لو عندك واحد صاحبك او صاحبتك بتاع حورات قوله او قوليلها انت/ي  اكسلانس فى نفسك ;)

X lans | الاكسلانس

Lyrics: Ahmed Hassan
Mixed & Mastered: Mohamed Gamal
Rec: VATREENA
Beat: Free beat
...............
Verse1:

كان قلبى للايجار وجالوا قرار ازالة
ممنوع الانتظار للحب والزمالة 
رفعت الشعار  حعيش بدون جواز 
ولما شفتك قلبى جالوا رعشة واهتزاز 

لما نورك فات على عينى صابنى العمى 
اصلى عمري مكنت شابف بنت غيرها اصل انا 
حاسيت سعتها بس انى طفل  لفوق واترمى 
بقرب ليكى بس  صعب انى اطول السما 

اوصف فيكى ايه وانتى الوصف صعب فيكى 
مهما قلت مالكلام حيبقى رخيص عليكى 
القمر كل ليل بيعدى يشوفك انتى 
زى القمر لا تبقى ظالمة لو اتقرنتى 

 انتى رواية جوا عقلى فاكر فيها كل سطر
لكن وصف نظرة ليكى محتاجة الف سطر 
من قبل مالف القصيدة كان المغزى اتفهم 
شاعر لما شافك بطل شعر  و ساب القلم

Chorus:
صوتها بيعزف اسمى فى ودنى 
لما نطقت بيه 
نظرة عينها مرسومة فعينى 
 وقلبى ضاع ما لقيه 
بغمض عينى فبسرح اشوفها 
ففرح وارفع خد 
افتح عينى اتمنى القيها 
بس مبالقاش حد

Verse2:
صورتك بايتة جوا عقلى لبسانى زى جن 
كل اماجى اتنفس افتكرك وليكى احن 
ربى ادى يوسف نص جمال الارض 
وانتى فى جمالك انا  لسه مشفتش حد 

لو انتى نار  راضى المهم نعيش سوا
اصلى مدمنك مريض بيكى وانتى الدوا
الارض ثابتة طول مانتى بس عايشا فيها 
السما بتغير من الارض علشان شايلة فيها رجليها

قالوا الارض انس مش حتشوف فيها ملاك 
ازاى وانا كل شويه عينى فيها شيفاك 
انت ملكة جوا مدينة بس سورها عالى 
نفسى اوصلك بس عارف ان اكيد مهرك غالى
 
انتى حوا وادام كانوا واقفين يوم والدتك 
يوسف بص من السما يشوف بس جمال ملامحك
متخلقش بنت بعدك اوحتى زيك قبلك
عايشة ساكنة جوه عقلي ده بجد مش بجملك

Verse3:
انتى لما نورك  بالليل  ويتكشف 
القمر ورا الشمس بيستخبى ويتكسف 
انتى لو بكيتى موج البحر يثور عشانك 
ولو ضحكتى الجنة بتبكى بس من جمالك 

القمر بيستأذنك والجمال بيحسدك 
اوصف نظرة منك ولا ارسم ضحكتك
بالعربى ٢٨حرف ووصفك فاق العدد 
الحلو حلو فيكى من غيرك مكان اتولد

بعد مكانت الدنيا بتضحك فجاة فوشى اتسدت
سمعت صوت بيقول خلاص يا ابنى الجلسة خلصت
كل اللى انت شوفتوا اتفهم والفكرة وصلت
بس مفيش حاجة من اللى انت قالتو دية حصلت

بص حقولك الحقيقة بس اتقبل اسفى 
انت حالة صعبة انت مريض نفسى 
احمد ربك انك عايش وده فحالتك رزق 
انت مرضك نادر انت اكيد مريض بالعشق

Mareed Bel 3esh2 | مريض بالعشق

Lyrics: Ahmed Hassan 
Mixed & Mastered: Mohamed Gamal 
Rec: Vatreena 

................
verse1:
مش مهم تفهم المهم تجيب مجموع 
الطريقةبس اسمع احفظ التفكير ممنوع
 التعبير مالاسم مدى مساحة للتفكير 
 عايز تاخود درجة اكتب فى الموضوع صفحات كتير 

فى التصحيح يتقاس السؤال فيها بالشبر 
فكر الطالب بمقدار  كمية رلء الحبر
مش مهم تحل كويس المهم تكون مسطر 
متقعش تحت ضرسه المصحح مش حيقدر

ناس  بتغير منهج فبتزودله حتة 
طب  ابتدائى  خمسة اصلا ولا سته
من صغرى نفسى ادخل هندسة طب فنون
كله محصل بعضه استاذ غسيل صحون

علمتينى ان العلم نور فوقت ضلمة 
طب قاطعة النور ليه اظن تبقى ظالمة
علمتينى لما اغرق معرفش اعوم واطب
 فيكى الحب بالشهادة و الوظيفة بالحب 

اول اية من القران كانت اقرا للتعليم 
دية تحرير عبد تعليم عشرة مسليمين 
الدين للتعليم قبل مايبقى للهداية
ربى علم ادم كلوا مالبداية للنهاية 

لسه فى ادلة اصبربس استنى 
دا موت طالب علم كان مصيره فيوم الجنة 
الكلام معروف فى الودان مش مسموع  
 اصلى نسيت ان الدين  خارج مالمجموع
chorus:
تعبير مكتوب عالورق والعمر منا بيتسرق 
شب حلم كتب قلم ان الحلم مات غرق 
صبر سنين مفتاح فرج والنجاح منا اتحرج 
قلب ندم عقل فهم ان الامل بحبله اتشنق
verse2:
فى صغرى نفسى اطلع خبير عالم ذره
بس لما كبرت فوقت نفسى اسيبك واطلع بره 
تعليمنا بره صفر لو جايب تسعة وتسعين 
مركز اول فالفساد والاخير فى التعليم 

حتعلم صح وارجع وفداكى يا بلدى شبابى 
الاعلام سمانى جبان هربان وفى الاخر ارهابى 
جايب مجموع فالياس والفشل فكنت مرزق 
بس ماديانى فى الطموح اكبر ملحق  

عايز تعليم نضيف قولى معاك كام فجيبك 
معايا عالخفيف استريح جوا بيتك 
العيب مش عليك شفت العدل مش بلومك 
العيب عالخلا ابو ٦٠ فالمية يحط قنونك 

عايزة مركز اول طب يلا هاتى ايدك 
علمينى صح متخفيش مش حاسيبك 
شوفى الناتج منى وابنك راح يفيدك 
بس مهما حاولتى تنسيقك مش حيجيبك 

طالب حكومى فقير هينى يلا كمان ودوسى 
كل اللى طلبه علم ولا لازم درس خصوصى
مستنى ايه مناس مبتكرمش عالم
مدفون فيكى ١٠٠ زويل وربى شاهد عالم 

اعراب الفعل ماضى والفاعل فيها ظرف
بالنصب يبقى قاضى والعدل ممنوع مالصرف
مفيش تغير فحاجة دول سابوا زويل يموت
سبتوا علموا بره وخدتوا جثة جوا  تابوت

Mawdoo3 Ta3beer | موضوع تعبير

gneh | جنيه

بــــــــراب :)
facebook: https://www.facebook.com/profile.php?id=100001308901476

AHMED HASSAN

Popular tracks