ايه اخبار الدنيا انهاردة تاني يوم العيد الكبير في 2020 و العجلة دايرة و كسم الناس عادي 

علي طلباب

الكلمات:
٢٠ سنه؟
والله و كبرت يبو حميد
و الزعل راسم ملامحك
لكن جميل والله لو تضحك
تعرف يا واد
انا مش مسامحك ع اللي فات
٢٠ سنه فارد كفوفك للي جاي موجوع
ومدارى وجعك
٢٠ سنه تسمع حكاوي الخلق بالتفصيل
ولا حد سمعك
٢٠ سنه بتخاف تجرّح ف البشر
ف تزيد ف جرحك
***ء
زي اناهرده كنت حته لحم
بين الحياه والموت متشعلقه روحي
شاء ربنا يطمن قلوب اهلي..ويبتدي نوحي
امي اللي قعدت فيا تولد نص يوم
وكاني متشعبط جواها وكاني
 شايف وعارف ايه اللي مستني
زي اناهرده خوفي كان يمكن اقل
حزني كان يمكن اقل
وبكايا سهل
يدوب هجوع.. ف ابكي
ليه اناهرده بعانى لما اشكي؟
 زي اناهرده ابتدي المشوار
رجليا حافيه والطريق مفروش ازاز
عيل وعايش ف الحياه زاهد
مقطمش ضهره الا اما جه يوم عاز
***ء

٢٠ سنه؟
كانى كبرت..
وبقا ينفع اقول واحكى وأتذكر
من خمستااشر سنه
اول مره اشجع كوره.. امم افريقيا
ومن عشره..
ثوره.. ومئويه اعظم نادي
ومن خمسه.. كان حب اعدادي
كاني كبرت واصبح عادي
يشوفني العالم بنفخ دخاني.. وميلومنيش
كاني بواجه اول مره الشارع م الشارع
مش من ورا شيش
الذكريات بنت الحرام
سكينه تلمه ومخي اضحيه
لا منها حلتني ولا قطّعت فيا
كتفي اللي كان بيشيل همومي جبال
خدّل خلاص وهدومي حِمل عليه
زى اللي واقف يبكى ف الصحرا..
نبّت ف مطرح وقفته صبار..
ودى صوره مش افيه
صبار بيفتح حضنه للعالم
بس البشر بلالين مبيحنوش
ف يطاطى راسه ويمشي متاكد
ان الوصال زى الورق.. وسط دموع بيبوش
***ء
خايف من امبارح
بجري علي بكره
بجري وكانى.. عارف السكه
سايب ورايا ضحكه بِكر وحلم ف اللفه
عيني عليهم ، ايدي ع الاوكره
جوايا كتله اسئله ملهاش جواب
هعرف اقابل ضحكي خلف الباب؟
حلمي هيكبر ولا يتحول سراب؟
جوايا كتله اسئله مؤلمه 
سكان قدام و بيوتها متهدمه
و وشوش كتير واسامي متلخفنه
يدعولي اعمر ١٠٠ سنه
ازاي يجيلكم قلب تدعولي.. افضل هنا؟
وبأي منطق يبقا عيد
يوم بيا تحتفلو
و ٣٦٤ وحيد
وافرح معاكو بكل كدب
واحزن بعيد
يا حزن بَشري وناس فشوش
يا عُمر لسه معيشتهوش
يا دهر .. سبحانك
يا رب بستسمحك
زودلي نايب الصبر
واجعلي سيره تعيش
فوق عمري ٥٠ عُمر
واجعلي رزقي من الدموع هيّن
واجعلني كما صبار
صبار لكن ليّن
وارزقني صحبه تعيش
يستحملو شوكي
وميكرهوش حزني
وظنوني وشكوكي
وابعدني عن كل اللي م البلالين
وان كان في نيه عشان.. افضل مكمل هنا
اديني طاقه اعيش.. ٢٠ سنه تانيين

صبار🌵

الحقيقة ملك الوجود - على طلباب

العفن - على طلباب

الكمال - على طلباب

انت موجود - على طلباب

ق - على طلباب

الحب دينى - على طلباب

La Mosh Ana Elly Abky cover by Hamed Sinno from Porto Cairo Mall concert sound check.

Listen to Hamed's cover for Ana Lak Ala Toul - Abdel Halim Hafez: soundcloud.com/elbarbary/hamedhalim
Listen to Hamed's cover for Tango Al Amal - Nour El Hoda: https://soundcloud.com/elbarbary/hamednourelhoda

Hamed Sinno covering La Mosh Ana Elly Abky - Muhammad Abdelwahab @Porto Cairo Mall Sound Check

No Luv P.Midas

Lil KaineBxby - try harder ft. $amaad (prod. dezeiioun + k5) (chris finesse exclusives)

El-morabba3 Cover of Estana Showy song by autostrad in RedBull SoundClash Jordan 
Cover المربع لأغنية أستني شوي لأوتوسراد في ريدبول ساوندكلاش الاردن

El morabba3 - Estana Showy / المربع - أستني شوي ( Cover/Live )

مزج - التعوُيذة

(Voice Record - Peel Filberts) | قشرة بندقة

لما علي يقول الكلام اللي مدفون جوانا ومش قادرين نقوله

ق - على طلباب

Ahmed Hosaam

Recent comments

آبو القمصان

yousef

Related tracks