اه يا تيشرت العمر يا أبيض |UWK07


اه يا تيشيرت العمر يا أبيض .. راح فين أغلى الشباب
اه يا تيشيرت كل حر لبسه فى حربه على الفساد
عمرو حسين فارس الزمالك وهب روحه للكيان
عمره فى يوم ما اتخلى عنه فى الكورفا والترحالات
لما هتف الحر أرحل كان الطين معمول ودان
كان امله انه يشوفه زى النادى بتاع زمان
لما قال يسقط فسادكوا واجهتوا صوته السلاح
لما قال عاش الزمالك رد عليه رصاص السفاح
كان فاكر الجلاد ان النار راح يوم تحميه
كان فاكر ان المال ممكن يحمى فى يوم كرسيه
ناسى ان الولاد عاشوا معاه احلى سنينه
واللى هياخد حق اخوه مكتوبله حر على جبينه
دم اخويا عليكوا يشهد يا شوية مجرمين
دعوة ام شهيد عليكوا هتطاردكوا ليوم الدين
خيانه وغدر كلاب اوغاد حفرتوا قبوركوا بايديكوا
والليله جه الحساب والموت هيزور اراضيكوا

وايت نايتس - اه يا تشيرت العمر يا ابيض - عمرو حسين

احلي حياة - وايت نايتس

Ultras White Knights' tribute song to the 20 Zamalek martyrs who lost their lives on the hands of the police inside, telling the story of what happened in the Corridor Of Death in front of Air Defense Stadium in the 8th of February, 2015. May their souls RIP, and their revenge shall be taken ..

أغنية أولتراس وايت نايتس إهداء للـ 20 شهيد الزمالكاوي الذين سقطوا على يد الشرطة في #مجزرة_الدفاع_الجوي، تحكي قصتة ما خدث داخل ممر الموت أمام ستاد الدفاع الجوي في الـ 8 من فبراير 2015. ندعوا الله لهم بالرحمة، قصاصهم جاي أحلف بيمين ..

Efta7 Benmoot | إفتح بنموت

اوة ايه الية يلا زملكاوي

صرخة العشرين البوم 8 فبراير- الوايت نايتس  Sarkhet El 3eshreen -White Knights

تفضل امجادك قدام عيني  في المدرج .....ولاخر يوم في عمري زملكاوي انا

تفضل امجادك قدام عيني ولاخر يوم في عمري زملكاوي انا

اى حكاية فى الدنيا وليها نهاية الا حكايتى معاك هى البداية
ده حبى ليك قدر وشى مكتوب وفى كل وقت بدعى الامجاد تعود
جمهورك كتب بايديه معنى الوفاء وفى كل مكان دروس فى الانتماء
وفى وقت الازمة كانو دايما ابطال شكرا يا ولادنا علمتونا الاصرار
حاربنا الدنيا كلها علشان عنيك لو تطلب عمرى كله هاهديه اليك
دى حكايتى معاك يحكى عليها الزمان بطلها فارس فى عشقه للكيان
لاااااا لااا لااااا اوليييييييييه اوليييييييييييه


UWK - Ay Hekaya - اى حكاية

أغنية أحتفالية بمرور 5 أعوام لألتراس وايت نايتس
فى 17\3\2007 تأسيس التراس وايت نايتسخمس سنوات فرسان
بداية حكاية .. ملهاش نهاية

لتحميل الأغنية MP3 | http://www.embedupload.com/?d=1BMFRSMZHD
http://www.mediafire.com/?g1b4qxmc03noqwk
http://www.2shared.com/audio/9F6xCF82/uwk_5_years.html

في مثل هذا الوقت منذ 5 أعوام شهدت الملاعب المصرية ولاول مرة في مصر اول ظهور لالتراس مصري الا وهو التراس وايت نايتس وكان بالتحديد في يوم السبت 17 مارس 2007 في مباراة الهلال السودانى في دور ال 32 من بطولة دورى ابطال افريقيا لهذا العام والتى شهدت امتلاء مدرجات الزمالك عن اخرها وشهدت انطلاق اول اولترا مصرية .. بظهور اول باتش للوايت نايتس في هذه المباراة ومسانده كاملة وتشجيع 90 دقيقة .

كانت هيا البداية اعلنتها الجماهير البيضاء مجموعة من الشباب الوفي لنادية اعلنها سنظل وراء الزمالك حتى النهاية سيظل الزمالك في قلوبنا جميعا .. سنغير شكل المدرجات كليا .. سنجعل منها كرنفالات يكسوها اللون الابيض .. سنساند نادينا حتى النهاية .

شهدت هذه الفترة اسوء ايام في تاريخ الزمالك .. اصيبت معظم جماهير الزمالك بالاحباط والياس الا ان الوايت نايتس اعلنوها سنظل خلف فريقنا حتى النهاية .. ذهبوا الى المحلة والمنصورة والسويس والاسكندرية وبورسعيد والاسماعيلية وحتى الى اسيوط تواجد الرجال وراء الزمالك في اقصي الصعيد ولم يصيبوا بالاحباط مثلما توقع الكثيرون .

اجبروا الكثير لاحترامهم والوقوف والتصفيق لهم حتى الجماهير المنافسة شاهدناها تصفق للوايت نايتس في احدى الدخلات انبهارا مما يقدمة الوايت نايتس .. قدموا كل هذا خلال عامين لم يجدوا منافس في مصر لكى ينافسهم فقط اكتفي المنافسون وجماهيرهم بمشاهده ابداعتنا وتمزيق دخلاتهم من اجل ان يشاهدوا ما يفعلة الوايت نايتس .... و للحديث بقيـة :)
https://www.facebook.com/Ultras.Masrawia
https://www.egyptianultras.blogspot.com
https://www.twitter.com/UltrasMasrawy

Uwk 5 years uwk - Eslob 7ayah \ خمس سنوات التراس وايت نايتس - أسلوب حياة

أميرة سمراء معروفة من سنين 
فارسها الأبيض رافع راية الخطين 
بطل ينتصر ووراه لو راح لفين 
قاهر الأجانب يكسب لو ضد مين 

وعاش فارسها يحارب وسط الأدغال 
طلعوا الأوباش بوهم من الخيال 
قالوا فارسها مات وضاعت الأمجاد 
وبعودة الفارس هربوا أشباه الأبطال 

مسجونة امجادي السمراء 
حررها وإجتاح القارة 
معاكوا نكتب التاريخ 
قارة افريقيا ترجع بيضا بخطين

الزمالك هو الفارس الأبيض 
هيغزو القارة وعلى الوضع يتمرد 
يفضل المرعب مهما يغيب او يمرض 
راجعلكوا من تاني لتاريخه بينتفض 

الفارس قادم افريقيا هى مراده 
ومعاه جمهوره عايش يفديه بحياته 
في الترحال وراه ويحارب الكل عشانه 
ويرجع ملك القارة ويستعيد أمجاده 

مسجونة امجادي السمراء 
حررها وإجتاح القارة 
معاكوا نكتب التاريخ 
قارة افريقيا ترجع بيضا بخطين 

وفي أي بلاد دايما ننده بإسمه 
أدغال وجبال محفور عليها رسمه 
فرعون بسهمه افريقيا هى دليله 
بطل قرن فات نادينا ومافيش غيره 

الزمالك إسمه دايما في العالي 
شمسه هتعود في عتمة الليالي 
تمحي الغيوم بعد سنين عجاف 
ونسود السمراء وتعود أمجاد زمان 

مسجونة امجادي السمراء 
حررها وإجتاح القارة 
معاكوا نكتب التاريخ 
قارة افريقيا ترجع بيضا بخطين

تفضل امجادك قدام عيني ولاخر يوم في عمري زملكاوي انا

Ahmed Hossam nabil

Recent comments

Marwan Ali

محمود مؤمن

Mahmoud Saad

Mohamed ELebiedy

Related tracks