ثورة ايه اللي نسلموا فيها اللئام
ثورة ايه اللي نحكموا فيها الكلاب
ثورة ايه اللي مابتناديش بزاد لجائع ..؟!
وحـــذاء لحافــي
ثورة ايه اللي إتقفل فيها الشوراع ..؟!
وأتمنع فيها هتافي
ثورة اية اللي أترفع فيها العساكر فوق كتافي
ثورة أيه اللي بدون رصاص ..؟!
انت مؤمن بيها ثورة ..؟!
ولا ده اسم وخلاص !
الثورة دم
الثورة نار
الثورة مش كلمة فى ورقة
ولا رسمة علي الجدار
ولا مانشيت فى مجلة
الثورة مش قابلة المحاولة
الثورة مفيهاش إختيار
الثورة دم
الثورة نار
و البلاد زي الصفيح
و اسألوا عنها اللي ماتوا
يقولكم عنها الجريح
متقولولي بلمناسبة ..
هما ليه ماتوا بصحيح ..؟!
حد فاكـر ..؟!
حد فاكر .. أحمد و نادر ..؟!
حد فاكر .. مينا و رامي ..؟!
حد فاكر أي حاجة من الملامح و الأسامي ..؟!
حد فاكر لؤي .. جندي .. محمد كرستي ..
و جيكا جابـر
حد فاكر ..
حد فاكر أحمد حرارة ..؟!
حد عارف مين حرارة ؟
حد فاكر خالد سعيد ..؟!
حد فاكر اي حد من اللي ماتوا
كان قديم و لا جديد
طب حد فاكر اي حد من اللي ماتوا فى بورسعيد
حد فاكر كام قتيل ..؟!
و أنتشى الجاني بّرأته
وقال يا خلق مفيش دليل
و ان عارضت في يوم قضائهم
يصرخوا خاين عميل
طب أديني بهين قضائكم
و الحكومة كمان يا سادة
ولو كلامي مش عاجبكم !
إلحســوا أوسـخ بيــادة

تُمن ثورة

ابن الحنين عبدالله حسن

Kan Bayen Men Salamha - Amr Diab  كان باين من سلامها - عمرو دياب.mp3

أنيس شوشان _ محاولة للنوم

التأشيرة - هشام الجخ

ترنيمة "نام يا باخوم" للدكتور نوستيك

صوت صفير البلبلي

الموسم الثاني من برنامج ريمكس من إنتاج شبكة التلفزيون العربي
ريمكس أغنية "دار يا دار" للفنان الراحل وديع الصافي
بمشاركة فريق "افتكاسات"

https://www.youtube.com/watch?v=e6JvN...

Hamza - Namira - Remix - 2 - Dar Ya Dar Ya  Dar |  ريمكس 2 -  دار يا دار يا دار -  حمزة نمرة

تذاكر يا هانم - عبير الشاذلي

نحن أبناء الحسن  - السيد حسين

Kan Bayen Men Salamha - Amr Diab كان باين من سلامها - عمرو دياب.mp3

ahmed gomaa 1

Related tracks