The Upload

بحلم معاك- سمية بعلبك/ تانجو عربي

زينب - لحظة تفاهم

وفجأة 
هبطت على الميدان
من كل جهات المدن الخرسا
الوف شبان
زاحفين يسألوا عن موت الفجر
استنوا الفجر ورا الفجر
ان القتل يكف
ان القبضه تخف
ولذلك خرجوا يطالبوا 
بالقبض على القبضه 
وتقديم الكف
الدم
قلب الميدان وعدل 
وكأنه دن نحاس مصهور
انا عندى فكرة عن المدن 
اللى يكرهها النور
والقبر اللى يبات مش مسرور 
وعندى فكرة عن العار 
وميلاد النار 
والسجن فى قلبى مش على رسمه سور
قلت له لأ يا بيه
انا اسف
بلدى بربيع وصباح 
ولسه فى صوتى هديل الينابيع
لسه فى قلبى صهيل المصباح 
لسه العالم حيى رايح جى
بيفرق بين الدكنه وبين الضى
بلدى مهما تتضيع مش حتضيع
ما ضايع الا ميدان وسيع
يساع خيول الجميع
يقدم المقدام
ويفرسن الفارس
ويترك الشجاعه للشجيع

ولا باعرف ابكى صحابى غير فى الليل
انا اللى واخد على القمر
ومكلمه اطنان من الشهور
وعلى النظر من خلف كوة فى سور
واللى قتلنى ما ظهر له دليل

وفى ليله التشييع 
كان القمر غافل ..مجاش
والنجم كان حافل 
لا بطل الرقصه ولا الارتعاش

لما بلغنى الخبر 
اتزحم الباب 
وجونى الاحباب 
ده يغسل ..ده يكفن ..ده يعجن كف تراب
وانا كنت موصى لا تحملنى الا كتوف اخوان
اكلوا على خوان
وما بينهمش خيانه ولا خوان
والا نعشى ما حينفدش من الباب 
ما اجمل نومه على كتوف اصحابك 
تنظر صادقك من كدابك
تبحث عن صاحب انبل وش 
فى الزمن الغش

والرؤيه قصادى اتسعت
بصيت واحسب نفسى بين خلان 
تعالوا شوفوا الدنيا من مكانى
حاشتنا اغراض الحياه عن النظر
بالرغم من نبل الالم والانتظار
اتعلمنا حاجات اقلها الحذر
ونمنا سنوات مدهشه 
نحلب ليالى حلمنا المنتظر
وامتلات الاسواق بالمواكب 
تبيع صديد الوهم والمراكب 
وفارشه بالوطن على الرصيف
بالفكر والجياع والكواكب ومذله الرغيف 

شويه فات سقراط
مسلسلينه من القدم للباط
ومتهم باليأس والاحباط
وبالعدم وبالزنا وباللواط
وبكل كافه التهم
وهو عابر للجحيم على الصراط
ينظر على الشعب التعيس ويبتسم
الى الجحيم للفلسفه
دنيا لا كانت يوم
ولا حتكون فى يوم كويسه
دنيا فى هيأة خنفسة 
دنيا "فسه"
ما اتعس الانسان 
ما اسعد الحيوان
وعبر
وصف من الزوانى وراه
متلطخين بالبودرة والمعاجين 
حاصرين غطاوى الروس 
بطونهم عريانين
بيغنوا طوبى لضحكه المساجين

وعيال عرايا
تفيض بها الطرقات 
من القرى ومن المقاطعات 
اطفال فى لون الجوع
صوت النفس مسموع
اطفال شبه وضلوع

اما انا 
فاتسعت الرؤيا 
وبصيت للمسا وللحياه المتعسه
وللنسايم المنعسه
وقلت ورا سقراط
دنيا فى هيئه خنفسه
ما اتعس الانسان
ما اسعد الحيوان

قبل مرورى على بعض مكان 
كنت موصى يمه افوت
هجمت من الحارة مجموعه نسوان
رجعوا بالصوت
قالوا يا عبد الرحمن 
وقدرت تموت !!
وتفوت اللحم العارى المتهان
فى المدن اللى معداش منها ريحه انسان !!
انا مت 
ومش منظور لى جواب
متحصن بكتوف الاصحاب 
ولذلك فت

عند التربه 
قعد الشيخ اوصانى
وادانى كتابى بيمانى
قال لى لو جولك ملكان
قول انا عبد الله مش عبد الرحمن

ودعا لى فى لحظه ما يقوم للعدل ميزان
ينوبنى شىء من العفو وبعض الغفران
وفى لحظه ما انا متزحلق 
فى قماشى الابيض 
من جوف القبر
التقدم ضابط واتعرض
قبض على الجثه 
وطلب الاوراق 
مزع الاكفان
عدل الوش 
ووقف وركلنى
وقالى بلؤم شديد 
حتى فى الموت بتغش
شيلوه

ولقيت نفسى والعربيه داخله القلعه
كانت الدنيا ضجيج والشمس نيران والعه
قوم يا انسان
انا قلت 
انا عبد الله مش عبد الرحمن
زى ما الشيخ اوصانى
قالى عندى اوراق تثبت انك مش مرتاح
امرك فاح
ولقيت نفسى محاصر تانى وتحت الرجلين
قلت لنفسى وبعدين 
راح تفضل كده لامتى يا غلبان ؟
بتدارى ايه ؟
ايه باقى تانى علشان تبقى عليه ؟
وطنك ؟
متباع
سرك ؟
متذاع
الدنيا حويطه وانت بتاع
ويهين المعنى الضابط
ويدوس بالجزمه على الحلم
ربنا رازجه بجهل غانيه عن كل العلم
ماذا تعنى بالكون يا يساعك يا يسعنى ؟؟
رد يا جربان يا ابن "الوسخة" ياكلب 
اظنك حتقولى تانى الشعب 
وصفعنى وتنى على بطنى بالكعب 
يا سعادة البيه وانا ايه؟ او ليا فى العمال ايه ؟
ما تضيع الدنيا والعمال دى تغور
يا صاحب هذا المبنى الموروث 
ضل جدودك فى الجدران مغروس 
انت السلطان وانا المملوك
انت السجان وانا المهلوك
انت المنصور وانا المسفوك
انا الصعلوك وامتى الصعلوك
يقدر يتجاسر على السلطان
اللى فى ايده بدل البرهان مليون برهان
رفع الهد
ماهو برضه دول يفهموا فى الكدب
اول ما اتلفت جه غارس الجزمه فى قورتى
وجيت اقعد بركنى على الاسفلت
ولقيت نفسى محاصر تانى وتحت الرجلين
قلت لنفسى وبعدين
راح تفضل كده لامتى يا غلبان ؟
ما لقتش الراحه فى الموت
يمكن تلاقيها ورا القضبان

اطلعت على الشبابيك وعلى القضبان
على الموقف
على السجن وعلى السجان
ولقيتنى طول عمرى كنت كده 
كلب ..محاصر ..متهان ..منبوذ ..جربان
وانا يا ابنى الحلم اللى ما لهش اوان
معروف عشى فى قلب البستان
معروف صوتى فى زمن الاحزان
وفى اى زمان

واتذكرت سنه ما اتبنت القلعه 
وكنت انا اول مسجون
وكان الضابط ده اول سجان
يوم ما ركلنى نفس الركله
يوم ما صفعنى نفس الصفعه
نفس طريقه الركل 
وآخر الليل جانى بدم صحابى فى الاكل

استأذنت ارتب اقوالى 
قفل الباب 
واتفتح الباب
وخلاص

يا عم الضابط انت كداب 
واللى باعتك كداب
مش بالذل حاشوفكم غير
ولا استرجى منكم خير
انتم كلاب الحاكم 
واحنا الطير
انتم التوجيه واحنا السيل
انتم لصوص القوت
واحنا بنبنى بيوت
احنا الصوت ساعه ما تحبوا الدنيا سكوت

احنا شعبين ..شعبين ..شعبين
شوف الاول فين ؟؟
والتانى فين ؟؟
وآدى الخط ما بين الاتنين بيفوت
انتم بعتم الارض بفاسها ..بناسها
فى ميدان الدنيا فكيتوا لباسها
بانت وش وضهر
بطن وصدر
والريحه سبقت طلعت انفاسها
واحنا ولاد الكلب الشعب
احنا بتوع الاجمل وطريقه الصعب 
والضرب ببوز الجزمه وبسن الكعب 
والموت فى الحرب

لكن انتم خلقكم سيد الملك
جاهزين للملك
ايديكم نعمت من طول ما بتفتل ليالينا الحلك
احنا الهلك وانت الترك
سواها بحكمته صاحب الملك
انا المطحون المسجون 
اللى تاريخى مركون
وانت قلاوون وابن طولون ونابليون 
الزنزانه دى مبنيه قبل الكون
قبل الظلم ما يكسب جولات اللون

يا عم الضابط 
احبسنى
سففنى الحنضل واتعسنى
رأينا خلف خلاف
احبسنى او اطلقنى وادهسنى
رأينا خلف خلاف
واذا كنت لوحدى دلوقت
بكره مع الوقت
حتزور الزنزانه دى اجيال 
واكيد فيه جيل
اوصافه غير نفس الاوصاف 
ان شاف يوعى 
وان وعى ما يخاف
انتم الخونه لو يصدق ظنى
خد مفاتيح سجنك واترك لى وطنى
وطنى غير وطنك
ومشى
قلت لنفسى 
ما خدمك الا من سجنك

قصيدة الأحزان العادية لعبد الرحمن الأبنودي موسيقى راجح داود

احمد زكي .. الامبراطور .. النمر الأسود :: حسن اللول :: حسن هدهد :: عبدالسميع البواب:: انا لا اكذب ولكني اتجمل :: هيستيريا ::: استاكوزا ::::ضد الحكومة

سلطنة ّ احمد زكي

Benengerih (Unreleased) - بننجرح

Contains "Video Games - Ramin Djawadi" for the feels

Damage (BirdMilk's Reprise Edit) - H.E.R. (2)

يبكي ويضحك - الشيخ زين محمود

كلمات : صلاح جاهين

وقف الشريط فى وضع ثابت
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باستبسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان 

وَقْف الشِريط فى وضع ثَابت - كلمات صلاح جاهين - ألقاء سعاد حسني

وقف الشريط بصوت سعاد حسنى في مرضها 
-: صلاح جاهين 
دلوقتى نقدر نفحص المنظر
مفيش ولا تفصيلة غابت وكل شىء بيقول وبيعبر
من غير كلام ولا صوت اول ما ضغط الموت على زر فى الملكوت
بخفة وبجبروت فى يوم اخبر
وقف الشريط فى وضع ثابت
دلوقتى نقدر نفحص الصورة
انظر تلاقى الراية منشورة
متمزعة لكن مازالت فوق بتصارع الريح المسعورة
انظر تلاقى البلاد اجيال ورا اجيال رافعاها باسترسال
ونزيف دماء سيال على الجبهة
وفى عنفوان النضال
وقف الشريط فى وضع ثابت
خللى المكانجى يرجع المشهد
عايز اشوف نفسى زمان وانا شاب داخل فى رهج الثورة وانا غضبان
ومش عاجبنى جن او انسان
قاللى المكانجى رجوع مفيش عيش طول ما فيك انفاس تعيش
بص شوف ركن الشباب فيه الف مليون شاب
ومش عاجبهم لا وصى ولا اب
انظر اليهم وانت تتذكر
ليه ضربة صابت وضربة خابت وضربة وقفت بالشريط فى وضع ثابت
انظر وشوف ع المهل براحة
الشمس وسط القبة قداحة
والقدس واقعة والحرم منداس
صوت الجرس والاذان على قلبها حراس
وادى بطلها هل فى الساحة
قلب الحجر فى الايد بيغلى حماس
قال المكانجى بنوم وانا مكلوم
قال المكانجى والشريط شغال
مالكش تسأل سؤال
انظر وشوف الحق لما انهان
انظر وشوف الآن
بكرة بقى امبارح فى حضن زمان
وبعد بكرة فوق همومك فات
مفيش شريط مأجور ولا خوان
ولا شريط له بيبان

وقف الشريط بصوت سعاد حسنى - صلاح جاهين

أمانة عليك يا ليل طوّل- في شقة مصر الجديدة

.نص جديد ...
.................... 
اخشوشن ياض . 
منتاش اول ولا اخر واحد يخرج من تحت ايدين امه 
ويمد الخطوه مكان  البلد اللي بتدي الأربع جنيهات بريال 
ومكان ما البنك يبدل ب ٣ ونص ريال ب الورقه الخضره  
ومكان ما يقولوا عليكوا عماله 
ومكان مايقولوا ل صاحب الشغل كفيل 
منتاش اول ولا اخر واحد يخرج من عب الضلمه يخش الساقيه ف نص الليل 
وما دمت عرفت تفرق بين الحسبه هناك ومابين الحسبه بالف ونص ف اخر الشهر
والدمع ما بين دمع الميتم ومابين الدمع عشان الدبله وتمن المهر 
وعرفت تفرق بين الفرسه وبين المُهر 
 وعرفت الفدان يقطع من جته ابوك قد ايه قراريط 
وعرفت الفرق مابين اللنض الجاز وكلوب النور 
وعرفت ازاي الساقيه تدور وانت مغمي اللي ملفهها 
ووزنت بقلبك ف المكاييل من غير ما الرعشه تطففها 
فخلاص يا احمد... 
مش كل يومين هقطع من كف ايديك باسبور
  واسيبه امانه ليوم ما يجيله الوقت 
واهوه جه وقته 
مش كل يومين هاخدك للباب اللي منفد ع الدار  واقولك عن قيمه  الطله 
مش كل يومين نلعن ف الفاس اللي وهبنا العله 
ولا كل يومين هديك جلابيه عشان متبصش للبس اللي مجايبه هناك بالذله  
يمكن بديك اللي انا قادر اجيبه 
وفي فرق ما بين اني اديك اللي انا قادر اجيبه
وما بين اديك حاجه عايزها 
لكن من حقي اقولك وانا خايف اغمض عيني ل    الدمعه تفط / مقدرش اطِّول حواجزها 
الراجل بيعيط يا ابني ... مش لجل اني بعيط يعني 
لكن لحظه ما بتلقي اللي اتربي يمد ايديه للقمه اللي ف حنكك تشبع 
وتقاسمه ف كوز الميه الساقع لحظه قياله
وتمد ايدك تاخده ف باطك ناحيه اقرب شجره صفصاف 
بيعبي هدومه عشان يلحق يهرب م التربه لغربه 
لازمن تبكي 
لازمن تتذكر يوم شبكت ايديك علشان يقطف اجمل توته 
اول مره بيفلت من موته 
واخر مره يمد أيديه يكسر مناخير واحد شتمه ب امه 
اول مره اخدته بترمح خايف يوم سمع  النداهه وصرخ ليك  
الدنيا دنيه بتعرف فين الحته اللي بتلوي ضلوعك وبتلويك 
         هتبكيك ع اللي باليك  غصبِ عنك / 
   ف فاول فرصه تجيلك تداري وتبكي ... ابكي 
من غير متبص لشكلك ف مرايه  الهيبه / ولا حتي تفكر ف العيبه 
الشيبه أن خطت ف دماغ العيل متسيبهوش غير لو طالت فيه
والصبر سفيه لو صبرك كان قله حيله 
لو كان ضهرك مش حمل الشيله ف شي متشيلش
الحمل ان كان ويانا خفيف  فالشيله ف قلب الغربه بتقسم / متميلش 
وهناك لا هتلقي اللي هتندهله يغيت  
ولا حد يردك لما الناس هيقولوا قسيت 
وهتعرف فرق السكن الاجره وفرق البيت 
  فاخشوشن يا ابن ال ... 
عشان مبقتش بلادنا بتوهب حد بطيبه القلب   
ولا عاد ف مكان غير الاغراب وبياكلوا  اللقمه مناب  القرب   / وانت ونايبك ف الدنيا وسعيك 
قدرك تخرج من بين بلدك  لبلاد نعيك 
قدرك تسعي 
من بين الضيق ف زقاق البيت لبلاد واسعه  
وتفوت البنت ال انت اديتها الكلمه بأنك تيجي ف يوم 
 من غير متسيبها ساعتها تقوم / تبقي يمامه ف وشوش البوم وتودعها 
  وكأن بلادنا اتمليوا غرِّبه واخدوا العيل من بيته علشان يتتاوي ف بيت بره
ولا عمر غرِّبه بتاخد حاجه من الانفار وترجعها 
في ااه هتقولها ف مره هناك خاف منها علي اللي هيسمعها 
فيه صاحب هيخون سرك قاسمه رغيفك ممكن يترد 
فيه واحد راح يسعي يذلك خليك وياه الند ب ند /
الراس ب الراس 
لم الريالات مهما بيعمل اخرتها بيبقي هدوم  ومداس 
وان زارك يوم الموت يا احمد من دون الناس
افرح بشويش
ده لأنك ولأول مره هتسبق غيرك بس ف دور
وساعتها وبس هتتأكد من إنه خلاص 
مش كل يومين هتسيب ناسك 
ولا كل يومين  هقطع من كف ايديك باسبور
...... 
#احمد عبد الرحمن

Jun 25, 7.14 PM اخشوشن

converto.io

Hanan Mady l Emta Elkalam Yebtedy

اهداء..
للمناديل..عشان بتشاركني ف بكايا
وللهاندفري..علشان بتسمع معايا
وللنوته..عشان بتسيبني اكتب الشعر بسماجه
لعم نجم ومصطفى ابراهيم
والطحان ويحيى نديم...
مش عشان اي حاجه
للشعر اللي مش مبتذل
والحب اللي مش مختزل
وكل مره انعزل
وارجع تاني بسذاجه
لقلبي..لما يبقا وحيد
وقلبِك..لما يبقا سعيد
ولكل حاجه كانت بعيد..
وطمعت فيها بفجاجه
للي قالي هستنى..ومشي
واللي قالي همشي..واستنى
لاي حد جرحني ونسيتله
واي حد جرحته واستنسى
وكل مره كنت مش غلطان وبتهاجم
وكل مره بعدنا..
وكنت مش فاهم
ولامي..عشان لازم
للشك..لما يبقا ف محله
واللي شاكك..لو حط نفسه ف محلى
للحظات التجلي
والتخلي
والتمنى
ولحجات بنساها دايما
بس على بالك تملي
***
لسه فيا من المعارك
جرح واحد..ده لانه متكرر
لسه ليا من اللي فارق
شخص واحد..وده لسه بيقرر
لسه قاتل صاحبي جوايا
علشان حكيت..قام قالي بتهزر
ينفع كده؟
الشوق بيجري ورايا ف الاحلام
وانا مش خبير ف الانهزام والمسكنه
مش كنتى قلتيلى..كله هيبقا تمام
كله تمام.. الا انا
وضلوعى بتضيق بيا وبعانى
ينفع كده؟.
اديكى واحشانى
الحب..اقسي عليا م الاشعار
وانا قلبي بير وبيحفظ الاسرار
ودموعي وقت الخطر.. بلالين اختبار
ياللي انتي بالمسافات محاصراني
امتى هيتفك الحصار
الوان كتير متداخله ف الصوره
لو كنت مش انسان..كنت ابقى عصفوره
اسماء كتير علي قلبي محفوره
بس القدر..
هو القدر
موازينه مكسوره
الناس بتدفن كل شىء صادق
الناس بتدفن كل شىء صالح
الناس بتخدع بعض وتنافق
علشان تمشي الدنيا بمصالح
بقولك ايه...
ما تيجي نتصالح
شاعر بضيقه من كلام الناس
شاعر وعاجز اوصل الاحساس 
وبستعيض عن كل ده بمجاز
جايز يوضح كل افكارى
متاخدش صوره لضحكى..ف هزارى 
قبل اما تحكم..اقرا اشعارى
واسمع كلامي يجوز هتستغربه
كل اللي قال ان الوجع ساهل..
الدنيا بكره هتجبره يجربه
الصبح ايه؟
غير صوت طيور بتفكرك..انك تنام
والشمس تبقا رسول سلام..
تقتل جميع افكارك المؤلمه
وتدوب المزيكا ف القهوه
وتلم شمل مشاعر اتفرقت
وتلم اشلاء قلب متكسر ف شكل حطام
قلبي..بيتعلق ف قلبك زي
قشايه معتلقه..ف غريق بستسلم
قلبك بينشع ضي
وانا قلبي بيضلم..
كان نفسي احوشلك حب علي قدك
وان كان عليا الحزن بقا صاحبي
انا كل م ابعد ليه تهاجميني
وكل ما ارجع تاني تنسحبي
وتسيبي صورتك عايشه جوايا
وتسيبي شعري يموت حنين فيها
فاضيه الشوارع جوا مني..
فاضيه نمشيها؟


ما تيجي نتصالح

"سينما يوسف شاهين" Youssef Chahine Tribute. Enta Omri / Interstellar Theme (Oud cove

العبقري محمد فوزي 
.. طير بينا يا قلبي ..
.. موسيقى ..
Mohamed Fawzy

موسيقي ...  طير بينا يا قلبي .    ♫ محمد فوزي ♫

https://www.facebook.com/profile.php?id=100002964136396

"سينما يوسف شاهين" Youssef Chahine Tribute. Enta Omri / Interstellar Theme (Oud cove

Ahmed Hassan

Recent comments

Miko .George

Peter Soliman

أحمد البدوي

Eslam Ahmed

Related tracks